San Juan 19:30 - Kaqchiquel Bible

³⁰ Toq ri Jesús rutz'ubun chik k'a kan ri bo'j ri', rija' xubij: Xk'achoj k'a ronojel, xcha'. Kan jari' k'a toq xulukuba-pe ri rujolon y xujech ri ránima.

နောက်ထပ်ဗားရှင်းများ

Kaqchikel Santo Domingo (Xenacoj)

³⁰ Atoq ri Jesús xutzꞌuꞌ jubꞌaꞌ ri vinagre, kereꞌ xubꞌij: Ja xkꞌachaj rubꞌanik nojel. Y xulukubꞌaꞌ pe rujolon, xujech ri ru-espíritu pa ruqꞌaꞌ ri Dios, y ja xken.

Kaqchikel Santa Maria de Jesus

³⁰ Y antok ri Jesús rutzꞌuꞌn chic ri vinagre, jajaꞌ xuꞌej: Ya xcꞌachoj nojiel ri nusamaj, xchaꞌ. Xulucubꞌa-pa ri rujaluon y ja xujach ri ru-espíritu.

Kaqchikel Central Guatemala

³⁰ Y tok ri Jesús rutz'ubun chic c'a can ri ch'amilej ruya'al-uva, rija' xubij c'a: Xc'achoj c'a ronojel, xcha'. Y can jac'ari' tok xujech ri ránima, roma jari' tok xulucuba-pe ri rujolon (ruvi') y man xsilon ta chic.

Re C'ac'a Testamento pa Kach'abal

³⁰ Y tak re Jesús rukumun chic can re vinagre, reja' xubij: Xc'achoj ronojel re nusamaj, xcha'. Y jare' tak xujach re ránma, roma jare' tak xulucuba-pa rujalom y man chic xsilon-ta.

Kaqchikel Western Solola

³⁰ Y tek ri Jesús rutz'uban chic c'a ca ri ch'omilaj ruya'al uva, Riya' xubij c'a: Ya xc'achoj c'a ronojel. Y can yac'ari' tek xulucuba' pe ri rujolon (ruwi') y xujech ri ránima pa ruk'a' ri Dios y xcom ka.

San Juan 19:30 ပူးပေါင်းရင်းမြစ်များ

Wuj Richin ri Rutikeribel 3:15

Xtinben chiwe chi ri ixoq y rat xtik'oje' k'ululanik chi'ikojol, y keri' kik'in ri awijatzul rat; y jun chike ri ral-riy rija' xtupach'ij ri ajolon rat, y rat xtajich'aj ri ruxtuxil rija', xcha'.

Wuj Richin Bix Chire ri Dios 22:15

Ri pa nuchi' kan chaqi'j-chaqi'j k'a, kan achi'el ri poqolaj. Ri waq' kan xutz'om k'ari' ri pa nuja'j, roma ri' kan nintz'et k'a ruwech ri nukamik.

Wuj Richin ri Isaías 53:10

Man rik'in ri' ri Jehová kan xuya' pa k'ayew, y xuben chire chi xtz'ilox. Y ri Jehová xuben chire chi xkamisex achi'el jun kamelabel richin nikuyutej ri qamak. Y rija' xkerutz'et k'a ri e rijatzul, y xtik'ase' richin jantape'. Y keri' k'a ri ruch'obonik ri Jehová kan xtibanatej roma rija', xkecha'.

Wuj Richin ri Isaías 53:12

Roma ri' yin kan xtinnimirisaj ri rubi' chikikojol ri e nima'q taq winaqi', y kan xtinya' ruchuq'a', roma rija' kan xtuya-ri' pa kamik, y kan junan xtikamisex kik'in ri aj-maki'. Kan rija' xtejqan kimak ri janila chi winaqi', y kan ja rija' xtich'on pa kik'exel ri aj-maki', nicha' ri Dios.

Dn 9:24

Ri Dios nubij chi 490 juna' nrajo' richin chi yekolotej ri awinaq israelita y ri atinamit Jerusalem, y richin nik'is ri rutojbalil ri yakatajinenri'il y ronojel mak. Chupan ri q'ij ri' xtikik'ul ri kuyubel-mak, y xtik'oje' k'a ri ruchojmilal jantape' achi'el ri e q'alajirisan y ri xk'utumej chawech. K'ari' xtijaqatej ri k'ak'a' rachoch ri loq'olej Dios.

Dn 9:26

Toq xq'ax yan ri 483 juna', kan xtelesex k'a ruk'aslen ri tata'al ri', jak'a xa man roma ta rumak rija'. Chirij re' jun aj-raqen ri man etaman ta ruwech y ri ruwinaq xkepe pa Jerusalem achi'el jun raqen-ya' ri nel-el pa ruk'ulba't. Y kan xtikiwulaj k'a ri tinamit Jerusalem y ri rachoch ri Dios. Ri ruk'ayewal y ri labal kan xtik'oje' k'a jantape' k'a toq xtik'is na ri 490 juna', achi'el ri rubin ri Dios.

Wuj Richin ri Zacarías 13:7

Ri Jehová nubij: Kayakatej k'a rat, espada, kayakatej richin nakamisaj ri nuyuq'unel y wachibil. Richin keri' xketalutej ri karne'l. Y yin chuqa' xkiyakatej chikij ri taq karne'l ri'.

San Mateo 20:28

Yin, ri xiqaqa-pe achi'el wineq chi'ikojol, man ninpoqonaj ta yisamej koma ri ch'aqa' chik, roma xa kan richin ri' toq xipe. Jak'a yin ri yiya'on ri nuk'aslen richin keri' e k'iy ri yekolotej, xcha' ri Jesús.

San Mateo 27:50

Jak'a ri Jesús xch'on chik rik'in ronojel ruchuq'a', y xujech ri ránima pa ruq'a' ri Dios, y xken.

San Mateo 3:15

Jak'a ri Jesús xubij chire: Rat kan tabana' ri k'atzinel richin naben roma kan k'o k'a chi niqaben ronojel ri nubij ri Dios chiqe, xcha'. Keri' ri Juan xuqasaj ya' pa ruwi' ri Jesús.

Marcos 15:37

Kan jari' toq ri Jesús rik'in ruchuq'a' xch'on y xken-qa.

San Lucas 22:37

Wakami kere' ninbij chiwe, roma k'o chi nibanatej achi'el ri nubij chupan ri ruch'abel ri Dios ri tz'ibatel kan,*f35* toq nubij chi kan achi'el chuqa' jun aj-mak xban chuwe. Roma ronojel k'a ri e tz'ibatel kan chuwij yin chupan ri ruch'abel ri Dios, kan xkebanatej-wi, xcha' ri Jesús.

San Lucas 23:46

Kan jari' toq ri Jesús rik'in k'a ruchuq'a' xubij: Nata' Dios, pan aq'a' k'a ninjech-wi ri wánima, xcha'. Y kan xaxe k'a xubij kere', kan jari' xken-qa.

San Juan 10:11

Y ja yin k'a ri utzilej yuq'unel, y ri jun utzilej yuq'unel nuya' ri ruk'aslen richin utz yek'oje' ri rukarne'l.

San Juan 10:18

Ri nuk'aslen yin, kan man jun k'a xtelesan, kan k'a ja na yin ri yiya'on ri nuk'aslen. Kan pa nuq'a' k'a yin k'o-wi richin chi ninya', y pa nuq'a' chuqa' yin k'o-wi richin yik'ase' chik el jun bey. Keri' k'a ri rubin-pe ri nata' chuwe, xcha' ri Jesús.

San Juan 17:4

Xq'alajin k'a ri aq'ij-ak'ojlen chuwech re ruwach'ulew roma xink'is yan k'a rubanik ronojel ri achilaben-pe chuwe richin ninben.

San Juan 19:28

Roma ri Jesús kan retaman chik k'a chi ronojel xk'achoj yan y kan k'o chi nibanatej na ronojel ri tz'ibatel kan chupan ri ruch'abel ri Dios, roma ri' xubij: Nichaqi'j nuchi', xcha'.

San Juan 4:34

K'ari' ri Jesús xubij chike: Ri nuway yin ja ri ninben ri rurayibel ri taqayon-pe wichin y nink'is kan rubanik ronojel ri rusamaj ri ruchilaben-pe chuwe.

Romanos 10:4

Man k'atzinel ta chik chi niqatzeqelibej ri pixa' roma xoqaqa ri Cristo. Keri' xabachike ri nukuquba' ruk'u'x rik'in ri Cristo, man jun rumak nik'ulun chuwech ri Dios.

Romanos 3:25

Ri Dios xuteq-pe ri Cristo richin xken, y rija' xok jun kamelabel. Keri' ri Jesús xusuj ri rukik'el. Y xabachike ri kan nukuquba' ruk'u'x rik'in ri Cristo kan nikuyutej-wi rumak y niqa' chuwech ri Dios. Ri ojer kan rija' janila xkoch'on, y man xuya' ta ri rutojbalil ri kimak ri winaqi'. Jak'a re wakami niq'alajin chi kan choj. Y roma kan choj wi, roma ri' nuben chiqe chi man jun qamak yojk'ulun chuwech roma qakuquban qak'u'x rik'in.

1 Corintios 5:7

Keri', tiwelesaj k'a el chi'ikojol ri mak, achi'el nelesex-el ri ch'amilej-q'or ri nich'amirisan ri kaxlan-wey; richin chi yixok achi'el ri kaxlan-wey ri banon rik'in k'ak'a' k'ej. Rix, kan qitzij, maneq imak chuwech ri Dios, achi'el toq maneq ch'amilej-q'or rik'in ri kaxlan-wey ri nitij chupan ri q'ij richin Solbelri'il. Roma ri Cristo jari' ri achi'el karne'l ri xkamisex pa qak'exel roj, chupan ri nimaq'ij ri'.

Filipenses 2:8

Rija' xuqasaj-ri'. Kan xunimaj y xuben k'a ronojel ri xubij ri Dios chire. Keri' xuben, k'a jampe' xapon chupan ri kamik; jun kamik chuwech ri cruz ri kan janila ruk'amon-pe k'ix.

Hebreos 12:2

Kan rik'in ri Jesús tiqaya-wi ri qatzubal, roma ja rija' ri xbanon chiqe chi xqanimaj ri Dios y chi kuqurineq chik qak'u'x. Rija' man xupoqonaj ta xken chuwech ri cruz, stape' ri kamik ri' nik'ixbisan, roma retaman chi chirij ri kamik xtipe jun nimalej kikoten. Y kan xbetz'uye' k'a chila' chikaj pa rijkiq'a' ri Dios.

Hebreos 9:22

Y chupan ri ruq'ijul ri pixa', jubama ronojel xch'ajch'ojirisex rik'in ri kik'. Kan qitzij chi wi man ta nibiyin kik', man ta nikuyutej ri mak.