San Juan 18:20 - Kaqchiquel Bible

²⁰ Jak'a ri Jesús xubij: Yin kan pa saqil in ch'owineq-wi chike konojel winaqi'. In ch'owineq chikiwech ri pa rachoch ri Dios y ri pa taq jay ri nikimol-wi-ki' konojel ri qawinaq judío richin nikak'axaj ri ruch'abel ri Dios. Y man jun nubin ta pan ewel.

နောက်ထပ်ဗားရှင်းများ

Kaqchikel Santo Domingo (Xenacoj)

²⁰ Y rijaꞌ xubꞌij chare: Riyin kin chikiwech konojel wineq yin tzijoyineq pe. Jumul xentijoj pa teq sinagogas y pa rachoch ri Dios apeꞌ ndikimal kiꞌ konojel ri israelitas, y nixta jun achike ri chilaqꞌel ta xinbꞌij.

Kaqchikel Santa Maria de Jesus

²⁰ Xpa ri Jesús xuꞌej: Inreꞌ can kꞌalaj xichꞌoꞌ chiquivach quinojiel vinak. In-chꞌovinak chiquivach pa templo y pa tak sinagogas, ri pacheꞌ niquimol-ve-quiꞌ quinojiel ri israelitas. Can man jun kax pan aval xichꞌoꞌ chica.

Kaqchikel Central Guatemala

²⁰ Xpe ri Jesús xubij c'a: Man vetaman ta achique roma tok man avac'axan ta, roma yin can pa sakil in ch'ovinek-vi chique conojel vinek. In ch'ovinek chiquivech ri pa rachoch ri Dios y ri pa tak jay ri niquimol-vi-qui' conojel ri kavinak israelitas richin nicac'axaj ri ruch'abel ri Dios. Can pa sakil vi c'a in ch'ovinek-vi chique.

Re C'ac'a Testamento pa Kach'abal

²⁰ Xpa re Jesús xubij: Man ntaman-ta anchique roma tak man ac'axan-ta, roma yen can pa sakil yinch'ovenak-va chique conojel vinak. Yinch'ovenak chiquivach pa rachoch re Dios y pa tak nema-jay re anche' nitzijos-va re ruch'abal re Dios re nibex sinagoga cha, re anche' niquimol-va-qui' conojel re kavinak israelitas chin niquic'axaj re ruch'abal re Dios. Can pa sakil yinch'ovenak-va chiquivach.

Kaqchikel Western Solola

²⁰ Xpe ri Jesús xubij c'a: Riyin ma pan ewel ta yin ch'onak wi chique quinojel ri winek. Yin ch'onak chiquiwech ri pa rachoch ri Dios y ri pa tak jay ri niquimol wi qui' quinojel ri israelitas riche (rixin) chi niquic'axaj ri ruch'abel ri Dios. Can ma pan ewel ta c'a yin ch'onak wi chique.

San Juan 18:20 ပူးပေါင်းရင်းမြစ်များ

Wuj Richin Bix Chire ri Dios 22:22

Keri' yin kan xtintzijoj k'a ri abi' chike ri wach'alal. Xtinya' k'a aq'ij pa taq qamolojri'il.

Wuj Richin Bix Chire ri Dios 40:9

Toq ninya' aq'ij, ninq'alajirisaj k'a chikiwech konojel winaqi' chi rat yinakol. Rat awetaman Jehová chi yin man xinq'et ta wi' richin xinq'alajirisaj re'.

Wuj Richin ri Isaías 45:19

Yin kan man in ch'owineq ta pan ewel, ni ta pa jun k'ojelibel akuchi janila q'equ'm chire ri ruwach'ulew. Man nubin ta chike ri winaqi' israelita chi kinkikanoj pa jun tz'iran ruwach'ulew. Ja yin Jehová, ri ninbij ri qitzij, y kan ninq'alajirisaj ri ruchojmilal, ncha' ri Dios.

Wuj Richin ri Isaías 48:16

Kixjel-pe wik'in rix israelita, y tiwak'axaj ronojel re'. Kan pa rutikeribel man wewan ta ri nuch'abel richin nak'axatej. Y toq nibanatej ri xinbij, yin kan chiri' ink'o-apo, ncha' ri Dios. Y ri Isaías xubij: Y wakami xiruteq-pe ri Jehová k'iytisanel richin ronojel, y xiruteq-pe rik'in ri ru-Espíritu.

San Mateo 24:26

Roma ri' wi xa kan nibix k'a chiwe chi ri Cristo xpe yan y k'o pa tz'iran ruwach'ulew, rix man k'a kixbe chutz'etik. Y wi nibix chiwe chi ri Cristo k'o chik y wakami k'o chupan ri jun jay ri', man k'a ke'inimaj.

San Mateo 26:55

Y chupan k'a chuqa' ri ramaj ri' ri Jesús xubij chike ri winaqi': ¿Xich'ob chi yixpe chuchapik jun eleq'om, y roma ri' ik'amon-pe che' y espada? Kan q'ij-q'ij k'a ri xitz'uye' iwik'in chiri' pa rachoch ri Dios, toq xink'ut ri ruch'abel chiwech y man jun bey xinichop.

San Mateo 26:65

Kan jari' ri Caifás xuretz-qa ri rutziaq chirij roma itzel xrak'axaj, y xubij: Man nik'atzin ta chi noqaqa chik jun richin norubij chiqe chi re Jesús kan aj-mak-wi. Rix, k'ari' niwak'axaj-qa chi'iwonojel chi xuyoq' rubi' ri Dios.

San Mateo 4:23

Ri Jesús kan pa ronojel k'a tinamit richin ri Galilea xapowiyaj-wi, yerutijoj k'a ri winaqi' rik'in ri ruch'abel ri Dios ri pa taq jay richin molojri'il, akuchi nikak'axaj ri ruch'abel ri Dios. Y chuqa' nutzijoj ri utzilej ruch'abel ri Dios ri nich'on chirij ri ajawaren. Yeruk'achojirisala' k'a yawa'i' ri jalajoj chi yabilal y q'axo'n nok chike.

San Mateo 9:35

Y ri Jesús kan pa ronojel k'a nima'q y kokoj taq tinamit napon-wi, y yerutijoj k'a ri winaqi' rik'in ri ruch'abel ri Dios. Y jak'a ri pa taq jay ri akuchi nikimol-ki' ri winaqi' richin nikak'axaj ruch'abel ri Dios, ri chiri' napon-wi richin yerutijoj y kan nutzijoj k'a ri utzilej ruch'abel ri Dios. Xch'on chirij toq ri winaqi' ye'ok pa rajawaren ri Dios. Yeruk'achojirisala' chuqa' yawa'i' y yerukol ri winaqi' chuwech ronojel ruwech q'axomal.

Marcos 8:32

Toq xubij re ch'abel re' chike ri rutijoxela', kan jebel wi q'alaj rubixik xuben chire. Jak'a ri Pedro xuch'er-el juba' ri Jesús, y xbech'olin-pe chirij roma keri' xubij.

San Lucas 21:37

Ri paq'ij, ri Jesús k'o k'a chiri' ri pa rachoch ri Dios, yerutijoj ri winaqi' rik'in ri ruch'abel ri Dios. Jak'a ri chaq'a' nibe ri pa juyu' richin Olivo, y chiri' nik'oje-wi.

San Lucas 4:15

Rija' xtijon k'a pa taq jay ri akuchi nikimol-wi-ki' richin nikak'axaj ri ruch'abel ri Dios y konojel k'a nikiya' ruq'ij.

San Juan 18:21

¿Achike k'a roma toq rat xa chuwe yin ri nak'utuj-wi? Tak'utuj chike ri e ak'axayon wichin. Tak'utuj chike achike ri e nubin. Y tatz'eta' na pe, rije' jebel ketaman achike ri nubin yin chike, xcha'.

San Juan 6:59

Jare' k'a ri xubij ri Jesús chike ri winaqi' judío ri kimolon-ki' chupan ri jay ri kan nitzijox-wi ri ruch'abel ri Dios, ri chiri' pa Capernaum.

San Juan 7:14

Jak'a toq nik'ajarineq ri nimaq'ij ri', jari' toq ri Jesús xapon ri pa rachoch ri Dios ri k'o chiri' pa Jerusalem. Y rija' kan nutzijoj k'a ri ruch'abel ri Dios chikiwech ri winaqi'.

San Juan 7:26

Titzu' la', rija' nich'on chiqawech, y man jun nibin ta chire chi man tuben chik kela'. Rik'in juba' ri achi'a' ri kan k'o-wi kiq'ij xkich'ob yan chi kan ja wi rija' ri Cristo.

San Juan 7:28

Roma ri' ri Jesús rik'in k'a ruchuq'a' xch'on y xubij: ¿Kan qitzij kami chi iwetaman nuwech y iwetaman chuqa' akuchi kipe-wi? Man nuyon ta yin xinben chi xipe chuwech re ruwach'ulew. Jak'a ri taqayon-pe wichin man iwetaman ta ruwech, y rija' kan qitzij.

San Juan 7:4

Roma achike k'a ri nrajo' nuq'alajirisaj-ri' chikiwech ri winaqi', man ruk'amon ta k'a chi nrewaj-ri'. Kan nik'atzin chi nuk'ut-ri' chi kan k'o-wi ri nitikir nuben, xecha'.

San Juan 8:2

Nimaq'a' yan, rija' xapon chik ri pa rachoch ri Dios. Ri winaqi' xe'apon k'a rik'in. Y tz'uyul toq nubij ruch'abel ri Dios chike ri winaqi' ri kimolon-apo-ki' chiri'.

San Juan 8:26

Kan k'iy k'a ri k'o chi ninbij chiwij, roma ri itzel ibanobal. Jak'a ri ninbij chiwe rix y chike konojel winaqi', xaxe k'a ri wak'axan-pe rik'in ri taqayon-pe wichin, y rija' kan qitzij wi, xcha'.

Hechos 26:26

Wawe' k'o-wi ri rey Agripa. Roma ri' man k'a ninxibij ta wi' yich'on-apo, roma yin ninch'ob chi kan ronojel ri e banatajineq retaman, roma xa kan pa saqil ri banatajineq-wi.