San Juan 17:24 - Kaqchiquel Bible

²⁴ Nata' Dios, yin kan ninwajo' k'a chi konojel ri e aya'on chuwe xkebek'oje' ta k'a wik'in richin chi nikitz'et ri nuq'ij-nuk'ojlen ri aya'on. Xaya' chuwe roma xinawajo' yan toq k'a man jani k'o ta re ruwach'ulew.

နောက်ထပ်ဗားရှင်းများ

Kaqchikel Santo Domingo (Xenacoj)

²⁴ Nataꞌ, ri eꞌayoꞌon chuwa, niwojoꞌ chi ngekꞌojeꞌ apeꞌ ngikꞌojeꞌ riyin, chin ndikitzꞌet ri nimalej nuqꞌij ayoꞌon, porque yin awojowan pe xe jampeꞌ kꞌajani tibꞌan ri rochꞌulew.

Kaqchikel Santa Maria de Jesus

²⁴ Nataꞌ Dios, inreꞌ nivajoꞌ chi quinojiel ri i-ayoꞌn chuva xcaꞌbꞌacꞌujieꞌ viqꞌuin chicaj, chi niquitzꞌat ri nukꞌij ri ayoꞌn, ruma in avajoꞌn-pa antok cꞌa majaꞌ cꞌo ri roch-ulief.

Kaqchikel Central Guatemala

²⁴ Nata' Dios, yin can ninvajo' c'a chi conojel ri e ayo'on chuve xquebec'oje' ta c'a viq'uin chila' chicaj; richin chi niquitz'et ta c'a ri nuk'ij-nuc'ojlen ri ayo'on; roma xinavajo' yan tok c'a man jani c'o ta re ruvach'ulef, chiri'.

Re C'ac'a Testamento pa Kach'abal

²⁴ Nata' Dios, yen ninjo' che conojel re je'ayi'on chua xque'bec'ue-ta viq'uin chila' chicaj, chin che niquitz'at-ta re nuk'ij re ayi'on, roma xinajo' tak c'amaje-na tic'ue' re ruch'ulef che'.

Kaqchikel Western Solola

²⁴ Nata' Dios, riyin can nwajo' c'a chi quinojel ri ye aya'on chuwe xquebec'oje' ta c'a wuq'ui chila' chicaj; riche (rixin) chi niquitz'et ta c'a ri nuk'ij nuc'ojlen ri aya'on; ruma can yin awajowan wi pe tek c'a ma jane c'o ta re ruwach'ulef.

San Juan 17:24 ပူးပေါင်းရင်းမြစ်များ

Wuj Richin ri Rutikeribel 45:13

Ja tibetzijoj k'a chire ri nata' ronojel ri nuq'ij ri ya'on wawe' pan Egipto y titzijoj chire ronojel ri xitz'et kan rix re wawe'. Anineq k'a kixbiyin richin nibek'ama' ri nata', xcha' ri José.

San Mateo 25:21

Y ri rajaw xubij chire: Rat, at utzilej nusamajel ri kan naben ri nibix chawe. Stape' xa ti juba' ok xaben ri xinbij chawe, kan k'iy k'a xtak'ul. Roma re' katanpe k'a, katok y kakikot k'a wik'in, xcha'.

San Mateo 25:23

Ri rajaw ri samajel ri' xubij k'a chire: Rat, at jun k'a utzilej nusamajel ri kan naben ri nibix chawe. Stape' xa ti juba' ok xaben ri xinbij chawe, kan k'iy k'a xtak'ul. Roma re' katanpe k'a, katok y kakikot k'a wik'in, xcha'.

San Mateo 25:34

Y jari' k'a toq yin ri in rey xtinbij chike ri ek'o pa wijkiq'a': Kixanpe k'a rix, ri ik'ulun chik ri rutzil ri nata' Dios; kixk'oje' k'a pan ajawaren ri kan iwichin wi rix toq rubanon pa rutikeribel richin re ruwach'ulew.

San Mateo 26:29

Kan ninbij-wi k'a chiwe chi ja ruk'isibel bey re' xinqum-el ri vino k'a toq xtinqum chik jun bey k'ak'a' vino, chupan chik ri rajawaren ri nata'. Y chiri' kan junan chik k'a xtinqum iwik'in rix, xcha' ri Jesús chike.

San Lucas 12:37

Kan jebel k'a ruwa-kiq'ij ri samajela' ri koyoben-apo ri kajaw, y rija' yeberutz'eta' chi e k'es. Kan qitzij ninbij chiwe, chi ri kajaw xtuchojmirisaj-ri' richin nisamej, yerutz'uyuba' ri rusamajela' ri pa mesa y nuya-apo chikiwech ronojel ri nitij.

San Lucas 23:43

Ri Jesús xubij k'a chire: Qitzij k'a ninbij chawe, chi kan ja re wakami xkabek'oje' wik'in ri akuchi k'o kikoten, xcha' ri Jesús chire.

San Juan 1:14

Ri ch'abel ri' xoqaqa k'a chuwech re ruwach'ulew y kan xok k'a chuqa' jun wineq. Y kan xqatz'et k'a chi ja rija' ri juney ruk'ajol ri Dios, y kan k'o ruq'ij-ruk'ojlen ri Dios rik'in. Chuqa' kan nojineq k'a rik'in ri qitzij y ri utzil.

San Juan 12:26

Wi k'o k'a jun ri nrajo' chi yin yinok rajaw, tipe k'a wik'in. Y ri akuchi ink'o-wi yin, kan chiri' k'a xtik'oje-wi ri nusamajel. Y wi rija' xtuben ri nusamaj, xtinimirisex k'a ruq'ij roma ri nata'.

San Juan 14:3

Chubanik k'a ri' toq yibe y kan xkipe chik jun bey, y xkixink'uaj wik'in richin chi akuchi xkik'oje-wi yin, chiri' chuqa' xkixk'oje-wi rix.

San Juan 15:9

Kan achi'el k'a wajowaxik nuben ri nata' chuwe yin, kan keri' chuqa' iwajowaxik ninben yin chiwe. Kan jantape' k'a kixk'ase' rik'in re ajowabel re'.

San Juan 17:2

Roma kan ajachon-wi-pe uchuq'a' pa nuq'a' richin kan yik'oje-wi pa kiwi' konojel winaqi'. Y ri uchuq'a' ri' nik'atzin k'a chi yin ninya' ri k'aslen ri man k'isel ta chike konojel ri kan e aya'on chik chuwe.

San Juan 17:22

Yin kan xinya' yan k'a kiq'ij achi'el ri aya'on-pe rat chuwe yin, richin keri' xa jun ta k'a xtikiben, achi'el qabanon roj junan qawech.

San Juan 17:5

Wakami k'a, nata' Dios, kan taya' chik k'a ri nuq'ij-nuk'ojlen achi'el toq xik'oje' awik'in toq k'a man jani k'o ta re ruwach'ulew.

San Juan 6:37

Konojel k'a ri e cha'on chik roma ri nata', kan xkepe chinukanoxik. Y man jun bey xkenwetzelaj-el ri xkepe wik'in.

San Juan 6:39

Y ri samaj k'a ri ruchilaben-pe ri nata' Dios ri taqayon-pe wichin, ja ta chi konojel ri e rucha'on rija' man ta k'a xkesach kan, y pa ruk'isibel q'ij xkenk'asoj ta el chikikojol ri e kaminaqi' chik el richin nikil ri k'aslen.

San Juan 8:58

Jak'a ri Jesús xubij chike ri achi'a' ri': Kan qitzij k'a ninbij chiwe chi toq k'a man jani nalex ri Abraham, yin kan ink'o-wi-pe, xcha'.

1 Corintios 13:12

Re wawe' chuwech re ruwach'ulew man e tz'aqet ta ri etamabel ri ek'o qik'in. Kan junan rik'in ri yojtzu'un ta pa jun espejo ri xa tz'il ruwech, y man kan ta niq'alajin ri achike niqatz'et. Jak'a xtapon ri q'ij toq kan xtiq'alajin-wi ri niqatz'et. Chupan ri q'ij ri' kan xtiqetamaj jebel ruwech ri Dios, kan achi'el rija' retaman qawech roj wakami.

2 Corintios 3:18

Roma ri' qonojel roj ri qakuquban qak'u'x rik'in ri Jesucristo, man tz'apel ta chik qach'obonik. Xa kan niq'alajin k'a ri ruq'ij-ruk'ojlen rija' qik'in roj, y ri ru-Espíritu nuben chiqe chi yojok achi'el rija'.

2 Corintios 4:6

Pa rutikeribel, ri Dios xubij chi tik'oje' saqil ri pa q'equ'm. Y ja chuqa' rija' ri nisaqirisan ri pa taq qánima, richin chi roj kan tiqasaqirisaj y tiqaq'alajirisaj k'a chikiwech ri winaqi' ri ruq'ij-ruk'ojlen ri Dios, ri kan nitz'etetej-wi rik'in ri Jesucristo.

2 Corintios 5:8

Kan qakuquban-wi qak'u'x rik'in, y janila k'a niqajo' chi man ta chik ojk'o chupan re ch'akulaj re', y kan rik'in ta chik rija' ojk'o-wi.

Filipenses 1:23

Kan man ninwil ta k'a achike ninben, roma pa nik'aj ink'o-wi, roma chuqa' ninch'ob chi wi ninya' kan re ruwach'ulew y yibek'oje' rik'in ri Cristo, ri' kan más utz chuwe yin.

1 Tesalonicenses 4:17

Y k'ari', ri k'a oj k'es na kan, jari' toq xqojuk'uex-el junan kik'in rije', pa taq sutz' chikaj, richin xtibeqak'ulu' ri ajaw. Y xqojbek'oje' rik'in rija' richin jantape'.

1 Pedro 1:21

Roma ikuquban ik'u'x rik'in ri Cristo chuqa' ikuquban ik'u'x rik'in ri Dios, ja ri Dios ri xbanon chire ri Cristo chi xk'astej-pe y xk'oje' ruq'ij-ruk'ojlen, richin tik'oje' oyobenri'il iwik'in y tikuquba' ik'u'x rik'in ri Dios.

1 Juan 3:2

Wach'alal ri yalan yixinwajo', wakami oj ralk'ual chik ri Dios. Jak'a man jani tiq'alajin ri achike xqojbeok. Xaxe qetaman chi toq xtipe chik jun bey ri Jesucristo, xqojok achi'el rija' roma xtiqatz'et achike rubanik rija'.

Apocalipsis 21:22

Jak'a kan man jun jay ri akuchi niya'ox-wi ruq'ij ri Dios ri xintz'et ta, roma ri ajaw Dios ri kan k'o ronojel uchuq'a' pa ruq'a' y ri Karne'l, kan jantape' ek'o ri chiri'.

Apocalipsis 3:21

Achike k'a ri xtich'akon, kan xtinya' k'a q'ij chire richin chi nitz'uye' junan wik'in. Kan achi'el ri xban chuwe yin toq xich'akon, y xitz'uye' rik'in ri Nata' Dios.