San Juan 16:24 - Kaqchiquel Bible

²⁴ K'a re wakami kan man jun k'a ri ik'utun ta chire ri nata' pa nubi' yin. Jak'a re wakami kan tik'utuj k'a, y xtik'ul. Richin keri' kan tz'aqet ta k'a ri kikoten ri pa taq iwánima.

နောက်ထပ်ဗားရှင်းများ

Kaqchikel Santo Domingo (Xenacoj)

²⁴ Rix ma jumbꞌey ikꞌutun jun achike pa nubꞌiꞌ chare ri Tataꞌaj Dios; wokami tikꞌutuj y kin xtiyoꞌox pe chiwa, chin keriꞌ tzꞌaqet ndikikot ri iwánima.

Kaqchikel Santa Maria de Jesus

²⁴ Y cꞌa vacame man jun cꞌa kax icꞌutun cha ri Nataꞌ pa nubꞌeꞌ. Can ticꞌutuj cꞌa y xtiyoꞌx chiva ri nticꞌutuj. Chi quireꞌ más xtiquicuot ri ivánima.

Kaqchikel Central Guatemala

²⁴ C'a re vacami can man jun c'a ri ic'utun ta chire ri Nata' pa nubi' yin. Can tic'utuj c'a, y xtic'ul. Y richin queri' can tz'aket ta c'a ri quicoten ri pa tak ivánima.

Re C'ac'a Testamento pa Kach'abal

²⁴ Jac'a vocame can man jun ic'utun-ta cha re Nata' pa nube' yen. Can tic'utuj, y xtic'ul. Y chin quire' camas-ta xtiqui'cot re ivánma.

Kaqchikel Western Solola

²⁴ C'a re wacami can majun c'a ri ic'utun ta chare ri Nata' pa nubi' riyin. Can tic'utuj c'a y xtic'ul, riche (rixin) chi queri' can nitz'aket ta c'a ri quicoten pa tak iwánima.

San Juan 16:24 ပူးပေါင်းရင်းမြစ်များ

Wuj Richin ri Rutikeribel 32:9

Y jari' toq rija' xubij: Ri Dios richin ri numama' Abraham y richin ri nata' Isaac, rat Jehová ri xabij chuwe chi kitzolin chupan ri nuruwach'ulew kik'in ri wach'alal y kan xtaya' urtisanik pa nuwi':

1 Rey 18:36

Toq xek'achoj chire ronojel re', jari' toq ri Elías ri q'alajirisey ruch'abel ri Dios xpa'e' chikiwech ri winaqi', xch'on, y xubij: Jehová Dios richin ri Abraham, ri Isaac y ri Jacob: Tak'utu' k'a awi' wakami chi kan ja rat ri at qa-Dios richin Israel, y chi yin in asamajel rat y chi yin xinben ronojel re', achi'el ri abin chuwe.

2 Rey 19:15

K'ari' xch'on rik'in ri Jehová y xubij: Jehová Dios richin Israel, ri atk'o chikikojol ri querubín; ja rat xabanon ri kaj y ri ruwach'ulew, y ja rat ri yaq'aton-tzij pa ruwi' chijun ruwach'ulew.

San Mateo 6:9

Roma ri' toq rix yixch'on rik'in ri Dios kere' k'a tibij: Qatata' Dios ri atk'o chila' chikaj, kan jantape' ta k'a xtinimirisex ri loq'olej abi' rat.

San Juan 14:1

Ri Jesús xubij chike ri rutijoxela': Man tisach ik'u'x; tikuquba' ik'u'x rik'in ri Dios, kan keri' chuqa' tibana' wik'in yin.

San Juan 14:14

Wi k'o k'a ri xtik'utuj pa nubi' yin, kan xtinya-wi-pe chiwe.

San Juan 15:11

Ronojel k'a ri nubin chik chiwe kan richin chi ri kikoten ri k'o wik'in yin, keri' chuqa' xtik'oje' iwik'in rix, y richin chuqa' chi nitz'aqet ri kikoten pa taq iwánima.

San Juan 16:23

Chupan k'a ri q'ij ri', man nik'atzin ta chik chi k'o nik'utuj chuwe. Jak'a kan qitzij ninbij chiwe, chi ronojel k'a ri xtik'utuj chire ri nata' pa nubi' yin, kan xtuya-wi k'a pe chiwe.

San Juan 3:29

Yin kan xtz'aqet k'a ri kikoten pa wánima wakami, rik'in ri xinwak'axaj chi janila e k'iy winaqi' ye'apon rik'in ri Jesús ri Cristo. Kan achi'el nik'uluwachitej chupan jun k'ulubik toq ri ala' ri k'a juba' tik'ule' nitzijon rik'in ri rixjayil y ri rachibil janila nikikot roma nrak'axaj ri ruch'abel ri k'ak'a' achijlonel.

2 Tesalonicenses 1:2

ja ta k'a ri utzil y ri uxlanen ri peteneq kik'in rije' xtik'oje' pa taq iwánima chi'iwonojel.

2 Juan 1:12

K'o k'iy ri ninwajo' ninbij chiwe. Jak'a man ninwajo' ta chi xa chupan re wuj re' nintz'ibaj-wi-el. Kan ninrayij chi yinapon na iwik'in richin k'ari' ninbij chiwe, richin keri' kan xqojkikot.