San Juan 16:21 - Kaqchiquel Bible

²¹ Ri bis k'a ri' junan rik'in ri q'axo'n ri nuk'owisaj jun ixoq toq napon yan ruq'ijul richin nralaj jun ak'ual. Toq ri ak'ual alaxineq chik, ri te'ej ri' man k'a noqaqa ta chik chuk'u'x achike chi q'axomal ri xuk'owisaj, roma janila nikikot ránima chi xalex chik jun ak'ual chuwech re ruwach'ulew.

နောက်ထပ်ဗားရှင်းများ

Kaqchikel Santo Domingo (Xenacoj)

²¹ Ri bꞌis riꞌ ndikꞌis achel ndikꞌis ri qꞌaxomal ndunaꞌ jun ixaq atoq ndiralaj ral, pero atoq xalex yan ri ral, ndumestaj ri qꞌaxomal xuqꞌasaj, porque ndikikot chi xuyaꞌ jun chꞌuti akꞌual chochꞌulew.

Kaqchikel Santa Maria de Jesus

²¹ Ri bꞌis reꞌ junan riqꞌuin ri ruquiy ri nunaꞌ jun ixok antok nalka ri huora chi nicꞌujieꞌ ruxuluꞌ. Antok ri acꞌual ya xalax, ri ixok man nalka ta chic paroꞌ chica sufrimiento ri xukꞌasaj, ruma altíra niquicuot chi xalax jun chic acꞌual choch-ulief.

Kaqchikel Central Guatemala

²¹ Ri bis c'a ri' junan riq'uin ri k'axo'n ri nuc'ovisaj jun ixok tok napon ruk'ijul richin nralaj jun ac'ual. Tok ri ac'ual alaxinek chic, ri te'ej ri' man c'a noka' ta chic chuc'u'x achique chi k'axomal ri xuc'ovisaj, roma janíla niquicot ránima chi xalex chic jun ac'ual chuvech re ruvach'ulef.

Re C'ac'a Testamento pa Kach'abal

²¹ Re bis re' junan riq'uin re k'axomal nuk'asaj jun ixok tak napon ruk'ij chin nralaj jun ac'ual. Tak re ac'ual xalax-yan, re te'ej re' man ne'ka-ta chic chuc'o'x andex che k'axomal xuk'asaj, roma camas niqui'cot ránma che xalax chic jun ac'ual chach re ruch'ulef.

Kaqchikel Western Solola

²¹ Ri bis c'a ri' junan riq'ui ri k'axon ri nuk'axaj jun ixok tek napon ri ruk'ijul riche (rixin) chi nralaj jun ac'al. Pero tek ri ac'al alaxnek chic, ri te'ej ri' man c'a noka ta chic chuc'u'x achique chi k'axomal ri xuk'axaj, ruma sibilaj niquicot ri ránima chi xalex chic jun ac'al chuwech re ruwach'ulef.

San Juan 16:21 ပူးပေါင်းရင်းမြစ်များ

Wuj Richin ri Rutikeribel 3:16

Y ri Dios xubij chire ri ixoq: Yin xtinben chawe chi kan janila k'a xkaq'axon toq awoyoben richin nibe'alex awal y kan rik'in k'a rukiy xkatalan. Y man rik'in ri', rat kan k'a xtarayij na ruwech ri awachijil y kan xkak'oje' k'a chuxe' ri rutzij rija', xcha'.

Wuj Richin ri Achin Job 11:16

Keri' kan xtamestaj k'a ronojel ri q'axomal ri xak'owisaj, roma xa kan xq'ax k'a achi'el niq'ax ri ya' richin jun raqen-ya', xa choj chik xtanataj.

Wuj Richin Bix Chire ri Dios 113:9

Ri Jehová nuben chike ri ixoqi' ri man ye'alan ta chi nik'oje' kiq'ij pa taq kachoch. Chuqa' nuben chi yek'oje' kal, y yekikot. Kan tinimirisex k'a ruq'ij ri Jehová.

Wuj Richin ri Isaías 13:8

Y konojel winaqi' janila xtikixibij-ki'. Xkek'oje' pa nima'q taq q'axo'n; achi'el ri q'axo'n nuq'axaj jun ixoq toq nalex jun ti ral. Kan xtikimey k'a toq xtikitzula-ki' chikachibil-ki', y ri kipalej kan xtikaqer roma k'ixbilal.

Wuj Richin ri Isaías 21:3

Roma ri achik', kan ninxibij-wi'. Kan ninkototila-wi' roma q'axo'n, achi'el nuben jun ixoq toq nik'achoj chirij jun ak'ual. Roma ri nubis man ninwak'axaj ta chik. Chuqa' roma ri nuxibinri'il kan man yitzu'un ta chik.

Wuj Richin ri Isaías 66:7

¿Iwak'axan kami rix chi xalex jun ak'ual toq ri rute' man jani tuna' q'axo'n?

Wuj Richin ri Miqueas 4:10

Ruk'amon chi keri' yixq'axo y yixjilo; roma rix nuwinaq k'o chi yixel-el re wawe' pa tinamit Jerusalem, y xa xkixbek'oje' pa taq ulew richin tiko'n. Rix xa xkixbe k'a pa Babilonia, y toq ixk'o chik chiri' xkixbekol-pe. K'a chiri' k'a xkixrelesaj chik pe ri Jehová pa kiq'a' ri e etzelanel iwichin.

Wuj Richin ri Miqueas 4:9

Jak'a re wakami, rix yixsik'in roma maneq chik i-rey y xa xeken-el ri ipixabanela'. Rix nina' janila q'axo'n achi'el ruq'axo'n jun ixoq ri nalex yan ti ral.

Gálatas 4:27

Y chirij k'a ri' nich'on-wi ri ruch'abel ri Dios ri tz'ibatel kan, toq nubij:*f11* Kan kakikot k'a rat ixoq ri man jun bey xayawej kan chirij jun ak'ual. Rat ri man xek'oje' ta awal, kan kabixan rik'in kikoten, roma stape' at malin kan, kan xkek'oje' más e k'iy awal chikiwech ri ixoqi' ri k'o kachijil kik'in, nicha'.

1 Tesalonicenses 5:3

Toq k'a man jani nipe ri Jesucristo, ri winaqi' xtikich'ob chi janila jebel kibanon, y xa jari' k'a toq chaq k'ate' xtoqaqa ri ruk'ayewal pa kiwi'. Xa xtikik'uluwachij achi'el ri nuk'uluwachij jun ixoq ri peteneq alanik chirij, ri chaq k'ate' nok'ulun ri ruq'axo'n. Y keri' k'a ri xtikik'uluwachij ri winaqi' ri', man xkekolotej ta chuwech ri ruk'ayewal.