San Juan 15:15 - Kaqchiquel Bible

¹⁵ Roma yin kan ix wachibil chik nubanon chiwe, roma kan ronojel ri ruq'alajirisan-pe ri nata' chuwe yin, kan xinq'alajirisaj k'a chuqa' chiwe rix. Man choj ta ix nusamajela'. Roma jun samajel man retaman ta achike nuch'ob ri rajaw. Yin man keri' ta nubanon iwik'in.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁵ Y ma nibꞌij ta chik nusamajelaꞌ chiwa, porque ri samajelaꞌ ma ketaman ta ri achike ndunojij ndubꞌen ri kajaw. Riyin nibꞌij wachibꞌil chiwa, porque nojel ri rubꞌiꞌin pe ri Nataꞌ chuwa, nuqꞌalajrisan chiwech.

Kaqchikel Santa Maria de Jesus

¹⁵ Ruma inreꞌ can ix nu-amigos nubꞌanun yan chiva, ruma nojiel ri ruꞌeꞌn-pa ri Nataꞌ chuva, inreꞌ can xintzijuoj yan chiva ixreꞌ. Man ix aj-nusamajiel ta chic. Ruma jun samajiel man rataꞌn ta ri chica nuꞌon pensar ri rajaf.

Kaqchikel Central Guatemala

¹⁵ Roma yin can amigos chic nubanon chive, roma can ronojel ri ruk'alajirisan-pe ri Nata' chuve yin, can xink'alajirisaj c'a chuka' chive rix. Man choj ix nusamajela' ta chic. Roma jun samajel man retaman ta achique nuch'ob ri ru-patrón. Yin man que ta chic ri' nubanon chive.

Re C'ac'a Testamento pa Kach'abal

¹⁵ Roma yen can amigos chic nbanon chiva, roma can ronojel re rubim-pa re Nata' chua yen, can xintzijoj chuka' chiva yex. Man xe-ta chic yix nusamajela'. Roma jun samajel man rutaman-ta andex nunojij re ru-patrón. Yen man quire-ta chic nbanon chiva.

Kaqchikel Western Solola

¹⁵ Ruma riyin can amigos chic nbanon chiwe, ruma can ronojel ri ruk'alajsan pe ri Nata' chuwe riyin, can xink'alajsaj c'a chuka' chiwe riyix. Y ma yix achi'el ta chic mozos nbanon chiwe. Ruma jun mozo ma retaman ta achique nuch'ob ri rupatrón.

San Juan 15:15 ပူးပေါင်းရင်းမြစ်များ

Wuj Richin Bix Chire ri Dios 25:14

Rat kan junan k'a awech kik'in ri nikinimaj atzij, y kan najikiba' chik jun bey ri asujun.

Wuj Richin Etamabel-Tzij 18:24

Ek'o achibil ek'o rik'in ri wineq toq utz rubanon y xeri' xa yebe; y ek'o juley chik achibil ri kan jebel kina'oj, kan más e utz chikiwech ri ach'alalri'il.

Am 3:7

Toq k'o ninwajo' ninben, ronojel mul ninq'alajirisaj chike ri e q'alajirisey nuch'abel.

San Mateo 13:11

Ri Jesús xubij k'a chike: Chiwe rix kan ya'on k'a q'ij chi niwetamaj ronojel ri e ewatel chupan ri aj-chikajil ajawaren, jak'a chike re winaqi' re' man keri' ta.

San Lucas 10:23

K'ari' ri Jesús xerutzu' ri rutijoxela' y xaxe chike rije' xubij-wi: Jebel ruwa-iq'ij rix, roma re yixtajin chutz'etik rik'in ri runaq' taq iwech. Chuqa' kan jebel ruwa-kiq'ij ri ch'aqa' chik winaqi' ri yetz'eton ronojel re'.

San Juan 12:26

Wi k'o k'a jun ri nrajo' chi yin yinok rajaw, tipe k'a wik'in. Y ri akuchi ink'o-wi yin, kan chiri' k'a xtik'oje-wi ri nusamajel. Y wi rija' xtuben ri nusamaj, xtinimirisex k'a ruq'ij roma ri nata'.

San Juan 13:16

Yin kan qitzij k'a ninbij chiwe: Man ja ta k'a ri samajel ri más ruq'ij ke chuwech ri rajaw ri samaj, ni ta k'a ri jun ri nitaq, man ja ta chuqa' ri' ri más ruq'ij chuwech ri taqayon richin.

San Juan 15:20

Kan toqaqa chi'ik'u'x chi ri samajel, man ja ta ri' ri más ruq'ij ke chuwech ri rajaw ri samajel. Kan keri' chuqa', wi man utz ta ri nikiben chuwe yin ri iwajaw, rix chuqa' xa kan keri' xtik'uluwachij. Jak'a wi kan nikiben ri ninbij yin, xa kan nikiben chuqa' ri nibij rix.

San Juan 16:12

Kan k'a k'iy k'a ri man ninbij ta chik kan chiwe, roma kan k'ayew richin yeq'ax yan ta chiwech y kan k'ayew chuqa' ri kik'uaxik.

San Juan 17:26

Kan nuq'alajirisan-wi k'a ri abi' chikiwech, y kan k'a xtinq'alajirisaj na k'a más, richin keri' ri ajowabel ri achoq ik'in in awajowan-wi yin, kan ja ta k'a chuqa' ri' xtik'oje' kik'in rije'. Y yin xkik'oje' pa taq kánima rije', xcha'.

San Juan 20:17

K'ari' ri Jesús xubij chire ri María: Man kinaq'etej roma man jani kibe rik'in ri nata' ri chila' chikaj. Xa kabiyin chubixik chike ri e nutijoxela', chi yin kan yibe k'a rik'in ri nata', ri kan itata' chuqa' rix. Kan yibe k'a rik'in ri nu-Dios, ri i-Dios chuqa' rix, xcha'.

San Juan 4:19

Kan jari' toq ri ixoq xubij chire: Yin ninch'ob chi rat at jun q'alajirisey ruch'abel ri Dios.

San Juan 8:26

Kan k'iy k'a ri k'o chi ninbij chiwij, roma ri itzel ibanobal. Jak'a ri ninbij chiwe rix y chike konojel winaqi', xaxe k'a ri wak'axan-pe rik'in ri taqayon-pe wichin, y rija' kan qitzij wi, xcha'.

Hechos 20:27

Roma kan man jun ri xinwewaj, y man ta xinbij chiwe; xa kan ronojel ri ruch'obon ri Dios pa qawi' roj winaqi' xinbij chiwe.

Romanos 7:15

Kan man niq'ax ta chinuwech ronojel ri yenben, roma ri ninwajo' ninben, xa man ja ta ri' ri yenben; xa ja ri mak ri ninwetzelaj, xa jari' ri ninben.

1 Corintios 2:16

Roma tz'ibatel kan chupan ri ruch'abel ri Dios chi man jun achoq chuwech niq'ax-wi ri nuch'ob ri Dios. Y man jun nitikir nipixaban richin.*f6* Jak'a roj kan k'o chik ruch'obonik ri Cristo qik'in.

Gálatas 4:6

Y richin niq'alajin chi oj-ralk'ual chik ri Dios, rija' xuteq k'a pe ri Loq'olej Espíritu pa taq qánima qonojel. Y ri Loq'olej Espíritu nubij k'a: ¡Nata' yin, nata' yin!, nicha' chire ri Dios.

Efesios 1:9

Kan xuq'alajirisaj-wi k'a chiqawech ri ruch'obon chi nuben ri kan rewan-pe. Rija' rubanon chi ronojel ri' nibanatej roma ri Cristo.

Efesios 3:5

Re' man kan ta q'alajirisan-pe chike ri winaqi'. Xa k'a ja re wakami roma ri Loq'olej Espíritu xq'alajirisex chiqawech roj ri oj taqon roma ri Cristo y chikiwech ri ch'aqa' chik rusamajela' ri yeq'alajirisan ri nibix chike roma ri Dios.

Colosenses 1:26

Ri ojer kan, ri qitzij kan ewatel k'a pe. Jak'a re wakami xq'alajirisex jebel chiqe roj ri oj rutinamit ri Dios.

Filemón 1:16

Toq rija' xel-pe awik'in, xa choj jun loq'on samajel. Jak'a re wakami man xaxe ta asamajel, xa kan qach'alal chik roma xunimaj yan ri Jesucristo. Stape' yin kan janila ninwajo' ri Onésimo, rat kan más ta k'a xtawajo'.

Santiago 1:1

Yin Santiago, jun rusamajel ri Dios y ri ajaw Jesucristo, ninben-el re wuj re' chiwe rix ri ix nuwinaq judío ri ix talutajineq chuwech re ruwach'ulew, tik'ulu' k'a re rutzil-iwech re ninteq-el.

Santiago 2:23

Y rik'in ri' chuqa' xbanatej ri nubij chupan ri ruch'abel ri Dios ri tz'ibatel kan, chi ri Abraham kan xukuquba' ruk'u'x rik'in ri Dios; y roma ri' ri Dios xuben chire chi man jun rumak xk'ulun chuwech. Y chuqa' xbix chire chi junan kiwech rik'in ri Dios.

1 Pedro 1:11

Janila k'a xkajo' xketamaj janipe' nibek'uluwachitej, y achike rubanik, roma ri Espíritu richin ri Cristo ri k'o pa taq kánima xch'on pa ruwi' ri tijoj-poqonal ri xtuk'owisaj ri Cristo y ri meyel taq banobel ri xkebebanatej chirij ri'.

2 Pedro 1:1

Yin ri Simón Pedro, jun rusamajel ri Jesucristo, y jun chuqa' chike ri e taqon roma rija'. Tik'ulu' k'a re wuj re', ri nintz'ibaj-el chiwe rix ri ik'ulun ri jebelej tijonik richin ri qa-Dios y qakolonel Jesucristo, achi'el qak'ulun roj, roma rija' kan choj wi.

Judas 1:1

Yin Judas, in jun chike ri rusamajela' ri Jesucristo y rach'alal ri Santiago, ninteq k'a el re wuj re' chiwe rix, ri ix ajowan y ix oyon roma ri qatata' Dios, ri chuqa' kan ix chajin roma ri Jesucristo.

Apocalipsis 1:1

Jare' ri xuq'alajirisaj ri Dios chuwech ri Jesucristo, pa ruwi' ri xkebek'uluwachitej yan, richin chi tuq'alajirisaj chikiwech ri rusamajela'. Roma ri' ri Jesucristo xuteq k'a jun ángel rik'in ri Juan ri rusamajel, richin chi xuq'alajirisaj chuwech ronojel ri'.