San Juan 15:1 - Kaqchiquel Bible

¹ K'ari' ri Jesús xubij: Ja yin k'a ri qitzij juwi-uva, y ri nata' jari' ri nisamajin re ruq'a' re juwi-uva re'.

နောက်ထပ်ဗားရှင်းများ

Kaqchikel Santo Domingo (Xenacoj)

¹ Y ri Jesús xubꞌij: Ja riyin ri qetzij raqen uva, y ja ri Nataꞌ Dios ri samajiy richin.

Kaqchikel Santa Maria de Jesus

¹ Y ri Jesús xuꞌej: Inreꞌ ri ketzij mata uva, y ri Nataꞌ jareꞌ ri samajiel.

Kaqchikel Central Guatemala

¹ Y c'ari' ri Jesús xubij: Jac'a yin ri kitzij juvi' uva, y ri Nata' jari' ri nisamajin re uva re'.

Re C'ac'a Testamento pa Kach'abal

¹ Y c'are' re Jesús xubij: Ja yen re katzij ancha'l juvi' uva, y re Nata' jare' re nisamajin re uva re'.

Kaqchikel Western Solola

¹ Y yac'ari' tek ri Jesús xubij: Yin c'a riyin ri kitzij chi yin achi'el juwi' uva, y ri Nata' yari' ri achi'el aj samajel chrij ri uva.

San Juan 15:1 ပူးပေါင်းရင်းမြစ်များ

Wuj Richin ri Nimalej Bix 7:12

Y nimaq'a' yan xqojbe richin nibeqatz'eta' ri qatiko'n richin uva. Nibeqatzeta' wi yesijan chik, y wi yesijan chik ri granada. Y chiri' k'a xtinya-wi chawe ronojel ri wajowabal.

Wuj Richin ri Isaías 4:2

Chirij re' xtapon k'a jun q'ij toq ri Jehová xtuben chik chire ri ruwach'ulew Israel kan janila jebel y kan xtibeya'ox janila rejqalen. Y ri winaqi' ri xkek'oje' kan chiri' kan xtinimirisex kiq'ij roma ri tiko'n ri xtibewachin chuwech ri kiruwach'ulew.

Wuj Richin ri Isaías 60:21

Chupan ri q'ij ri' konojel k'a ri iwinaq kan choj xtikiben, y xtikichinaj kan ri kulew richin q'asen, roma rix ix jun banobel ri kan ja yin in banayon, achi'el jun che' ri nutikon-qa. Y rix kan xtiya' nuk'ojlen.

Wuj Richin ri Isaías 61:3

Xiruteq-pe kik'in ri winaqi' aj-Sión ri ek'o pa bis, richin xtik'oje' kikoten kik'in, achi'el toq niya'ox jun corona pa ruk'exel ri chaj ri k'o pa kiwi'. Pa ruk'exel ri bis xtik'oje' jubulej taq aq'om, y pa ruk'exel nikikusaj tzieq richin bis, nikikusaj tzieq richin kikoten. Ri winaqi' ri' kan jantape' xtikiben pa ruchojmilal, roma rije' e achi'el jun paten-che' ri tikon roma ri Jehová, ri man niq'ochotej ta roma ri kaq'iq'. Y ri winaqi' ri' e banon richin nikiya' ruq'ij rija'.

Wuj Richin ri Jeremías 12:10

E k'iy k'a chike ri e etzelanel wichin ri xkiwulaj kan ri ruwach'ulew, achi'el jun yuq'unel kan nuxeq' kan akuchi tikon-wi uva. Y ri ulew ri' kan janila jebel nutz'eton yin, jak'a kan xtikixolq'otij richin xtok kan tz'iran ruwach'ulew.

Wuj Richin ri Jeremías 2:21

Yin xixinya' k'a chuwech re ruwach'ulew achi'el ri uva ri más jebel, achi'el ri ija'tz richin ri uva ri más jebel. Jak'a rix xa kan janila ix yojtajineq chik y kan man ninwetamaj ta chik iwech.

Ez 19:10

Ri Judá achi'el xa ta juwi-uva ri tikil chunaqaj ya' kan jebel niwachin y jebel nijotayin roma kan nibiyin ya' chuxe'.

Os 10:1

Ri aj-Israel kan achi'el k'a jun tiko'n richin uva ri janila ruxaq k'o. Jak'a ri ruwech ri nuya' xa kan xaxe richin qa rija', achi'el k'a ri ruwech ri nuya', keri' ri porobel ri xeruben-q'anej. Achi'el ri rubanik ri jebelej ruwach'ulew, keri' chuqa' ri paban-abej ri xerupabala-q'anej richin nikiya' kiq'ij.

Wuj Richin ri Zacarías 3:8

Wakami k'a, tawak'axaj rat Josué ri at nimalej sacerdote y ri e awachibil. Roma rix kan ix achi'el jun retal richin ronojel ri xtipe, y yin xtink'en-pe ri nusamajel ri xtetamex ruwech chi ja rija' ri xjotayin-pe.

San Mateo 15:13

Jak'a rija' xubij chike: Ronojel tiko'n ri man ja ta ri aj-chikajil nata' banayon-qa, xa kan xtik'uq-el.

San Mateo 20:1

Ri Jesús xubij re k'ambel-tzij re': Ri aj-chikajil ajawaren xa kan nijunamex rik'in jun achin rajaw jun ulew, ri xel-el nimaq'a' chikikanoxik samajela' richin yeruteq pa rulew ri rutikon uva chuwech.

San Mateo 21:33

Ri Jesús xch'on chik kik'in ri winaqi' y xubij: Kan tiwak'axaj na pe jun chik k'ambel-tzij. Xk'oje' k'a jun achin ri kan tata'aj chik. Rija' xutik k'a ruwech ri rulew rik'in uva y xuk'ojoj rij ri rulew. Xuben chuqa' jun yitz'bel-uva chuxe' ulew, y xuben chuqa' jun ti jay richin ri chajinel. K'ari' xuya' kan pa qajik chike ka'i-oxi' samajela', y rija' xbe nej.

Marcos 12:1

K'ari' ri Jesús, rik'in k'a k'ambel taq tzij xch'on-wi kik'in ri winaqi'. Kere' k'a ri xerubila' chike: Xk'oje' k'a jun achin ri xutik ruwech ri rulew rik'in uva. Xuk'ojoj rij ri rulew y xuben jun jul yitz'bel-uva chupan, y xuben chuqa' jun ti jay richin ri chajinel. K'ari' xuya' kan pa qajik chike ka'i-oxi' samajela', y rija' xbe nej.

San Lucas 13:6

Ri Jesús xuchop k'a rubixik jun k'ambel-tzij chikiwech, y xubij: K'o k'a jun achin rutikon wíkix ri pa rulew ri akuchi nitik-wi uva, y k'ari' xapon chuxe' ri che' chutz'etik wi k'o ruwech. Jak'a xa man jun ti ruwech xril.

San Juan 1:17

Ri pixa' xya'ox roma ri Moisés, jak'a ri utzil ri' y ri qitzij, xya'ox roma ri Jesús ri Cristo ri nibix chuqa' ch'abel chire.

San Juan 1:9

Y kan xoqaqa ri qitzij saqil ri' chuwech chijun re ruwach'ulew richin nusaqirisaj ri kik'aslen ri winaqi'.

San Juan 15:2

Roma toq ri juwi-uva ri ek'o ruq'a' ri xa man nikiya' ta kiwech, ye'elesex-el. Jak'a ri ruq'a' ri kan nikiya' kiwech, yejosq'ix jebel, richin más yewachin.

San Juan 6:32

Ri Jesús xubij k'a chike: Tiwak'axaj k'a jebel re xtinbij chiwe: Ri aj-chikajil-wey ri xpe chila' chikaj, man ja ta ri Moisés ri xya'o. Ja ri nata' Dios ri niya'on chiwe ri qitzij wey richin chila' chikaj.

San Juan 6:55

Roma ri nuch'akul yin jari' ri qitzij wey, y ri nukik'el jari' ri qitzij ya', ri kan nikik'en-pe k'aslen.

Romanos 11:17

K'o k'a jun q'ij xtik k'a jun che' richin oliwo. Chirij ri' xelesex-el jun ruq'a'. Chuqa' xtun-apo jun ti ruq'a-che' oliwo ri xa choj k'iyineq-pe pa juyu'. Ri nuwinaq judío kan e achi'el ri ruq'a-che' ri xelesex-el. Y rix ri man ix judío ta xa ix achi'el ri ti ruq'a-che' ri' ri xtun-apo pa kik'exel rije'. Xixtun-apo rik'in ri che' oliwo y k'iy utzil nik'ul.

1 Corintios 3:9

Roma qachibil-qi' pa rusamaj ri Dios, y rix ix achi'el rulew ri Dios ri kan nusamajij-wi. Chuqa' kan ix achi'el jun jay ri nuben ri Dios.

1 Juan 2:8

Man rik'in ri', yitikir chuqa' ninbij chi re pixa' re' k'ak'a'. Y re' xq'alajin pa ruwi' ri Jesucristo, y rix chuqa' kan nik'ut. Roma ri ramaj richin q'equ'm kan nuchop nik'is-el, y najin nik'ulun-pe ri qitzij saqil.