San Juan 14:23 - Kaqchiquel Bible

²³ Roma ri' ri Jesús xubij: Ri kan yirajo', kan nuben ri nubij ri nuch'abel. Ri jun ri xtibanon keri', kan xtajowex-wi roma ri nata' chuqa'. K'ari' ri nata' y yin kan xqojpe rik'in y xtiqaben k'a qachoch ri pa ránima.

နောက်ထပ်ဗားရှင်းများ

Kaqchikel Santo Domingo (Xenacoj)

²³ Y ri Jesús xubꞌij chare: Si jun wineq qetzij ngirajoꞌ, ndubꞌen ri nubꞌiꞌin kan y ndojowex roma ri Nataꞌ. Y ri Nataꞌ y riyin ngojuqaqa chin ndiqabꞌen qachoch chare ri ránima.

Kaqchikel Santa Maria de Jesus

²³ Y ri Jesús xuꞌej cha: Ri nquirajoꞌ, can nuꞌon ri nuꞌej ri nuchꞌabꞌal. Ri jun ri xtibꞌano quireꞌ, can xtajoꞌx ruma ri Nataꞌ. Y ri Nataꞌ y inreꞌ xkupa riqꞌuin y xtakaꞌan kachuoch riqꞌuin ránima.

Kaqchikel Central Guatemala

²³ Y ri Jesús xubij chire: Ri can yirajo-vi, can nuben ri nubij ri nuch'abel chire. Ri jun c'a ri xtibanon queri', can xtajovex-vi roma ri Nata' chuka'. C'ari' ri Nata' y yin can xkojpe riq'uin y xtikaben c'a kachoch ri pa ránima.

Re C'ac'a Testamento pa Kach'abal

²³ Y re Jesús xubij cha: Re can yinrajo-va, can nuban re nubij re nuch'abal cha. Re jun re xtibano quire', can xtijovax-va roma re Nata' chuka'. C'are' re Nata' y yen can xkojpa riq'uin y xtakaban kachoch pa ránma.

Kaqchikel Western Solola

²³ Y ri Jesús xubij chare: Ri can yirajo' c'a riyin, can nuben c'a ri nubij ri nuch'abel. Ri jun winek c'a ri xtibano queri', can xtajowex c'a ruma ri Nata'. Y ri Nata' y riyin can xkojpe riq'ui y xtikaben c'a kachoch pa ránima.

San Juan 14:23 ပူးပေါင်းရင်းမြစ်များ

Wuj Richin ri Rutikeribel 1:26

K'ari' xubij ri Dios: Wakami k'a tiqabana' ri wineq kan achi'el ri qabanik roj y ja rija' ri xtik'oje' pa kiwi' ronojel kiwech chikopi', ri ek'o pa ya', ri aj-xik' taq chikopi', ri chikopi' ri ye'awajix, ri chikopi' ri ek'o pa k'echelaj y ri chikopi' ri e jepejeq, xcha'.

Wuj Richin ri Rutikeribel 11:7

Wakami k'a, jo-qa y tiqasacha' ri kich'abel, richin chi man niq'ax ta chikiwech ri nikibij, xcha'.

Wuj Richin Bix Chire ri Dios 90:1

Ajaw, kan ja rat ri at qatobal, keri' jantape' oj peteneq ri chi wiq chi tanaj.

Wuj Richin Bix Chire ri Dios 91:1

Ri nikito-ki' rik'in ri nimalej rutzil ri Dios, kan kuqul k'a kik'u'x yek'oje' chuxe' ri rumujal rija'.

Wuj Richin ri Isaías 57:15

K'ari' xch'on ri k'o nim ruq'ij, ri k'o chila' chikaj, y rija' rubini'an Loq'olej. Y rija' nubij: Ri akuchi ink'o-wi yin kan janila nej, y kan janila loq'olej. Jak'a chuqa' ink'o rik'in ri janila ruqasan-ri', y poqonatajineq, richin ninya' ruchuq'a' ri ránima ri kan janila k'ayewatajineq.

San Juan 10:30

Yin y ri nata' kan jun k'a qabanon, xcha'.

San Juan 14:15

Wi rix yiniwajo', kan ninimaj ri pixa' ri yenbij chiwe.

San Juan 14:17

Ri' kan ja ri Loq'olej Espíritu, ri nitijon iwichin chire ri qitzij. Y rija' man tikirel ta richin nik'ul-apo, koma ri winaqi' ri k'a kikuquban na kik'u'x rik'in re ruwach'ulew. Roma ri Loq'olej Espíritu xa man tz'etel ta ni man ketaman ta chuqa' ruwech. Jak'a rix kan iwetaman chik ruwech, roma kan xtik'oje-wi chi'ikojol. Y rija' kan jantape' xtik'oje' iwik'in.

San Juan 14:21

Ri kan k'o ri nuch'abel pa ránima y kan yerutaqej ronojel ri pixa' ri yenbij, kan yirajo-wi. Y ri kan najowan wichin yin, kan xtajowex k'a roma ri nata', y yin chuqa' kan xtinwajo' y xtinq'alajirisaj-wi chuwech, xcha'.

San Juan 14:24

Jak'a ri man najowan ta wichin, man nuben ta ri nubij ri nuch'abel chire. Y ri ch'abel ri iwak'axan wik'in yin, man k'a wichin ta yin. Kan ja ri nata' ri taqayon-pe wichin, ja rija' ri yoyon-pe re ch'abel re' chuwe.

San Juan 15:10

Wi rix niben ri yenbij chiwe, kan xkixk'ase' k'a rik'in ri wajowabal, achi'el yin ri kan ninben ri yerubij ri nata', y roma ri' ink'es rik'in ri rajowabal rija'.

San Juan 16:27

Ri nata' nuya' chuqa' chiwe ri nik'utuj, roma yixrajo'. Rija' yixrajo', roma rix yiniwajo' yin y ninimaj chi yin rik'in rija' in peteneq-wi.

San Juan 6:56

Xabachike k'a ri nutej ri nuch'akul yin y nuqum chuqa' ri nukik'el, xa jun k'a ri xtiqaben rik'in. Rija' xtik'oje' wik'in yin y yin xkik'oje' rik'in.

San Juan 8:51

Kan qitzij k'a ninbij chiwe chi ri wineq ri kan nunimaj ri nuch'abel, man xtutz'et ta ri kamik, xcha'.

San Juan 8:52

Ri achi'a' ri kan k'o-wi kiq'ij xkibij k'a chire ri Jesús: Wakami kan qetaman chik chi kan k'o-wi itzel espíritu awik'in roma nabij chi achike ri yeniman ri ach'abel, man k'a xkeken ta. Jak'a ri qatata' Abraham y ri xeq'alajirisan ri ruch'abel ri Dios ojer, xa xeken.

2 Corintios 6:16

¿Kan yek'oje' ta kami ri wachibel chupan ri rachoch ri Dios? Roma kan ja roj ri oj rachoch ri k'aslik Dios. Roma ri' rija' kan keri' wi k'a rubin:*f4* Jantape' k'a xkik'oje' chi'ikojol y kan ja yin ri i-Dios y rix kan ix nutinamit, nicha'.

Efesios 3:17

Ja ta ri Cristo xtik'oje' pa taq iwánima roma ri kuqubabel-k'u'x ri k'o iwik'in, y ronojel ri niben y ri nich'ob ja ta ri ajowabel ri ruxe'.

1 Juan 2:24

Roma ri' rix, kan tik'oje' pa taq iwánima ri ch'abel ri iwak'axan-pe toq xikuquba' ik'u'x rik'in ri Cristo. Y wi ri ch'abel ri' kan xtik'oje' pa taq iwánima, jun k'a niben rik'in ri K'ajolaxel y rik'in ri Tata'ixel.

1 Juan 2:5

Jak'a wi niqataqej ri nubij ri Dios, kan qitzij chi kan niqajo-wi rija'. Y rik'in ri' qetaman chi jun qabanon rik'in.

1 Juan 4:4

Rix walk'ual, ri ix richin chik ri Dios y xixch'akon yan chikij, roma ri k'o iwik'in rix, kan más wi nim ke chuwech ri k'o chuwach'ulew.

1 Juan 5:3

Y wi kan niqajo' ri Dios, k'o chi niqataqej ri nubij chiqe. Re' xa man k'ayew ta richin niqaben.

2 Juan 1:6

Wi niqajowala-qi', qetaman chi ja ri yerubij ri Dios ri yeqaben. Y rix iwetaman chi keri' nubij, roma xiwak'axaj yan pe toq xikuquba' ik'u'x rik'in ri Dios.

Apocalipsis 21:22

Jak'a kan man jun jay ri akuchi niya'ox-wi ruq'ij ri Dios ri xintz'et ta, roma ri ajaw Dios ri kan k'o ronojel uchuq'a' pa ruq'a' y ri Karne'l, kan jantape' ek'o ri chiri'.

Apocalipsis 21:3

Jari' k'a toq xinwak'axaj chi k'o jun ri kan rik'in uchuq'a' nich'on-pe akuchi k'o-wi ri tz'uyubel ri chila' chikaj y nubij: Wakami ri Dios kan chikikojol ri winaqi' k'o-wi, kan xtik'ase' chikikojol jantape' y rije' xke'ok rutinamit y rija' xtok ki-Dios.

Apocalipsis 22:3

Y ri chiri' man jun ri man ch'ajch'oj ta ri nok-apo. Kan chiri' k'o-wi ri rutz'uyubal ri Dios y ri Karne'l, y konojel ri ek'o chiri' jari' ri xkesamajin richin.