San Juan 12:40 - Kaqchiquel Bible

⁴⁰ Ri Dios kan rubanon k'a chike rije' chi man yetzu'un ta y kowirineq ri kánima roma man nrajo' ta chi rije' xtikitz'et ri rubanobal, y chuqa' xtikak'axaj ri ruch'abel, y xtikitzeqelibej ta chik. Y man nrajo' ta chi xkeruk'achojirisaj, xcha'.

နောက်ထပ်ဗားရှင်းများ

Kaqchikel Santo Domingo (Xenacoj)

⁴⁰ Ri Ajaw kereꞌ rubꞌiꞌin: Yin nutzꞌapin kiwech re wineq reꞌ, Y nukowirisan ri kánima, Chin ma ndeqꞌax ta rubꞌeyal chikiwech ri ndikitzꞌet, Y ma ndikikꞌoxomaj ta ri ndikakꞌaxaj; Chin ma nditzolij ta pe kánima wikꞌin, Y riyin ma nichojmirisaj ta ri kikꞌaslen.

Kaqchikel Santa Maria de Jesus

⁴⁰ Can bꞌanun chica ijejeꞌ ruma ri Dios chi man ncaꞌtzuꞌn ta y cof ranun ri cánima; mareꞌ man niquitzꞌat ta ri nicꞌut chiquivach, y man nicajoꞌ ta chi ntuoc riqꞌuin cánima, y can man nicajoꞌ ta niquiyaꞌ can ri pecado chi niquiꞌan ri nivajoꞌ inreꞌ, chi nicꞌax ri quicꞌaslien. Quireꞌ nuꞌej ri Dios, ri rutzꞌibꞌan can ri Isaías.

Kaqchikel Central Guatemala

⁴⁰ Can banon c'a chique rije' chi man yetzu'un ta y covirinek ri cánima; romari' man niquitz'et ta ri nic'ut chiquivech, man nika' ta ka pa cánima, y man nitzolin ta pe quic'u'x richin chi yin ninchojmirisaj ri quic'aslen, nicha' ri Ajaf. Queri' ri tz'ibatel can roma ri Isaías.

Re C'ac'a Testamento pa Kach'abal

⁴⁰ Can banon chique reje' che man ye'tzu'un-ta y covernak re cánma, mare' man niquitz'at-ta re niquitzu', man nika-ta-ka pa tak cánma, y man nitzolaj-ta-pa quic'o'x chin che yen ninchojmersaj re quic'aslen, nicha' re Ajaf. Quire' nubij re tz'iban can roma re Isaías.

Kaqchikel Western Solola

⁴⁰ Can banon c'a chique riye' chi ma yetzu'un ta y cowirnek ri cánima; riche (rixin) chi ma niquitz'et ta ri nic'ut chiquiwech, ma nika ta ka pa tak cánima, y ma nitzolin ta pe quic'u'x riche (rixin) chi riyin nchojmirisaj ri quic'aslen, nicha' ri Ajaf. Queri' ri tz'ibatal ca ruma ri Isaías.

San Juan 12:40 ပူးပေါင်းရင်းမြစ်များ

1 Rey 22:20

Y ri Jehová xuk'utuj chike ri ángel: ¿Achike ta chiwe rix nitikir nibebanon chire ri Acab chi niberubana' oyowal pa ruwi' ri Ramot ri k'o pa Galaad, y nibe xaxe richin nibeken kan?, xcha'. Y konojel ri ángel xech'owiyaj k'a chikiwech, y jun wi nikibij ri ch'aqa', y jun wi chik ri nikibij ri ch'aqa' chik.

Wuj Richin Bix Chire ri Dios 147:3

Rija' yeraq'omaj ri niq'axon ri kánima, kan nupis k'a ri kisokotajik.

Wuj Richin Bix Chire ri Dios 41:4

Jehová tabana' utzil, tajoyowaj nuwech, roma in makuwineq chawech. Taya' chik jun bey nuraxnaqil.

Wuj Richin Bix Chire ri Dios 6:2

Tajoyowaj nuwech, Jehová, roma kan maneq chik wuchuq'a'. Kinawaq'omaj, roma ri nuq'axo'n napon k'a chupan ri nubaqil.

Ex 10:1

Ri Jehová xubij k'a chire ri Moisés: Kabiyin chik jun bey rik'in ri rey, roma yin in banayon chi rija' y ri aj-raqen kikowirisan ri kánima, richin chi tikitz'eta' na ri nima'q taq nubanobal ri richin jun retal chikiwech rije'.

Ex 11:10

Y ri Moisés y ri Aarón kan xkiben-wi k'iy nima'q taq banobel ri chiri' chuwech ri rey. Jak'a ri Jehová kan xukowirisaj ránima ri rey, richin chi man xuya' ta q'ij richin xe'el-el ri israelita.

Ex 14:17

Jak'a yin kan xtinkowirisaj más ri kánima ri aj-Egipto, richin chi kan xkixkitzeqelibej-apo. Y jari' toq yin kan xtink'ut k'a ri wuchuq'a' chuwech ri rey, chikiwech ri aj-labal, chikiwech ri e beneq pa carruaje y chikiwech ri e beneq chirij kiej.

Ex 14:4

Y yin kan xtinkowirisaj k'a ri ránima rija' richin chi kan xtiyakatej-pe chiwij, jak'a yin xtink'ut ri nuq'ij-nuk'ojlen chuwech y chikiwech konojel ri aj-labal. Xtiketamaj k'a konojel ri aj-Egipto chi ja yin ri' ri in Jehová, xcha' ri Jehová chire ri Moisés. Y rije' kan xetzolin juba' chikij.

Ex 14:8

Y ri Jehová kan xukowirisaj k'a ri ránima ri rey richin Egipto y xyakatej-el chikij richin chi yerutzolij ta pe ri israelita, jak'a rije' man jun xibinri'il chikiwech ri e beneq, roma ri Jehová kan beneq-wi kik'in.

Ex 4:21

K'ari' ri Jehová xubij chire ri Moisés: Toq xatapon yan k'a ri chiri' pan Egipto, kan tabana' k'a chuwech ri rey ronojel ri meyel taq banobel ri xinbij-el chawe; jak'a yin kan xtinkowirisaj k'a ri ránima ri rey y rik'in ri keri' rija' kan man xkerisq'opej ta pe ri nutinamit.

Ex 7:13

Y toq ri rey xutz'et re', xukowirisaj más ri ránima. Y man xerak'axaj ta, achi'el ri rubin chik ri Jehová chire ri Moisés y chire ri Aarón.

Ex 7:3

Jak'a yin kan xtinkowirisaj k'a ri ránima ri rey, stape' kan xtinben k'a k'iy ruwech meyel taq banobel re wawe' pan Egipto.

Ex 9:12

Y ri Jehová xukowirisaj chik k'a jun bey ri ránima ri rey y roma ri' man xerak'axaj ta ri Moisés y ri Aarón kan achi'el ri bin chik chike.

Wuj Richin ri Isaías 26:11

Rat Jehová kan atzeqen k'a ri aq'a' pa kiwi' richin naya' rutojbalil-mak chike, jak'a rije' xa man nikajo' ta k'a nikak'axaj. Tabana' utzil tak'utu' ri awajowabal pa kiwi' rije' richin xkek'ixbitej. Taya' q'ij chi ri q'aq' kan xkeruk'is ta rije', achi'el xkek'is ri e etzelanel awichin rat.

Wuj Richin ri Isaías 29:10

Roma yin kan xtinbenya-pe pan iwi' jun nimalej waran. Kan xtinben chike ri e q'alajirisanela' chi man jun chik xtinq'alajirisaj chikiwech. Y pa kiwi' ri yetz'eton ri peteneq-apo chiwech, xtinben chi xtitz'apetej kiwech.

Wuj Richin ri Isaías 53:5

Jak'a rija' xsokotej roma ri qayakatajinenri'il roj, y kan xke'ex ri ruch'akul roma ri qamak. Ri rutojbalil ri qamak roj xa pa ruwi' rija' xqaqa-wi, richin xk'oje' uxlanenri'il pa qawi'. Y roma ri sokotajik ri xuk'uaj rija', roj xojaq'omatej.

Wuj Richin ri Isaías 6:10

Y rat Isaías, kan tabana' chike re awinaq re' richin kan xtikikowirisaj ri kánima. Kan tabana' chike richin xketokonir. Chuqa' kan xkemoyir richin man xtikitz'et ta chik. Roma, man ninwajo' ta chi rije' xtikitz'et ri nubanobal, y chuqa' xtikak'axaj ri nuch'abel, y xkinkitzeqelibej ta chik. Y man ninwajo' ta chi xkenk'achojirisaj, xcha'.

Wuj Richin ri Isaías 6:9

K'ari' ri Jehová xubij chuwe: Kabiyin y tabebij chike ri awinaq re ch'abel re': Stape' janila k'iy bey xtiwak'axaj ri nuch'abel, xa kan man jun xtiq'ax chiwech. Stape' janila k'iy bey xtitz'et ri nubanobal, xa kan man xtiq'ax ta chiwech ri nitz'et.

Wuj Richin ri Jeremías 3:22

Titzolej k'a pe ik'u'x wik'in, rix alk'ualaxela' ri ix yakatajineq chuwij y yin xkixinwaq'omaj rik'in ri iyakatajinenri'il. Y rije' nikibij: Jare' ojk'o wawe' chawech richin yojch'on-q'anej awik'in, roma kan ja rat ri at qa-Dios.

Wuj Richin ri Jeremías 5:21

Tiwak'axaj k'a rix ri maneq iwetamabal y ri man jun niq'ax chiwech. K'o runaq' taq iwech y man yixtzu'un ta, k'o ixikin y man yixak'ex ta.

Ez 12:2

Rat Ezequiel, ri atk'o chikikojol jun tinamit ri yalan yakatajinenri'il rik'in, roma k'o runaq'-kiwech jak'a xa man nikajo' ta yetzu'un. K'o kixikin jak'a xa man nikajo' ta ye'ak'ex, roma ri winaqi' ri' xa kan e richin yakatajinenri'il.

Ez 14:9

Wi k'o ta jun q'alajirisanel ri nuya' jun rutzijol ri xa man qitzij ta, re' ja yin Jehová ri xibanon chire chi tiq'olon. Y k'ari' yin xtinya' ri rutojbalil-mak pa ruwi' y kan xtinkamisaj.

Os 14:4

Ri Dios nubij k'a: Yin kan xtinkuy k'a ronojel ri kimak ri aj-Israel. Kan xkenwajo' chik k'a, stape' man ruk'amon ta roma ri itzel kibanobal. Roma xa kan xk'is yan qa ri woyowal pa kiwi'.

Os 6:1

Kixanpe y titzolej qak'u'x rik'in ri Jehová. Ja rija' ri xojya'on pa tijoj-poqonal, ja rija' ri xtik'achojirisan chik qichin. Ja rija' ri xojsokon, ja rija' ri xtaq'oman chik qichin.

San Mateo 15:14

Xa ke'iya' kan la winaqi' la', roma rije' xa kan e moyirineq rik'in ri etamabel ri k'o kik'in, y yekiyuqej ch'aqa' chik ri xa e moyi' chuqa'. Y wi ri e moyi' yekiyuqej ri ch'aqa' chik moyi', xa kan junan k'a xketzaq pa taq jul, xcha' ri Jesús.

Marcos 4:12

Xa roma ri' toq yin yenkusaj k'ambel taq tzij richin yich'on kik'in. Roma xa kan man niq'ax ta chikiwech, stape' kan nikitzu' y nikak'axaj. Jak'a man niq'ax ta chuqa' chikiwech richin keri' man nitzolej ta pe kik'u'x y man nikuyutej ta kimak roma ri Dios.

Marcos 6:52

roma man xq'ax ta chikiwech toq ri Jesús xuben chi xk'iyer ri kaxlan-wey, roma ri kánima janila xkowir.

San Lucas 4:18

Ri uchuq'a' richin ri Jehová ri wajaw kan k'o pa nuwi' yin; Kan xiruteq k'a pe richin ninya' utzilej rutzijol chike ri e k'ayewatajineq, richin yetotej ri ek'o pa ximonri'il. Richin nonbij chike chi k'o kolotajik chike rije'. Xitaq-pe richin ninben chike ri moyi' chi yetzu'un y richin yenkol ri winaqi' ri janila nikitej poqon.

San Lucas 8:10

Ri Jesús xubij k'a chike: Chiwe rix ya'on k'a q'ij chi niwetamaj ri ewatel chirij ri rajawaren ri Dios. Jak'a chike ch'aqa' chik winaqi', rik'in k'ambel taq tzij yich'on-wi kik'in, richin chi stape' nikitz'et ta jebel, man nikitz'et ta; y stape' nikak'axaj, man niq'ax ta chikiwech.

San Juan 12:39

Re winaqi' re' kan man k'a tikirel ta chi nikikuquba' kik'u'x rik'in, roma chupan ri rutz'iban kan ri Isaías nubij chuqa':*f17*

San Juan 9:39

K'ari' ri Jesús xubij chire: Yin xipe k'a chuwech re ruwach'ulew richin ninq'alajirisaj kimak ri winaqi'; ninben k'a chike ri winaqi' ri man nitzu'un ta kánima chi titzu'un. Jak'a ri nikina' chi nitzu'un ri kánima xa ke'ok moyi', xcha'.

Hechos 15:3

Xetaq k'a el koma ri molaj qach'alal ri ek'o pan Antioquía; y xebe k'a, y xeq'ax ri pa taq tinamit ri ek'o pa Fenicia y ri pa Samaria. Nikitzijola' k'a kan chike ri qach'alal chi e k'iy winaqi' ri man e judío ta ri xkinimaj ri Jesucristo y xjalatej kik'aslen. Y ri qach'alal k'a ri xe'ak'axan, janila k'a xkikot kan ri kánima.

Hechos 28:26

Kabiyin y tabebij chike ri awinaq re ch'abel re': Stape' janila k'iy bey xtiwak'axaj ri nuch'abel, xa kan man jun xtiq'ax chiwech. Stape' janila k'iy bey xtitz'et ri nubanobal, xa kan man xtiq'ax ta chiwech ri nitz'et.

Hechos 3:19

Wakami titzolej k'a pe ik'u'x rik'in ri Dios, y tijalatej ri ik'aslen, richin keri' nikuyutej y nisachatej ri imak. Y xkepe k'a q'ij richin uxlanen toq ri ajaw kan k'o chik iwik'in.

Romanos 9:18

Y keri', niqatz'et k'a chi rik'in ri Dios k'o-wi chi nujoyowaj ruwech jun wineq o wi xa nukowirisaj ri ránima chupan ri itzel ruk'aslen.

Deut 29:4

Stape' rik'in ronojel re xitz'et, rix kan man niq'ax ta chiwech.

Wuj Richin ri Josúe 11:20

Xbanatej k'a ronojel re' roma kan ja ri Jehová xkowirisan ri kánima ri winaqi', richin xkiben oyowal kik'in ri aj-Israel. Y ri Jehová xuben keri' richin chi xekamisex, y man jun xjoyowan ta kiwech. Keri' xek'is konojel tinamit, achi'el k'a xubij ri Jehová chire ri Moisés.