San Juan 10:28 - Kaqchiquel Bible

²⁸ Rije' man xkeken ta k'a richin jantape'; wik'in yin kan xtikil-wi kik'aslen ri man k'isel ta. Ni man jun chuqa' ri xtitikir xke'elesan-el pa nuq'a'.

နောက်ထပ်ဗားရှင်းများ

Kaqchikel Santo Domingo (Xenacoj)

²⁸ Y riyin niyaꞌ ri kꞌaslen ma ndikꞌis ta chake, y ma ngebꞌa ta chupan ri kamik ri kin chin jumul, y nixta jun nditiker ngerumej e pa nuqꞌaꞌ.

Kaqchikel Santa Maria de Jesus

²⁸ Inreꞌ niyaꞌ chica ri cꞌaslien ri man niqꞌuis ta y man jun chiquivach xtisach ta can. Y man jun xtitiquir xcaꞌralasaj-el pa nukꞌaꞌ.

Kaqchikel Central Guatemala

²⁸ Man c'a xquesach ta can, xa can xtiquil-vi quic'aslen ri man q'uisel ta, viq'uin yin. Ni man jun c'a chuka' ri xtitiquir xque'elesan-el pa nuk'a'.

Re C'ac'a Testamento pa Kach'abal

²⁸ Man c'a xque'satz-ta can, xa can xtiquivel-va quic'aslen re man niq'uis-ta viq'uin yen. Y man jun chuka' xtitiquir xque'lisan-a pa nuk'a'.

Kaqchikel Western Solola

²⁸ Riyin xa can xtinya' quic'aslen riche (rixin) xtibe k'ij xtibe sek. Y majun bey xquesach ta ca. Ni majun achique ta ri xticowin xque'elesan ta el pa nuk'a'.

San Juan 10:28 ပူးပေါင်းရင်းမြစ်များ

Wuj Richin ri Achin Job 17:9

Y ri yech'obon chi kan choj ri kik'aslen, kan keri' xtikiben-apo jantape'. Chuqa' roma kan nikich'ob chi ch'ajch'oj ri kik'aslen, xtipe y xtipe más kuchuq'a'.

Wuj Richin Bix Chire ri Dios 31:5

Pan aq'a' k'a rat ninjech-wi' richin yinachajij. Kinakolo' k'a roma rat at jun Dios ri man yinamalij ta kan.

Wuj Richin Bix Chire ri Dios 37:28

Roma ri Jehová kan niqa' chuwech ri ruchojmilal ri k'aslen. Y roma ri' man yerumalij ta kan, wi rije' man nikimalij ta kan rija'. Kan jantape' k'a ruya'on ri ruq'a' pa kiwi', jak'a ri kijatzul ri e banoy etzelal kan xkeruk'is k'a.

Wuj Richin Etamabel-Tzij 24:16

Ri wineq ri kan choj, stape' nitzaq wuqu mul rik'in ri ruk'aslen, kan chi'anin niyakatej chik el; y man keri' ta ri wineq itzel, roma toq rija' nitzaq, q'asen nik'oje' kan chiri'.

Wuj Richin Etamabel-Tzij 4:18

Ri kibey ri chojmilej taq winaqi', kan junan rik'in ri nabey saqil ri niq'alajin-pe ri nimaq'a', nabey xa juba' ok ri saqil y napon k'a ri ramaj toq ri saqil kan jebel niberubana-pe.

Wuj Richin ri Isaías 27:3

Y yin Jehová ninchajij; Kan jantape' ninya'aj, y kan ninchajij k'a chi paq'ij chi chaq'a' richin chi man jun xtinaqo richin.

Wuj Richin ri Isaías 45:17

Jak'a roj ri atinamit kan xqojkolotej kan richin jantape'. Y man jun bey chik xqojk'ixbitej, ni man xtiqasex ta chik qaq'ij.

Wuj Richin ri Isaías 54:17

Man jun kamisabel ri nik'achoj ta ri kan banon richin iwichin rix richin yixruk'is. Rix kan xtiben chike ri e etzelanel iwichin chi man xkeq'ajan ta chik chiwij. Jare' k'a ri xtiwichinaj kan rix ri ix nusamajel. Y rik'in k'a ri' xtiq'alajin chi rix kan ix choj. Yin Jehová ri yibin, nubij ri Dios.

Wuj Richin ri Isaías 55:3

Kixanpe wik'in y kan kiniwak'axaj jebel; kan kiniwak'axaj richin yixk'ase'. Yin kan xtinben jun jikibel-tzij iwik'in richin q'asen, richin xtinya' ajowabel chiwe, y xkik'oje' iwik'in richin jantape', achi'el xinben rik'in ri David.

Wuj Richin ri Jeremías 23:4

Yin kan xtinya' k'a pa kiwi' rije', yuq'unela' ri xkechajin kichin, richin man jun bey chik k'a xtikixibij-ki' y man jun chik k'a ri xtisach-el chike. Yin Jehová ri yibin.

Wuj Richin ri Jeremías 31:3

Yin k'a nej xink'ut-wi' chikiwech ri iwati't-imama' y xinbij chike: Yin kan yixinwajo' rik'in jun ajowabel ri man jun bey nik'is y roma ri' kan jantape' xtinjoyowaj iwech, xicha' chike.

Wuj Richin ri Jeremías 31:34

Kan man jun k'a nik'atzin-wi chi nikik'utula' ta chikiwech richin niketamaj nuwech, roma konojel rije' kan ketaman chik nuwech, nitiker-el rik'in ri más ko'ol y napon-q'anej rik'in k'a ri más nim, roma yin kan xtinkuy ri itzel taq kibanobal y man chik xtoqaqa ta chinuk'u'x ri kimak. Yin Jehová ri yibin.

Wuj Richin ri Jeremías 32:40

Xtinben k'a kik'in rije' jun jikibel-tzij richin q'asen. Kan xtinya' nutzij chi jantape' xtinben utz kik'in. Xtinben k'a chike richin nikiya' nuq'ij jantape' y man jun bey chik xtikijech'ej kan ki' wik'in.

Marcos 13:22

Roma kan ek'o k'a ri xkebek'ulun-pe y xtikibila' chi ja rija' ri Cristo, o ja rija' jun q'alajirisey ruch'abel ri Dios. Jak'a man ke'inimaj; roma xa e q'olonela'. Y xkekibanala' k'a nima'q taq retal y nima'q meyel taq banobel, y rik'in ri' yekiq'ol ri winaqi'. Y rik'in juba' xkekiq'ol ri e cha'on chik roma ri Dios.

San Lucas 23:46

Kan jari' toq ri Jesús rik'in k'a ruchuq'a' xubij: Nata' Dios, pan aq'a' k'a ninjech-wi ri wánima, xcha'. Y kan xaxe k'a xubij kere', kan jari' xken-qa.

San Juan 10:29

Ri nata' Dios xeruya' chuwe yin. Y roma ri' ek'o chuqa' pa ruq'a' rija'. Y ja rija' ri más nim ruq'ij chuwech xabachike. ¿Kan k'o ta kami k'a jun ri nitikir yerelesaj-el pa ruq'a' rija'?

San Juan 11:25

Jak'a ri Jesús xubij: Ja yin ri yiya'on kik'aslen ri kaminaqi'. Roma ri' ri nukuquba' ruk'u'x wik'in, stape' kamineq chik, kan xtik'oje' ruk'aslen.

San Juan 14:19

Jak'a ri winaqi' ri k'a kikuquban na kik'u'x rik'in re ruwach'ulew, xa juba' chik k'a ok re xkinkitz'et. Jak'a rix kan xkinitz'et-wi. Y roma kan k'o-wi nuk'aslen, rix chuqa' xtik'oje' ik'aslen kere'.

San Juan 17:2

Roma kan ajachon-wi-pe uchuq'a' pa nuq'a' richin kan yik'oje-wi pa kiwi' konojel winaqi'. Y ri uchuq'a' ri' nik'atzin k'a chi yin ninya' ri k'aslen ri man k'isel ta chike konojel ri kan e aya'on chik chuwe.

San Juan 18:9

Rija' keri' ri xubij, richin keri' nibanatej na k'a achi'el ri rubin toq xubij: Nata' Dios, chike k'a ri winaqi' ri xe'aya' chuwe, kan man jun k'a ri xtisach ta kan chike, nicha'.

San Juan 3:36

Achike k'a ri nukuquba' ruk'u'x rik'in re k'ajolaxel re', k'o ruk'aslen ri man k'isel ta. Jak'a ri man nikajo' ta nikikuquba' kik'u'x rik'in, man k'a xtik'oje' ta kik'aslen. Kan ek'o chik k'a richin niqaqa ri royowal ri Dios pa kiwi'.

San Juan 4:14

Jak'a ri yequmu ri ya' ri ninya' yin, xtuben k'a chike chi man xtichaqi'j ta chik kichi'. Xa kan xtuben chike chi kik'in rije' nalex-wi ri ya' ri', y kan xtichoxin k'a pe richin nuya' k'aslen ri man k'isel ta, xcha'.

San Juan 5:24

Roma kan qitzij wi ri ninbij chiwe, chi ri nak'axan ri nuch'abel y nukuquba' ruk'u'x rik'in ri taqayon-pe wichin, nril ruk'aslen ri man k'isel ta. Man k'a xtapon ta chupan ri ruk'ayewal, roma kolotajineq chik chuwech ri kamik, richin xuk'ul ri qitzij k'aslen.

San Juan 6:27

Kan kixsamej k'a, jak'a man richin ta chi nich'ek ri wey ri xa nik'is. Xa kan kixsamej richin nich'ek ri wey ri nuya' ik'aslen ri man k'isel ta, wey ri xtinya' chiwe, yin ri xiqaqa-pe achi'el wineq chi'ikojol. Y ja yin ri xiruteq-pe ri nata' Dios, richin ninben re samaj re', xcha'.

San Juan 6:37

Konojel k'a ri e cha'on chik roma ri nata', kan xkepe chinukanoxik. Y man jun bey xkenwetzelaj-el ri xkepe wik'in.

San Juan 6:47

Tiwak'axaj na pe jebel re xtinbij chiwe: Ri nukuquba' k'a ruk'u'x wik'in, kan k'o na wi ruk'aslen ri man k'isel ta.

San Juan 6:68

Jak'a ri Simón Pedro xubij chire ri Jesús: Qajaw, man jun chik achi'el rat, richin niqatzeqelibej ta, roma ri ach'abel rat kan nuya' k'aslen ri man k'isel ta.

Hechos 7:59

Y ri Esteban xch'on rik'in ri Dios toq chapon ruk'aqik chi abej, y nubij k'a: Wajaw Jesús, tak'ulu' k'a ri wánima.

Romanos 5:17

Xaxe roma ri rumak jun wineq, toq qonojel roj winaqi' xojok pa ruq'a' ri kamik. Jak'a ri samaj ri xuben ri Jesucristo más nim ri ruchuq'a', roma rija' xojruya' pa ruwi' ronojel, qonojel ri qak'ulun chik re nimalej sipanik re', y chuqa' man jun qamak nik'ulun chuwech.

Romanos 5:2

Roma ri Jesucristo y ri kuqubabel qak'u'x toq roj yojtikir yojkikot rik'in ri rutzil ri Dios y rik'in ri' oj jikil-wi. Kan yojkikot k'a roma qoyoben ri q'ij toq xqojok achi'el rija'.

Romanos 5:21

Achi'el k'a chi qonojel roj winaqi' xojok pa ruq'a' ri kamik, keri' chuqa' re wakami ri nimalej rutzil ri Dios nuk'en-pe ri k'aslen ri man k'isel ta, roma nuben chiqe chi man jun qamak yojk'ulun chuwech rija'. Y ja ri qajaw Jesucristo ri niya'on ri k'aslen ri'.

Romanos 5:9

Wakami man jun chik qamak yojk'ulun chuwech ri Dios roma ri rukamik ri Cristo. Y man xaxe ta ri' kan xqojkolotej-wi chuwech ri ruk'ayewal ri xtuya' ri Dios.

Romanos 6:23

Roma ri rutojbalil ri mak xa kamik nuk'en-pe chiqe. Jak'a ri Dios nusipaj ri k'aslen ri man k'isel ta chiqe roj. Y ja k'aslen re' ri nisipex chiqe roma ri qajaw Cristo Jesús.

Romanos 8:1

Wakami k'a kan man xtiqaqa ta ri nimalej ruk'ayewal pa qawi', roj ri jun chik qabanon rik'in ri Cristo Jesús.

Romanos 8:29

Ri Dios kan retaman chik k'a qawech toq man jani yojalex ta, y roma ri' toq xojrucha' richin yojok achi'el ri Ruk'ajol. Ri Dios kan nrajo' k'a chi oj k'iy ta ri yojok ralk'ual, y ja ri Jesucristo ri nimalaxel chiqakojol.

Deut 33:3

Kan qitzij na wi ri Jehová kan nrajo' ri rutinamit, konojel ri kijachon-ki' pa ruq'a' kan yeruchajij. rije' kan janila nikiqasaj-ki' chuwech, y chikijujunal kan nikak'axaj ri rutijonik.

Filipenses 1:6

Ri Dios ruchapon k'a jun utzilej samaj pa taq iwánima, y kan jujik chi xtuk'is-wi pa ruwi', toq xtapon ri q'ij richin nipe chik ri Jesucristo.

2 Tesalonicenses 2:13

Jak'a roj beneq ruwech k'o chi yojmatioxin chire ri Dios iwoma rix qach'alal, ri janila yixajowex roma ri ajaw, roma kan pa rutikeribel-pe jari' toq xixrucha' yan richin yixkolotej chupan ri imak. Y xixkolotej roma xikuquba' ik'u'x rik'in ri qitzij, y roma ri rusamaj ri Loq'olej Espíritu.

1 Timoteo 1:16

Jak'a ri Jesucristo xujoyowaj nuwech richin nuk'ut chikiwech ri winaqi' chi janila rukoch'onik, richin nuk'ut chikiwech ri xtikikuquba' kik'u'x rik'in, chi xabachike ta rubanik ri kimak, xkerukuy richin nikil ri k'aslen ri man k'isel ta.

2 Timoteo 1:12

Y roma ri' nintej poqon, jak'a man yik'ix ta, roma kan wetaman-wi ri achike nuniman y kan kuqul-nuk'u'x rik'in chi nuchajij ri wánima ri nujachon pa ruq'a', k'a toq xtapon ri ruk'isibel q'ij.

Hebreos 7:25

Y roma ri' rija' kan jantape' k'a nitikir yerukol ri yejel-apo rik'in ri Dios pa rubi' rija'. Roma rija' kan man kamel ta, y roma ri' beneq-ruwech nuk'utuj rutzil ri Dios pa kiwi'.

1 Pedro 1:5

Y roma qakuquban qak'u'x rik'in ri Dios, roma ri' rija' kan yojruchajij rik'in ruchuq'a', richin keri' ri kolotajik ri kan qichin chik roj, kan xtiqichinaj-wi chupan ri ruk'isbel taq q'ij.

1 Juan 1:2

Re k'aslen re' xok'ulun-qa chiqakojol y xqatz'et. Roma ri' niqatzijoj chiwe chi kan k'o-wi-pe rik'in ri Qatata' Dios, y k'ari' xok'ulun qik'in.

1 Juan 2:19

Xek'oje' chiqakojol, jak'a xa xe'el-el roma man e qachibil ta. Wi ta e qachibil, ek'o ta qik'in wakami. Xe'el k'a el qik'in, xaxe richin chi xeq'alajin chi kan man ek'o ta qik'in.

1 Juan 2:25

Y ri Jesucristo kan k'o-wi ri rusujun kan chiqe. Y ri' kan ja ri k'aslen ri man k'isel ta.

1 Juan 5:11

Y jare' ri nubij ri Dios, chi nuya' chiqe ri k'aslen ri man k'isel ta, y rik'in ri Ruk'ajol niqak'ul-wi re k'aslen re'.

Judas 1:1

Yin Judas, in jun chike ri rusamajela' ri Jesucristo y rach'alal ri Santiago, ninteq k'a el re wuj re' chiwe rix, ri ix ajowan y ix oyon roma ri qatata' Dios, ri chuqa' kan ix chajin roma ri Jesucristo.

Judas 1:21

Kan man tich'er kan iwi' chire ri ajowabel richin ri Dios. Y tiwoyobej k'a apo ri q'ij toq ri qajaw Jesucristo xtujoyowaj iwech y xtuya' ri ik'aslen man k'isel ta.

Judas 1:24

Kan xaxe chire ri Dios ri qakolonel, ri nitikir yojruchajij richin man yojtzaq ta pa mak y nitikir nuben chiqe chi yojapon chila' chikaj rik'in ch'ajch'ojil y man jun qamak chuwech ri nimalej rajawaren,

1 Sam 2:9

Rija' nuchajij ri rubinibal ri rukuquban ruk'u'x rik'in, y jak'a ri e itzel taq winaqi' kan xkek'is pa q'equ'm. Y man jun xtich'akon, wi ja ri ruchuq'a' rija' xtukusaj.