San Juan 10:16 - Kaqchiquel Bible

¹⁶ Y yin man xaxe ta k'a q'ataj nukarne'l re' ri ek'o, xa kan ek'o k'a chuqa' ch'aqa' chik ri man jani ek'o ta wawe' chupan re jun qejoj re'. Kan xkenk'en k'a pe richin xtikak'axaj chuqa' ri nuch'abel. Chupan ri q'ij ri' xaxe yin ri xkinok kiyuq'unel, y xtik'oje' xaxe jun q'ataj nukarne'l.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁶ Riyin kꞌo chik chꞌaqa nukarneꞌl ri ma erichin ta re koral reꞌ; ndikꞌatzin chuqaꞌ ngenkꞌen pe chin ngenyuqꞌuj. Rejeꞌ kin xtikakꞌaxaj ri nutzij y xe jun bꞌotzaj ndikibꞌen konojel y xe jun qetzij yuqꞌunel ndikꞌojeꞌ pa kiwiꞌ.

Kaqchikel Santa Maria de Jesus

¹⁶ Y man joꞌc ta reꞌ nu-ovejas icꞌo, xa icꞌo jeꞌ nicꞌaj chic ri man icꞌo ta vaveꞌ chupan va jun coral va. Can nicꞌatzin chi ncaꞌncꞌam-pa, y ijejeꞌ xtiquiꞌan ri xtinꞌej chica. Richin quireꞌ xa jun xtiquiꞌan y jun oc Chajiniel xtichajin quichin.

Kaqchikel Central Guatemala

¹⁶ Y yin man xe ta c'a nucarne'l re' ec'o, xa can ec'o c'a chuka' ch'aka' chic ri man jani ec'o ta vave' chupan re jun coral re'. Can xquenq'uen c'a pe y xticac'axaj chuka' ri nuch'abel. Can xtic'oje-vi c'a jun kitzij Aj-Yuk' y jun li'aj rucarne'l.

Re C'ac'a Testamento pa Kach'abal

¹⁶ Y yen man xe-ta re' re nu-ovejas jec'o, xa can jec'o chuka' nic'aj chic re man jec'o-ta vova' chupan re jun corral re'. Y yen can xque'nc'am-pa y xtiquic'axaj chuka' re nuch'abal. Y ja yen xquinchajin quichin conojel y xa jun c'a xtiquiban.

Kaqchikel Western Solola

¹⁶ Y ma xu (xe) ta c'a nucarne'l re' ri yec'o, xa can yec'o c'a chuka' nic'aj chic nucarne'l ri ma jane yec'o ta wawe' chupan re jun coral re'. Rajawaxic chi yenc'om pe, y xtiquic'axaj chuka' ri nuch'abel. Y xa jumoc carne'l xtiquiben, y xa jun Aj Yuk' xtiyuk'un quiche (quixin).

San Juan 10:16 ပူးပေါင်းရင်းမြစ်များ

Wuj Richin ri Rutikeribel 49:10

Ri q'atbel-tzij*f32* kan man jun k'a xtitikir xtelesan pa ruq'a' ri Judá, ri cetro richin ri q'atbel-tzij kan man jun xtelesan chire, k'a ja toq xtoqaqa na ri rajaw, k'ari' xtujech chire, y konojel ri winaqi' chuwech ri ruwach'ulew xtikinimaj rutzij.

Wuj Richin Bix Chire ri Dios 86:9

Konojel tzobaj winaqi' ri xe'aben, xkepe chawech y xtikiya' aq'ij rat ajaw. ¡Kan xtikinimirisaj k'a ri abi'!

Wuj Richin ri Molojri'il 12:11

Ri kitijonik k'a ri winaqi' e aj-na'oj, kan nuben k'a jun samaj achi'el nuben jun che' chuq'bel; ri etamabel-tzij ri nikikusaj ri etamanela' kan nich'ike' k'a pa taq kánima ri winaqi'; re' kan e ya'on k'a kan roma ri Dios, ri qayuq'unel.

Wuj Richin ri Isaías 11:10

Toq ri rijatzul kan ri Isaí xtipe, re' jare' jun retal kichin ri tinamit richin xtitzolin-pe kik'u'x rik'in. Y ri akuchi xtik'oje-wi, kan janila nim ruq'ij-ruk'ojlen.

Wuj Richin ri Isaías 43:6

Y chike ri winaqi' ri ek'o pa xaman xtinbij chi kekijacha-pe konojel ri nuwinaq, y chike ri ek'o pa xokon xtinbij chi man kekiq'et-qa. Jak'a kan kebekik'ama-pe ri nuk'ajol, y ri numi'al ri ek'o k'a janila nej chire ri ruwach'ulew.

Wuj Richin ri Isaías 49:6

Y roma ri' ri Jehová nubij: Man jun rejqalen richin chi rix xaxe ye'imol kichi' ri juba' chike ri iwinaq ri ek'o kan. Jak'a yin kan xtinben chiwe chi xkixok jun saqil kichin ri ch'aqa' chik winaqi' richin ri ruwach'ulew, richin chi rix xkixk'amon-pe ri kolotajik chike chijun ri ruwach'ulew.

Wuj Richin ri Isaías 52:10

Ri Jehová kan xtuk'ut-wi ri ruchuq'a' chikiwech konojel tzobaj winaqi' richin re ruwach'ulew. Chijun ri ruwach'ulew xtiketamaj chi ri qa-Dios roj xqojrukol.

Wuj Richin ri Isaías 56:8

Yin Jehová ri ink'o pa ruwi' ronojel, y ja yin xkimolon kichi' konojel ri aj-Israel ri xa kitalun-ki'. Y ninjikiba' nutzij chi xkenmol chik ch'aqa' winaqi' kik'in.

Ez 34:12

Ri nuwinaq e sachineq kan chupan ri q'ij richin q'equ'm y ruk'ayewal toq xkitaluj-el-ki'. Jak'a re wakami kan xkenchajij achi'el nuben jun yuq'unel toq kan beneq ruk'u'x chikij ri rukarne'l.

Ez 34:23

Xtinteq-pe jun rijatzul kan ri rey David ri nusamajel richin nok yuq'unel pan iwi'. Rija' xkixruchajij jebel.

Ez 34:6

Xkitaluj k'a el ki' pa taq ruwi' juyu' y xesach k'a el chupan chijun ri ruwach'ulew. Kan man xich'ob ta juba' kij richin xe'ikanoj.

Ez 37:22

Chuqa' xtinben k'a chike chi xa jun ajawaren xtikiben y chi xkek'ase' junan chijun ri ruwach'ulew y ri pa taq juyu'. Xaxe k'a jun ki-rey ri xtik'oje' y man xtikich'er ta chik ki' pa taq ka'i' tzobaj, ni man jun bey chik xtikich'er ri kajawaren.

Ez 37:24

Xtipe k'a jun rey achi'el ri q'asen David, ri nusamajel ri xtiq'aton-tzij pa kiwi' y rija' xtichajin kichin achi'el nuben jun yuq'unel. Y rije' kan jebel xtikinimaj ri nupixa'.

Os 1:10

K'o k'a jun q'ij ri israelita xkebek'iyer janila, kan xtibekibana' k'a achi'el ri sanayi' ri k'o chuchi' ri palou ri kan man jun nitikir netan ni najlan richin. Pa ruk'exel xtinbij chike chi man e nutinamit ta chik, kan xtinbenbij k'a chike: Rix kan ix walk'ual yin ri in k'aslik Dios, xkicha' chike.

Wuj Richin ri Zacarías 2:11

Toq xtibanatej ronojel re', kan e k'iy k'a ruwach'ulew xtijunamatej-kiwech wik'in yin richin xke'ok nuwinaq. Y yin xkik'oje' k'a chi'ikojol. Richin keri' xtiq'ax k'a chiwech chi ja ri Jehová k'iytisanel richin ronojel ri in taqayon-pe richin xipe iwik'in.

San Mateo 17:5

Rokik k'a nich'on na ri Pedro, jari' toq xkitz'et jun sutz' richin saqil xqaqa-pe pa kiwi'. Y chupan k'a ri sutz' ri' k'o jun ri xch'on-pe y xubij: Jare' ri nuk'ajol yin ri kan janila ninwajo' y yikikot rik'in, kan tiwak'axaj k'a ri nubij, xcha' ri ch'abel ri'.

San Lucas 15:8

O wi k'o ta jun ixoq ri k'o lajuj méro*f27* rik'in, y chire ri lajuj nutzeq ta jun chiri' pa rachoch. Re ixoq re' kan nutzij jun q'aq' richin nukanoj ri ruméro, numes rupan ri rachoch y jebel k'a nukanoj k'a toq xtril na.

San Juan 10:11

Y ja yin k'a ri utzilej yuq'unel, y ri jun utzilej yuq'unel nuya' ri ruk'aslen richin utz yek'oje' ri rukarne'l.

San Juan 10:2

Jak'a ri nukusan ri ruchi' ri qejoj richin nok-apo, ri' kan jari' ri yuq'unel kichin ri karne'l.

San Juan 10:27

Ri nukarne'l yin kan ketaman y nikak'axaj ri nuch'abel, y kan yinkitzeqelibej. Chuqa' yin wetaman kiwech rije'.

San Juan 10:3

Y ri chajinel nujeq ruchi' ri qejoj toq nrak'axaj ri ruch'abel ri yuq'unel. Ri rukarne'l rija' kan ketaman chik ri ruch'abel. Rija' yeroyoj chikijujunal rik'in ri kibi' y yerelesaj k'a el.

San Juan 10:4

Toq e relesan chik k'a el konojel ri rukarne'l, ninabeyej-el chikiwech, y ri karne'l yetzeqe-el chirij. Ri karne'l kan keri' wi nikiben roma kan ketaman k'a ruch'abel ri niyuq'un kichin.

San Juan 10:5

Jak'a ri man ketaman ta ruwech, man xtikitzeqelibej ta. Xa ye'animej chuwech, roma man ketaman ta ri ruch'abel, xcha'.

San Juan 11:52

Y ri Jesús kan man xaxe ta k'a pa kik'exel ri winaqi' richin ri ruwach'ulew ri' toq xtiken, xa kan xtiken k'a richin yerumol konojel ri winaqi' ri kan e ralk'ual wi ri Dios ri e talutajineq chuwech re ruwach'ulew.

San Juan 17:20

Nata' Dios, yin man xaxe ta k'a pa kiwi' re tzeqelibey wichin nink'utuj ri awutzil, xa kan keri' chuqa' nink'utuj chawe pa kiwi' konojel ri xtikikuquba' kik'u'x wik'in roma ri kich'abel ri yetzeqeliben wichin.

San Juan 6:37

Konojel k'a ri e cha'on chik roma ri nata', kan xkepe chinukanoxik. Y man jun bey xkenwetzelaj-el ri xkepe wik'in.

Hechos 15:14

Ri Simón Pedro k'ari' nutzijoj-qa chiqe chi ri Dios kan xuya' yan rutzil pa kiwi' ri winaqi' ri xa man e judío ta. Kan xerucha' k'a jujun richin chi xe'ok rutinamit ri kan yeya'o-wi ruq'ij.

Hechos 18:10

Yin k'a ri xkichajin awichin wawe'. Kan man jun ri xtak'uluwachij ta pa kiq'a' ri winaqi'. Roma re wawe' pa tinamit Corinto e k'iy winaqi' ri kan e wichin chik yin, xcha' ri Dios chire.

Hechos 22:14

Rija' xubij k'a chuqa' chuwe: Ri Dios ri kichin ri qati't-qamama' xarucha' richin nawetamaj ri rurayibel rija' y richin chuqa' xatz'et ri ajaw Jesucristo ri kan choj, y richin xawak'axaj ri ruch'abel.

Romanos 11:25

Wach'alal, yin ninwajo' chi rix iwetaman ta re k'a juba' tuq'alajirisaj ri Dios, richin man xa tina-iwi' iyon rix chi janila iq'ij. Y ri nuwinaq judío ri kowirineq ri kánima y man nikajo' ta nikinimaj ri Dios, keri' xkek'oje', k'a toq xkekolotej na ri man e judío ta.

2 Tesalonicenses 2:13

Jak'a roj beneq ruwech k'o chi yojmatioxin chire ri Dios iwoma rix qach'alal, ri janila yixajowex roma ri ajaw, roma kan pa rutikeribel-pe jari' toq xixrucha' yan richin yixkolotej chupan ri imak. Y xixkolotej roma xikuquba' ik'u'x rik'in ri qitzij, y roma ri rusamaj ri Loq'olej Espíritu.

Hebreos 13:20

Ri Dios, ri niya'on uxlanen pa taq qánima, ri xk'ason-pe ri nimalej Yuq'unel ri qajaw Jesús; ri Jesús ri xken y xbiyin ri rukik'el richin xk'achoj ri jikibel-tzij richin jantape',

1 Pedro 2:10

Ri rubanon kan, man ix jun tinamit ta, jak'a re wakami xixok rutinamit ri Dios. Man ik'ulun ta rutzil rija' jak'a re wakami xik'ul ri rutzil.

1 Pedro 2:25

Rix ri rubanon kan, xa italun-iwi' achi'el taq karne'l ri e sachineq kan. Jak'a re wakami tzolejineq chik pe ik'u'x rik'in ri Yuq'unel iwichin y ri nichajin ri iwánima.

1 Pedro 5:4

Y toq xtok'ulun chik qa ri Cristo, ri nimalej Yuq'unel, xtik'ul k'a jun corona ri man jun bey xtik'is.

Apocalipsis 3:20

Roma yin kan jare' k'a ink'o chik chuchi' ri iwachoch y yinoyon chik apo. Achike k'a ri xtak'axan-pe wichin y nujeq ri ruchi' jay chinuwech, xkinok-apo rik'in, xkiwa' rik'in y rija' xtiwa' wik'in yin.