Joel 3:3 - Kaqchiquel Bible

³ Y kan xekiya' pan etz'anen ri nuwinaq richin xekik'uaj; chuqa' kan xekik'ayij-el ri taq ak'uala' chi alaboni' chi xtani'. Y ri méro xkikusaj richin xek'oje' kik'in ixoqi' ri man utz ta kik'aslen, richin chuqa' xkiloq' vino chire richin xkiqum.

Joel 3:3 ပူးပေါင်းရင်းမြစ်များ

Wuj Richin ri Achin Job 6:27

Rix kan in iwichin ibanon chuwe roma man yitikir ta ninto-wi', chuqa' xixpiskolin chuwij yin ri in iwachibil.

Ez 27:13

Chuqa' ri winaqi' aj-Grecia, ri aj-Tubal y ri aj-Mésec yepe richin ye'oloq'on-el rik'in. Y ri nikitojbej kan chire ja ri winaqi' ri e ximil pa samaj kik'in y samajibel ri e banon rik'in q'enq'oj-pueq.

Joel 1:5

Roma ri', kixyakatej rix q'abarela', y kixoq'. Tiraqa' ichi' roma bis chi'iwonojel ri yixqumu vino, roma ri ruya'al uva kan xelesex-el chiwe.

Am 2:6

Kere' nubij ri Jehová pa kiwi' ri aj-Israel: Ri kimak kan xik'o yan ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije' kan xekik'ayij ri winaqi' ri xa maneq kimak. Xekijel ri winaqi' ri man jun k'o kik'in rik'in juk'ulaj xajab.

Wuj Richin ri Abdías 1:11

Chupan ri q'ij toq ri Jerusalem xch'akatej koma ri e etzelanel kichin, rix xa man xe'ito' ta, ri winaqi' ri' xkik'uaj-el ronojel ri k'o kik'in ri aj-Jerusalem. Toq xbanatej ch'akonik pa ruwi' ri Jerusalem, rix chuqa' xa kan xiben achi'el xkiben rije'.

Wuj Richin ri Nahum 3:10

Man rik'in ri' ri Tebas xa xuk'uex-el pa ximonri'il. Chuqa' ri taq ak'uala' xek'aq tzan taq abej pa taq krusin-bey. Ri achi'a' ri k'o kiq'ij xban sakinik pa kiwi' richin achike ri yekik'uaj-el, y ri k'o kuchuq'a' xe'uk'uex-el y xexim-el rik'in q'eqapueq.

Apocalipsis 18:13

Kik'ualon chuqa' canela, jubulej taq aq'om, pom, mirra, vino, aceite richin oliwo, k'ej, trigo, kokoj y nima'q taq awej, kiej, karruaje, y xekik'ayij chuqa' winaqi'.