Joel 3:2 - Kaqchiquel Bible

² Ri chiri' pa taq'aj kojol juyu' richin kan ri Josafat, yin xkenmol k'a konojel tzobaj winaqi' richin ri ruwach'ulew. Y chiri' xtinq'et-wi tzij pa kiwi' rije', roma janila itzel xkiben chire ri nutinamit; kan xekik'uaj-el ri israelita, xekitaluj chikikojol winaqi' richin ch'aqa' chik ruwach'ulew, y ri kulew kan xkitaluj chikiwech rije'.

Joel 3:2 ပူးပေါင်းရင်းမြစ်များ

2 Crón 20:26

Chupan k'a ri rukaj q'ij xkimol-ki' konojel rije' ri chiri' chupan jun taq'aj kojol juyu' ri k'o chiri' richin xkiya' ruq'ij ri Jehová, y roma ri' xkibij Taq'aj kojol juyu' richin Beracá*f9* chire k'a re wakami roma chiri' xkil-wi urtisanik.

Wuj Richin ri Isaías 66:16

Y rik'in q'aq' y espada xtinq'et-tzij pa kiwi' konojel winaqi', y kan e k'iy k'a ri xkenkamisaj.

Wuj Richin ri Isaías 66:18

Roma ri itzel taq kibanobal y ri kich'obonik, kan xtapon jun q'ij richin xkenmol konojel tzobaj winaqi' richin ri ruwach'ulew. Y rije' xkepe richin nokitz'eta' ri nuk'ojlen.

Wuj Richin ri Jeremías 12:14

Jak'a yin Jehová chuqa' xtinya' rutojbalil-mak pa kiwi' ri ch'aqa' chik winaqi' ri ek'o chunaqaj ri ruwach'ulew Israel, ri xek'ison kichin. Yin kan xkenwelesaj k'a el chupan ri kiruwach'ulew y chuqa' kan xkenwelesaj k'a pe ri nuwinaq chikikojol rije'.

Wuj Richin ri Jeremías 25:31

Ri raqoj-chi'ij ri' xtapon k'a ri juk'an chik ruchi' ri ruwach'ulew, roma ri Jehová nrajo' nuchojmirisaj ri yebanatej kik'in konojel winaqi'. Kan nuq'et-tzij pa kiwi' y ri winaqi' ri e banoy etzelal kan xkerukamisaj chi espada.

Wuj Richin ri Jeremías 49:1

Ri Jehová xuya' k'a re rutzijol re' chuwe pa kiwi' ri aj-Amón y xubij: Janila e k'iy ri e rijatzul kan ri Israel ri ek'o pa ruwach'ulew Gad. ¿Achike roma wakami rix ri itzeqeliben ri dios Milcom xixok chupan ri kiruwach'ulew rije' y kan ixk'o chupan ri kitinamit?

Wuj Richin ri Jeremías 50:17

Rix winaqi' israelita ri italun-iwi' achi'el karne'l ri e sachineq y e tzeqeliben koma koj. Ri nabey koj ja ri rey richin Asiria, ri xixrutej rix. K'ari' xpe ri Nabucodonosor rey richin Babilonia y xupaq'aq'ej ri ibaqil.

Ez 25:8

Ri Jehová xubij: Ri ruwach'ulew Moab y chuqa' ri tinamit Seir nikibij chi ri ruwach'ulew Judá junan rubanik kik'in ri ch'aqa' chik ruwach'ulew.

Ez 34:6

Xkitaluj k'a el ki' pa taq ruwi' juyu' y xesach k'a el chupan chijun ri ruwach'ulew. Kan man xich'ob ta juba' kij richin xe'ikanoj.

Ez 35:10

Rix kan xich'ob k'a chi ri ruwach'ulew Israel y ri ruwach'ulew Judá, xke'ok iwichin ri chi e ka'i' ajawaren ri'. Y stape' yin kan ink'o ri chiri', kan man xiya' ta wejqalen.

Ez 36:1

Rat Ezequiel, taya' re jun rutzijol re' pa ruwi' ri juyu' richin ri ruwach'ulew Israel.

Ez 36:5

yakatajineq janila ruq'aq'arinen ri woyowal chikij rije' y chikij ri aj-Edom, roma rik'in janila kikoten xk'oje' kan pa kiq'a' ri ruwach'ulew ri' y rik'in janila ixowanik xekik'uaj-el ronojel ri ek'o kan pa taq juyu'.

Ez 38:22

Kan xtinya' k'a rutojbalil-mak pan awi' y xtinteq-pe nimalej taq yabil chiwij rix y ri ch'aqa' chik winaqi'. Chuqa' kan e k'iy chiwe rix ri xkixinkamisaj. Xtinben k'a chi xtipe jun nimalej kamik job, saqboch rik'in q'aq' y chuwilej-abej ri xtiqaqa-pe chila' chikaj.

Ez 39:11

Chupan ri q'ij ri', yin xtinya' chire ri Gog jun xoral richin muqbel pa jun taq'aj kojol juyu' chiri' pan Israel, pa relebel-q'ij chire ri Tzayi-Choy. Re xoral re' kan xtuq'et k'a kibey ri winaqi' ri yeq'ax chiri', roma chiri' k'a xkemuq-wi kan ri rey Gog y ri e k'iy aj-labal. Y roma ri' ri taq'aj kojol juyu' ri' xtubini'aj: Taq'aj Kojol Juyu' Richin ri Gog y ri e Aj-labal.

Joel 3:12

Ri Jehová nubij: Kixk'astej k'a winaqi' richin re ruwach'ulew; y kixjote-pe pa taq'aj kojol juyu' ri richin kan ri Josafat. Roma chiri' xkitz'uye-wi yin richin ninq'et-tzij pan iwi' rix. Xtinq'et-tzij pa kiwi' konojel ajawaren ri ek'o chikinaqaj.

Joel 3:14

Ri chiri' janila chi winaqi' ek'o richin ninq'et-tzij pa kiwi' roma xa naqaj chik k'o-wi-pe ri q'ij wichin yin.

Am 1:11

Kere' nubij ri Jehová pa kiwi' ri aj-Edom: Ri kimak kan xik'o yan ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije' xekitzeqelibej ri kiwinaq israelita richin xekikamisaj. Y kan man xkijoyowaj ta kiwech. Ri ch'upun-k'u'x ri xk'oje' kik'in kan janila nim. Kan man xkiq'et ta ruwi' ri koyowal.

Wuj Richin ri Miqueas 4:12

Jak'a ri yebin keri' xa man ketaman ta ri ruch'obonik ri Jehová, man niq'ax ta chikiwech ri nrajo' nuben rija'. Roma ri Jehová xkerumol k'a re winaqi' re' achi'el nimol ri boraj trigo richin nich'ay.

Wuj Richin ri Sofonías 3:8

Roma ri' nubij ri Jehová chike chi tikoyobej na, k'a toq xtapon na ri q'ij richin rija' xtiyakatej richin nuq'et-tzij. Rija' xuch'ob yan chi yerumol konojel winaqi' richin ri ruwach'ulew, richin nuya' pa kiwi' ri ruq'aq'arinen ri royowal. Ronojel ruwach'ulew kan xkeruk'is roma ri royowal.

Apocalipsis 11:18

Ri tzobaj winaqi' richin re ruwach'ulew yakatajineq koyowal chawij, jak'a kan xoqaqa ri q'ij richin chi ri awoyowal rat xqaqa pa kiwi' rije'. Kan xoqaqa ri q'ij richin naq'et-tzij pa kiwi' ri kaminaqi'. Q'ij richin chi xtaya' rajel ruk'exel chike ri asamajela' y ri e q'alajirisey ri ach'abel, chike ri awalk'ual y ri yeya'on aq'ij, chi ch'uti'q chi nima'q. Kan xoqaqa k'a chuqa' ri q'ij chi rat ye'ak'is ri winaqi' ri yebanon chire ri ruwach'ulew richin nik'is, yecha'.

Apocalipsis 16:14

Ri oxi' itzel taq espíritu ri' kan yekibanala' k'a meyel taq banobel richin yeq'olotej ri winaqi' pa kiq'a'. E eleneq k'a pe richin yekimol konojel q'atoy taq tzij richin ri ruwach'ulew e kachibilan ri aj-labal. Yekimol-apo richin ri q'ij toq xtikiben oyowal rik'in ri Dios ri kan k'o ronojel uchuq'a' pa ruq'a'.

Apocalipsis 16:6

Roma kan naya' rutojbalil chike ri xekamisan kichin ri awalk'ual y ri e asamajela' ri xeq'alajirisan ri ach'abel. Y kan utz rubanik naben chike chi tikiqumu' kik', roma jari' ri ruk'amon chi nikik'ul, xcha'.

Apocalipsis 20:8

Y xtel chik jun bey chikiq'olik ri winaqi' ri ek'o pa ronojel ruwach'ulew, ri aj-Gog y aj-Magog, kan xkeruq'ol y yerumol-el richin ri oyowal. Y kan yebuchu k'a, kan e achi'el ri sanayi' ri ek'o chuchi' ri palou.