Joel 3:17 - Kaqchiquel Bible

¹⁷ Y xtiwetamaj chi ja yin Jehová ri i-Dios y yin xkik'oje' chiri' pa juyu' Sión. Y ri tinamit Jerusalem kan ch'aron wichin yin. Y man jun bey chik xtich'akatej koma ch'aqa' chik winaqi' ri man e aj chiri' ta.

Joel 3:17 ပူးပေါင်းရင်းမြစ်များ

Wuj Richin ri Achin Job 15:19

Ri ruwach'ulew xa kan pa kiq'a' chuqa' rije' xjach wi kan. Ri na'oj ri xk'oje' kik'in kan kichin rije', roma kan man xkiya' ta q'ij chi ch'aqa' chik winaqi' xkixol-ki' kik'in.

Wuj Richin Bix Chire ri Dios 76:2

Ri rachoch, kan pa Jerusalem k'o-wi, rija' kan chiri' pa juyu' Sión k'es-wi.

Wuj Richin Bix Chire ri Dios 9:11

Tibixaj rubi' ri Jehová, ri k'o chiri' pa Sión. Titaluj k'a rutzijol ri pa taq tinamit ri nima'q taq rubanobal.

Ex 16:12

Yin xinwak'axaj k'a ronojel ri xkixebexa' ri awinaq. Wakami k'a xtabij chike chi toq xtiqaq'ij-qa, rije' xtikitej ti'ij y toq xtiseqer xtikitej aj-chikajil-wey y man jun ri xtinum ta. Y rik'in ri' xtikitz'et k'a chi ja yin Jehová ri i-Dios, xcha'.

Wuj Richin ri Isaías 11:9

Kan man jun k'a itzel ri xtik'uluwachitej chiri' pa juyu' Sión, roma chijun ri ruwach'ulew kan xtinoj rik'in etamabel richin ri Jehová, achi'el ri ya' nunojisaj ri palou.

Wuj Richin ri Isaías 12:6

Kan qojsik'in rik'in kikoten. Kan qojbixan qonojel roj winaqi' aj-Sión, roma ri qa-Dios kan nim chiqakojol.

Wuj Richin ri Isaías 35:8

Y chiri' xtik'oje' jun nimalej bey, y xtubini'aj Bey Kichin ri Winaqi' ri Janila e Ch'ajch'oj. Man jun wineq ri man ch'ajch'oj ta rik'in ri ruk'aslen ri xtiq'ax ta chiri', jak'a kichin ri ch'ajch'oj kik'aslen chuwech ri Dios. Y ri achike xkebe chupan ri bey ri', stape' man nel ta kánima, man xkesach ta.

Wuj Richin ri Isaías 4:3

Ri winaqi' ri xkek'oje' kan pa tinamit Sión kan e ch'aron roma ri Dios.

Wuj Richin ri Isaías 46:13

Kan xtinben chi ninaqajub yan pe ri nuq'atbel-tzij. Kan xkixinto' yan k'a. Xtinkol yan ri nutinamit Sión, y ri nuruwaq'ijaj xtik'oje' pan Israel.

Wuj Richin ri Isaías 52:1

Kixk'astej, kixk'astej rix aj-Sión, kan tik'oje' iwuchuq'a'. Rix aj-Jerusalem kan tikusaj ri itziaq ri más jebel ok, roma kan man jun bey chik xtok jun wineq iwik'in ri man iwinaq ta o man ch'ajch'oj ta.

Wuj Richin ri Isaías 56:7

wi nikiben ronojel re', yin kan xkenk'en-pe chupan ri juyu' Sión. Kan xtinben chike richin xkekikot chupan ri wachoch richin niban ch'owen wik'in. Ri poron chikopi' y ri kamelabel ri xkekisuj chuwe kan xtink'ul chikiwech, roma chikikojol ri tinamit, ri wachoch kan xtubini'aj: Jay akuchi niban-wi ch'owen rik'in ri Dios.

Wuj Richin ri Jeremías 31:23

Yin Jehová ri k'o ronojel uchuq'a' pa nuq'a' y roma ri' ninbij chi toq yin xtinjel ri rubanik ri kik'aslen ri winaqi' ri ek'o pa tinamit Judá, jari' toq rije' xkek'oje' chik jun bey pa kiruwach'ulew y pa taq kitinamit. Y xkech'on wik'in y xtikik'utuj chuwe chi yin xtinwurtisaj ri wachoch ri k'o pa ruwi' re juyu' re'.

Wuj Richin ri Jeremías 31:40

Y xkech'ar chuwe yin ri akuchi yemuq-wi ri kaminaqi' y chuqa' akuchi nitorix-wi ri chaj ri k'o chupan ri taq'aj richin ri Cedrón. Chuqa' xkech'ar chuwe yin ri taq'aj richin Hinom k'a rik'in ri ruchi' akuchi ye'el ye'ok-wi ri kiej chiri'. Y ri winaqi' aj-Jerusalem man jun bey chik xke'elesex-el, ni ri tinamit man jun bey chik xtiwulex-el, xcha' ri Jehová.

Ez 20:40

Roma yin Jehová ri ink'o pa ruwi' ronojel ninjikiba' nutzij chi chiri' pa ruwi' ri juyu' ri nucha'on yin, chiri' rix ri aj pa rachoch kan ri Israel xkinisamajij y chiri' xtiya-wi nuq'ij y yin rik'in ronojel wánima xtink'ul ri isipanik, ri nabey ruwech taq itiko'n. Y ronojel ri xtisuj chuwe xtink'ul rik'in kikoten.

Ez 37:6

Kan xtinya' k'a paten-iboch' chiwe y xtinben k'a chi xtik'oje' chik ich'akul y ri itz'umal. K'ari' xtinya' chik jun bey ik'aslen richin xkixk'ase'. K'ari' k'a xtiwetamaj chi ja yin Jehová, xcha'.

Ez 43:12

Jak'a pixa' re' ri k'o janila rejqalen. Chijun ri ulew ri akuchi k'o-wi ri wachoch, re pa ruwi' re juyu' re', kan xtich'ar chuwe yin.

Ez 44:9

Roma ri' yin Jehová ninbij chi man jun wineq ri xtok-apo pa wachoch ri man iwinaq ta, ri xa man ruk'uan ta retal pa ránima y chuqa' man ruk'uan ta retal chirij ri ruch'akul richin ri nujikibel-tzij ri nubanon iwik'in.

Ez 48:35

Y ri raqen ri tinamit 5,352 jaj pa taq kaji' ruxikin. Y ri tinamit xtubini'aj: Ri Jehová kan wawe' k'o-wi, xcha' ri Jehová.

Dn 11:45

Y xkerupabala' ri rachoch banon rik'in tzieq, chukojol ri palou y ri juyu' ri akuchi k'o-wi ri rachoch ri Dios. Jak'a xa kan xtapon k'a chupan ri ruk'isibel q'ij chire ri ruk'aslen, y kan man jun k'a ri xtito'on richin.

Dn 9:16

Qajaw Dios, rat kan at choj-wi, y roma ri' tabana' utzil chi tik'o-qa ri awoyowal pa ruwi' ri atinamit Jerusalem, ri juyu' ri ch'aron chawe rat. Roma ri kimak ri qate-qatata', ri tinamit Jerusalem xa k'o pa jun nimalej ruk'ixbilal, chikiwech ri ch'aqa' chik tinamit.

Joel 2:27

Richin keri', rix niwetamaj k'a chi yin pan inik'ajal rix ink'o-wi. Chuqa' rix niwetamaj chi ja yin Jehová ri i-Dios, y man jun chik achi'el yin. Chupan ri q'ij ri' kan man jun bey chik xkixk'ixbitej.

Wuj Richin ri Nahum 1:15

Rix winaqi' aj-Judá titz'eta' ri achike k'amayon-pe ri utzilej rutzijol. Rija' kan peteneq k'a chuwa taq juyu'; kan peteneq k'a ri niq'alajirisan ri uxlanibel-k'u'x. Kan kixnimaq'ijun k'a rix aj-Judá; kan ke'iya' k'a ri isujun chire ri Jehová, roma man jun bey chik k'a xkepe chiwij ri e etzelanel iwichin. Rije' xa kan jumul k'a xkek'is-el.

Wuj Richin ri Zacarías 8:3

Roma ri' yin xkitzolin chik pa Jerusalem y chiri' xkik'ase-wi. K'ari' ri itinamit xtubini'aj: Nima-Tinamit ri k'o Qitzijri'il Rik'in. Y ri juyu' wichin yin xtubini'aj ri Loq'olej Juyu'.

Apocalipsis 21:27

Jak'a ronojel ri xa tz'il, kan man jun bey xtok-apo chupan. Ni man jun chuqa' wineq ri xa nuya' ruq'ij jun chik dios, ni chuqa' ri e tz'ukuy taq tzij, ri xke'ok-apo ri chiri', xaxe ri tz'ibatel kibi' chupan ri wuj richin k'aslen, ri ruwuj ri Karne'l.