Joel 2:32 - Kaqchiquel Bible

³² Y konojel k'a ri xkek'utun chi ja yin ri xkikolon kichin, kan xkekolotej-wi. Roma ri chiri' pa juyu' Sión y pa tinamit Jerusalem xtibek'oje' kolotajik, roma kan keri' nubin yin y kan e nuch'aron ri xtik'oje' kik'aslen.

Joel 2:32 ပူးပေါင်းရင်းမြစ်များ

Wuj Richin ri Rutikeribel 4:26

Y ri Set chuqa' xek'oje' ralk'ual, y jun chike rije' xubini'aj Enós. Y jari' toq rije' xkichop nikiya' ruq'ij ri Jehová.

Wuj Richin Bix Chire ri Dios 50:15

Y kan kinawoyoj k'a chupan ri q'ij richin tijoj-poqonal. Y yin kan xkatinkol y rat kan xtaya' nuq'ij.

Wuj Richin ri Isaías 10:22

Stape' ri qawinaq israelita janila e k'iy, achi'el ri rajlabal ri sanayi' ri k'o chuchi' ri palou, xa kan xaxe chik juba' chike rije' ri xketzolin. Roma ri Dios kan rubin chi rije' kan xkek'is, richin kan xtiq'alajin ri ruchojmilal ri nuben rija'.

Wuj Richin ri Isaías 11:11

Chupan k'a ri q'ij ri', ri Jehová kan xtuk'ut chik jun bey ri nimalej ruchuq'a' richin yerumol konojel ri qawinaq ri man jani ketzolin-pe. Xtuben k'a chi xketzolin konojel ri ek'o chiri' pan Asiria, pan Egipto, pan Etiopía, pan Elam, pa Babilonia, pan Hamat, y ri ruwach'ulew ri ek'o chuchi' ri palou.

Wuj Richin ri Isaías 11:16

Chuqa' xtibek'oje' jun nimalej bey richin xkeq'ax-pe chupan ri xketzolin-pe pan Asiria. Y ri bey ri' kan janila nim, achi'el ri bey ri xk'oje' chupan ri Kaqa-Palou, toq ri qati't-qamama' xe'el-pe pa ruwach'ulew Egipto.

Wuj Richin ri Isaías 4:2

Chirij re' xtapon k'a jun q'ij toq ri Jehová xtuben chik chire ri ruwach'ulew Israel kan janila jebel y kan xtibeya'ox janila rejqalen. Y ri winaqi' ri xkek'oje' kan chiri' kan xtinimirisex kiq'ij roma ri tiko'n ri xtibewachin chuwech ri kiruwach'ulew.

Wuj Richin ri Isaías 46:13

Kan xtinben chi ninaqajub yan pe ri nuq'atbel-tzij. Kan xkixinto' yan k'a. Xtinkol yan ri nutinamit Sión, y ri nuruwaq'ijaj xtik'oje' pan Israel.

Wuj Richin ri Jeremías 31:7

Roma kere', yin Jehová ninbij chiwe rix ch'aqa' chik winaqi' richin ri ruwach'ulew chi kixbixan k'a rik'in kikoten roma ri rutinamit ri Jacob ri kan k'o más rejqalen chi'ikojol iwonojel. Kan kixbixan k'a rik'in kikoten y tik'utuj utzil chuwe chi yin yenkol ri juba' ri k'a ek'o na kan.

Wuj Richin ri Jeremías 33:3

Kach'on k'a q'anej wik'in y yin xtink'uluba-pe ri ach'abel y kan xtink'ut k'a chawech nima'q taq banobel ri ewatel chawech rat.

Am 9:8

Yin Jehová xintz'et yan k'a chi rix kan ix janila aj-maki'. Roma ri' kan xkixinwelesaj-el chuwech re ruwach'ulew. Jak'a man xkixink'is ta el jumul.

Wuj Richin ri Abdías 1:17

Jak'a chupan ri juyu' Sión ek'o ri xkekolotej kan, y ri juyu' ri' kan xtok xaxe richin ri Dios. Ri e rijatzul kan ri Jacob xtikichinaj chik jun bey ri kulew.

Wuj Richin ri Abdías 1:21

Y rije' xkejote' k'a el pa ruwi' ri juyu' Sión richin xtikiq'et-tzij pa kiwi' ri winaqi' e richin ri Esaú. Y ri q'atbel-tzij ri' xtok richin ri Jehová.

Wuj Richin ri Miqueas 5:3

Y re' k'a man jani tibanatej, roma ri Dios xkerumalij k'a kan ri qawinaq israelita, k'a xtapon na ri q'ij toq xtalex ri rey ri'. Chupan ri q'ij ri' xketzolej-pe pa taq ruwach'ulew konojel ri qawinaq.

Wuj Richin ri Zacarías 13:9

Y ri xkek'ase' kan, xkenq'axaj pa q'aq', achi'el toq niya'erisex ri saqipueq. Xkentejtobej k'a achi'el nitejtobex ri q'anapueq. K'ari' rije' xtikik'utuj to'onik chuwe, y yin kan xkenwak'axaj. Y chupan ri q'ij ri', xtinbij chike: Nutinamit yin, y rije' xtikibij chuwe: Qa-Dios roj.

San Juan 10:16

Y yin man xaxe ta k'a q'ataj nukarne'l re' ri ek'o, xa kan ek'o k'a chuqa' ch'aqa' chik ri man jani ek'o ta wawe' chupan re jun qejoj re'. Kan xkenk'en k'a pe richin xtikak'axaj chuqa' ri nuch'abel. Chupan ri q'ij ri' xaxe yin ri xkinok kiyuq'unel, y xtik'oje' xaxe jun q'ataj nukarne'l.

San Juan 4:22

Rix aj-Samaria xa ja ri man iwetaman ta ruwech ri niya' ruq'ij. Jak'a roj judío kan qetaman-wi ri achike ri niqaya' ruq'ij, roma kan ja ri qik'in roj peteneq-wi ri kolotajik kichin ri winaqi' chupan ri kimak.

Hechos 15:17

Y ri ch'aqa' chik winaqi' xkinkikanoj k'a yin; xa kan konojel ri man e judío ta ri e nucha'on chik.

Hechos 2:39

Roma jare' ri rusujun ri Dios, man xaxe ta chiwe rix, ni chike ri iwalk'ual, xa kan chike k'a konojel winaqi' ri ek'o nej-naqaj; roma konojel k'a re' e oyon roma ri qajaw Dios, xcha' ri Pedro.

Romanos 11:26

K'ari' toq ri nuwinaq judío kan xkekolotej chik, achi'el nubij ri ruch'abel ri Dios:*f44* Ri kolonel xtel-pe chiri' pa Sión, y xtrelesaj-el ri etzelal chikikojol ri e rijatzul kan ri Jacob.

Romanos 11:5

Y keri' chuqa' wakami ek'o jujun chike ri qawinaq judío ri junan oj cha'on roma ri rutzil ri Dios.

Romanos 11:7

Xa oj juba' ok chiqe roj judío ri oj cha'on, roma ri Dios xqil ri niqakanoj. Jak'a ri ch'aqa' chik qawinaq ri man e cha'on ta roma ri Dios man xkil ta; xa xkowirisex ri kánima.

Romanos 9:24

Man xaxe ta roj judío ri oj royon-pe; xa kan keri' chuqa' ri e royon-pe chikikojol ri man e judío ta.

Romanos 9:27

Y chiqij roj judío, xch'on-wi ri Isaías ojer kan toq xubij:*f26* Stape' ri qawinaq judío janila e k'iy, achi'el ri rajlabal ri sanayi' ri k'o chuchi' ri palou, xa kan xaxe chik juba' chike rije' ri xkekolotej.

1 Corintios 1:2

ninben-el re wuj re' chiwe rix molaj qach'alal ri ixk'o pa tinamit Corinto, ri ix oyon richin yixok loq'olej roma ri rusamaj ri Cristo. Rix wach'alal xixoyox roma ri Dios richin xixch'ajch'ojirisex, achi'el xuben kik'in ri ch'aqa' chik ri nikiya' ruq'ij ri qajaw Jesucristo ri ek'o pa ch'aqa' chik tinamit. Kan ja rija' k'a ri qajaw qonojel roj ri qakuquban qak'u'x rik'in.

Hebreos 12:22

Jak'a roj ri qaniman chik ri Jesucristo, chuxe' ri juyu' Sión oj apowineq-wi-apo; ojk'o chik naqaj chire ri tinamit richin ri k'aslik Dios, ri nibix Jerusalem aj-chikajil chire, akuchi ek'o-wi e k'iy ángel ri kan man e ajlatel ta.