Joel 2:31 - Kaqchiquel Bible

³¹ Ri q'ij man xtisaqirisan ta chik. Ri ik' xtok achi'el kik'. Kere' k'a ri xtibanatej toq man jani noqaqa ri q'ij wichin yin, chupan ri nimalej q'ij toq xtiq'at-tzij pa kiwi' ri winaqi', q'ij ri ruk'amon-pe nimalej xibinri'il.

Joel 2:31 ပူးပေါင်းရင်းမြစ်များ

Wuj Richin ri Jeremías 4:28

Y roma ri wululen ri', ri ruwach'ulew xtik'oje' pa bis y ri kaj kan xtiq'equmer ruwech. Roma xinbij, xinch'ob y man xtintzolij ta wi' chuwij, kan man xtinjel ta chik ri nuch'obonik.

Ez 32:7

Xkixink'is k'a achi'el toq nichup jun q'aq'. Y chuqa' xtibeq'equmatej ruwech ri kaj richin man yesaqirisan ta ri ch'umila'. Xtintz'apej ruwech ri q'ij rik'in sutz' y chuqa' ri ik' man xtisaqirisan ta chik.

Joel 2:1

Tixupuj k'a trompeta chupan ri juyu' Sión; y kan titaluj rutzijol chupan ri juyu' richin ri Jehová. Kan kixbaybot k'a rix aj-Judá, roma kan ninaqajub-pe ri q'ij richin ri Jehová; ri q'ij ri' xa naqaj chik k'o-wi-pe.

Joel 2:10

Chikiwech rije' nibaybot ri ruwach'ulew; chuqa' nik'ark'ot ri kaj. Ri q'ij y ri ik' yeq'equmatej, y ri ch'umila' man yeyik'lun ta chik.

Joel 2:11

Ri Jehová kan ik'owineq chikiwech ri nikiben oyowal pa rubi' rija'; kan nuben chi niq'alajin ri ruch'abel chikij. Kan man e ajlatel ta ri ek'o rik'in, ri nikiben ri nubij rija' kan janila kuchuq'a'. Roma kan janila nim ri q'ij richin ri Jehová, kan nuya' janila xibinri'il. Y re' kan man jun nikoch'on.

Joel 2:2

Ri q'ij ri', jun q'ij richin q'equ'm, jun q'ij richin sutz' y richin muj. Toq xkepe ri e etzelanel qichin kan xkepe achi'el jun nimalej tzobaj sak'. Y rije' kan xketz'et xkebiyin anineq pa ruwi' ronojel taq juyu', achi'el nitz'et toq nibiyin ri saqil pa ruwi' taq juyu' toq niseqer-pe. Man jun bey kitz'eton ri qate-qatata', ni man jun bey xtitz'et koma ri qijatzul.

Joel 3:1

Toq xtapon ri q'ij ri' yin xkixinwurtisaj chik rix aj-Judá; y rix aj-Jerusalem kan xkixkikot rik'in ri urtisanik ri xtinya-pe.

Joel 3:15

Ri q'ij y ri ik' xkeq'equmatej, y ri ch'umila' kan man xkeyik'lun ta chik.

Wuj Richin ri Zacarías 14:6

Chupan k'a ri q'ij ri', ri q'ij man xtisaqirisan ta chik, y chuqa' man xtiq'equmer ta chik. Y man xtuben ta chik tew.

Wuj Richin ri Malaquías 4:1

Yin Jehová ninbij chi kan jujik-wi noqaqa ri q'ij richin niqaqa ri woyowal pa ruwi' ri iruwach'ulew, achi'el jun horno toq nijinon pa q'aq'. Konojel ri kan nim nikina-ki' y ri yebanon ri etzelal kan xkebe'ok achi'el solot, y chupan ri q'ij ri' kan man jun chik xtikolotej kan achi'el ri q'aq' toq nuk'is ronojel.

Wuj Richin ri Malaquías 4:5

Jak'a nabey chire ri nimalej q'ij ri' ri ruk'amon-pe xibinri'il, xtinteq-pe ri Eliás ri q'alajirisey nuch'abel.

San Mateo 24:29

Kan e q'axineq chik k'a ronojel ri tijoj-poqonal ri q'ij ri', kan xtibanatej-wi k'a chi ri q'ij xtiq'equmatej, y ri ik' chuqa' man xtisaqirisan ta chik. Ri ch'umila' xketzaq k'a el ri akuchi ek'o-wi. Kan ronojel k'a ri nimalej taq uchuq'a' ri e richin ri chikaj xkesilon roma ri ruchuq'a' ri Dios.

San Mateo 27:45

Toq xnik'ajer pe ri jun q'ij ri', jari' xq'equmer chijun ruwach'ulew. Y ri q'equ'm ri' xk'is k'a el k'a toq xnik'ajer-el ri tiqaq'ij.

San Lucas 21:25

K'iy k'a ri man jun bey e banatajineq y man jun bey e tz'eton, ri xkek'uluwachitej rik'in ri q'ij, ri ik' y ri ch'umila'. Ri winaqi' ri ek'o chuwech re ruwach'ulew man xtikil ta achike xtikiben; xa xtisach kik'u'x roma ri palou kan xtik'o ruwi' xtiq'ajan, roma xtibolqo't janila.

Hechos 2:20

Ri q'ij man xtisaqirisan ta chik. Ri ik' xtok achi'el kik'. Kere' k'a ri xtibanatej toq man jani noqaqa ri q'ij wichin yin, chupan ri nimalej q'ij toq xtiq'at-tzij pa kiwi' ri winaqi', q'ij ri ruk'amon-pe nimalej xibinri'il.

Apocalipsis 8:12

Y ri rukaj ángel xuxupuj ri trompeta, y xuq'equmarisaj ri jun chire ri oxi' chire ri q'ij, ri ik' y ri ch'umila'. Keri' ri jun chire ri oxi' ri paq'ij man xseqer ta y ri chaq'a' man xesaqirisan ta ri ik' y ri ch'umila' ri jun chire ri oxi'.