Joel 2:29 - Kaqchiquel Bible

²⁹ Kan xtinteq ri nu-Espíritu pa kiwi' konojel ri nusamajela', chi achi'a' chi ixoqi', y rije' xtikiq'alajirisaj ri xtinbij chike.

Joel 2:29 ပူးပေါင်းရင်းမြစ်များ

Ez 36:27

Y kan xtik'oje' k'a ri nu-espíritu iwik'in richin niwajo' xtitaqej ronojel ri nupixa'.

Ez 37:14

Chuqa' kan xtinya' k'a ri ik'aslen richin kan xkixk'ase' chik jun bey y toq xkixink'uaj chik pan iruwach'ulew k'ari' xtiwetamaj chi ja yin Jehová ri xibin y kan xinben, xcha'.

Wuj Richin ri Zacarías 12:10

Xtinben chike ri e aj pa rachoch kan ri David y ri aj-Jerusalem chi xtipe rayinik kik'in richin yech'on wik'in, y xtik'oje' utzil kik'in. Stape' xkiju' jun kum pa nuch'akul, jak'a kan xkinkitzu' chik jun bey. K'ari' xkebison k'a y xke'oq' k'a woma yin, achi'el xa ta niken jun juney ak'ual.

1 Corintios 12:13

Roma toq xqasex ya' pa qawi', xojok ruch'akul rija'. Chuqa' kan qonojel xok ri Loq'olej Espíritu pa taq qak'aslen. Jun k'a xuben chiqe. Keri' xqaben qonojel, chi judío y chi man judío ta; ri man e totajineq ta y ri e totajineq chik.

Gálatas 3:28

Junan k'a rubanik richin xa jun xqaben rik'in ri Cristo, stape' judío, o man judío ta, stape' ximil pa samaj, o totajineq, stape' achin o ixoq.

Colosenses 3:11

Y roma k'o ri k'ak'a' qak'aslen, man jun nuben chiqe wi oj judío o man oj judío ta, wi k'o qetal o maneq, wi k'o juba' qaq'ij o maneq, wi oj ximon pa samaj o oj totajineq chik. Roma xaxe ri Cristo ri k'o rejqalen y k'o pa ruwi' ronojel.