Joel 2:26 - Kaqchiquel Bible

²⁶ Kan xkixwa' k'a jebel, kan k'a ja toq xtinoj na ri ipan. Chupan ri q'ij ri', rix kan xtiya' k'a nuq'ij yin, roma kan xenben meyel taq banobel iwik'in. Y kan man jun bey chik xkixink'ixbisaj rix ri nutinamit.

Joel 2:26 ပူးပေါင်းရင်းမြစ်များ

Romanos 10:11

Y chupan ri ruch'abel ri Dios nubij chi xabachike k'a ri rukuquban ruk'u'x rik'in, kan man xtik'ixbitej ta.*f31*

Wuj Richin Bix Chire ri Dios 22:26

Ri kiqasan-ki' chawech kan xtikitej k'a ri kiway y kan xtinoj k'a kipan. Ri yekanon awichin, kan xtikiya' k'a aq'ij y xkek'ase' k'a richin jantape'.

Romanos 5:5

Y wi k'o qik'in re' man niqamalij ta qak'u'x. Y ronojel re' nibanatej roma ri Dios ruya'on ri Loq'olej Espíritu qik'in richin runojisan ri qánima chi ajowabel.

Deut 12:7

Kan xkixwa' k'a chiri' chuwech ri Jehová ri qa-Dios; kan xkixkikot k'a chi achijlonel, ixjayilonel y alk'ualaxel, roma ronojel ri samaj ri xiben, ri achoq pa ruwi' xuya-wi urtisanik rija'.

Wuj Richin ri Isaías 49:23

Ri e rey jari' xke'ok achi'el itata', y ri e reina achi'el ite'. Kan xtikiqasaj-ki' chiwech k'a pan ulew, y kan xtikireq' ri poqolaj ri k'o chirij ri iwaqen. Xtibanatej ronojel re' richin niwetamaj chi ja yin Jehová, y ri xtikikuquba' kik'u'x wik'in yin, kan man xkek'ixbitej ta.

Wuj Richin ri Isaías 45:17

Jak'a roj ri atinamit kan xqojkolotej kan richin jantape'. Y man jun bey chik xqojk'ixbitej, ni man xtiqasex ta chik qaq'ij.

Wuj Richin ri Chojmirisabelri'il 26:5

Kan janila k'a xtiwachin ri jalajoj ruwech ixin, y k'a yixtajin na k'a chuch'ayik ja ri' toq xtapon chik ri q'ij richin xtiwachin ri uva. Y yixtajin na k'a chuwuxik ri uva ri' toq napon chik ri q'ij richin yixtikon chik qa jun bey. Roma ri' xkixwa' jebel y kan xtich'uch'u' ri iwánima, y rik'in k'a ch'uch'ujil xkixk'oje' chiri' pa iruwach'ulew.

1 Juan 2:28

Y wakami rix walk'ual, kan jun k'a tibana' rik'in ri Jesucristo, richin chi man xtixibij ta iwi' chuwech toq xtapon ri q'ij toq xtipe chik jun bey y man xkixk'ix ta chuwech toq xtapon ri q'ij ri'.

Romanos 9:33

Toqaqa chi'ik'u'x ri nubij ri Dios chupan ri tz'ibatel kan:*f28* Kan xtinya' chiri' pa Sión jun abej ri xtuben chike ri winaqi' chi xtikipajk'ij kaqen chirij. Jak'a ri nikikuquba' kik'u'x rik'in, kan man xkek'ixbitej ta, xcha'.

Wuj Richin ri Isaías 54:4

Man tixibij-iwi' roma kan man jun bey chik xtiqasex iq'ij, ni man xkixk'ixbitej ta chik. Kan xtimestaj ri k'ix ri xiq'axaj toq man jani k'o k'iy ijuna'. Chuqa' kan xtimestaj toq xqasex iq'ij toq xixmalix kan koma ri iwachijil,

Wuj Richin ri Isaías 25:1

Ja rat Jehová, ja rat ri at qa-Dios, xtiqanimirisaj y xtiqabixaj ri abi'. Ri ojer kan rat xach'ob xe'aben meyel taq banobel, y wakami kan xaben ri xabij. Kan xaben ri xasuj.

Wuj Richin ri Zacarías 9:17

Kan janila k'a jebel xtiben chuwech ri iruwach'ulew. Ri iwalk'ual chi alaboni' chi xtani' kan jebel k'a xkek'iy-q'anej, achi'el ri tiko'n y ri juwi-uva, xcha'.

Wuj Richin ri Zacarías 9:15

Yin kan xkixinto' k'a, y ri e etzelanel iwichin kan xke'ixeq', y xke'ich'ek rik'in ri iwikeq'. Rix kan xtiben chike chi xtitix ri kikik'el achi'el toq nitix ri vino. Rix kan xkixnoj k'a rik'in ri oyowal, achi'el ninoj ri xára ri nik'ulu ri kik' richin jun kamelabel.

Wuj Richin ri Sofonías 3:11

Chupan k'a ri q'ij ri', rix nuwinaq kan man xkixk'ixbitej ta chik roma ri imak ri e ibanalon chinuwech yin. Roma kan xkenwelesaj-el chi'ikojol konojel ri kinimirisan-ki'. Y rix kan man jun bey chik k'a xtinimirisaj-iwi' wawe' pa Jerusalem.

Wuj Richin ri Isaías 29:22

Roma ri' yin Jehová ri i-Dios ninbij chiwe: Yin xikolon richin ri Abraham, y ninbij chiwe rix aj pa rachoch kan ri Jacob chi kan ja re wakami y ri chiwech-apo, kan man xkixk'ixbitej ta chik, ni man xtukajmaj ta chik ri ipalej.

Wuj Richin ri Rutikeribel 33:11

Tak'ulu' k'a re jun sipanik re nuk'amon-pe chawe, roma yin kan nuk'ulun ri rutzil ri Dios y k'o wik'in ronojel ri nik'atzin chuwe, xcha'. Y k'iy k'a mul xusuj chire y k'ari' ri Esaú xuk'ul.

1 Timoteo 6:17

Y rat Timoteo, tabij chike ri qach'alal ri e beyoma' chi man tikinimirisaj-ki', ni man tikoyobej chi ri beyomel nuk'en-pe ronojel chike, roma ri beyomel xa nik'is. Pa ruk'exel ri' xa kan tikikuquba' kik'u'x rik'in ri Dios ri niya'on ronojel ri utz chiqe paruk'iyal richin nikikot ri qánima.

Wuj Richin ri Isaías 55:2

¿Achike roma nisech ri iméro chuwech ri xa man tijel ta? ¿Achike roma nisech ri rajel ri isamaj chuwech ri xa man jun nuk'en-pe chiwe? Wi rix kan xtinimaj nutzij, kan k'iy k'a ri xtitej ri janila jebel.

Wuj Richin ri Nimalej Bix 5:1

Wajowanel yin, xkinapon k'a awik'in, richin yinach'uch'urisaj rat, ri at achi'el nuqejoj; richin xtinseq ri mirra y ri jubulej taq awaq'om ri niwachin chiri'; richin xtintej ri kab, y richin xtinqum k'a ri vino y ri leche ri ek'o chiri'. ¡Rix qachibil, qojwa-qojuk'ya', qojqumun janipe' ri niqajo'!

Wuj Richin Etamabel-Tzij 13:25

Ri wineq ri choj ruk'aslen kan niwa' richin chi nik'o-el ri ruwayjal; jak'a ri wineq itzel, niwa' y xa man nitz'aqet ta ri ruwa'in.

Wuj Richin Bix Chire ri Dios 116:7

Wakami yikikot roma ri Jehová kan utz xuben wik'in.

Wuj Richin Bix Chire ri Dios 103:5

Ja rija' niya'on chiqe ronojel ri utz, richin nuben k'ak'a' chiqe, y nik'oje' k'ak'a' quchuq'a', achi'el ri kot.

Wuj Richin Bix Chire ri Dios 72:18

¡Kan nim k'a ruq'ij ri Jehová Dios, ri Dios richin Israel! Kan xaxe rija' ri nibanon ri meyel taq banobel.

Wuj Richin Bix Chire ri Dios 37:19

Ri choj kik'aslen, stape' k'o ruk'ayewal, kan man xkek'oje' ta pa k'ayew. Stape' xtipe jun nimalej wayjal chikij, rije' kan man xkewayjan ta.

Wuj Richin Bix Chire ri Dios 13:6

Kan xtinbixaj k'a ri abi' rat Jehová, roma ri awutzil kan janila nim pa nuwi' yin.

Wuj Richin ri Nehemías 9:25

Y rije' xekich'ek chuqa' ri tinamit ri e sutin-kij chi tz'aq y ulew richin tiko'n. Chuqa' xok kan kichin ri kachoch ri winaqi' aj chiri', jay e nojineq rik'in beyomel. Chuqa' xok kan kichin ri ralaxbel taq ya', utzilej taq qejoj ri tikon uva y che' olivo, chuwech y ronojel che' ri nuya' ruwech. Xkitej k'a ronojel ri' y janila k'a xeti'ojir. Y xekikot k'a roma ri awutzil rat.

Deut 12:18

Xa kan xaxe chuwech rija' k'atzinel richin nitij-wi, chiri' akuchi xtucha-wi rija', y re' xtiban iwik'in rix, ri iwalk'ual, ri isamajela' ri e yuqul pa samaj iwik'in y ri e levita ri ek'o chi'ikojol. Kan xkixkikot k'a chuwech ri Jehová roma ri samaj ri xiben-qa roma kan utz xel chiwech.

Deut 12:12

Y kan xkixnimaq'ijun k'a chuwech ri Jehová ri qa-Dios junan kik'in ri iwalk'ual, ri isamajela' y kik'in ri e levita ri ek'o chi'ikojol roma rije' man jun ulew xtikichinaj kan chi'ikojol.

Deut 8:10

Xkixwa-xkixuk'ya' y kan xkixch'uch'u' k'a, y kan xtiya' k'a ruq'ij ri Jehová ri qa-Dios, roma ri utzilej ruwach'ulew ri xtuya' chiwe.

Wuj Richin ri Chojmirisabelri'il 26:26

Chupan ri q'ij ri' jari' toq man xtinya' ta chik pe iway, jari' toq juba' ok xtik'oje' y roma ri' lajuj ixoqi' xkek'oje' chuchi' jun q'aq' richin nikiben iway. Y toq nikijech, jutaqba' ok nikiya' chiwe y kan man xtinoj ta ipan rik'in.

Wuj Richin ri Miqueas 6:14

Xkixwa'; jak'a xa kan man xtinoj ipan. Kan jantape' k'a xtik'oje' wayjal iwik'in. Xtik'ol k'a ri itiko'n, jak'a xa man xtok ta iwichin roma xa xtuk'uex-el chiwech. Y wi k'o ta juba' xtikolotej kan, yin kan xtinben k'a chi xa xtik'is chupan ri labal.

Deut 11:15

Y chuqa' xtuben chi nik'ase-pe q'os pa juyu' richin nikitej ri iwawej, y chuqa' kan xtik'ase' ri iway rix y xtitej k'a janipe' ri niwajo'.

Wuj Richin Bix Chire ri Dios 67:5

Kan tikiya' k'a aq'ij konojel winaqi', kan konojel k'a tinamit tikinimirisaj ri abi'.

Wuj Richin ri Chojmirisabelri'il 25:19

Ri ulew kan xtiwachin k'a y xtitej ronojel ri xtuya' y kan xtinoj k'a ipan chire y kan xkixk'ase' chiri' rik'in uxlanibel-k'u'x.