Joel 2:23 - Kaqchiquel Bible

²³ Roma ri' kixkikot chuqa' rix winaqi' aj-Sión; kan kixkikot y kan kixnimaq'ijun chuwech ri Jehová ri qa-Dios, roma kan pa ruq'ijul xuya-pe ri nabey taq job. Chuqa' rija' kan xtuya-pe ri job pa ruk'isibel. Rija' kan jantape' xtuya-pe ri job achi'el rubanon-pe.

Joel 2:23 ပူးပေါင်းရင်းမြစ်များ

Filipenses 4:4

Jantape' k'a tikikot ri iwánima rik'in ri Cristo; kan ninkamuluj k'a rubixik chiwe chi kan tikikot ri iwánima beneq-ruwech.

Wuj Richin ri Chojmirisabelri'il 26:4

yin xtinteq k'a pe job pa ruq'ijul, y ri itiko'n y ri che' kan janila xkewachin.

Os 6:3

Tiqatija' k'a qaq'ij richin yojtzolej chik rik'in ri Jehová. Kan ta k'a achi'el ri saqil richin ri nimaq'a' yan keri' ta xtiqaben roj richin niqakanoj ri Jehová. Wi keri', ri Jehová kan xtipe k'a qik'in achi'el ri job. Achi'el ri job ri noqaqa toq ik'owineq chik ruq'ijul, chuqa' kan achi'el ri job ri niqaqa toq man jani tapon ri ruq'ijul.

Deut 11:14

rija' kan xtuya-pe ri job pa ruq'ijul pa ruwi' ri ruwach'ulew. Keri' chuqa' xtuya-pe ri saq'ij richin keri' xtik'ol ri jalajoj ruwech ixin, ri vino y ri aceite richin olivo.

Wuj Richin ri Isaías 41:16

Kan xke'italuj-el ri e etzelanel iwichin, achi'el toq nijopij chikaj ri trigo, y kan ja ri kaq'iq' ri xtitalun-el ri q'ayis. Jak'a rix kan jantape' xkixkikot wik'in yin Jehová; y xtik'oje' ri ruwa-iq'ij wik'in yin ri in Loq'olej richin Israel.

Wuj Richin Bix Chire ri Dios 149:2

Ri israelita kan kekikot k'a rik'in ri xbanon kichin. Ri aj-Sión, kan kekikot k'a rik'in ri ki-rey.

Filipenses 3:1

Wach'alal, ninbij k'a chuqa' el chiwe chi tikikot ri iwánima rik'in ri ajaw Jesucristo. Yin man k'ayew ta nuben chuwe chi ninnataj chik el jun bey chiwe, ri xa nubin chik chiwe. Roma re' kan utz wi nuben chiwe rix.

Wuj Richin ri Zacarías 10:1

Ri Jehová nubij: Tik'utuj k'a job pa ruq'ijul, roma yin kan xtinya' k'a pe sutz' ri kik'uan job, richin keri' xkeraxer ri q'ayis y ri tiko'n ri ek'o pa taq juyu'.

Wuj Richin Bix Chire ri Dios 28:7

Rat Jehová yinato' y naya' wuchuq'a'. Yin ninkuquba' nuk'u'x awik'in, y roma ri' rat yinato'. Kan janila nikikot ri wánima, y roma ri' yibixan richin ninmatioxij chawe.

Wuj Richin ri Isaías 30:23

Chupan ri q'ij ri', ri Jehová kan xtuya-pe job pa ruwi' ri qasanbel-ulew, y ri ulew ri' kan xtuya' pa ruk'iyal ronojel. Chuqa' ri iwawej kan k'o jebel akuchi xkeyuq'ux-wi.

Deut 32:2

Ri nutijonik xtiqaqa ta achi'el ri job; ri nuch'obonik xtiqaqa ta achi'el niqaqa ri raxq'ab; achi'el nuben ri mismil job pa ruwi' ri q'ayis ri k'a juba' tel-pe, y achi'el nuben ri tz'uj ya' pa ruwi' ri q'os ri k'a alaj na.

Deut 28:12

Kan xtuya' k'a ri beyomel chiwe y ri kaj kan xtijaqatej richin xtiqaqa-pe job pa ruq'ijul. Y ronojel ri isamaj kan utz xtuben chiwech. Y ri ch'aqa' chik ruwach'ulew xkeqajon iwik'in, jak'a rix kan man jun ri xtik'utuj ta pa qajik chike rije'.

Filipenses 3:3

Ja roj ri oj uk'uayon ri qitzij etal ri', y man ta rije'; roma roj kan niqaya' ruq'ij ri Dios rik'in ri Loq'olej Espíritu y yojkikot rik'in ri jun qabanon rik'in ri Cristo Jesús. Roj kan man niqakuquba' ta qa qak'u'x qik'in roj.

Wuj Richin ri Zacarías 10:7

Ri aj-Israel kan xtik'oje' janila kuchuq'a' chupan ri labal. Kan janila k'a xkekikot, achi'el xa ta janila vino ye'ajin chuqumik. Y toq xtikitz'et k'a ri kalk'ual chi yekikot, rije' chuqa' kan xkekikot. Kan junan xkekikot, roma ja yin Jehová.

Wuj Richin ri Jeremías 5:24

Kan man xibij ta qa: Tiqaya' ruq'ij ri Jehová ri qa-Dios, roma kan pa ruq'ijul nuya-pe ri nabey y ri ruk'isibel taq job y kan ruya'on k'a pe jun q'ij richin niqak'ol ruwech ri tiko'n, man yixcha' ta qa.

Wuj Richin Bix Chire ri Dios 104:34

Ri nuch'obonik rik'in rija', kan janila jebel, yin kan jantape' k'a xkikikot rik'in.

Wuj Richin ri Jeremías 3:3

Roma ri itzel taq ibanobal ri', roma ri' maneq chik job rubanon, ni ri nabey taq job, ni ri ruk'isibel taq job. Man rik'in ri' kan man xk'oje' ta juba' ik'ix, achi'el ri ixoq itzel ruk'aslen maneq ruk'ix.

Wuj Richin ri Isaías 61:10

¡Kan janila k'a xkikikot rik'in ri Jehová! Ri wánima kan jantape' k'a xtik'ases rik'in ri nu-Dios, roma kan ruya'on ri kolotajik chuwe, y kan xiruwiq k'a rik'in ruchojmilal, achi'el ruwiqon-ri' jun ala' ri nibek'ule' yan pe, y chuqa' ri xten ri xtibe'ok rixjayil rukusan chik jalajoj ruwech wiqobel.

Wuj Richin ri Isaías 30:21

Y wi xtichop xtich'er kan iwi' rik'in, jari' toq xtiwak'axaj chi xtuk'ut ri rubey chiwech.

Wuj Richin Etamabel-Tzij 16:15

Toq ri rey kan nikikot y nitze'en ruwech, kan man jun k'a xtrelesaj ruk'aslen; y ri utzil ri xtuya' pa kiwi' ri winaqi', kan xtiqaqa k'a achi'el nuben ri job toq pa ruq'ijul niqaqa.

Wuj Richin Bix Chire ri Dios 32:11

Kan kenimaq'ijun y kekikot rik'in ri Jehová, ri kikuquban kik'u'x rik'in. Kebixan rik'in kikoten konojel ri choj kibanobal chuwech ri Dios.

Wuj Richin ri Achin Job 33:23

Jak'a wi rija' k'o jun ángel chunaqaj richin nuto', stape' xaxe ta jun chike ri pa 1,000 ri ek'o rik'in ri Dios, kan nubij chire ri ruk'amon chi nuben.

Wuj Richin ri Zacarías 9:9

Kan kixkikot k'a janila rix aj-Sión. Kan kixbixan k'a rik'in kikoten rix aj-Jerusalem, roma ri i-rey xa kan xtipe k'a iwik'in. Rija' jun choj laj achin y kan ch'akonel-wi. Kan jun achin ri kan yalan ch'uch'uj. Rija' ch'okol-pe chirij jun alaj bur.

Am 4:7

Chuqa' ja yin xibanon chi man xuben ta chik job pan iwi'. Man xinya' ta pe job toq k'a oxi' na ik' nrajo' richin nik'ol ri itiko'n. Xinya' job chupan ch'aqa' tinamit, jak'a chupan chik ch'aqa' man xinya' ta. Chupan ch'aqa' ulew richin tiko'n xinya-pe job. Jak'a ch'aqa' ulew richin tiko'n xa xechaqi'j-qa. Man rik'in ri' man xtzolej ta pe ik'u'x wik'in. Yin Jehová ri yibin.

Wuj Richin ri K'uxla'anik 4:2

Ri nuwinaq richin ri tinamit Sión kan janila xya'ox kejqalen. Xk'oje' kejqalen achi'el rejqalen ri q'anapueq. Jak'a re wakami xa maneq chik kejqalen, achi'el niban chire jun bojo'y ri xa banon rik'in xeq-ulew roma jun wineq.

Wuj Richin ri Zacarías 9:13

Xkixinkusaj k'a rix aj-Judá y rix aj-Israel, richin xkenya' pa tijoj-poqonal ri aj-Grecia. Rix aj-Judá ix achi'el ri nuk'aqbal-ch'ab, y rix aj-Israel ix achi'el jun ch'ab. Rix aj-Sión kan ix achi'el nu-espada, richin xkench'ek ri aj-Grecia.

Hechos 14:17

jak'a kan ruq'alajirisan-wi k'a ri' chikiwech, rik'in ri nuya-pe job ri chikaj, nuya-pe tiko'n, y kan nuya' k'a pe ronojel richin nitij, richin keri' nikikot ri kánima. Kan ruya'on-wi-pe rutzil pa qawi' qonojel, xecha' ri Pablo y ri Bernabé.

Wuj Richin Bix Chire ri Dios 84:6

Stape' ri bey niq'ax chupan ri taq'aj richin Oq'ej,*f85* akuchi janila chaqi'j, jak'a rat kan naben chi yetz'ukutej-pe ralaxbel taq ya' chiri'. Chuqa' nateq-pe pa ruwi', ri nabey taq job pa ruk'iyal.

1 Rey 8:36

wi keri', rat kan xke'awak'axaj k'a pe chila' chikaj y xtakuy ta rumak ri atinamit Israel, y xtak'ut ta k'a ri utzilej bey ri akuchi k'o chi yebiyin-wi, y xtaya' ta chik k'a pe ri job pa ruwi' re ruwach'ulew ri xkichinaj kan awik'in rat.

Wuj Richin ri Achin Job 37:13

K'o jujun bey ri Dios nuk'en-pe ri sutz' ri ruk'amon-pe job, richin nuya' ruk'ayewal pa kiwi' ri winaqi', k'o bey richin nuya'aj re ruwach'ulew, richin nuk'ut ajowabel chikiwech ri winaqi'.

Wuj Richin Bix Chire ri Dios 147:8

Ja rija' nibanon chi ri kaj ninoj ruwech chi sutz'. Nunaba' k'a ri job richin nuya'aj ri ruwach'ulew. Chuqa' nuben chi nik'iy-pe ri q'ayis pa taq juyu'.

Ez 34:26

Yin kan xkenya' chunaqaj ri nujuyu' Sión y xtinya' urtisanik pa kiwi'. Xtinteq-pe ri job pa ruq'ijul y keri' chuqa' ri urtisanik.