Joel 2:20 - Kaqchiquel Bible

²⁰ Y xkenwelesaj k'a el ri aj-labal ri yepe pa xaman y xkenteq-el pa tz'iran ruwach'ulew ri akuchi tolan-tolan-wi. Xtinben chi xkejiq' ri e ik'owineq chikiwech chupan ri Tzayi-Choy, y ri e ruk'isibel kan xkejiq' chupan ri palou. Y kan xkeq'ey y kan xtutaluj-ri' ri kichuwirinen, xticha' ri Jehová. Kan qitzij na wi chi ri Jehová chupan ri q'ij ri' xtuben ri nima'q taq banobel ri'.

Joel 2:20 ပူးပေါင်းရင်းမြစ်များ

Wuj Richin ri Zacarías 14:8

Xtibanatej k'a chupan ri q'ij ri' chi pa Jerusalem xtibiyin ya' ri nuya' k'aslen. Chupan chijun ri juna' kan xtibiyin k'a. Nik'aj k'a chire ri ya' ri' xtapon chupan ri Tzayi-Choy ri k'o pa relebel-q'ij y ri nik'aj chik xtapon pa palou ri k'o pa qajbel-q'ij.

Am 4:10

Xinteq-pe nimalej taq yabil pan iwi' achi'el ri xinya' pa kiwi' ri aj-Egipto, Xinben chi ri alaboni' xeken kan chupan ri labal. Chuqa' ri e etzelanel iwichin xkimej kan ri ikiej. Xinben chi xiseq kichuwil ri kaminaqi' ri chiri' ri akuchi ixk'o-wi-qa. Man rik'in ri' man xtzolej ta pe ik'u'x wik'in. Yin Jehová ri yibin.

Wuj Richin ri Isaías 34:3

Ri kaminaqi' kan xkepunupuxin kan xabakuchi, y kan xkechuwir k'a pe. Ri kikik'el kan xtuch'eqeba' chijun k'echelaj.

Deut 11:24

Ronojel ri ruwach'ulew ri akuchi xkixq'ax-wi jari' xtok iwichin, nitiker-pe pa xokon chire ri tz'iran ruwach'ulew y napon k'a pa Líbano, y nitiker-pe pa relebel-q'ij chire ri raqen-ya' Éufrates y napon k'a chuchi' ri palou.

Ez 47:18

Ri k'ulba't ri k'o kere' pa relebel-q'ij choj nibe pa xokon chukojol ri ruwach'ulew Haurán y ri Damasco; k'ari' nibe pa qajbel-q'ij y napon k'a pa raqen-ya' Jordán. K'ari' nixule-qa pa xokon chire ri raqen-ya' ri' ri nuch'er ri ruwach'ulew Galaad rik'in ri ruwach'ulew Israel. Napon k'a chuchi' ri Tzayi-Choy y choj nibe chuchi' ri ya' k'a toq napon rik'in ri tinamit Tamar ri k'o pa xokon chire ri Israel.

Ex 10:19

Y ri Jehová kan chi'anin k'a xujel rubey ri kaq'iq' y xuben chi ja chik ri pa qajbel-q'ij xbek'ulun-wi-pe y xeruk'uaj-el konojel ri sak' y xeberuya' kan k'a chupan ri Kaqa-Palou y kan man jun chik k'a sak' xk'oje' kan pan Egipto.

2 Rey 8:13

Y ri Hazael xubij: Yin xa man jun ok wejqalen; xa in achi'el jun tz'i' ri man jun rejqalen richin chi ninben ri xabij, xcha'. Jak'a ri Eliseo xubij: Ri Jehová xuq'alajirisaj yan chinuwech chi rat xkatok rey richin Siria, xcha'.

Ex 8:14

y ri winaqi' xekimol k'a pa taq tzubaj y chijun ri ruwach'ulew xchuwir koma ri kaminaqi' taq xkalet.

Wuj Richin Bix Chire ri Dios 126:3

Ja', kan nima'q taq banobel k'a ri xuben ri Jehová qik'in roj, y roma ri' kan xojkikot.

Wuj Richin ri Malaquías 3:11

Xkenwelesaj k'a el ri xketijo ri itiko'n richin man jun bey chik xtikik'is chiwech. Chuqa' xtinben chi man xketzaq ta el ri kiwech ri i-uva pa ruq'ijul.