Hechos 9:35 - Kaqchiquel Bible

³⁵ Ri aj-Lida y ri aj-Sarón xkitz'et k'a chi ri Eneas xk'achoj. Y re winaqi' re' xkikuquba' kik'u'x rik'in ri ajaw Jesús.

နောက်ထပ်ဗားရှင်းများ

Kaqchikel Santo Domingo (Xenacoj)

³⁵ Y ri aj tinamit Lida y ri aj tinamit Sarón, atoq xkitzꞌet ri xbꞌanatej rikꞌin ri Eneas, xkiyaꞌ kan ri itzel kꞌaslen kikꞌuan y xkitaqij ri Ajaw.

Kaqchikel Santa Maria de Jesus

³⁵ Y iqꞌuiy vinak ri aj-Lida y aj-Sarón ri xaꞌtzꞌato chi ri Eneas xpalaj. Y ri vinak reꞌ xquinimaj ri Ajaf Jesús y xcꞌaxtaj quicꞌaslien.

Kaqchikel Central Guatemala

³⁵ Y can janíla c'a vinek ri aj-Lida y aj-Sarón ri xetz'eton chi ri Eneas xc'achoj. Y re vinek re' xquinimaj ri Ajaf Jesús y xjalatej quic'aslen.

Re C'ac'a Testamento pa Kach'abal

³⁵ Y camas vinak re aj-Lida y aj-Sarón re xe'tz'eto che re Eneas xc'achoj. Y re vinak re' xquinimaj re Ajaf Jesús y xjalataj re quic'aslen.

Kaqchikel Western Solola

³⁵ Y can ye q'uiy c'a winek ri aj Lida y aj Sarón ri xetz'eto chi ri Eneas xc'achoj. Y ri winek ri' xquinimaj ri Ajaf Jesús y xjalatej quic'aslen.

Hechos 9:35 ပူးပေါင်းရင်းမြစ်များ

Hechos 11:21

Ri ruchuq'a' ri Dios kan k'o-wi kik'in ri achi'a' ri'. Roma ri' toq e janila k'a e k'iy winaqi' ri xeniman y xkikuquba' kik'u'x rik'in ri ajaw Jesucristo.

Hechos 9:42

Y re xbanatej xetamex k'a koma konojel winaqi' ri ek'o chiri' pa Jope, y e janila k'a winaqi' xkikuquba' kik'u'x rik'in ri ajaw Jesús chiri'.

1 Crón 5:16

Konojel k'a rije' xek'oje' pa ruwach'ulew Galaad, pa Basán, y pa taq kokoj kitinamit y pa taq soq'olbel richin ri Sarón.

Wuj Richin ri Isaías 35:2

Kan chi'anin xtikotz'ijan achi'el nuben ri lirio. Kan xtikikot k'a y chiri' xtak'axatej-wi bix richin kikoten. Ri Dios kan xtuben janila jebel ok chire achi'el ri juyu' Líbano. Kan janila k'a xtiwachin achi'el ri juyu' Carmelo y ri taq'aj richin Sarón. Konojel xtikitz'et ri ruk'ojlen ri Jehová, y ri runimirinen ri qa-Dios.

2 Corintios 3:16

Jak'a toq nikikuquba' kik'u'x rik'in ri ajaw Jesucristo, jari' toq nelesex-el ri tz'apeyon ri kich'obonik y niq'ax chikiwech.

Wuj Richin Bix Chire ri Dios 22:27

Konojel k'a ri winaqi' ri e richin chijun ruwach'ulew, xkepe y xtikiya' aq'ij. Chi achijlonela', ixjayilonela' y alk'ualaxela', xtikiya' aq'ij.

1 Crón 27:29

Ja ri Sitrai aj-Sarón ri k'o pa kiwi' ri awej ri yeyuq'ux pa taq'aj Sarón. Y ri Safat ruk'ajol ri Adlai, ja rija' ri k'o pa kiwi' ri awej ri ek'o pa ch'aqa' chik taq'aj.

Hechos 19:20

Roma k'a ri xbanatej, kan janila chi winaqi' ri xkak'axaj ri ruch'abel ri ajaw Dios; y e janila winaqi' ri yeniman.

Hechos 19:10

Ka'i' juna' ri xuben keri' ri Pablo. Roma ri' toq kan konojel xe'ak'axan ri ruch'abel ri Jesús ri chiri' pa ruwach'ulew Asia. Chi judío y man judío ta ri xe'ak'axan.

Hechos 15:19

Yin ninch'ob chi man keqaneq ri man e judío ta ri xtzolin-pe kik'u'x rik'in ri Dios.

Hechos 6:7

Ri ruch'abel ri Dios rik'in ruchuq'a' beneq, y yek'iyer k'a chuqa' ri nimanela' ri chiri' pa tinamit Jerusalem. Y e janila k'a chuqa' chike ri sacerdote ri yeniman.

Hechos 4:4

Kan e k'iy k'a chike ri winaqi' xeniman ri ruch'abel ri Dios. Roma ri' ri kajlabal ri achi'a' ri kikuquban kik'u'x rik'in ri Cristo xapon la'eq jun 5,000.

Os 14:2

Titzolej-pe ak'u'x y kach'on rik'in, tak'utuj utzil chire y kere' k'a tabij: Tabana' utzil Jehová takuyu' ronojel ri qamak. Tak'ulu' k'a chi utzil ri bix ri niqasuj chawe.

Os 12:6

Rix nuwinaq israelita kan titzolej k'a pe ik'u'x rik'in ri qa-Dios Kan tibana' k'a ri qitzij y ri choj. Kan jantape' k'a tikuquba' ik'u'x rik'in ri qa-Dios.

Wuj Richin ri K'uxla'anik 3:40

Tiqach'obo-qa rij ri bey ri qak'uan; y titzolej k'a pe qak'u'x rik'in ri Jehová.

Wuj Richin ri Isaías 66:8

¿Achike kami chiwe rix rak'axan re banobel re'? ¿Achike kami chiwe rix tz'eteyon re jun na'oj re'? ¿Nitz'ukutej kami jun ajawaren pa jun q'ij? ¿Nitz'ukutej kami jun tzobaj winaqi' richin jun ruwach'ulew pa jun ti ramaj? Jak'a ri Sión xe'alex taq ral toq man jani tunabej ri ruq'axo'n.

Wuj Richin ri Isaías 65:10

Ri taq'aj richin ri Sarón kan xtinoj rik'in tzobaj kokoj taq awej, chuqa' ri taq'aj richin Acor, chiri' xkeyuq'ux-wi nima'q taq awej kichin ri tinamit ri xkinkikanoj yin.

Wuj Richin ri Isaías 33:9

Ronojel ri ruwach'ulew kan xchaqi'j y xmayamo' yan qa, achi'el jun wineq ri janila nibison y kan niken yan qa. Ri ruwach'ulew Líbano kan janila xchaqi'j y kan xmayamo' yan qa. Ri taq'aj richin Sarón xa kan tz'iran chik, achi'el ri Arabá. Chupan chijun taq'aj richin Basán y ri juyu' Carmelo kan ronojel k'a ri che' xechaqi'j yan qa.

Wuj Richin ri Isaías 31:6

Roma ri', rix nuwinaq titzolej-pe ik'u'x rik'in ri qa-Dios, stape' ix yakatajineq chirij rija'.

Wuj Richin Bix Chire ri Dios 110:3

Y ri chiri' toq rat xkabe pan oyowal, ri aj-labal xtikisuj-ki' richin xkebe chawij. Y rije' kan xtikitz'apej ruwech ri ruwach'ulew roma janila e k'iy, achi'el ri raxq'ab ri niqaqa toq k'a man ja ni niseqer-q'anej,

Deut 4:30

Toq xkixk'oje' pa bis y toq xtipe pan iwi' ronojel re', y wi ri pa taq ruk'isibel q'ij xtitzolej-pe ik'u'x rik'in ri Jehová ri qa-Dios y kan xtiben ri nrajo' rija';

Joel 2:13

Kan ja k'a ri iwánima ri janila tibison, y man ja ta ri niretz ri itziaq chiwij retal richin yixbison. Kan titzolej-pe ik'u'x rik'in ri Jehová ri qa-Dios, roma rija' janila nujoyowaj iwech y janila nikoch'on. Xa kan niyoke' na chire ri royowal, y kan janila nim ri rajowabal. Chuqa' rija' kan janila joyowanik k'o rik'in, y rija' jantape' nikuyun mak; y man nrajo' ta nuya-pe ri rutojbalil-mak.

1 Crón 8:12

Ri Elpáal xek'oje' k'a e oxi' ruk'ajol: Ja ri Éber, ri Misam y ri Sémed. Y rija' xerupaba-q'anej ri tinamit Onó y ri Lod, rik'in ri kokoj taq kitinamit.

Wuj Richin ri Esdras 2:33

Ri aj-Lod, ri aj-Hadid y ri aj-Onó, e 725.

Wuj Richin ri Nehemías 11:35

pa Lod, pan Onó y ri taq'aj kojol juyu' ri akuchi yesamajix abej.

Hechos 2:47

Rije' utz k'a yetz'et koma ri winaqi'. Nikiya' k'a ruq'ij ri Dios, y kan q'ij-q'ij k'a ek'o más ri yekolotej, roma kan ja ri ajaw ri nibanon chike chi yek'iyer.

Hechos 9:34

Roma ri' ri Pedro xubij chire: Ja k'a ri Jesucristo ri yak'achojirisan. Kayakatej k'a, y tachojmirisaj la awarabel, xcha' ri Pedro chire. Y ri Eneas kan jari' xpa'e-el.