Hechos 8:32 - Kaqchiquel Bible

³² Ri ruch'abel ri Dios ri najin chusik'ixik ri achin ri', jak'a ri nubij:*f20* Xkik'uaj-el pa kamik, achi'el jun karne'l toq niyuqex-el richin nibekamisex, jak'a man xsik'in ta, ni man jun xubij, achi'el jun karne'l toq nuk'uex-el richin nisokex ri rusumal.

နောက်ထပ်ဗားရှင်းများ

Kaqchikel Santo Domingo (Xenacoj)

³² Ri rutzij ri Dios ri ndubꞌen leer, jareꞌ: Achel jun karneꞌl ndukꞌuꞌex apeꞌ ndikamisex, keriꞌ xbꞌan chare. Y achel jun alaj karneꞌl ma ndiqꞌajan ta chikiwech ri ngeqꞌaton rusmal, Keriꞌ xubꞌen rijaꞌ, nixta jun tzij xubꞌij chin ta xutoꞌ riꞌ.

Kaqchikel Santa Maria de Jesus

³² Ri ruchꞌabꞌal ri Dios ri nuꞌon leer ri alaꞌ reꞌ, nuꞌej: Xucꞌuax chi niquimisas, incheꞌl niꞌan cha jun oveja. Can incheꞌl nuꞌon ri alaj oveja ri man nisiqꞌuin ta antok nisocas rij, quireꞌ jeꞌ xuꞌon jajaꞌ, man jun kax xuꞌej.

Kaqchikel Central Guatemala

³² Ri ruch'abel ri Dios ri najin chusiq'uixic ri achin ri', jac'a ri nubij: Xuc'uex c'a richin necamisex, achi'el nuc'uex jun carne'l. Can achi'el c'a nuben ri alaj carne'l ri man nik'ajan ta tok nisoquex rij, que c'a chuka' ri' xuben rija', man jun xubij.

Re C'ac'a Testamento pa Kach'abal

³² Y re ruch'abal re Dios re ntajin chubanic leer re ache re', ja quire' nubij: Xc'uax chin che niquimisas, ancha'l nic'uax jun oveja. Can ancha'l nuban re ch'et oveja re man nik'ajan-ta tak nisocas rij, quire' chuka' xuban reja', man jun tzij xubij.

Kaqchikel Western Solola

³² Ri ruch'abel ri Dios ri ntajin chusiq'uixic ruwech ri achi aj Etiopía, ya c'a ri nich'o chrij ri Jesucristo y nubij: Xuc'uex c'a riche (rixin) chi nicamisex, achi'el nuc'uex jun carne'l. Can achi'el c'a nuben ri alaj carne'l ri ma nik'ajan ta tek nisoquex rij, quec'ari' xuben riya', majun xubij.

Hechos 8:32 ပူးပေါင်းရင်းမြစ်များ

Wuj Richin Bix Chire ri Dios 39:2

Yin kan man jun k'a xinbij, kan man xiq'ajan ta; stape' k'o ri utz ta chi xinbij, kan man xinbij ta. Man rik'in ri' ri nuq'axo'n kan más k'a xnimer.

Wuj Richin Bix Chire ri Dios 39:9

Man nujaqon ta ri nuchi', man jun ch'abel ri nubin, roma rat keri' xaben chuwe.

Wuj Richin ri Jeremías 11:19

Yin kan man jun k'a ninmey, achi'el jun ti karne'l ri yuqen-el richin nibekamisex y kan man wetaman ta k'a chi k'o itzel nikich'ob chuwij. Y nikibij chi yichoy-el achi'el jun che' ri jebel ruwech, richin yinkelesaj-el chuwech re ruwach'ulew, richin chi man jun chik xtinatan wichin.

Wuj Richin ri Jeremías 12:3

Jak'a yin, kan awetaman nuwech y chuqa' awetaman chi yin kan nukuquban nuk'u'x awik'in. Roma ri' ke'ak'uaj k'a re winaqi' re' achi'el toq ye'uk'uex-el ri taq karne'l richin yebekamisex. Kan ke'ach'ara' k'a kan richin yekamisex chupan ri q'ij richin ri aq'atbel-tzij.

Wuj Richin ri Jeremías 51:40

K'ari' xkenk'uaj pa kamisabel achi'el toq ye'uk'uex ri taq alaji' achija' karne'l, ri achija' karne'l y ri achija' tzuntzun.

San Lucas 23:34

Ri Jesús xubij k'a: Nata' Dios, takuyu' kimak, roma man ketaman ta achike ri ye'ajin chubanik, xcha'. Ri aj-labal kan xkiya' pan etz'anen ri rutziaq ri Jesús, richin xkitz'et ri achike ri nuk'uan-el.

San Juan 1:29

Pa ruka'n q'ij, ri Juan xutz'et chi choj peteneq ri Jesús k'a rik'in rija', y jari' toq xubij chike ri winaqi' ri ek'o chiri': Jare' xoqaqa ri achin ri taqon-pe roma ri Dios richin nrelesaj ri kimak konojel ri winaqi', achi'el toq nisuj jun karne'l pa ruwi' ri porobel.

Hechos 8:31

Jak'a ri achin ri' xubij: ¿Achi'el ta k'a toq xtiq'ax chinuwech? Roma xa man jun niq'alajirisan chinuwech, xcha'. Y ri achin ri' xubij k'a chire ri Felipe chi tijote-el, y titz'uye-el rik'in.

Romanos 8:36

Roma ri' chupan ri ruch'abel ri Dios ri tz'ibatel kan, nubij:*f15* Man rik'in ri' awoma k'a rat ajaw, jubama yojkamisex, achi'el niban chike ri karne'l toq ye'uk'uex richin yebekamisex.

1 Corintios 15:3

Ri ch'abel ri xink'ul yin, ri kan janila rejqalen, kan ja chuqa' ch'abel ri' ri xintzijoj chiwe rix; chi ri Cristo xken roma ri qamak, kan achi'el ri tz'ibatajineq kan chupan ri ruch'abel ri Dios.

1 Pedro 1:19

xa kan rik'in ri rukik'el ri Cristo. Y rija' kan achi'el ri karne'l ri yesuj richin kamelabel, ri kan e tz'aqet y jebel e ch'ajch'oj.