Hechos 8:27 - Kaqchiquel Bible

²⁷ Ri Felipe kan xuchojmirisaj na wi el ri', y xbe k'a. Y jak'a toq ruchapon-el bey, xutz'et k'a jun achin aj-Etiopía. Re achin re' jun achin eunuco, y ja rija' ri k'o pa ruwi' ronojel ri rubeyomel ri jun ixoq q'atoy-tzij pa ruwi' ri ruwach'ulew Etiopía. Rija' nitzolin-el pa Jerusalem richin xoruya' ruq'ij ri Dios.

နောက်ထပ်ဗားရှင်းများ

Kaqchikel Santo Domingo (Xenacoj)

²⁷ Y ri Felipe xyakatej y xutzꞌen e bꞌey, y kꞌateꞌ ruwech xutzꞌet chi bꞌaneq chuqaꞌ chupan ri bꞌey riꞌ jun achi eunuco aj rochꞌulew Etiopía. Ri achi riꞌ chajiy rubꞌeyomal ri reina kichin ri aj Etiopía, y ri reina riꞌ rubꞌiniꞌan Candace. Ri achi riꞌ xbꞌa pa tinamit Jerusalén, xbꞌeruyaꞌ ruqꞌij ri Dios,

Kaqchikel Santa Maria de Jesus

²⁷ Y ri Felipe can xpalaj-pa, y xꞌa. Y antok bꞌanak, xutzꞌat jun alaꞌ aj-Etiopía. Ri alaꞌ reꞌ jun eunuco, y cꞌo paroꞌ nojiel ri rubꞌayomal ri reina Candace richin ri nación Etiopía. Ri alaꞌ reꞌ yoꞌn autoridad cha ruma ri Candace, y xpa Jerusalén chi xalruyaꞌ rukꞌij ri Dios.

Kaqchikel Central Guatemala

²⁷ Y ri Felipe can xuchojmirisaj na vi el ri', y xbe c'a. Y jac'a tok ruchapon-el bey, xutz'et c'a jun achin aj-Etiopía. Re achin c'a re' jun achin eunuco, y ja rija' ri c'o pa ruvi' ronojel ri rubeyomel ri jun ixok k'atoy-tzij pa ruvi' ri ruvach'ulef Etiopía, y rubini'an Candace. Ri achin c'a chuka' ri' jun k'atoy-tzij nisamej riq'uin ri Candace, y xpe ri pa Jerusalem richin xoruya' ruk'ij ri Dios.

Re C'ac'a Testamento pa Kach'abal

²⁷ Y re Felipe can xuban-va-a rubanic y xba. Y jac'a tak rutz'amon-a bey, xutz'at jun ache aj-Etiopía. Re ache re' jun ache eunuco, y ja reja' re nisamaj riq'uin re jun ixok re aconak reina. Ja ixok re' re nibano mandar pa rue' re lugar Etiopía y rubini'an Candace. Re ache eunuco ja reja' re pa'al chij ronojel re rubiyomal re Candace, y xpa pa Jerusalén chin xbo'rya' ruk'ij re Dios.

Kaqchikel Western Solola

²⁷ Y ri Felipe can xyacatej c'a el, y xbe c'a. Y yac'a tek ruchapon chic el bey, xutz'et c'a jun achi aj Etiopía. Ri achi c'a ri' jun eunuco, y ya riya' ri c'o pa ruwi' ronojel ri rubeyomal ri jun ixok Candace rubi', y ri Candace ri' aj k'atbel tzij pa ruwi' ronojel ri ruwach'ulef Etiopía. Ri achi eunuco ya'on chuka' k'atbel tzij pa ruk'a' ruma ri Candace, y xpe c'a pa Jerusalem riche (rixin) chi xoruya' ruk'ij ri Dios.

Hechos 8:27 ပူးပေါင်းရင်းမြစ်များ

Wuj Richin ri Sofonías 3:10

Toq xtapon ri q'ij ri' ri nuwinaq ri e talutajineq, kan xketzolin-pe richin nikiya' nuq'ij, stape' ek'o más nej chire ri Etiopía. Xkepe richin nokiya' sipanik chuwe.

Wuj Richin Bix Chire ri Dios 68:31

Xkepe k'a ri e aj-raqen ri ek'o pa ruwi' ri Egipto; Chuqa' ri e aj-raqen ri ek'o pa ruwi' ri Etiopía, kan xtikiyek k'a ri kiq'a' chawech rat richin nikiya' aq'ij.

Wuj Richin ri Jeremías 38:7

K'o k'a jun achin aj-Etiopía, rubini'an Ebed-mélec, jun chike ri aj-raqen chiri' pa rachoch ri rey, xrak'axaj k'a chi yin xiya'ox-qa chiri' pa jul. Y ri rey k'o pa jun molojri'il chiri' akuchi ye'el-ye'ok-wi pan okibel richin ri Benjamín.

Wuj Richin Bix Chire ri Dios 87:4

Ri ruwach'ulew Egipto*f89* y Babilonia ketaman nuwech. Ri winaqi' aj-Filistea, aj-Tiro y ri aj-Etiopía kan xe'alex-pe chupan ri tinamit Sión.

San Juan 12:20

Chikikojol k'a konojel ri winaqi' ri e apowineq pa Jerusalem richin nikiya' ruq'ij ri Dios chupan ri nimaq'ij ri', ek'o chuqa' e ka'i-oxi' winaqi' griego.

San Mateo 12:42

Chuqa' toq xtapon k'a ri q'ij richin xtiq'at-tzij pan iwi', ri reina richin ri ruwach'ulew Sabá xtubij k'a chi man utz ta xiben, chi man xinimaj ta. Roma toq xk'ase' rija', janila nej xbiyin-pe richin xorak'axaj ri etamabel ri xk'oje' rik'in ri rey Salomón. Y wakami ink'o yin ri más wetamabal chuwech ri rey ri', jak'a xa man yininimaj ta, xcha' ri Jesús.

Wuj Richin ri Jeremías 13:23

¿Nitikir kami jun wineq q'eq, nok ta seq? ¿Nitikir kami jun balma nrelesaj-el ri taq seq'eseq ri ek'o chirij? Rix chuqa' winaqi' aj-Judá, man yixtikir ta chik niben ri utz, roma kan ruk'ulun chik chiwe richin niben ri etzelal.

Wuj Richin ri Isaías 66:19

Y re' jun retal chike rije'. Y k'ari' kan xkenteq jujun chike ri man xeken ta kik'in ri ch'aqa' chik winaqi' richin ri ruwach'ulew. Kan xkenteq k'a el pa ruwach'ulew Tarsis, Fut, Libia, Lidia, ri akuchi yetikir nikikusaj ri ch'ab; chiri' pa Tubal, Grecia y ri ch'aqa' chik ruwach'ulew ri ek'o nej chuchi' ri palou, ri man jun bey kak'axan ri nubi' yin, ni man jun bey kitz'eton ri nuk'ojlemal richin chi nikiq'alajirisaj ri ruwaq'ijaj ri k'o wik'in. Y ri taqonela' ri' xkebe richin xtikiq'alajirisaj ronojel re'.

Wuj Richin ri Isaías 60:6

Xkepe k'a pa cholaj ri camello ri kik'amon-pe ri janila chi beyomel. Xkepe k'a pa ruwach'ulew Madián y pan Efá. Chuqa' xkepe k'a konojel ri aj-Sabá. Xtikik'en-pe janila chi q'anapueq y pom, y kan xtikibixaj bix richin nikiya' nuq'ij yin Jehová.

Wuj Richin ri Isaías 60:3

Konojel k'a ri ruwach'ulew xkepe richin ye'ok'oje' chupan ri isaqil. Chuqa' ri ch'aqa' chik rey richin ri ruwach'ulew xkepe, richin xke'ok'oje' junan iwik'in chupan ri q'ij ri'.

Wuj Richin ri Isaías 45:14

Yin Jehová kere' ninbij chiwe rix israelita: Ronojel ri kitiko'n ri aj-Egipto y ri kich'akoj ri aj-Etiopía, xtok iwichin rix. Chuqa' ri winaqi' aj-Sebá xkeq'ax pan iq'a' rix. Stape' rije' janila nima'q kipalen, konojel xke'ok iwichin. Rije' kan xketzeqe' k'a el eqal chiwij, roma e ximon-el rik'in cadena. Chuqa' kan xkexuke' k'a chiwech, y kan xtikik'utuj utzil chiwe roma ja rix ri ix kajaw rije'. Y k'ari' xtikibij chi ja yin ri in qitzij Dios, ri ink'o iwik'in rix, y kan man jun chik achi'el yin, ncha' ri Dios.

Wuj Richin ri Isaías 43:6

Y chike ri winaqi' ri ek'o pa xaman xtinbij chi kekijacha-pe konojel ri nuwinaq, y chike ri ek'o pa xokon xtinbij chi man kekiq'et-qa. Jak'a kan kebekik'ama-pe ri nuk'ajol, y ri numi'al ri ek'o k'a janila nej chire ri ruwach'ulew.

Wuj Richin Bix Chire ri Dios 68:29

Kan k'a chupan ri nimalej awachoch ri k'o pa Jerusalem, akuchi ri e rey richin ch'aqa' chik ruwach'ulew xtikisuj sipanik chawe.

1 Rey 10:1

Y toq ri rutzijol ri retamabal ri Salomón, ri ya'on chire roma ri Jehová xapon k'a pa ruwach'ulew Sabá, jari' toq ri reina richin chiri' kan xbe k'a chutz'etik ri Salomón, y richin nutejtobej ri retamabal, kan xuch'ob k'a el k'iy na'oj ri kan e k'ayew-wi ri niberuk'utuj chire.

Hebreos 11:8

Ri Abraham xk'oje' kuqubabel-k'u'x rik'in, roma ri' toq xoyox roma ri Dios richin chi nibe k'a pa jun chik ruwach'ulew ri xtuk'ul richin nrichinaj kan, rija' xunimaj tzij y xbe, stape' man retaman ta achike ruwach'ulew xtapon-wi.

Wuj Richin ri Jeremías 39:16

Kabiyin richin yabech'on rik'in ri Ebed-mélec ri aj-Etiopía y tabij chire: Kere' nubij ri Jehová k'iytisanel richin ronojel, ri Dios richin Israel: Re wakami yin xtinben ri nubin pa ruwi' re tinamit re' chi xtinya' ruk'ayewal pa ruwi', y man richin ta ri utz. Y ri q'ij ri richin ri ruk'ayewal ri' chawech k'a rat xtibanatej-wi.

Wuj Richin ri Isaías 18:7

Chupan apo ri q'ij ri' ri aj-Etiopía xtikik'en-pe sipanik chuwech ri Jehová k'iytisanel richin ronojel, stape' rije' jun tinamit e nima'q kipalen winaqi', y stape' e q'eq yetzu'un, ri kan nak'en kikiy pa rutikeribel. Wakami rije' janila kuchuq'a' k'o, y kan yech'akon toq k'o oyowal. Y ek'o pa jun ruwach'ulew akuchi nibiyin raqen taq ya'. Jak'a chupan ri q'ij ri' kan xtiya'ox sipanik chire ri Jehová k'iytisanel richin ronojel, ri k'o pa juyu' Sión.

Hechos 8:28

Jari' k'a ruchapon-el tzolejen pa ruruwach'ulew, tz'uyul-el pa jun karruaje. Y rija' nusik'ij k'a jun wuj ri beneq, ri wuj ri tz'iban kan roma ri Isaías, ri q'alajirisey ruch'abel ri Dios.

Deut 30:13

Ni man xkixtikir ta xtibij: ¿Achike ta k'a xtiq'axan la palou la' xaxe qoma roj richin nuq'axaj-pe chiqe ri pixa' y nusik'ij chiqawech richin keri' roj kan xtiqaben ri nubij?, xkixcha' ta.