Hechos 8:23 - Kaqchiquel Bible

²³ Nintz'et k'a chi k'a k'o na ri ch'upun-k'u'x pan ak'aslen, y ri mak k'a at ruximon na, xcha' ri Pedro.

နောက်ထပ်ဗားရှင်းများ

Kaqchikel Santo Domingo (Xenacoj)

²³ Porque nitzꞌet chi kꞌayilej rubꞌanun ri awánima roma ndiququt chiqij y ri itzel ndanojij, rat ruximon, xchajeꞌ ri Pedro.

Kaqchikel Santa Maria de Jesus

²³ Inreꞌ nitzꞌat chi ri itziel cꞌa cꞌo pan acꞌaslien y ri pecado cꞌa at-ruximuon, xchaꞌ ri Pedro.

Kaqchikel Central Guatemala

²³ Y nintz'et c'a chi ri itzel c'a c'o na pan ac'aslen, y c'a at ruximon na, xcha' ri Pedro.

Re C'ac'a Testamento pa Kach'abal

²³ Y nintz'at che re itzel c'a c'o pan ac'aslen, y c'a yatruximon, xcha' re Pedro cha.

Kaqchikel Western Solola

²³ Y ntz'et c'a chi ri etzelal c'a c'o na pan ac'aslen, y c'a yit ruximon na, xcha' ri Pedro chare.

Hechos 8:23 ပူးပေါင်းရင်းမြစ်များ

Wuj Richin ri Isaías 58:6

Man keri' ta ri rubanik. Ri meway ri niqa' chinuwech yin, chi ke'iwisq'opej ri e ximil y xa man jun kimak. Chuqa' ke'iwisq'opej-el ri e ijitz'on pa samaj, y tiya-el q'ij chi ketotej-el ri winaqi' ri ek'o pa latz'. Y man chaq ke'iya' pa poqon ri winaqi'.

Wuj Richin Etamabel-Tzij 5:22

Ri achin aj-mak, xa ja ri itzel rubanobal ri nibanon chire chi man nitikir ta nel-pe chupan ri mak ri', xa ruyon k'a rija' nusuq' kan ri' chupan.

Hebreos 12:15

Titz'eta' jebel chi man jun ta ri man ta nuqi' ri rutzil ri Dios. Richin chi man jun tok achi'el jun q'ayis ri k'ey-k'ey ruxe', ri xa nuben ch'aoj y nusech kik'u'x e k'iy.

San Juan 8:34

Jak'a ri Jesús xubij chike: Kan qitzij k'a ninbij chiwe chi konojel winaqi' ri xa k'a yemakun na, kan niq'alajin chi chuxe' rutzij ri mak ek'o-wi y jari' ri uk'uayon kichin achi'el jun loq'on samajel.

2 Pedro 2:19

Nikisuj isq'openri'il, stape' ri tijonela' ri' e ximil chupan ri itzel taq kibanobal, roma xa e qajineq pa ruq'a' ri etzelal.

2 Pedro 2:4

Roma ri Dios, ni ri ángel man xerukoch' ta toq xemakun. Xa xeruk'eq k'a akuchi k'o-wi ri tijoj-poqonal y ri q'equ'm. Y wakami chiri' e yakel-wi, koyoben ri q'ij toq xtiq'at-tzij pa kiwi'.

Tito 3:3

Roma toq rubanon kan, roj chuqa' oj nakaneq rik'in ri qach'obonik. Man xojniman ta tzij, y yalan oj sachineq ri chiri'. Man xojtikir ta xqaq'il-qi' chuwech ri mak. Xa kan xqaben ronojel ri itzel ri xqarayij. Yalan itzel ri qak'aslen xqak'uaj. Itzel xeqatz'et ri ch'aqa' chik roma ri utz k'o kik'in. Y kan niqetzelaj-qi'.

Wuj Richin ri K'uxla'anik 3:19

Noqaqa chinuk'u'x ri q'axo'n ri nink'owisaj, chuqa' ri ruk'eyul ri nuk'aslen y ri nimalej ruk'ayewal ri ninq'axaj.

Wuj Richin ri K'uxla'anik 3:5

Kan xusutij-wij rik'in jun k'ayilej-q'axo'n, achi'el jun tz'aq. Kan man xitikir ta xinkol-wi' chuwech ri ruk'ayewal.

Wuj Richin ri Jeremías 9:15

Roma ri' yin kan xtinben k'a chike, richin xtikitej k'ayilej-q'os y xtikiqum ya' ri nikamisan. Yin Jehová ri in k'iytisanel richin ronojel ri yibin.

Wuj Richin ri Jeremías 4:18

Ri itzel ibey y ri itzel taq ibanobal, jari' ri nibanon chiwe richin kere' xtik'uluwachij. Roma ri imak xtiqaqa re jun ruk'ayewal re' pan iwi'. Janila ruk'ayewal, roma kan xapon k'a pan iwánima, xcha' ri Dios.

Wuj Richin ri Isaías 28:22

Roma ri' man chik kixtze'en, roma rik'in juba', kan más yixrujitz'aj ri achoq ik'in iximon-iwi'. Roma ri Jehová k'iytisanel richin ronojel xubij chuwe chi kan xuya' jun pixa' richin chi niberuk'isa' chijun ri ruwach'ulew.

Wuj Richin Bix Chire ri Dios 116:16

Jehová, kan qitzij na wi chi yin in asamajel rat. Xkatinsamajij achi'el xarusamajij ri nte', roma kan xinawelesaj-pe chupan ri ximonri'il.

Wuj Richin ri Achin Job 20:14

Jak'a toq napon-qa pa kipan xa nik'eyur, y ri chiri' xa nupon-ri' y nok achi'el ri kamisanel ya' ri nel pa ruchi' jun itzel kumetz.

Efesios 4:31

Tik'is ronojel ri itzel nina' pa taq iwánima, ri ruk'ayewal, ri oyowal y ri yoq'onik. Man kixsik'in chirij jun wineq, y tiya' kan rubanik ronojel ruwech etzelal.