Hechos 8:21 - Kaqchiquel Bible

²¹ Chuqa' rat man jun aq'a' chire re qasamaj, roma ri awánima xa man choj ta chuwech ri Dios.

နောက်ထပ်ဗားရှင်းများ

Kaqchikel Santo Domingo (Xenacoj)

²¹ Rat nixta jun aqꞌaꞌ chare re samaj ruyoꞌon ri Dios chaqe roj, porque ri awánima ma chaj ta chuwech ri Dios.

Kaqchikel Santa Maria de Jesus

²¹ Atreꞌ man jun akꞌaꞌ cha ri samaj reꞌ, ruma ri avánima man choj ta cꞌo choch ri Dios.

Kaqchikel Central Guatemala

²¹ Y chuka' rat man jun ak'a' chire re samaj re', roma ri avánima xa man choj ta chuka' chuvech ri Dios.

Re C'ac'a Testamento pa Kach'abal

²¹ Y chuka' rat man jun a-derecho cha re samaj re', roma re avánma xa man choj-ta chach re Dios.

Kaqchikel Western Solola

²¹ Y chuka' riyit can majun ak'a' chare re samaj re', ruma ri awánima xa ma choj ta c'o chuwech ri Dios.

Hechos 8:21 ပူးပေါင်းရင်းမြစ်များ

2 Crón 25:2

Ri Amasías kan xutaqej k'a ri nubij ri pixa' richin ri Jehová, stape' man kan ta rik'in ronojel ránima.

Wuj Richin ri Nehemías 2:20

Jak'a yin xinbij chike: Ri Dios ri rajaw ri kaj, ja rija' ri xtibanon chi utz xtibe chiqawech y roj ri oj rusamajela' xqojyakatej y xtiqayek k'a q'anej re Jerusalem. Jak'a rix kan man xkixilon ta, ni ta xtiq'et-tzij y kan man xkixnatex ta chik wawe', xicha' k'a chike.

Wuj Richin Bix Chire ri Dios 36:1

Ri etzelal kan nich'on k'a pa kánima ri e banoy etzelal. Rije' kan man jun bey nikiquqa' chi nikixibij ta ki' chuwech ri Dios.

Ez 14:3

Re achi'a' re' kijachon-ki' richin nikiya' kiq'ij ri wachibel y kan kijachon-ki' richin yemakun. Roma ri' yin man xtinya' ta pixabanik chike.

Wuj Richin ri Chojmirisabelri'il 13:8

Y toq ri sacerdote xtutz'et ri yawa' ri', y xtutz'et chi ri yabil xa nimirineq, jari' toq rija' xtuq'alajirisaj chi ri wineq ri' man ch'ajch'oj ta, roma k'o jun chike ri itzel taq yabil chirij, ri nutaluj-ri'.

Wuj Richin ri Habacuc 2:4

Y jare' ri rutzijol ri k'o chi natz'ibaj: Ri winaqi' aj-Babilonia man choj ta kánima, y xa kan janila kinimirisan-ki'. Jak'a ri winaqi' ri yetzeqeliben wichin y man xkinkimalij ta kan roma kikuquban kik'u'x wik'in, kan xtink'en chik kiwech, y roma ri' xkek'ase' xcha' ri Dios.

San Lucas 1:6

Re juk'ulaj winaqi' re' choj kik'aslen chuwech ri Dios, y kan nikiben ri nubij ri pixa'.

San Juan 21:17

Y pa rox bey, ri Jesús xubij chik chire: Rat Simón ri ruk'ajol ri Juan, ¿kan yinawajo'?, xcha'. Ri Pedro kan q'alaj wi k'a chi xpe bis pa ránima, roma ja yan ri' ri rox bey ri xk'utux chire roma ri Jesús. K'ari' ri Pedro xubij: Wajaw, rat kan ronojel k'a awetaman. Kan awetaman k'a chi yatinwajo', xcha'. Y ri Jesús xubij chik chire: Kan ke'ayuq'uj y ke'achajij k'a ri nukarne'l.

Efesios 5:5

Y rix iwetaman chik chi ri achi'a' y ri ixoqi' ri nikikanola-ki' richin yemakun, ri yebanon ri ch'aqa' chik etzelal y ri yerayin-apo ri k'o rik'in jun chik, kan junan rik'in ri nikiya' ta kiq'ij dios ri xa man e qitzij ta; konojel rije' kan man xke'apon ta pa rajawaren ri Cristo y ri Dios.

Deut 10:9

Roma ri' ri e levita maneq ulew richin tiko'n xkichinaj chikikojol ri kach'alal, roma ri xkichinaj rije' ja ri xek'oje' kan pa rusamaj ri Jehová, achi'el rubin rija' chike.

Deut 12:12

Y kan xkixnimaq'ijun k'a chuwech ri Jehová ri qa-Dios junan kik'in ri iwalk'ual, ri isamajela' y kik'in ri e levita ri ek'o chi'ikojol roma rije' man jun ulew xtikichinaj kan chi'ikojol.

Hebreos 4:13

Roma man jun k'a ri nitikir newan-ri' chuwech ri Dios, y ronojel ri k'o kan e tz'etel chuwech rija'. Y chire rija' k'o chi niqajech-wi ronojel ri yeqabanala'.

Wuj Richin ri Josúe 22:25

Ri Jehová xuya' ri raqen-ya' Jordán richin k'ulba't chiqakojol roj y rix. Roma ri' rix ri tzobaj richin ri Rubén y ri Gad man ix richin ta ri Jehová, xkecha', xojcha' roj. Keri' ri chiqawech-apo ri iwijatzul rix xtikiben chike ri qijatzul roj richin man xtikitzeqelibej ta chik ri Jehová.

Apocalipsis 2:23

Y konojel ri ral xkenkamisaj, richin chi tiketamaj konojel ri molaj nimanela', chi yin wetaman ri achike ri nikich'ob y wetaman chuqa' ri k'o pa taq kánima konojel. Y kan achi'el k'a ri ibanobal chi'ijujunal, kan keri' k'a chuqa' ri ruk'exel ri xtik'ul.

Apocalipsis 20:6

Kan jebel ruwa-kiq'ij y e loq'olej ri janipe' xkek'astej chupan ri nabey k'astajibel, y ri ruka'n kamik man xtitikir ta chikij. Pa ruwi' ri' kan xke'ok sacerdote richin ri Dios y ri Cristo. Y junan xkeq'aton-tzij rik'in ri Cristo chupan ri 1,000 juna'.

Apocalipsis 22:19

Y wi k'o chik jun ri xa nrelesaj ch'abel y nujel rubanik ri nuq'alajirisaj ri Dios chupan re jun wuj re', ri Dios kan xtuben chire chi man nutej ta ri ruwech ri che' ri richin k'aslen, man xtuya' ta q'ij chire richin nok-apo chupan ri k'ak'a' tinamit ri ch'aron roma ri Dios y man xtrichinaj ta ri utz ri nubij chupan re wuj re'.