Hechos 8:20 - Kaqchiquel Bible

²⁰ Jak'a ri Pedro xubij chire: K'a ta pa q'aq' xkabeqaqa-wi, rachibilan ri améro, roma rat nach'ob chi rik'in ri méro naloq' ri nusipaj ri Dios.

နောက်ထပ်ဗားရှင်းများ

Kaqchikel Santo Domingo (Xenacoj)

²⁰ Pero ri Pedro xubꞌij: Rat junan rikꞌin ri améra tikꞌis aqꞌij pa qꞌaqꞌ, porque xanojij chi rikꞌin améra ngatiker ndalaqꞌ re loqꞌolej sipanik nduyaꞌ ri Dios.

Kaqchikel Santa Maria de Jesus

²⁰ Y ri Pedro xuꞌej cha ri Simón: Cꞌa pa kꞌakꞌ xcabꞌaka-ve junan riqꞌuin ri a-miera; ruma atreꞌ naꞌan pensar chi riqꞌuin miera nalokꞌ ri nusipaj ri Dios.

Kaqchikel Central Guatemala

²⁰ Y ri Pedro xubij c'a chire ri Simón: C'a ta pa k'ak' xcabeka-vi, rachibilan ri a-mero, roma rat nach'ob chi riq'uin ri mero nalok' ri nusipaj ri Dios.

Re C'ac'a Testamento pa Kach'abal

²⁰ Y re Pedro xubij cha re Simón: C'a pa k'ak' xcate'q'uis-va riq'uin la a-mero, roma rat nanojij che riq'uin mero nalok' re nusipaj re Dios.

Kaqchikel Western Solola

²⁰ Y ri Pedro xubij c'a chare ri Simón: Xa xcaq'uis c'a junan riq'ui ri arajil, ruma riyit nach'ob chi riq'ui ri puek yacowin nalok' ri nusipaj ri Dios.

Hechos 8:20 ပူးပေါင်းရင်းမြစ်များ

Wuj Richin Etamabel-Tzij 15:26

Ri Jehová kan yeretzelaj k'a ri itzel y ri tz'il taq ruch'obonik ri wineq itzel; jak'a ri ruch'abel ri wineq ch'ajch'oj ránima, kan e ch'ajch'oj chuwech rija'.

Wuj Richin ri Isaías 55:1

Iwonojel rix ri janila chaqi'j ichi', kixanpe richin tiqumu' iya'. Y rix ri maneq iméro, kixanpe, kixloq'on y kixwa'. Kixanpe, kixloq'on stape' maneq iméro, y kan maneq rajel ri vino y ri leche.

Dn 5:17

Jari' k'a toq ri Daniel xubij chire ri rey: Ri sipanik ri naya' chuwe, xa tik'oje' kan awik'in. Xa kan taya' k'a chike ch'aqa' chik ri nasuj chuwe yin. Man rik'in ri' yin kan xtintz'et k'a ri tz'iban kan chuwech ri jay y xtinbij k'a chawe ri nel chi tzij.

Wuj Richin ri Zacarías 5:4

Ri Jehová k'iytisanel richin ronojel nubij chi xtuteq re jun etzelanik re' richin napon pa kachoch ri winaqi' ri', y xa kan xtik'oje' k'a chiri' k'a toq xtik'is na el ri tem y ri abej chire ri kachoch, xcha'.

San Mateo 10:8

Ke'ik'achojirisaj k'a yawa'i', ke'ik'achojirisaj ri k'o yabil ri nutaluj-ri' chikij, ke'ik'asola' ri e kaminaqi' chik y ke'iwelesaj k'a chuqa' ri k'o itzel taq espíritu kik'in. Ronojel k'a ri uchuq'a' re' xa sipan k'a chiwe rix, roma ri' kan keri' chuqa' tibana' rix.

San Mateo 15:19

Roma xa pa kánima k'a ri winaqi' yepe-wi ri itzel taq ch'obonik. Chiri' nipe-wi ri ch'obonik toq yekamisan. Chiri' chuqa' nipe-wi ri ch'obonik toq ri winaqi' ri e k'ulan y ri man e k'ulan ta nikikanola-ki' richin yemakun; chuqa' chiri' nipe-wi toq ye'eleq', toq yetz'uku tzij, y chuqa' toq yeyoq'on.

Hechos 1:18

Rik'in ri méro ri xuk'ul toq xujech ri Jesús, rik'in ri' xuloq' jun ulew y chiri' xtzaq-wi; rija' xkubuku' ri rupan y xel ronojel ri rixkolob.

Hechos 10:45

Toq xbanatej re', ri judío ri e peteneq chirij ri Pedro, xsach kik'u'x toq xkitz'et chi ri Loq'olej Espíritu kan nisipex-pe chuqa' chike ri winaqi' ri', y rije' xa man e judío ta.

Hechos 11:17

Wi kan ja ri Dios ri xya'on ri Loq'olej Espíritu ri pa kiwi' ri winaqi' ri', achi'el xuben chuqa' chiqe roj ri qakuquban qak'u'x rik'in ri ajaw Jesucristo, ¿achike ta k'a xtinch'ojij yin chire ri Dios?, xcha' ri Pedro.

Hechos 2:38

Ri Pedro xubij chike: Titzolej-pe ik'u'x rik'in ri Dios, y pa rubi' ri ajaw Jesucristo tiya' q'ij chi niya'ox ya' pan iwi', richin keri' nikuyutej ri imak. Y ri Dios xtuya' ri Loq'olej Espíritu chiwe.

Hechos 8:19

y xubij chike: Tibana' k'a chuwe richin nik'oje' la uchuq'a' la' wik'in, richin keri' toq ninya' k'a nuq'a' pa ruwi' xabachike wineq, xtuk'ul ta k'a chuqa' ri Loq'olej Espíritu ri', xcha' chike.

Hechos 8:22

Ke'aya' k'a kan ri xa man e utz ta ri ek'o pan awánima, y tak'utuj k'a kuyubel amak chire ri Dios, roma chuwech rija' kan man utz ta ri ach'obonik.

Deut 15:9

Man tiya' q'ij chi nipe itzel taq ch'obonik iwik'in y nibij: Xa noqaqa yan ri juna' wuqu' toq nikuyutej ronojel k'as, yixcha-qa. Y roma ri' xa kan itzel chik k'a xtitz'et y man jun niya' chire. Man k'a tiben keri', roma rija' xa xtisujun-q'anej chuwech ri Jehová y rix kan xtiban chiwe chi kan ix aj-mak.

Deut 7:26

Roma ri' man jun tik'uaj pan iwachoch ri man niqa' ta chuwech ri Dios, richin chi man yixk'is. Kan tiwetzelaj k'a ronojel re', roma ri Dios rubin kan chi xa nik'is jumul.

1 Timoteo 6:9

Jak'a ri winaqi' ri nikirayij ye'ok beyoma', man k'ayew ta chi yeq'olotej, y yetzaq pa pikbel. Rije' xa e nakaneq y ri itzel taq rayibel xa yeruk'uaj pa tijoj-poqonal.

Santiago 5:3

Ri iméro xtipusir y rik'in ri' kan xtiq'alajin chi man xe'ito' ta ri winaqi'. Y jari' ri xtiporon iwichin. Kan k'iy k'a méro imolon richin ri ruk'isibel taq q'ij.

Apocalipsis 18:15

Y stape' janila xebeyomer kan roma ri tinamit ri', nikixibij-ki' chuwech ri ruk'ayewal ri qajineq pa ruwi', y k'a nej k'a nikitzu-wi-pe. Y rik'in oq'ej y bis,