Hechos 7:55 - Kaqchiquel Bible

⁵⁵ Jak'a ri Esteban kan jun achin k'a ri nojineq ránima rik'in ri Loq'olej Espíritu. Roma ri', toq rija' xtzu'un ri chikaj, xutz'et k'a ri ruq'ij-ruk'ojlen ri Dios, y xutz'et chuqa' ri Jesús pa'el-apo pa rijkiq'a' rija'.

နောက်ထပ်ဗားရှင်းများ

Kaqchikel Santo Domingo (Xenacoj)

⁵⁵ Pero ri Esteban nojneq ránima rikꞌin ri Espíritu Santo, xtzuꞌun e chikaj, xutzꞌet ri nimalej ruqꞌij ri Dios, y xutzꞌet chuqaꞌ chi ri Jesús peꞌel pa rikiqꞌaꞌ ri Dios.

Kaqchikel Santa Maria de Jesus

⁵⁵ Pero ri Esteban can jun ache ri nojnak ránima riqꞌuin ri Espíritu Santo. Jajaꞌ xtzuꞌn-el chicaj, xutzꞌat ri ru-gloria ri Dios, y xutzꞌat ri Jesús cꞌo pa ru-derecha ri Dios.

Kaqchikel Central Guatemala

⁵⁵ Pero ri Esteban can jun achin c'a ri nojinek ránima riq'uin ri Lok'olej Espíritu. Romari', tok rija' xtzu'un ri chicaj, xutz'et c'a ri ruk'ij-ruc'ojlen ri Dios, y xutz'et chuka' ri Jesús pa'el-apo pa rajquik'a' ri Dios.

Re C'ac'a Testamento pa Kach'abal

⁵⁵ Pero re Esteban can nojnak ránma cha re Espíritu Santo. Mare', tak re Esteban xtzu'un chicaj, xutz'at ruk'ij re Dios, y xutz'at chuka' re Jesús pa'al-apo pa rajquik'a' re Dios.

Kaqchikel Western Solola

⁵⁵ Pero ri Esteban, jun achi ri can nojnek ránima riq'ui ri Lok'olaj Espíritu. Rumari', tek riya' xtzu'un chicaj, xutz'et c'a ri ruk'ij ruc'ojlen ri Dios, y xutz'et chuka' ri Jesús c'o pa rajquik'a' ri Dios.

Hechos 7:55 ပူးပေါင်းရင်းမြစ်များ

Wuj Richin Bix Chire ri Dios 109:31

Roma ri Jehová kan xtik'oje' k'a pa rijkiq'a' ri wineq ri man jun k'o rik'in, richin chi nukol ri ruk'aslen chikiwech ri yech'on itzel chirij.

Ez 10:18

Ri ruk'ojlemal ri Jehová ri k'o chuchi' ri rachoch xyakatej-el y xbek'oje' pa kiwi' ri e kaji' querubín.

Ez 10:4

K'ari' ri ruk'ojlemal ri Jehová xyakatej-el pa ruwi' ri querubín y xbe pa ruchojmilal ri okibel richin ri rachoch ri Jehová. Y ri sutz' ri' xunojisaj ri jay y chuqa' kan xusaqirisaj ri ruwa-jay rik'in ri ruk'ojlemal ri Jehová.

Ez 11:23

Keri' ri ruk'ojlemal ri Dios xbe-q'anej pa ruwi' ri rachoch rija'. Xeri' xel-el pa tinamit y k'ari' xbek'oje' pa ruwi' ri juyu' ri k'o pa relebel-q'ij.

Ez 3:23

Xiyakatej k'a el y xibe pa taq'aj ri akuchi xubij-wi ri Jehová chuwe y xintz'et k'a ri ruk'ojlemal ri chiri', kan junan rik'in ri ruk'ojlemal ri xintz'et ri chuchi' raqen-ya' Quebar. Y roma ri' yin kan xinlukuba-qa-wi' k'a pan ulew chuwech.

Wuj Richin ri Miqueas 3:8

Jak'a yin kan in nojineq rik'in uchuq'a' richin ri Espíritu richin ri Jehová; y yiruto' richin yich'on pa ruwi' ri ruchojmilal y ri man utz ta. Kan nuya' k'a wuchuq'a' richin ninq'alajirisaj ri kimak ri nuwinaq, richin niq'alajin ri man utz ta ri ye'ajin chubanik.

Marcos 16:19

Toq ri ajaw Jesús ch'owineq chik kan kik'in ri rutijoxela', xbe y ri chila' chikaj xk'ul roma ri Dios, y xtz'uye-apo pa rijkiq'a'.

San Juan 11:41

Jari' toq xkelesaj k'a ri abej tz'apebel ruchi' ri jul. K'ari' ri Jesús xtzu'un k'a chikaj y xubij: Nata', matiox ninya' chawe, roma kan yinawak'axaj-pe.

San Juan 12:41

Ri Isaías kere' xubij roma xutz'et ri ruq'ij-ruk'ojlen ri Jesús ri xtuk'ul.

San Juan 14:3

Chubanik k'a ri' toq yibe y kan xkipe chik jun bey, y xkixink'uaj wik'in richin chi akuchi xkik'oje-wi yin, chiri' chuqa' xkixk'oje-wi rix.

Hechos 2:4

Xbanatej k'a chi ri Loq'olej Espíritu xunojisaj ri kánima, y jari' toq xech'on pa ch'aqa' chik ch'abel ri man kich'abel ta rije'.

Hechos 4:8

Ri Pedro, kan nojineq k'a ri ránima rik'in ri Loq'olej Espíritu, xubij k'a chike: Rix aj-raqen y rix chuqa' rijita'q ri k'o iq'ij, tiwak'axaj ri ninbij.

Hechos 6:10

Roma ri Esteban kan ja ri Loq'olej Espíritu ri xya'on etamabel chire; roma ri', toq rija' xch'on, ri winaqi' ri' xa man xetikir ta rik'in.

Hechos 6:3

Wakami k'a qach'alal, ke'icha-pe wuqu' achi'a' ri chi'ikojol, achi'a' ri kan etaman chi choj ri kik'aslen, k'o etamabel kik'in y nojineq ri kánima rik'in ri Loq'olej Espíritu, richin keri' jari' ri xkeqaya' chuwech ri k'o chi niya'ox chiwe.

Hechos 6:5

Kan konojel xqa' chikiwech ri xbix chike, y xekicha' k'a ri e wuqu' achi'a'. Ri jun k'a ri xkicha' rubini'an Esteban, y re' jun achin ri kan jebel wi kuqul ruk'u'x rik'in ri Dios, y nojineq ránima rik'in ri Loq'olej Espíritu. Xekicha' chuqa' ri Felipe, ri Prócoro, ri Nicanor, ri Timón, ri Parmenas y ri Nicolás ri aj pa tinamit Antioquía; rija' man judío ta, jak'a kan nunimaj k'a ri nubij ri kipixa', y kan kik'in k'a rije' k'o-wi toq k'a man jani runiman ta ri Jesús chiri'.

Hechos 6:8

Ri Dios xuya' ruchuq'a' ri Esteban y chuqa' xuya' rutzil pa ruwi'. Roma ri' toq k'o meyel taq banobel y retal ri yerubanala' chikiwech ri winaqi'.

2 Corintios 4:6

Pa rutikeribel, ri Dios xubij chi tik'oje' saqil ri pa q'equ'm. Y ja chuqa' rija' ri nisaqirisan ri pa taq qánima, richin chi roj kan tiqasaqirisaj y tiqaq'alajirisaj k'a chikiwech ri winaqi' ri ruq'ij-ruk'ojlen ri Dios, ri kan nitz'etetej-wi rik'in ri Jesucristo.

Hebreos 1:3

Rik'in ri Ruk'ajol niq'alajin ri ruq'ij-ruk'ojlen. Ri Ruk'ajol kan junan rik'in rija' y ja ri K'ajolaxel ri uk'uayon richin ronojel ri k'o; rik'in ri ruchuq'a' ri ruch'abel ruchapon-wi. Rija' xtikir xuyoj ri qamak, y k'ari' xbetz'uye' chila' chikaj pa rijkiq'a' ri nimalej Dios.

Hebreos 8:1

Ri niqajo' niqabij, chi ri qanimalej sacerdote, tz'uyul chila' chikaj pa rijkiq'a' ri Dios.

2 Pedro 1:17

Roma xqatz'et k'a ri ruq'ij-ruk'ojlen ri xya'ox chire roma ri Tata'ixel, toq xbix chire roma ri nimalej Dios ri kan k'o ruq'ij-ruk'ojlen ri xubij: Jare' ri Nuk'ajol ri janila ninwajo' y kan janila yikikot rik'in,*f1* xcha'.

Apocalipsis 21:11

Y re tinamit re', kan niyik'lun roma ri rusaqil ri Dios; kan achi'el niyik'lun ri abej jaspe, kan rex y keq nitzu'un achi'el ri chay.