Hechos 7:50 - Kaqchiquel Bible

⁵⁰ Ja yin ri xibanon ronojel re banobel re', xubij ri Dios. Keri' nubij ri tz'ibatel kan.

နောက်ထပ်ဗားရှင်းများ

Kaqchikel Santo Domingo (Xenacoj)

⁵⁰ Tikꞌuxlaꞌaj kꞌa chi ja riyin ri bꞌanayon nojel ri ekꞌo. Keriꞌ xubꞌij ri Dios, rutzꞌibꞌan kan ri profeta.

Kaqchikel Santa Maria de Jesus

⁵⁰ ¿Man xinꞌan ta came nojiel kax riqꞌuin nukꞌaꞌ? Quireꞌ nuꞌej ri rutzꞌibꞌan can ri profeta.

Kaqchikel Central Guatemala

⁵⁰ ¿Rix nibij chi nic'atzin jun jay chuve richin chi yic'oje' chupan? Manek. Xaxe na pe' toka' chi'ic'u'x chi ja yin ri xibanon ronojel. Queri' nubij ri rutz'iban can ri rusamajel ri Dios.

Re C'ac'a Testamento pa Kach'abal

⁵⁰ Yen man nic'atzin-ta jun jay chua chin yinuxlan chupan. Xaxe te'ka chi'c'o'x che ja yen re ximbano ronojel. Quire' nubij re rutz'iban can re rusamajel re Dios.

Kaqchikel Western Solola

⁵⁰ ¿La ma yin ta cami riyin xibano riq'ui nuk'a' ronojel ri cosas? Queri' xubij ri Dios, xcha' ri Esteban.

Hechos 7:50 ပူးပေါင်းရင်းမြစ်များ

Wuj Richin ri Jeremías 32:17

¡Wajaw Jehová!, rik'in ri nimalej awuchuq'a' xaben ri kaj y ri ruwach'ulew y kan man jun k'ayew chawech rat.

Hechos 14:15

¿Achike roma toq rix niben kere'? Roj oj winaqi' achi'el rix, y oj peteneq iwik'in richin noqabij chiwe chi timestaj kan re na'oj ke taq re', ri xa man jun utz nuk'en-pe chiwe, y tinimaj k'a ri k'aslik Dios ri banayon ri kaj y ri ek'o chupan, ri banayon re ruwach'ulew y ri ek'o chuwech, ri banayon ri palou y ri ek'o chupan.

Wuj Richin ri Jeremías 10:11

Ja rat xabin chuwe chi ninbij chike ri nuwinaq chi ri wachibel ri' man ja ta rije' xebanon ri kaj, ni ri ruwach'ulew. Y rije' kan xkek'is k'a el chuwech re ruwach'ulew y man jun k'a chike rije' xtik'oje' kan.

Wuj Richin ri Isaías 66:2

Ja yin ri xibanon ronojel re banobel re', y keri' xbanatej. Ja yin Jehová ri yibin. Jak'a yin kan utz xtintz'et ri wineq ri ruqasan-ri', ri nibison ránima toq nimakun, y ri kan nuk'en rukiy ri nuch'abel.

Wuj Richin ri Isaías 45:12

Yin xinben re ruwach'ulew, y ja yin xibanon kichin konojel winaqi'. Kan ja ri nuq'a' yin xrik'on ri kaj; chuqa' kan ja yin xibin richin yek'oje' ri xmotza'.

Wuj Richin ri Isaías 40:28

¿Chij man iwetaman ta k'a rix achike xtz'ukun ri ruwach'ulew? ¿Man iwak'axan ta kami rix? Ri Jehová Dios jari' ri richin q'asen. Ja rija' ri xbanon chijun ri ruwach'ulew. Rija' kan man nikos ta, y ri runojibal kan man jun achoq chuwech niq'ax-wi.

Ex 20:11

Roma yin Jehová, pa waqi' q'ij xinben ri kaj, ri ruwach'ulew, ri palou y ronojel ri ek'o chupan, jak'a chupan ri ruwuq q'ij, yin kan xinuxlan chire ri samaj ri'. Roma ri' ri ruwuq q'ij kan xinch'er richin uxlanen.

Wuj Richin ri Isaías 44:24

Kere' k'a nubij ri Jehová chike ri israelita: Ja yin ri in ikolonel, ri xibanon iwichin. Yin Jehová ri xibanon ronojel. Ja yin ri xibanon ri kaj y ri ruwach'ulew, y kan man jun xto'on wichin.

Hechos 17:24

Ja Dios ri' ri banayon re ruwach'ulew y ri janipe' ri k'o chuwech. Rija' kan rajaw ronojel, roma ri' man jun wineq nitikir nuben ta jun jay richin nik'oje' ta chupan.