Hechos 7:5 - Kaqchiquel Bible

⁵ Ri Dios kan man jun k'a ulew xuya' ta kan chire ri Abraham chupan re ruwach'ulew re', stape' ta xaxe richin nipa'e-wi. Jak'a ri Dios kan xusuj-wi k'a chire chi re ruwach'ulew re' xtok richin rija' y qichin roj ri oj riy-rumam. Kere' xubij ri Dios chire ri Abraham, stape' man jun ralk'ual chiri'.

နောက်ထပ်ဗားရှင်းများ

Kaqchikel Santo Domingo (Xenacoj)

⁵ Pero ri Dios nixta jun ulew xujech yan ta pa ruqꞌaꞌ ri Abraham chireꞌ pa rochꞌulew Canaán, nixta jubꞌaꞌ chin ta kꞌo apeꞌ ndikꞌojeꞌ, pero atoq ri Abraham kꞌajani kekꞌojeꞌ ralkꞌuaꞌl, ri Dios xubꞌij chi nduyaꞌ re rochꞌulew Canaán chare rijaꞌ y chake ri eriy-rumam.

Kaqchikel Santa Maria de Jesus

⁵ Y ri Dios manak herencia xuyaꞌ cha ri Abraham chupan ri lugar reꞌ, nixta pacheꞌ nipiꞌie-ve. Pero ri Dios xuꞌon prometer cha chi ri lugar reꞌ xtuoc richin jajaꞌ y quichin ri rumáma ri xcaꞌcꞌujieꞌ, mesque ri tiempo reꞌ ri Abraham majaꞌ ticꞌujieꞌ ralcꞌual.

Kaqchikel Central Guatemala

⁵ Y ri Dios can man jun c'a ulef xuya' ta can chire ri Abraham chupan re ruvach'ulef re', stape' ta xaxe richin nipa'e-vi. Can man jun vi ri xrichinaj can. Pero ri Dios can xusuj-vi c'a chire chi re ruvach'ulef re' xtoc richin rija' y quichin ri riy-rumam. Quere' xubij ri Dios chire ri Abraham, stape' man jun ralc'ual chiri'.

Re C'ac'a Testamento pa Kach'abal

⁵ Y re Dios camanak-va herencia xuya' can cha re Abraham chupan re lugar re', can ni xe-ta jun ch'et pedazo re anche' nipa'e-va-ka. Pero re Dios can xusuj cha, che re lugar re' xtoc richin reja' y quichin re rey-rumam. Quire' xubij re Dios cha re Abraham, y astapa' chupan re tiempo re' man jun rajc'ual c'o.

Kaqchikel Western Solola

⁵ Y ri Dios can majun c'a ulef xuya' ta ca chare ri Abraham chupan re ruwach'ulef re', astape' ta xaxu (xaxe wi) riche (rixin) chi nipa'e' wi. Can majun wi ri xuya' chare. Pero ri Dios can xutzuj (xusuj) wi c'a chare chi re ruwach'ulef re' xtoc riche (rixin) riya' y quiche (quixin) ri ye riy rumam ca. Queri' xubij ri Dios chare ri Abraham, astape' ma jajun ralc'ual ri k'ij ri'.

Hechos 7:5 ပူးပေါင်းရင်းမြစ်များ

Wuj Richin ri Rutikeribel 17:8

Yin xtiya' chawe rat y chike ri awijatzul ri ruwach'ulew ri akuchi atk'o-wi wakami ri xa q'axel, chijun re ruwach'ulew Canaán xtinya' chawe richin q'asen. Y yin xkinok ki-Dios ri awijatzul, xcha'.

Wuj Richin ri Rutikeribel 12:7

Y ri Jehová xbepapo' chuwech ri Abram y xubij chire: Chike konojel awijatzul xtinya-wi re ruwach'ulew re', xcha'. Y jari' ri Abram xuben-q'anej jun porobel richin xuporoj jun kamelabel chuwech ri Jehová roma chiri' xuk'ut-wi-ri' chuwech.

Wuj Richin ri Rutikeribel 15:18

Chupan ri q'ij ri', ri Jehová xuben jun jikibel-tzij rik'in ri Abram y xubij chire: Chike ri awijatzul xtinya-wi kan re ruwach'ulew re', nitiker-el rik'in ri raqen-ya' richin Egipto y napon k'a rik'in ri nimalej raqen-ya' rubini'an Éufrates.

Wuj Richin ri Rutikeribel 13:15

roma ronojel la ulew natz'et, xtinya' chawe rat y chike ri awijatzul richin q'asen.

Wuj Richin ri Rutikeribel 26:3

Rokik ri' kak'oje' na juba' chupan re ruwach'ulew re'. Yin kan xkik'oje' awik'in y xtinya' urtisanik pan awi', roma chawe rat y chike ri awijatzul xtinya-wi kan re ruwach'ulew re', richin keri' xtinben achi'el toq xinya' nutzij chire ri atata' toq k'a k'es na.

Wuj Richin ri Nehemías 9:8

Y xatz'et k'a, chi rija' kan xukuquba' ruk'u'x awik'in. Chuqa' kan xajikiba-atzij chire chi naya' chike ri rijatzul rija', ri ruwach'ulew kichin ri cananeo, ri hitita, ri amorreo, ri ferezeo, ri jebuseo y ri gergeseo. Y kan keri' k'a xaben roma rat kan naben ri nabij.

Deut 34:4

Y ri Jehová xubij: Jare' ri ruwach'ulew ri xinsuj chike ri Abraham, ri Isaac y ri Jacob toq xinbij chi chike ri kijatzul xtinya-wi. Yin xinya' q'ij chawe richin natz'et re ruwach'ulew re', jak'a rat xa man xkatok ta chupan, xcha'.

Deut 11:9

Richin keri' kan xtiyaloj ri ik'aslen chuwech ri jebelej ruwach'ulew ri rusujun ri Jehová chike ri qati't-qamama' y chiwe rix ri ix kijatzul.

Deut 10:11

Ri Jehová kere' k'a xubij chuwe: Kabiyin y katik'o chikiwech ri awinaq, y kixbiyin chupan ri ruwach'ulew ri xinjikiba' chike ri iwati't-imama' richin nok iwichin, xcha' chuwe.

Deut 9:5

Man roma ta k'a yalan utz ri ik'aslen, ni man roma ta utz ri ibanobal, roma ta ri' xkixok-apo y niwichinaj kan ri kiruwach'ulew rije'. Xa kan roma k'a ri itzel taq kibanobal re tzobaj winaqi' re' richin ri ruwach'ulew ri' ri Jehová ri qa-Dios xkerelesaj-el chiri', richin chi nujikiba' ri rubin-pe chike ri qati't-qamama' ri Abraham, ri Isaac y ri Jacob.

Deut 2:5

Man jun tiben chike re winaqi' re' richin niyek koyowal, roma re ulew re' kan man xtinya' ta chiwe, y man jun iq'a' chire re ruwach'ulew re'. Jare' ri kichinan ri e rijatzul kan ri Esaú y ja yin ri in yoyon chike.

Wuj Richin ri Rutikeribel 23:4

Yin xa man in aj wawe' ta, xa nej kipe-wi, y chi'ikojol rix ink'o-wi wakami. Tibana' utzil chuwe richin tik'ayij juba' wulew, y chiri' xtinmuq-wi ri nukaminaq, xcha' ri Abraham.

Wuj Richin ri Rutikeribel 16:2

Roma ri' ri Sarai xubij chire ri rachijil: Rat awetaman chi ri Jehová rubanon chuwe richin man yek'oje' ta wal. Nink'utuj k'a utzil chawe richin kak'oje' rik'in ri xten Agar, ri nusamajel. Rik'in juba' rija' xtik'oje' jun ral y xtok wichin yin, xcha' chire. Y ri Abram kan xqa' k'a chuwech ri rutzij ri rixjayil.

Ez 33:24

Ri awinaq ri k'a ek'o na chiri' pa Judá, ri ek'o pa taq tinamit ri e wulatejineq chik kan, nikich'ob chi ri Abraham xa ruyon-ok y man rik'in ri' xok rajaw ri ruwach'ulew. Roma ri' rije' nikich'ob chi roma rije' e janila e k'iy kan xketikir chuqa' xtikichinaj ri ruwach'ulew ri'.