Hechos 7:49 - Kaqchiquel Bible

⁴⁹ Ri Jehová nubij: Ri nutz'uyubal k'o wawe' chikaj, y ri rupalibal ri waqen, jari' ri ruwach'ulew. ¿Akuchi kami nich'ob rix richin nipaba-q'anej jun wachoch? ¿Akuchi kami nich'ob niben-wi jun k'ojelibel richin yinuxlan juba'?

နောက်ထပ်ဗားရှင်းများ

Kaqchikel Santo Domingo (Xenacoj)

⁴⁹ Ri Ajaw Dios kereꞌ ndubꞌij: Ja ri kaj ri nu-trono, Y ri rochꞌulew rupalibꞌal waqen. ¿Ndikꞌatzin kami chuwa jun achoch ri rix wineq bꞌanayon richin? ¿Ngixtiker kami ndibꞌen jun wachoch apeꞌ nginuxlan?

Kaqchikel Santa Maria de Jesus

⁴⁹ Ri Ajaf Dios nuꞌej: Ri rocaj jareꞌ ri nu-trono, y ri roch-ulief jareꞌ ri pacheꞌ niya-ve ri vakan. ¿Chica cꞌa jay ntiꞌan ixreꞌ chi vichin inreꞌ? ¿Y pacheꞌ cꞌo-ve ri lugar ri ntiꞌan chi nquinuxlan?

Kaqchikel Central Guatemala

⁴⁹ Ri Ajaf Dios nubij c'a: Jac'a ri caj ri nutz'uyubal, y ri ruvach'ulef nupalibal. ¿Achique c'a rubanic chi jay niben rix richin noc vachoch? ¿Y acuchi c'o-vi ri lugar ri niben rutzil richin yinuxlan?

Re C'ac'a Testamento pa Kach'abal

⁴⁹ Re Ajaf Dios nubij: Jac'a re rocaj re nutz'uyubal, y re ruch'ulef nupilbal. ¿Andex c'a rubanic re jay niban yex chin che ndoc vachoch? ¿Y anche' c'o-va re lugar re niban utzil chin che yinuxlan chupan?

Kaqchikel Western Solola

⁴⁹ Ri Ajaf Dios nubij c'a: Ya c'a ri caj ri nutz'uybel, y ri ruwach'ulef nupalbel. ¿Achique c'a rubanic chi jay niben riyix riche (rixin) chi ntoc wachoch? ¿Y acuchi (achique) c'o wi ri lugar ri niben ruchojmil riche (rixin) chi yinuxlan?

Hechos 7:49 ပူးပေါင်းရင်းမြစ်များ

Wuj Richin ri Isaías 66:1

Ri Jehová nubij: Ri nutz'uyubal k'o wawe' chikaj, y ri rupalibal ri waqen, ja ri ruwach'ulew. ¿Akuchi kami nich'ob rix richin nipaba-q'anej jun wachoch? ¿Akuchi kami nich'ob niben-wi jun k'ojelibel richin yinuxlan juba'?

Wuj Richin Bix Chire ri Dios 11:4

Ri Jehová chupan k'a ri loq'olej rachoch k'o-wi; chila' chikaj k'o-wi ri rutz'uyubal richin nuq'et-tzij, rija' kan rutzuliben k'a pe ronojel ri nikiben ri winaqi'.

San Juan 4:21

Jak'a ri Jesús xubij chire ri ixoq ri': Tanimaj k'a re xtinbij chawe. Kan xtoqaqa-wi k'a jun q'ij toq konojel winaqi' man xaxe ta chik pa ruwi' re juyu' re', ni man xaxe ta chik pa Jerusalem ri xtikiya-wi ruq'ij ri Dios.

Wuj Richin ri Jeremías 23:24

Y roma ri', man yixtikir ta niwewaj-iwi' chinuwech. Yin kan nintz'et ri akuchi ixk'o-wi, roma yin nunojisan ri kaj y ri ruwach'ulew.

1 Rey 22:19

Y ri Micaías xch'on chik y xubij: Wakami k'a, tawak'axaj k'a ri nubij ri Jehová. Yin kan xintz'et ri Jehová tz'uyul pa rutz'uyubal richin q'atbel-tzij, y ek'o-apo ri ángel rik'in y kan man e ajlatel ta; ek'o pa rijkiq'a' y pa rajxokon.

Apocalipsis 3:21

Achike k'a ri xtich'akon, kan xtinya' k'a q'ij chire richin chi nitz'uye' junan wik'in. Kan achi'el ri xban chuwe yin toq xich'akon, y xitz'uye' rik'in ri Nata' Dios.

San Mateo 24:2

Jak'a toq rija' xch'on-apo chike, xubij: Ja' yalan e jebel. Jak'a yin kan qitzij ninbij chiwe, chi xtapon k'a jun q'ij toq xa kan xkewulex re nimalej taq abej re e ukusan chike re jay re'; xketzaq k'a pe y kan man jun k'a abej ri xtik'oje' kan, xcha'.

San Mateo 23:22

Ri niya'on rutzij pa rubi' ri kaj, xa kan nuya' chuqa' rutzij pa rubi' ri tz'uyubel ri k'o chiri', y keri' chuqa' nuya' rutzij pa rubi' ri Dios ri tz'uyul chiri'.

Wuj Richin ri Malaquías 1:11

Ri nuq'ij-nuk'ojlen kan yalan-wi nim chikiwech ri ch'aqa' chik winaqi' richin ri ruwach'ulew, nitiker-pe akuchi nel-wi-pe ri q'ij y napon k'a akuchi niqaqa-wi-qa. Kan konojel k'a nikiporoj pom chinuwech. Y ri sipanik ri nikisuj chuwe kan ronojel ch'ajch'oj.

1 Rey 8:27

Chuqa' ri Salomón xubij k'a chire ri Dios: ¿Kan qitzij kami chi rat Dios yak'oje' chuwech re ruwach'ulew re'? Roma rat kan at nimalej-wi, y ri kaj chi tz'etel, chi man tz'etel ta kan man nitikir ta yarukuch; k'a ta la' chik re jay re xinpaba-q'anej re awichin rat.

2 Crón 6:18

Chuqa' ri Salomón xubij k'a chire ri Dios: ¿Kan qitzij kami chi rat Dios yak'oje' chuwech re ruwach'ulew re'? Roma rat kan at nimalej wi, y ri kaj chi tz'etel, chi man tz'etel ta kan man nitikir ta yarukuch; k'a ta la' chik re jay re xinpaba-q'anej re awichin rat.