Hechos 7:46 - Kaqchiquel Bible

⁴⁶ Rija' kan ruk'ulun-wi k'a ri rutzil ri Dios chupan ri ruk'aslen. Roma ri' toq rija' xuk'utuj k'a utzil chire ri Dios chi tuya' q'ij chire richin chi nuben jun rachoch.

နောက်ထပ်ဗားရှင်းများ

Kaqchikel Santo Domingo (Xenacoj)

⁴⁶ Y ri Dios xuyaꞌ ru-favor pa ruwiꞌ ri rey David, y ri David xukꞌutuj chi tuyaꞌ qꞌij chare chi ndupabꞌaꞌ jun kꞌakꞌakꞌ rachoch ri Dios, chin chiriꞌ ri israelitas ndikiyaꞌ ruqꞌij ri Dios.

Kaqchikel Santa Maria de Jesus

⁴⁶ Y ri rey reꞌ can altíra xajoꞌx ruma ri Dios. Rumareꞌ jajaꞌ xucꞌutuj favor cha ri Dios chi tuyaꞌ lugar cha chi nuꞌon jun ru-templo richin ri Ru-Dios ri Jacob ri kamamaꞌ.

Kaqchikel Central Guatemala

⁴⁶ Y re rey re' can ruc'ulun-vi c'a ri rutzil ri Dios chupan ri ruc'aslen. Romari' tok rija' xuc'utuj c'a utzil chire ri Dios chi tuya' k'ij chire richin chi nuben jun rachoch, ri Dios ri can ru-Dios vi ri kamama' Jacob chuka'.

Re C'ac'a Testamento pa Kach'abal

⁴⁶ Y re Rey David can ruc'ulun re utzil re pitinak riq'uin re Dios. Mare' tak reja' xuc'utuj utzil cha re Dios che tuya' k'ij cha chin che nuban jun rachoch, re Dios re can ru-Dios-va re Jacob.

Kaqchikel Western Solola

⁴⁶ Y ri rey ri' can utz c'a xtz'etetej ruma ri Dios. Rumari' tek ri David xuc'utuj c'a utzil chare ri Dios chi tuya' k'ij chare riche (rixin) chi nuben jun jay ri ntoc rachoch ri mismo Dios ri can ru-Dios wi ri kamama' Jacob.

Hechos 7:46 ပူးပေါင်းရင်းမြစ်များ

Hechos 13:22

Toq ri Dios xrajo' chi ri Saúl xel chupan ri q'atbel-tzij, xuya' ri David richin chi xok rey. Ri Dios kan xubij k'a chirij ri rey David: Kan k'o-wi jun ri xtuben ri nurayibel y kan niqa' chinuwech. Yin kan nintz'et k'a chi ri xtibanon keri' ja ri David ri ruk'ajol ri Isaí. Keri' xubij ri Dios.

2 Sam 6:21

K'ari' ri David xubij chire: Kan qitzij na wi chi xitzopiyaj, jak'a kan chuwech ri Jehová, roma ja rija' xicha'on richin xinok tata'al richin ri tinamit. Rija' kan xirucha' richin xinok kan pa ruk'exel kan ri atata' y pa kik'exel kan ri axibal. Roma ri' wi yin ninwajo', kan k'a xkitzopiyaj na richin xtinya' ruq'ij ri Jehová.

1 Sam 16:1

Chirij re' ri Jehová xubij k'a chire ri Samuel: ¿K'a jampe' k'a yatane' chi oq'ej chirij ri Saúl? Roma ja yin ri xibin chire chi man rey ta chik pa ruwi' ri Israel. Wakami tanojisaj k'a ri uk'a' rik'in aceite y xkabe rik'in ri Isaí aj-Belén, roma jun chike ri ruk'ajol rija' nucha'on richin nibe'ok rey, xcha'.

Wuj Richin Bix Chire ri Dios 132:11

Rat xajikiba' k'a atzij chire ri David y kan man xtatzolij ta k'a awi' chire re jikibel-tzij re' rat xabij k'a chire chi ja ri e rijatzul rija' ri xketz'uye' chupan ri tz'uyubel richin ri q'atbel-tzij.

1 Sam 15:28

K'ari' ri Samuel xubij: Ri Jehová xtrelesaj-el ri q'atbel-tzij pan aq'a' achi'el xretzetej ri nutziaq yin, y xtuya' k'a chire jun chik qawinaq ri más utz chawech rat.

1 Sam 13:14

Jak'a re wakami ri aq'atbal-tzij xa man xtiyaloj ta. Roma ri Jehová xukanoj yan jun achin ri kan niqa' chuwech Rija'. Y kan xucha' richin xtok tata'al pa ruwi' ri rutinamit, roma rat xa man xaben ta ri xubij ri Jehová chawe, xcha'.