Hechos 7:45 - Kaqchiquel Bible

⁴⁵ Ja rachoch ri Dios ri' ri kik'amon-pe ri qati't-qamama' toq xe'ok-pe chupan re ruwach'ulew re', toq e k'amon-pe roma ri Josué. Xek'oje' k'a qa wawe', toq kichapon chik yekich'ek ri winaqi' ri ek'o chupan re ruwach'ulew re'. Kan jak'a ri Dios xto'on kichin. Y ri rachoch ri Dios ri kik'amon-pe toq xe'oqaqa, kan jari' ri k'a k'o na pa ruq'ijul ri David.

နောက်ထပ်ဗားရှင်းများ

Kaqchikel Santo Domingo (Xenacoj)

⁴⁵ Y atoq xqꞌax ri tiempo, ri rachoch ri Dios riꞌ xqꞌax kan pa kiqꞌaꞌ ri kalkꞌuaꞌl, ri ojer teq qatit-qamamaꞌ, y ja ri kalkꞌuaꞌl xeꞌukꞌuan apu chupan ri ulew rusujun ri Dios chin nduyaꞌ chake, y keriꞌ xkibꞌen atoq ja ri Josué ukꞌuayon kibꞌey. Ri Dios kin xeroqotaj e ri wineq ekꞌo chupan ri rochꞌulew riꞌ chin xuyaꞌ chake ri qatit-qamamaꞌ. Y ri rachoch ri Dios bꞌanun kikꞌin kꞌul jumul xkusex pe chin ndiyoꞌox ruqꞌij ri Dios, hasta pa ru-tiempo ri rey David.

Kaqchikel Santa Maria de Jesus

⁴⁵ Y ja rachuoch ri Dios reꞌ ri quicꞌamun-pa ri kateꞌt-kamamaꞌ antok xaꞌuoc-pa chupan ri lugar rubꞌinan Canaán, antok i-cꞌamun-pa ruma ri Josué. Y xaꞌcꞌujie-ka vaveꞌ, antok xaꞌchꞌacuon chiquij ri vinak ri icꞌo chupan ri lugar reꞌ. Can ja ri Dios xtoꞌn quichin chi xaꞌquilasaj-el ri vinak ri man israelitas ta. Y ri rachuoch ri Dios ri quicꞌamun-pa antok xaꞌlka, cꞌa cꞌo pa ru-tiempo ri rey David.

Kaqchikel Central Guatemala

⁴⁵ Y ja rachoch ri Dios ri' ri quic'amon-pe ri kati't-kamama' tok xe'oc-pe chupan re ruvach'ulef re', tok e c'amon-pe roma ri Josué. Y xec'oje' c'a ka vave', tok quichapon chic yequich'ec ri vinek ri ec'o chupan re ruvach'ulef re'. Can jac'a ri Dios xto'on quichin. Y ri rachoch ri Dios ri quic'amon-pe tok xe'oka', can c'a jari' ri c'o pa ru-tiempo ri rey David.

Re C'ac'a Testamento pa Kach'abal

⁴⁵ Y ja rachoch re Dios re' re quic'amom-pa re kavinak xe'c'ue' ajuer can, tak xe'oc-pa chupan re lugar rubini'an Canaán, tak je'c'amom-pa roma re Josué. Y xe'c'ue' c'a-ka vova' pa Canaán, tak quitz'amon chic quich'aquic re vinak re jec'o chupan re lugar Canaán. Y quire' xbanataj roma ja re Dios xta'o quichin. Y re rachoch re Dios re quic'amom-pa tak xe'beka vova', c'ajare' re c'o pa ru-tiempo re Rey David.

Kaqchikel Western Solola

⁴⁵ Y ya rachoch ri Dios ri' ri quic'amom pe ri ye kati't kamama' tek xe'oc pe chupan re ruwach'ulef re', tek ye c'amom pe ruma ri Josué. Y xec'oje' c'a ka wawe', tek quichapon c'a yequich'ec ri winek ri yec'o chupan re ruwach'ulef re'. Can ya c'a ri Dios xto'o quiche (quixin). Y ri rachoch ri Dios ri quic'amom pe tek xe'oka, can c'a ya na ri' c'o pa rutiempo ri rey David.

Hechos 7:45 ပူးပေါင်းရင်းမြစ်များ

Wuj Richin Bix Chire ri Dios 44:2

Rik'in ri aq'a' xe'awelasaj ri winaqi' chuwech ri kiruwach'ulew y xe'ajikiba' ri qati't-qamama' chuwech ri ruwach'ulew ri'; xaya' k'a ruk'ayewal pa kiwi' ri winaqi' ri', jak'a ri qati't-qamama' xaben chi xek'iyer-q'anej ri kijatzul.

Hechos 13:19

Xuben chuqa' chi ri pa ruwach'ulew Canaán xek'is ri winaqi' kichin wuqu' ajawaren, xaxe richin chi ri ulew ri' xuya' kan pa kiq'a' ri qati't-qamama'.

Wuj Richin ri Josúe 24:18

Y chuqa' ri Jehová xerelesaj-el chiqawech roj konojel ri winaqi' amorreo ri xek'oje' re akuchi ojk'o-wi re wakami. Kan xtiqasamajij k'a ri Jehová, roma kan ja rija' ri qa-Dios, xecha'.

Wuj Richin ri Josúe 23:9

Ri Jehová xerelesaj k'a chiqawech ri nima'q taq tinamit ri kan k'o kuchuq'a'. K'a re wakami man jun tikirineq ri rupaban ta ri' chiqawech.

Wuj Richin ri Josúe 18:1

Konojel ri winaqi' israelita xkimol-ki' chiri' pa tinamit Siló y chiri' xkipaba-q'anej ri rachoch ri Jehová richin molojri'il, y re' xkiben toq xjach yan ri ruwach'ulew chike.

Hebreos 4:8

Y ri uxlanen ri xusuj chire ri David kan niq'alajin chi man nich'on ta chirij ri uxlanen ri xokila' wawe' ri qati't-qamama' toq e k'amon-pe roma ri Josué.

Wuj Richin Bix Chire ri Dios 78:55

Kan xerelesaj k'a el ri winaqi' aj chiri' ri man nikitzeqelibej ta rija'. Xuch'er k'a ri kiruwach'ulew, chikiwech ri qati't-qamama', richin chi ri kalk'ual nikichinaj kan, chikijujunal rik'in ri kitzobaj.

Wuj Richin ri Nehemías 9:24

Xe'ach'ek ri winaqi' ri ek'o pa Canaán, y kan xe'ajech ri ki-rey pa kiq'a' ri qati't-qamama', richin xkibanala' chike ri xkajo' rije'. Keri' ri qati't-qamama' xkichinaj k'a ri ruwach'ulew Canaán.

1 Crón 21:29

Jak'a ri porobel richin yesuj chikopi' y ri rachoch ri Jehová ri xuben kan ri Moisés pa tz'iran ruwach'ulew; re' ye'ilitej-q'anej pa tinamit Gabaón.

1 Crón 16:39

Y ri sacerdote Sadoc y ri e rachibil xeruya' kan richin yesamej chuwech ri rachoch ri Jehová ri banon rik'in tzieq, y re' xbanatej pa tinamit Gabaón ri k'o-el chuwi' taq juyu'.

1 Rey 8:4

y xkik'uaj k'a q'anej, y ri ch'aqa' chik sacerdote ri e levita ri xe'uk'uan y xkik'uaj-el chuqa' ri rachoch ri Dios ri banon rik'in tzieq y ronojel ri samajibel ri kan ek'o kan chiri'.

1 Sam 4:4

Y rije' xekiteq k'a el jun tzobaj achi'a' pa Siló richin xbekik'ama-pe ri káxa ri' ri akuchi niq'aton-wi-tzij ri Jehová k'iytisanel richin ronojel, ri k'o chiri' chikikojol ri ka'i' querubín. Y ri Hofní y ri Finees, ri e ka'i' ruk'ajol ri Elí, chuqa' xebe chirij ri káxa.

Wuj Kichin ri To'onela' 18:31

Keri' xk'oje' k'a chikikojol ri paban wachibel ri rubanon ri Micaías, ri janipe' xk'oje' ri rachoch ri Dios pa Siló.

Deut 32:49

Kabiyin pa ruwi' taq juyu' Abarim, y kajote-el pa ruwi' ri jun chike ri juyu' Nebo ri k'o wawe' pa ruwach'ulew Moab. Tatz'eta' ri juk'an chik chire ri raqen-ya' Jordán, pa ruchojmilal ri Jericó, y tatz'eta' ri ruwach'ulew Canaán ri xtinbenya' chike ri awinaq richin nikichinaj.

Wuj Richin Bix Chire ri Dios 80:8

Rat xe'awelesaj-pe ri qati't-qamama' pan Egipto y xe'ak'en-pe wawe'; K'ari' xe'awelesaj-el ri winaqi' ri kan ek'o wawe', richin xe'ajikiba' kan.

1 Crón 7:27

ri Nun y ri Josué.