Hechos 7:36 - Kaqchiquel Bible

³⁶ Jak'a rija' ri xkolo-pe kichin ri qati't-qamama' ri chiri' pan Egipto. Rija' k'o k'a ri meyel taq banobel y retal ri xerubanala' chikiwech ri winaqi'. Ek'o k'a ri xerubanala' ri chiri' pan Egipto, ri pa Kaqa-Palou, y ri pa tz'iran ruwach'ulew. Kawineq k'a juna' xkiben ri pa tz'iran ruwach'ulew ri'.

နောက်ထပ်ဗားရှင်းများ

Kaqchikel Santo Domingo (Xenacoj)

³⁶ Ri Moisés chin xerelesaj pe ri israelitas, xubꞌanalaꞌ nimalej teq achike ri nixta jumbꞌey etzꞌeton y nimalej teq retal ruchuqꞌaꞌ ri Dios pa rochꞌulew Egipto. Y keriꞌ chuqaꞌ xubꞌanalaꞌ atoq xeruqꞌasaj ri israelitas chupan ri mar keq, y pa chaqiꞌj y tzꞌiran ulew chi 40 junaꞌ.

Kaqchikel Santa Maria de Jesus

³⁶ Jajaꞌ ri xalasan-pa quichin ri kateꞌt-kamamaꞌ chireꞌ Egipto. Jajaꞌ xaꞌruꞌon nimaꞌk tak milagros y señales chupan ri nación Egipto, chupan ri Mar Rojo, y chupan jeꞌ ri desierto durante cuarenta junaꞌ.

Kaqchikel Central Guatemala

³⁶ Jac'a rija' ri xcolon-pe quichin ri kati't-kamama' ri chiri' pan Egipto. Rija' c'o c'a milagros ri man jun bey e tz'eton ta ri xerubanala' chiquivech ri vinek, richin queri' tik'alajin chi can ja ri Dios ri takayon-el richin. Ec'o c'a ri xerubanala' ri chiri' pan Egipto, ri pa nimalej ya' rubini'an Mar Rojo, y ri pa tz'iran ruvach'ulef. Cavinek c'a juna' xquiben ri pa tz'iran ruvach'ulef ri'.

Re C'ac'a Testamento pa Kach'abal

³⁶ Jac'a reja' re xcola-pa quichin re kavinak yoj re yoj israelitas chire' pan Egipto. Reja' c'o milagros re man jun bey je'tz'eton re xe'rubanala' chiquivach re vinak, chin quire' tik'alajin che can ja re Dios takayon-a richin. Y q'uiy milagros xuban pan Egipto, y chupan re Mar Rojo, y chuka' chupan re lugar anche' manak vinak re nibex desierto cha. Cuarenta juna' xe'c'ue' chire'.

Kaqchikel Western Solola

³⁶ Ya c'a Riya' ri xcolo pe quiche (quixin) ri kati't kamama' chiri' pan Egipto. Riya' c'o c'a milagros ri majun bey ye tz'eton ta ri xerubanala' chiquiwech ri winek, riche (rixin) chi retal chi can ya wi ri Dios ri takayon el riche (rixin). Yec'o c'a ri xerubanala' chiri' pan Egipto, ri pa Mar Rojo, y ri pa jun desierto. Cawinek c'a juna' xebiyajlan ri pa ruwach'ulef ri'.

Hechos 7:36 ပူးပေါင်းရင်းမြစ်များ

Ex 14:21

Y ri Moisés xuyek ri ruq'a' y xuyuq-apo ri ruch'ame'y pa ruwi' ri Kaqa-Palou. Y chupan k'a ri junaq'a' ri', ri Jehová xuben chi xpe jun nimalej kaq'iq' ri pa relebel-q'ij y re' xuben chi ri ya' xch'aratej y xchaqi'j-qa ri ruxe'.

Ex 12:41

Y kan chupan k'a ri ruk'isibel q'ij richin ri 430 juna' ri', jari' toq ri tzobaj richin ri tinamit Israel, xe'el-el ri chiri'.

Ex 33:1

Ri Jehová xch'on chik k'a jun bey rik'in ri Moisés y xubij chire: Kabiyin y ke'ak'uaj-el ri tinamit ri xawelesaj-pe pan Egipto k'a chupan ri ruwach'ulew ri nusujun kan chike ri Abraham, ri Isaac y ri Jacob, toq xinbij chi chike ri kijatzul ninya-wi kan.

Ex 16:35

Y keri' ri israelita, ja ri aj-chikajil-wey ri xkitej chi kawineq juna'. Rije' xkiya' kan rutijik ri wey ri' ja toq xe'apon pa k'ulba't richin ri ruwach'ulew Canaán.

Hebreos 8:9

Y ri k'ak'a' jikibel-tzij ri' man achi'el ta k'a ri jikibel-tzij ri xinben kik'in ri kati't-kimama', toq xenwelesaj-pe chupan ri ruwach'ulew Egipto, roma rije' xa man xkitaqej ta ri jikibel-tzij ri', roma ri' yin xenmalij.

Hechos 13:18

Kawineq k'a juna' ri xkik'owisaj chupan ri tz'iran ruwach'ulew, ri Dios xukoch' ri kibanobal.

Hechos 7:42

Jari' k'a toq ri Dios xeruya' kan ri qawinaq, y xuya' k'a q'ij chike chi tikiya' na k'a kiq'ij kiwachibel konojel ri e tz'etel ri chikaj. Kan keri' k'a kitz'iban kan ri e eq'alajirisey ruch'abel ri Dios:*f17* Rix winaqi' aj-Israel, toq xixbiyin kawineq juna' ri pa tz'iran ruwach'ulew, ¿xe'ikamisala' kami ri chikopi' richin xe'isuj chuwe yin? Xa man xiben ta keri'.

Wuj Richin Bix Chire ri Dios 95:10

Kawineq k'a juna' xq'axon ri wánima kik'in ri winaqi' ri'. Roma ri' yin kan xinbij k'a chi rije' chi chaq kaka' kik'u'x. Y xa man kitaqen ta k'a ri nupixa'.

Deut 8:4

Chupan ri kawineq juna' man xtziaqir ta ri qatziaq chiqij, y man xesipoj ta ri qaqen roma ri binen.

Ex 3:20

Roma ri', yin kan xtinben chi xtiqaqa ruk'ayewal pa ruwi' ri Egipto, kan xtinben chi xkebanatej banobel ri man jun bey e tz'eton ta. K'a chirij ri' xtuya-el q'ij chiwe richin xkixbe.

Wuj Richin Bix Chire ri Dios 95:8

Man k'a tikowisiraj ri iwánima achi'el xbanatej ri ojer chiri' pa Meribá, achi'el ri chiri' pa Masá pa tz'iran ruwach'ulew.

San Juan 4:48

K'ari' ri Jesús xubij: Man ta nitz'et ri meyel taq banobel ri yenben, xa man ta yininimaj, xcha'.

Hebreos 3:8

man k'a tikowirisaj ri iwánima achi'el xkiben ri iwati't-imama' ojer kan, toq xeyakatej chuwij ri chiri' pa tz'iran ruwach'ulew.

Hebreos 3:9

Roma chiri' ri iwati't-imama' xinkitejtobej. Xinkitejtobej, stape' kan xkitz'et ri nima'q taq nubanobal kawineq juna'.