Hechos 7:34 - Kaqchiquel Bible

³⁴ Wakami yatinteq k'a el pan Egipto, chukolik ri nutinamit, roma nintz'et k'a chi janila tijoj-poqonal nikik'owisaj, y wak'axan chuqa' ri oq'ej ri nikiben, y jare' k'a xiqaqa-pe chikikolik, xcha' ri ajaw chire ri Moisés.

နောက်ထပ်ဗားရှင်းများ

Kaqchikel Santo Domingo (Xenacoj)

³⁴ Riyin nutzꞌeton pe chi ri nutinamit Israel itzel ndibꞌan chake pa rochꞌulew Egipto, xenwakꞌaxaj chi santienta ngejila, y xiqape chin ngenkal. Romariꞌ, tabꞌanaꞌ akꞌojlen chin ngatinteq pa rochꞌulew Egipto, xchajeꞌ ri Ajaw chare.

Kaqchikel Santa Maria de Jesus

³⁴ Y vacame catam-pa y ncantak-el Egipto chi nacol ri nutanamit, ruma nitzꞌat chi qꞌuiy sufrimiento niquikꞌasaj, y vaxan jeꞌ ri okꞌiej ri niquiꞌan, y mareꞌ xika-pa chi ncaꞌncol, xchaꞌ ri Ajaf cha ri Moisés.

Kaqchikel Central Guatemala

³⁴ Y vacami yatintek c'a el pan Egipto, chucolic ri nutinamit, roma nintz'et c'a chi janíla pokonal niquic'ovisaj, y vac'axan chuka' ri ok'ej ri niquiben, y jac'are' xika-pe chiquicolic, xcha' ri Ajaf chire ri Moisés.

Re C'ac'a Testamento pa Kach'abal

³⁴ Y vocame yatintak-a pan Egipto, chucolic re nutenemit, roma nintz'at che camas tijoj-pokonal niquik'asaj, y nc'axan chuka' re ok'ej niquiban, y mare' xinka-pa chiquicolic, xcha' re Ajaf cha re Moisés.

Kaqchikel Western Solola

³⁴ Y wacami yatintek c'a el pan Egipto, chucolic ri nutinamit, ruma ntz'et chi sibilaj q'uiy pokonal niquik'axaj, y wac'axan chic chuka' ri ok'ej ri niquiben, y yac'are' xika pe chiquicolic, xcha' ri Ajaf chare ri Moisés.

Hechos 7:34 ပူးပေါင်းရင်းမြစ်များ

Wuj Richin Bix Chire ri Dios 106:44

Man rik'in ri' rija' kan xrak'axaj k'a toq xesik'in-q'anej rik'in, y rija' kan xeruto' toq ek'o pa tijoj-poqonal.

San Juan 6:38

Roma yin, ri xiqaqa-pe chila' chikaj, man nusamaj ta k'a yin ri nuk'amon-pe. Yin xipe chubanik ri samaj ri kan rurayibel-wi ri taqayon-pe wichin.

Wuj Richin ri Nehemías 9:9

Y rat kan xatz'et k'a ri tijoj-poqonal ri xkiq'axaj ri qate-qatata' pan Egipto. Y xaben nima'q taq banobel richin retal y nima'q meyel taq banobel chikikojol ri rey richin ri Egipto y ri aj-raqen, y konojel ri winaqi'. Re' xaben roma kan awetaman ri kinimirisanen y ri ketzelal ri xkiben chike ri qate-qatata'. Y roma ronojel ri xaben, kan xetamatej chijun ruwach'ulew, y roma ri' niqanataj ri abi'. Chuqa' xawak'axaj ri raqoj-chi'ij ri xkiben chiri' chuchi' ri Kaqa-Palou.

Ex 4:31

Ri israelita xkinimaj k'a. Y toq xkak'axaj chi ri Jehová yeruk'uxla'aj y xutz'et ri kitijoj-poqonal, rije' kan xkiqasaj-qa-ki' k'a pan ulew y xkiya' ruq'ij ri Jehová.

Ex 3:14

K'ari' ri Dios xubij chire ri Moisés: JA YIN RI' RI KAN JANTAPE' INK'O. Y xubij chuqa': Keri' xtabij chike ri awinaq: RI JANTAPE' INK'O, jari' ri in taqayon-pe iwik'in rix, xtabij, xcha' ri Dios chire ri Moisés.

San Juan 3:13

Man jun k'a ri apowineq ta ri chila' chikaj, xa kan xaxe k'a ri jun qajineq-pe. Kan xaxe ri jun ri xqaqa-pe achi'el wineq chiqakojol, ri chila' chikaj rik'in ri Dios k'o-wi rachoch.

Wuj Richin ri Miqueas 6:4

Kan ja k'a yin ri xinelesan-pe iwichin pan Egipto y xixinkol-pe chupan ri kowilej taq samaj. Xenteq k'a ri Moisés, ri Aarón y ri María richin ja rije' re xeyuqen-pe iwichin.

Os 12:13

Rik'in k'a jun q'alajirisey nuch'abel xenwelesaj-pe ri israelita pan Egipto, kan xeyuqex k'a roma ri q'alajirisanel ri', nubij ri Dios.

Wuj Richin ri Isaías 64:1

K'ate' ta nijaqatej la kaj richin yaqaqa-pe rat, y kan naben richin yesilon ri juyu'.

Wuj Richin Bix Chire ri Dios 144:5

Nimalej Jehová, tajaqa' k'a ri kaj y kaqaqa-pe. Ke'achapa' ri juyu' richin ye'el-pe sib chupan.

Wuj Richin Bix Chire ri Dios 105:26

K'ari' kik'in rije' xuteq k'a ri Moisés, ri rusamajel. Xuteq chuqa' ri Aarón ri kan xucha'.

Wuj Kichin ri To'onela' 2:18

Ri Jehová kan xujoyowala' k'a kiwech ri winaqi' toq rije' xesik'in roma janila k'iy bey xetz'ilox, y roma ri' xeruya' ri to'onela' chikikojol. Y ri Jehová kan xeruto' k'a ri to'onela', y rokik xek'ase-el rije', ri winaqi' kan xekolotej-wi pa kiq'a' ri eleq'oma'.

Wuj Richin ri Q'axanri'il 11:17

Yin xkiqaqa-pe y chiri' xkich'on awik'in y yin xtinwelesaj juba' chire ri ejqa'n ri nuya'on pan awi' rat y re' xtinya' pa kiwi' rije' richin yatkito' chuk'uaxik ri ralal ri samaj, y man ayon ta chik rat ri xkatuk'uan.

Wuj Richin ri Rutikeribel 18:21

Roma ri' jare' xkixule-qa chila', richin ninbentz'eta' wi kan keri' nikiben achi'el ri apowineq chinuwech. Y wi man keri' ta, xtinwetamaj k'a ri', xcha'.

Wuj Richin ri Rutikeribel 11:7

Wakami k'a, jo-qa y tiqasacha' ri kich'abel, richin chi man niq'ax ta chikiwech ri nikibij, xcha'.

Wuj Richin ri Rutikeribel 11:5

Jak'a ri Jehová xqaqa-pe richin xorutz'eta-qa ri tinamit ri yetajin chubanik ri winaqi' y chuqa' ri torre ri xkik'is yan rubanik.