Hechos 7:30 - Kaqchiquel Bible

³⁰ Q'axineq chik k'a kawineq juna' tik'oje' ri Moisés ri chiri' pa Madián, jari' toq xuk'ut-ri' jun ángel chuwech pa jun ruxulu' kiej, y nijino pa q'aq'. Re' xutz'et ri pa tz'iran ruwach'ulew, ri akuchi k'o-wi ri juyu' Sinaí.

နောက်ထပ်ဗားရှင်းများ

Kaqchikel Santo Domingo (Xenacoj)

³⁰ Atoq ri Moisés 40 junaꞌ tikꞌojeꞌ pa rochꞌulew Madián, jun ángel xuqꞌalajrisaj riꞌ chuwech pa jun zarza ndijina pa qꞌaqꞌ chiriꞌ chunaqaj ri juyuꞌ rubꞌiniꞌan Sinaí, pa chaqiꞌj y tzꞌiran ulew.

Kaqchikel Santa Maria de Jesus

³⁰ Y antok kꞌaxnak chic cuarenta junaꞌ ticꞌujieꞌ ri Moisés chireꞌ Madián, jun ángel xucꞌut-riꞌ choch chupan jun kꞌayis cꞌo ruqꞌuixal ri rubꞌinan zarza ri nicꞌat pa kꞌakꞌ. Reꞌ xutzꞌat chupan jun desierto, ri pacheꞌ cꞌo-ve ri juyuꞌ Sinaí.

Kaqchikel Central Guatemala

³⁰ Y k'axinek chic c'a cavinek juna' tic'oje' ri Moisés ri chiri' pa Madián, jari' tok rija' xuc'ut-ri' jun ángel chuvech pa jun ruxulu-quiej, jun k'ayis ri c'o ruq'uixal y nijinon pa k'ak'. Re' xutz'et ri pa tz'iran ruvach'ulef, ri acuchi c'o-vi ri juyu' rubini'an Sinaí.

Re C'ac'a Testamento pa Kach'abal

³⁰ Y tak k'axnak chic c'a cuarenta juna' tic'ue-va re Moisés chire' pa Madián, jare' tak xuc'ut-ri' jun ángel chach chupan jun zarza can nibac'o pa k'ak'. Re' xutz'at chupan re jun lugar re anche' manak vinak re nibex desierto cha, re anche' c'o-va re loma rubini'an Sinaí.

Kaqchikel Western Solola

³⁰ Y k'axnek chic c'a cawinek juna' tic'oje' ri Moisés chiri' pa Madián, yac'ari' tek xuc'ut ri' jun ángel chuwech, chupan ri juwi' k'ayis ri c'o ruq'uixal, ri zarza nibix chare y nijino pa k'ak'. Ri' xutz'et chupan jun desierto ri acuchi (achique) c'o wi ri juyu' Sinaí rubi'.

Hechos 7:30 ပူးပေါင်းရင်းမြစ်များ

Hechos 7:35

Kan ja ri Dios ri xtaqo-el ri Moisés chikikolik ri ruwinaq, y chi kan ja chuqa' rija' ri nuk'uan kichin. Y ri xto'on richin ri Moisés, ja ri ángel ri xuk'ut-ri' chuwech chupan ri ruxulu' kiej, y nik'at. Re Moisés re', jare' ri xetzelex koma ri ruwinaq, y achoq chire bin-wi: ¿Achike biyon chawe chi nim aq'ij y yatikir chuqa' naq'et-tzij pa qawi'?, keri' kibin chire.

Wuj Richin ri Isaías 43:2

Toq xkixq'ax chupan ri palou, yin xkik'oje' iwik'in. Toq xkixq'ax chupan raqen taq ya', kan man xkixruk'uaj ta el. Y toq xkixq'ax chupan nimalej taq q'aq', man xkixk'at ta, ni ri ruxaq q'aq' man xkixrumej ta.

Hechos 7:32

Ja yin ri Dios ri xkinimaj ri awati't-amama'. Ja yin k'a ri ki-Dios ri Abraham, ri Isaac y ri Jacob, xcha'. Y ri Moisés man k'a xtikir ta chik xtzu'un-apo, xa nibaybot k'a roma xibinri'il.

Wuj Richin ri Isaías 63:9

Toq rije' xek'oje' pa jun nimalej bis, chuqa' rija' kan xbison kik'in. Y kan ja ri ru-ángel ri xto'on kichin. Roma ri rajowabal y ri rujoyowanik, roma ri' xerukol y kan xeruyek chik el jun bey, y kan keri' ri rubanon-pe.

Ex 3:6

Y chuqa' xubij chire: Ja yin ri ru-Dios ri atata', ri ru-Dios ri Abraham, ri ru-Dios ri Isaac, y ri ru-Dios ri Jacob, xcha' chire. Toq xrak'axaj keri', ri Moisés xrewaj rupalej, roma xuxibij-ri' richin nutzu' ruwech ri Dios.

Hechos 7:17

Ri q'ij k'a richin nibanatej ri rusujun ri Dios chire ri Abraham, ri kan xuya' rutzij chire chi kan nuben-wi, xa kan naqaj chik k'o-wi. Y ri tinamit Israel chuqa' kan ruchapon k'a ninimer y nik'iyer ri chiri' pan Egipto.

Marcos 12:26

Pa ruwi' chi ri kaminaqi' kan xkek'astej-wi-el, rix kan jebel iwetaman ri tz'ibatel kan roma ri Moisés, toq rija' xutz'et ri jun q'ayis ri nijino pa q'aq', y chiri' xbech'on-pe ri Dios rik'in y xubij chire: Ja yin ri in Dios ri nikiya' ruq'ij ri Abraham, ri Isaac y ri Jacob, xcha' ri Dios chire.

Dn 3:27

Y konojel k'a ri e q'atoy taq tzij ri ek'o-apo chiri', xejel-apo kik'in rije' richin yekitz'et. Y nikimey achike roma ri q'aq' kan man jun xuben chire ri kich'akul, ni ri rusumal-kiwi' kan man jun xk'at, ni ri kitziaq man jun xok chire y ni ta ruxla' ri q'aq' man xbe ta chikij.

Wuj Richin Bix Chire ri Dios 66:12

Xaben chiqe chi ri e etzelanel qichin xojkixeq'. Kan xaben k'a chiqe chi achi'el xa ta xojq'ax pa q'aq' y pa ya', chirij k'a ronojel re' xaya' uxlanen pa ruk'iyal chiqe.

Deut 4:20

Jak'a ri Jehová xelesan-pe qichin pan Egipto akuchi xqatej-wi janila poqon, achi'el xa ta xojk'oje' pa jun horno, richin chi xojok rutinamit rija', achi'el re wakami.

Ex 7:7

Ri Moisés k'o k'a jumuch' rujuna' y ri Aarón k'o k'a jumuch' oxi' rujuna', ri q'ij toq xech'on rik'in ri rey.

Gálatas 4:25

Ri Agar, kan achi'el-wi ri jikibel-tzij ri xban pa ruwi' ri juyu' Sinaí, ri pa ruwach'ulew Arabia. Chuqa' nuk'exewachuj ri nuwinaq judío ri kitzeqeliben ri pixa' ri k'o pa Jerusalem. Y roma ri' ek'o pa ximonri'il richin ri pixa'.

San Lucas 20:37

Y ri kaminaqi' kan yek'astej-wi. Roma ri Moisés rutz'iban kan chupan ri ruch'abel ri Dios, toq rija' xutz'et ri jun q'ayis k'o ruk'ixal, chi nijino pa q'aq', y chiri' xbech'on-pe ri Dios rik'in y xubij chire: Jak'a yin ri in Dios ri nikiya' ruq'ij ri Abraham, ri Isaac y ri Jacob, xcha' ri Dios chire.

Wuj Richin ri Malaquías 3:1

Rix kan nikanoj ri Jehová ri k'iytisanel richin ronojel, y rija' nuya' rutzijol chi xtuteq-pe jun taqonel, richin nujeq ri bey chuwech. Y xeri' ri Jehová xtipe chupan ri rachoch. Ri rutaqonel richin ri jikibel-tzij ri iwoyoben rix peteneq chik pa bey.

1 Rey 19:8

Y keri' rija' xyakatej y xwa-xuk'ya'; y kan xk'oje' chik el ruchuq'a' roma ri wa'in ri'. Ri rubinen xuk'uaj k'a kawineq q'ij y kawineq aq'a', y keri' xapon k'a pa juyu' Horeb, ri juyu' richin ri Dios.

Deut 33:16

Ri ruwach'ulew kan ta k'a xtuya' chiwe ronojel ruwech beyomel. Xtiqaqa ta más rutzil ri Jehová pan iwi' rix chikiwech ri iwach'alal. Ronojel re' xtuben ri Jehová ri xch'on-pe chupan ri k'ix ri nik'a'on pa q'aq'.

Hechos 7:31

Toq ri Moisés xutz'et re', kan janila xumey. Y richin nutz'et jebel, xjel-apo. Jari' k'a toq xbech'on-pe ri ajaw chire, y xubij k'a: