Hechos 7:25 - Kaqchiquel Bible

²⁵ Rija' nuch'ob chi ri e ruwinaq judío xtikinabej chi ja rija' ri taqon roma ri Dios richin yerukol-el pa kiq'a' ri aj-Egipto, jak'a xa man keri' ta xbanatej. Ri judío xa man xkinabej ta chi jari' ri rusamaj.

နောက်ထပ်ဗားရှင်းများ

Kaqchikel Santo Domingo (Xenacoj)

²⁵ Pa rutzij ri Moisés, ri eruwinaqul israelitas ndikikꞌoxomaj chi ja rijaꞌ ri xtukusaj ri Dios chin ngerukal pa kiqꞌaꞌ ri aj Egipto. Pero ri israelitas ma xkikꞌoxomaj ta chi keriꞌ.

Kaqchikel Santa Maria de Jesus

²⁵ Jajaꞌ xuꞌon-ka pensar chi ri ruvanakil israelitas xtiꞌka pa quiveꞌ (xtiquiꞌan entender) chi jajaꞌ ri takuon-pa ruma ri Dios chi ncaꞌrucol pa quikꞌaꞌ ri aj-Egipto, pero ijejeꞌ xa man xiꞌka ta pa quiveꞌ (man xquiꞌan ta entender) chi quireꞌ.

Kaqchikel Central Guatemala

²⁵ Y pa ruc'u'x rija' chi ri e ruvinak israelitas xtiquinabej chi ja rija' ri takon roma ri Dios richin yerucol-el pa quik'a' ri aj-Egipto, pero xa man que ta ri' xbanatej. Ri israelitas xa man xquinabej ta chi jari' ri rusamaj.

Re C'ac'a Testamento pa Kach'abal

²⁵ Roma reja' nunojij che re ruvinak israelitas xtiquinabej che ja reja' re takon roma re Dios chin ye'rucol-a pa quik'a' re aj-Egipto, pero xa man quire-ta xbanataj. Re israelitas xa man xquinabej-ta che jare' rusamaj.

Kaqchikel Western Solola

²⁵ Y pa ruc'u'x ri Moisés chi ri ye rech aj Israel xtiquetamaj chi ya riya' ri takon ruma ri Dios riche (rixin) chi yerucol el pa quik'a' ri aj Egipto, pero xa ma que ta ri' xbanatej. Ri israelitas xa ma xquetamaj ta chi yari' ri rusamaj.

Hechos 7:25 ပူးပေါင်းရင်းမြစ်များ

Colosenses 1:29

Roma ri' yisamej janila y ninkusaj ri nimalej uchuq'a' ri ruya'on ri Cristo chuwe.

2 Corintios 6:1

Roj kan junan rik'in ri Dios niqaben ri samaj chi'ikojolil rix, kan niqachilabej k'a chiwe chi man tiben chi xa man jun rejqalen ri rutzil ri Dios ri ruya'on chik pe chiwe.

1 Corintios 15:10

Jak'a ri Dios xuya' ri rutzil chuwe, y ri' xuben chuwe chi xjalatej ri nuk'aslen. Yin más yan chik k'a in samajineq-pe ke chikiwech ri ch'aqa' chik ri e taqon roma ri Cristo. Jak'a man ninbij ta chi ja yin xibanon ri samaj, man keri' ta; xa kan ja ri rutzil ri Dios ri xbanon.

Romanos 15:18

Y yin xaxe nintzijoj achike rubanik toq ri Cristo irukusan richin ninch'abalij y yisamej chikikojol ri man e judío ta richin nikinimaj rija'.

Hechos 21:19

Ri Pablo xeruq'ejela', y k'ari' chi jujun chi jujun xutzijoj ri xuben ri Dios chikikojol ri winaqi' man e judío ta, roma ri rusamaj rija'.

Hechos 15:7

Toq k'iy k'a chik e ch'owineq-qa chirij ri na'oj ri', ri Pedro xpa'e', y xubij k'a: Wach'alal, rix ri' noqaqa chi'ik'u'x chi k'o yan juba' juna' tik'o chire toq ri Dios xirucha-el chi'ikojol richin chi xintzijoj ri utzilej ch'abel richin kolotajik chikiwech ri winaqi' ri man e judío ta, richin keri' nikuqer kik'u'x chuqa' rije'.

Hechos 15:4

Toq xe'apon pa Jerusalem ri e taqon-el, kan xek'ul-wi k'a koma ri molaj qach'alal e aj chiri', koma ri achi'a' uk'uey kichin ri qach'alal y koma chuqa' ri e taqon roma ri Cristo ri kan chiri' ek'o-wi. Ri Pablo y ri Bernabé xkichop k'a rutzijoxik chike ronojel ri rubanon ri Dios kik'in.

Hechos 14:27

Toq ri Pablo y ri Bernabé xe'apon ri pan Antioquía, xekimol k'a ri molaj qach'alal ri ek'o chiri', y k'ari' xkichop rubixik chike ri xuben ri Dios kik'in, y chi chuqa' ri winaqi' ri man e judío ta, utz chuqa' nikinimaj ri Jesucristo y nikil kolotajik.

San Lucas 18:34

Jak'a ri tijoxela' kan man xq'ax ta chikiwech ri xubij. Ri ch'abel ri' xa ewan k'a chikiwech, roma ri' xaxe choj xkak'axaj y man ketaman ta achike nik'ulun-wi.

San Lucas 9:45

Jak'a ri tijoxela' man xq'ax ta chikiwech ri xubij ri Jesús chike, roma ewan chikiwech. Y nikixibij-ki' nikik'utuj chire ri nel chi tzij ri xubij chike.

Marcos 9:32

Jak'a ri tijoxela' xa man xq'ax ta chikiwech ri xbix chike roma ri Jesús. Y nikixibij ki' nikik'utuj chire ri nel chi tzij ri xubij chike.

Wuj Richin Bix Chire ri Dios 106:7

Ri qati't-qamama' toq k'a ek'o na pan Egipto, kan man xq'ax ta chikiwech ri meyel taq abanobal rat Jehová, kan man xoqaqa ta chikik'u'x ri janila chi joyowanik ri xaya' pa kiwi'. Y xa kan xkipaba' k'a ki' chawech chiri' chuchi' ri Kaqa-Palou.

2 Rey 5:1

K'o k'a jun achin aj-raqen pa kiwi' ri aj-labal richin ri ruwach'ulew Siria. Y ri achin ri' rubini'an Naamán; rija' janila nim ruq'ij chuwech ri rey richin Siria, y kan ruya'on pa nabey chikiwech ri ch'aqa' chik aj-raqen. Ri Naamán kan maneq xibinri'il chuwech, y kan xukusex k'a roma ri Jehová richin xukol ri Siria. Jak'a rija' xa k'o jun yabil chirij ri kan nutaluj-ri'.

1 Sam 19:5

Y chuqa' kan xuya' ri ruk'aslen pa kamik toq xukamisaj ri Goliat. Ri Jehová xuya' kolotajik pa ruwi' ri qaruwach'ulew Israel. Rat xatz'et ri', y kan janila xakikot rik'in. ¿Achike k'a roma wakami nawajo' nakamisaj y xa maneq rumak rubanon chawech?, xcha' ri Jonatán chire ri rutata'.

1 Sam 14:45

K'ari' ri aj-labal xkibij chire ri Saúl: Roj kan man xtiqaya' ta q'ij chi niken ri Jonatán roma ja rija' ri xkolon qichin roj ri oj israelita. Chuwech ri Jehová niqabij, chi ri Jonatán kan man jun rusumal-ruwi' ri xtitzaq ta pan ulew, roma ri xuben kan xuben rik'in ri ruto'onik ri Dios, xecha'. Y keri' toq ri achi'a' ri' xkikol ri Jonatán chuwech ri kamik.

1 Corintios 3:9

Roma qachibil-qi' pa rusamaj ri Dios, y rix ix achi'el rulew ri Dios ri kan nusamajij-wi. Chuqa' kan ix achi'el jun jay ri nuben ri Dios.

Ex 2:12

Jari' toq rija' kan k'ulan xtzu'un y xutz'et chi man jun nitz'eton-pe, xukamisaj ri aj-Egipto y xumuq kan pa sanayi'.

Hechos 7:24

Xutz'et k'a chi jun aj-Egipto janila k'a nuben chire jun judío. Richin nuto' ri ruwinaq ri' y nuben ruk'exel chire ri aj-Egipto, xukamisaj ri achin ri'.

Hechos 7:26

Pa ruka'n q'ij, ek'o k'a e ka'i' winaqi' judío nikiben oyowal. Ri Moisés xapon k'a apo kik'in, y xrajo' ta xok chikikojol richin chi man ta nikiben oyowal. Roma ri' rija' xuk'utuj chike chi achike roma nikiben oyowal, roma rije' kan kach'alal-ki'.

Wuj Kichin ri To'onela' 15:12

Y ri aj-Judá xkibij chire: Roj oj peteneq richin yatqachop-el y yatqak'uaj richin yatqajech pa kiq'a' ri aj-Filistea, xecha'. Y ri Sansón xubij chike chi nibe kik'in wi rije' nikiya' kitzij chi man nikikamisaj ta.