Hechos 6:3 - Kaqchiquel Bible

³ Wakami k'a qach'alal, ke'icha-pe wuqu' achi'a' ri chi'ikojol, achi'a' ri kan etaman chi choj ri kik'aslen, k'o etamabel kik'in y nojineq ri kánima rik'in ri Loq'olej Espíritu, richin keri' jari' ri xkeqaya' chuwech ri k'o chi niya'ox chiwe.

နောက်ထပ်ဗားရှင်းများ

Kaqchikel Santo Domingo (Xenacoj)

³ Romariꞌ hermanos, keꞌikanoj rix wuquꞌ achiꞌaꞌ chiꞌikajal, ri ngetzꞌetetej chi chojmilej kikꞌaslen, nojneq kánima rikꞌin ri Espíritu Santo y rikꞌin ri nojibꞌel pataneq rikꞌin ri Dios, chin ndiqayaꞌ ri samaj riꞌ pa kiqꞌaꞌ.

Kaqchikel Santa Maria de Jesus

³ Vacame cꞌa hermanos, quiꞌicha-pa i-siete (ivukuꞌ) achiꞌaꞌ chiꞌicajol, ri ivataꞌn chi can choj ri quicꞌaslien, cꞌo quinoꞌj y nojnak cánima riqꞌuin ri Espíritu Santo, chi quireꞌ ijejeꞌ ri ncaꞌkayaꞌ choch ri samaj chi niquijach ri chica nitij.

Kaqchikel Central Guatemala

³ Vacami c'a kach'alal, que'icha-pe vuku' achi'a' ri chi'icojol, achi'a' ri can etaman chi choj ri quic'aslen, c'o etamabel quiq'uin y nojinek ri cánima riq'uin ri Lok'olej Espíritu, richin queri' jari' ri xquekaya' chuvech ri jachoj-cosas.

Re C'ac'a Testamento pa Kach'abal

³ Mare' hermanos, vocame que'becha-pa je vuku' achi'a' chi'icojol, achi'a' re can itaman che choj quic'aslen, y c'o q'uiy quitaman y nojnak re cánma cha re Espíritu Santo, chin quire' jare' re xque'kaya' che niquijach re cosas.

Kaqchikel Western Solola

³ Rumari' kach'alal, que'icha' pe wuku' achi'a' chicojol, achi'a' ri can etaman chi choj ri quic'aslen, ri can c'o na'oj quiq'ui y nojnek ri cánima riq'ui ri Lok'olaj Espíritu, riche (rixin) chi queri' yesamej chiquilixic ri kach'alal.

Hechos 6:3 ပူးပေါင်းရင်းမြစ်များ

Ex 18:21

Chuqa' rat ke'acha' chikikojol ri winaqi' richin ri tinamit, achi'a' ri kan k'o samaj ri yetikir nikiben, achi'a' ri kan k'o rukiy ri Dios chikiwech, achi'a' ri kan nakuquba' ak'u'x kik'in y kan niketzelaj richin yepuaqix. Y jeri' ri ke'aya' richin ye'ok aj-raqen pa kiwi' tzobaj richin 1,000 winaqi', pa kiwi' e wok'al, pa kiwi' e kawineq lajuj y pa kiwi' lajujteq winaqi'.

Wuj Richin ri Isaías 28:26

Ja ri Dios nik'utu chuwech ri tikonel, y nubij chire ri achike ruk'amon richin nuben.

Wuj Richin ri Isaías 28:6

Ri Dios xtuben chire ri q'atoy-tzij chi kan xtuq'et-tzij pa ruchojmilal. Chuqa' xtuya' uchuq'a' chike ri achi'a' ri yechajin ri okibel richin ri tinamit.

San Mateo 23:8

Jak'a rix man tiwajo' nibix tijonel chiwe, roma xa kan xaxe chire jun ri ruk'amon chi nibix tijonel, y ri' ja ri Cristo. Rix chi'iwonojel, xa iwach'alal-iwi'.

San Juan 21:23

Re jun tzij re' ri xubij ri Jesús, kan xetamex k'a koma ri ch'aqa' chik tijoxela'. Y rije' kan xkich'ob k'a chi ri jun tijoxel ri' kan man k'a xtiken ta. Jak'a ri xubij ri Jesús xa man keri' ta nik'ulun-wi chi tzij, roma rija' xa xubij: Wi yin ninwajo' chi rija' k'a k'es na toq xkipe chik jun bey, man jun nik'atzin-wi chi jari' ri nach'ob rat, xcha'.

Hechos 1:15

Y jun q'ij toq kimolon ki' jun la'eq e 120 qach'alal, ri Pedro xbepa'e-pe chikiwech, y xubij k'a chike:

Hechos 1:21

Roma ri', kan nik'atzin k'a chi niqakanoj jun ruk'exel ri Judas, jak'a kan ja ri chikikojol ri qachibil ri kan jantape' ek'o-pe qik'in, y ri kan beneq-wi qik'in toq xk'oje' ri ajaw Jesús;

Hechos 10:22

Ri achi'a' xkibij k'a chire ri Pedro: Jun aj-raqen pa kiwi' jun tzobaj aj-labal rubini'an Cornelio oj rutaqon k'a pe chi'awoyoxik. Y re achin k'a re' jun achin choj ruk'aslen, jun achin ri nuxibij-ri' nimakun chuwech ri Dios. Konojel ri awinaq judío janila nikajo'. Y k'o k'a jun loq'olej ángel ri xoch'on rik'in, y re ángel re' xubij kan chire chi karoyoj rat, y trak'axaj ri achike xtabij chire. Roma ri' xojpe chi'awoyoxik, xecha'.

Hechos 15:23

Xban-el jun wuj y xjach-el chike richin xkik'uaj. Y ri wuj ri' nubij k'a: Roj ri oj taqon roma ri Cristo, ri uk'uey bey, y ri ch'aqa' chik qach'alal, niqateq k'a el rutzil-iwech rix qach'alal ri man k'a ix judío ta, ri ixk'o pan Antioquía y pa ruwach'ulew Siria y ri Cilicia.

Hechos 16:2

Ri qach'alal k'a ri ek'o pa Listra y ri pan Iconio janila k'a jebel yech'on chirij ri Timoteo.

Hechos 2:4

Xbanatej k'a chi ri Loq'olej Espíritu xunojisaj ri kánima, y jari' toq xech'on pa ch'aqa' chik ch'abel ri man kich'abel ta rije'.

Hechos 22:12

Ri chiri' pa Damasco k'o k'a jun achin rubini'an Ananías, jun achin ri kan nuben-wi ri nubij chupan ri pixa'. Y konojel qawinaq judío ri ek'o chiri', jebel k'a yech'on chirij.

Hechos 28:14

Chiri' chupan ri tinamit ri', ek'o k'a qach'alal xebeqila', y rije' xkibij k'a chiqe chi qojk'oje-qa waqxaqi' q'ij kik'in. Toq xtz'aqet ri q'ij ri', k'ari' choj xojbe k'a pa Roma.

Hechos 6:2

Roma ri' ri kablajuj e taqon roma ri Cristo xekimol k'a konojel rije', y xkibij chike: Man k'a ruk'amon ta chi roj niqamalij kan ri ruq'alajirisaxik ri ruch'abel ri Dios, richin ja rix yixqilij.

Hechos 6:5

Kan konojel xqa' chikiwech ri xbix chike, y xekicha' k'a ri e wuqu' achi'a'. Ri jun k'a ri xkicha' rubini'an Esteban, y re' jun achin ri kan jebel wi kuqul ruk'u'x rik'in ri Dios, y nojineq ránima rik'in ri Loq'olej Espíritu. Xekicha' chuqa' ri Felipe, ri Prócoro, ri Nicanor, ri Timón, ri Parmenas y ri Nicolás ri aj pa tinamit Antioquía; rija' man judío ta, jak'a kan nunimaj k'a ri nubij ri kipixa', y kan kik'in k'a rije' k'o-wi toq k'a man jani runiman ta ri Jesús chiri'.

Hechos 6:6

Jak'a wuqu' achi'a' re' ri xebepabex chikiwech ri e taqon roma ri Cristo. Rije' xech'on rik'in ri Dios, y k'ari' xkiya' kiq'a' pa kiwi' ri achi'a' ri', richin tiq'alajin chi jari' nikichop ri kisamaj.

Hechos 9:30

Roma ri', toq ri qach'alal xkinabej ri nikich'ob ri winaqi' chirij ri Saulo, xkik'uaj k'a el k'a pa Cesarea. Y toq ek'o chik ri chiri', xkiteq k'a el k'a pa Tarso, ri rutinamit rija'.

1 Corintios 12:8

Chike ch'aqa' qach'alal nuya' etamabel richin nikich'abalij ri ruch'abel ri Dios. Y chike ch'aqa' chik nuya' na'oj, richin nikisol rij ri nubij ri ruch'abel ri Dios.

1 Corintios 16:3

Y toq xkinapon iwik'in, ja rix ri xkixbin ri achike qach'alal ri xke'uk'uan ri to'onik. Yin xtinben k'a el ri kiwuj ri qach'alal ri', richin nikijech chike ri aj-Jerusalem. Y k'ari' xkenteq-el.

Efesios 5:18

Man kixq'aber, roma ruyon itzel nuk'en-pe chiwe. Pa ruk'exel ri' tiya' q'ij chire ri Loq'olej Espíritu chi yixruyuqej.

Deut 1:13

Wakami, ke'icha-pe chupan ri tzobaj ri ixk'o-wi, achi'a' ri e aj-na'oj, ri e nowineq, ri kan k'o kiq'ij, richin chi xkenya' pan iwi', xicha' chiwe.

1 Timoteo 5:10

wi etaman chi kan e utz taq ixoqi', wi e kik'iytisan jebel ri kal, wi jebel e kik'ulun ch'aqa' chik winaqi' pa kachoch, wi ekilin rik'in qasanri'il ri qach'alal ri ye'apon pa kachoch, wi e kito'on ri nikitej poqon, y wi ronojel ruwech utzil e kibanalon.

Santiago 1:17

Ronojel sipanik niqaqa-pe chila' chikaj rik'in ri Dios ri xbanon ri saqil, achi'el ri q'ij, ri ik', ri ch'umila'. Ri Dios man jun bey nijalatej achi'el nijalatej ri mach'ach'il.

3 Juan 1:12

Konojel k'a yebin chi ri ruk'aslen ri qach'alal Demetrio, kan utz wi y keri' niq'alajin. Roj chuqa' keri' niqabij, rix iwetaman chi man niqatz'uk ta tzij.