Hechos 6:13 - Kaqchiquel Bible

¹³ Xekik'uaj k'a achi'a' richin chi nikitz'uk-tzij chirij ri Esteban. Ri achi'a' ri' nikibij k'a: Re jun achin re' man nitane' ta k'a richin nubij itzel chirij re rachoch ri Dios y chirij ri pixa' richin ri Moisés.

နောက်ထပ်ဗားရှင်းများ

Kaqchikel Santo Domingo (Xenacoj)

¹³ Xekikanoj chuqaꞌ wineq chin xkitzꞌuk aqꞌ chirij ri Esteban y jareꞌ ri aqꞌ xkibꞌij: Re jun achi reꞌ ma nditaneꞌ ta chi ndichꞌaꞌa chirij re loqꞌolej rachoch ri Dios y chirij ri ley xyoꞌox chare ri Moisés.

Kaqchikel Santa Maria de Jesus

¹³ Y icꞌo jeꞌ achiꞌaꞌ xaꞌquiyaꞌ chi niquitzꞌak tzij chirij ri Esteban. Ri achiꞌaꞌ reꞌ niquiꞌej: Va ache va man nitanieꞌ ta ncaꞌruꞌej itziel tak kax chirij ri santo templo y chirij ri ru-ley ri Moisés.

Kaqchikel Central Guatemala

¹³ Y xequic'uaj c'a achi'a' richin chi niquitz'uc tzij chirij ri Esteban, y ri achi'a' ri' niquibij c'a: Re jun achin re' man nitane' ta c'a juba' richin nubij itzel chirij re lok'olej rachoch ri Dios y chirij ri ley richin ri Moisés.

Re C'ac'a Testamento pa Kach'abal

¹³ Y chuka' xe'quic'uaj-a achi'a' chin che ne'quitz'ucu' tzij chij re Esteban, y re achi'a' re' ja quire' re niquibij: Re jun ache re' can man nitane-ta chin nubij itzel tak tzij chij re lok'olaj rachoch re Dios y chij re ley chin re Moisés.

Kaqchikel Western Solola

¹³ Y xequic'uaj c'a achi'a' riche (rixin) chi niquitz'uc tzij chrij ri Esteban, y ri achi'a' ri' niquibij c'a: Re jun achi re' ma nitane' ta chi nubij itzel chrij re lok'olaj rachoch ri Dios y chrij ri ley riche (rixin) ri Moisés.

Hechos 6:13 ပူးပေါင်းရင်းမြစ်များ

Hechos 6:11

Roma ri' xekitoj ch'aqa' winaqi' richin keri' tikibij chi xkak'axaj chi ri Esteban itzel xch'on chirij ri pixa' richin ri Moisés y chirij chuqa' ri Dios.

Hechos 21:28

Toq xkichop, kan rik'in k'a kuchuq'a' xkibila': ¡Qojito'! ¡Qojito', rix qawinaq israelita! ¡Ja achin re' ri nibiyaj ronojel tinamit; k'iy k'a ri nubij chiqij roj judío, yerutijoj ri winaqi' chi man tikiben ri nubij chupan ri pixa', y itzel chuqa' nich'on chirij re loq'olej rachoch ri Dios! Wakami e rukusan-pe winaqi' ri man e qawinaq ta, achi'el xa man rachoch ta ri Dios nuben chire re loq'olej jay re', xecha'.

Hechos 25:8

Roma ri' ri Pablo, richin nuto-ri', xch'on k'a apo, y xubij: Yin man jun k'a numak nubanon chuwech ri pixa' qichin roj judío, ni man jun chuqa' itzel nubanon ta ri pa rachoch ri Dios ri k'o pa Jerusalem, y ni man jun k'a chuqa' nubanon chuwech ri pixa' ri ya'on roma ri César, xcha' ri Pablo.

Hechos 7:58

y xkelesaj k'a el k'a chuchi' ri tinamit. Ri xetz'uku k'a tzij chirij ri Esteban xkisowila' kan ri kitziaq rik'in ri jun ala' rubini'an Saulo; k'ari' xkichop ruk'aqik chi abej richin nikikamisaj.

San Mateo 24:15

Chuqa' kan xtapon-wi ri q'ij toq xkebanatej ri itzel taq banobel ri achoq chirij xch'on-wi kan ri Daniel. Y ri etzelal ri' xtiban chupan ri loq'olej jay akuchi man jun nok-apo, chupan ri rachoch ri Dios. Ri nitz'eton ri tz'ibatel kan wawe', kan tiq'ax k'a chuwech ri nutz'et.

Wuj Richin Bix Chire ri Dios 56:5

Jantape' k'a yinkisokola' rik'in ch'abel; ri kich'obonik chuwij, xaxe k'a richin yinkiya' pa k'ayew.

Wuj Richin Bix Chire ri Dios 35:11

Xeyakatej winaqi' chuwij ri nikitz'uk-tzij chuwij. y nikik'utuj chuwe ri xa man wetaman ta.

Wuj Richin Bix Chire ri Dios 27:12

Tabana' utzil man taya' q'ij richin nikiben ri kirayibel rije'. Roma kan kitz'ukun-tzij chuwij, y kan xaxe k'a ri etzelal ri nikajo' nikiben chuwe.

Os 7:4

Konojel rije' xa e q'olonela' y man qitzij ta ri nikibij, ri ketzelal kan nik'a'on achi'el ri q'aq' chupan ri horno ri man nik'atzin ta chi nixupux. Keri' nik'oje' ri q'aq', k'a ja toq ri banoy kaxlan-wey nuchop ruchojmirisaxik ri q'or ri k'o chi nukusaj k'a toq nisipoj na pe.

San Mateo 26:59

Ri aj-raqen kichin ri sacerdote, ri achi'a' ri kan k'o-wi kiq'ij, y konojel k'a ri achi'a' ri kan pa komon nikiq'et-tzij, nikikanola' k'a chi ek'o ta ri itzel taq banobel ri ye'ilitej chirij ri Jesús, richin keri' kan nikiteq pa kamik.

Hebreos 7:12

Jak'a toq xpe ri jun chik sacerdote, xjalatej k'a ri nubij chupan ri pixa', roma man junan ta rijatzul kik'in ri ch'aqa' sacerdote achi'el nuk'utuj ri pixa'.