Hechos 6:11 - Kaqchiquel Bible

¹¹ Roma ri' xekitoj ch'aqa' winaqi' richin keri' tikibij chi xkak'axaj chi ri Esteban itzel xch'on chirij ri pixa' richin ri Moisés y chirij chuqa' ri Dios.

နောက်ထပ်ဗားရှင်းများ

Kaqchikel Santo Domingo (Xenacoj)

¹¹ Ri israelitas riꞌ xkiyaꞌ méra chake jujun wineq chin ndikibꞌij chi xkakꞌaxaj ri Esteban chi itzel ndichꞌaꞌa chirij ri Moisés y chirij ri Dios.

Kaqchikel Santa Maria de Jesus

¹¹ Rumareꞌ xaꞌquitoj nicꞌaj chi tiquiꞌej chi xcaꞌxaj chi ri Esteban itziel xchꞌoꞌ chirij ri ru-ley ri Moisés y chirij jeꞌ ri Dios.

Kaqchikel Central Guatemala

¹¹ Roma c'a ri' xequitoj ch'aka' vinek richin queri' tiquibij chi xcac'axaj chi ri Esteban itzel xch'on chirij ri ley richin ri Moisés y chirij chuka' ri Dios.

Re C'ac'a Testamento pa Kach'abal

¹¹ Y mare' tak xe'quitoj nic'aj chic vinak chin che tiquibij che xquic'axaj tak re Esteban itzel xch'o chij re ley chin re Moisés y chuka' chij re Dios.

Kaqchikel Western Solola

¹¹ Rumac'ari' xequitoj nic'aj winek riche (rixin) chi queri' tiquibij chi xquic'axaj chi ri Esteban itzel xch'o chrij ri ley riche (rixin) ri Moisés y chrij chuka' ri Dios.

Hechos 6:11 ပူးပေါင်းရင်းမြစ်များ

1 Timoteo 1:13

Ri ojer, xich'on itzel chirij stape' rija' kan Dios y xenya' pa tijoj-poqonal ri winaqi' ri yetzeqeliben richin, stape' keri' ri Dios xujoyowaj nuwech, roma yin ri chiri' man wetaman ta ri ninben, y man jani nukuquban nuk'u'x rik'in ri Jesucristo.

Romanos 3:8

Man tich'ob chi ri banoj-etzelal nuk'en-pe utz. Jak'a kan ek'o k'a ri e biyon chi yin keri' ninch'ob, y re' xaxe richin yech'on itzel chuwij. Roma ri' ri yech'obon keri', kan ruk'amon chi niqaqa ruk'ayewal pa kiwi'.

Hechos 25:7

Toq ri Pablo xok-apo, ri ruwinaq judío ri e peteneq pa Jerusalem xkisutij-rij, y xkisujuj k'a apo rik'in k'iy y nima'q taq mak. Jak'a man xetikir ta xkibij-apo wi qitzij ri e rubanalon.

Hechos 25:3

Rije' xkik'utuj k'a jun nimalej utzil chire ri Festo chi tutaqa' ruk'amik ri Pablo, roma xa kan kinojin chik ajk'a jebel chi toq xtik'an-pe pa Jerusalem, nikiq'elebej ri pa bey, y nikikamisaj.

Hechos 21:28

Toq xkichop, kan rik'in k'a kuchuq'a' xkibila': ¡Qojito'! ¡Qojito', rix qawinaq israelita! ¡Ja achin re' ri nibiyaj ronojel tinamit; k'iy k'a ri nubij chiqij roj judío, yerutijoj ri winaqi' chi man tikiben ri nubij chupan ri pixa', y itzel chuqa' nich'on chirij re loq'olej rachoch ri Dios! Wakami e rukusan-pe winaqi' ri man e qawinaq ta, achi'el xa man rachoch ta ri Dios nuben chire re loq'olej jay re', xecha'.

Hechos 18:6

Jak'a rije' kan man niqa' ta k'a chikiwech ri nubij ri Pablo, y k'iy k'a itzel taq tzij ri yekibila'. Roma ri' ri Pablo xutotaj ri rutziaq, richin keri' tikinabej chi man utz ta ri xkiben. Xubij k'a chuqa' chike: Ja rix k'o imak wi xkixbeqaqa pa ruk'ayewal. Yin xinel yan k'a chuwech, roma kan xinya' ri rutzijol chiwe. Re wakami yixinya' k'a kan, richin yibe kik'in ri winaqi' ri xa man e judío ta, xcha' kan chike.

Hechos 15:21

Roma kan ojer k'a ri' chi pa ronojel taq jay ri nikak'axaj ruch'abel ri Dios, kan ek'o k'a ri yetijon qichin chupan ri pixa' richin kan ri Moisés. Roma ri' qetaman achike ri kan man ruk'amon ta chi niqaben. Kan pa ronojel ri q'ij richin uxlanen niqak'axaj ri nisik'ix chiqawech, xcha' ri Jacob o.

Hechos 6:13

Xekik'uaj k'a achi'a' richin chi nikitz'uk-tzij chirij ri Esteban. Ri achi'a' ri' nikibij k'a: Re jun achin re' man nitane' ta k'a richin nubij itzel chirij re rachoch ri Dios y chirij ri pixa' richin ri Moisés.

San Juan 16:3

Kere' k'a ri xkekibanala' ri winaqi' chiwe rix, roma kan man ketaman ta ruwech ri nata' y man ketaman ta chuqa' nuwech yin.

San Juan 9:29

Chuqa' kan qetaman-wi k'a chi ri Moisés kan xch'on-wi ri Dios rik'in, jak'a re Jesús re' man qetaman ta akuchi tipe-wi, xecha'.

San Juan 1:17

Ri pixa' xya'ox roma ri Moisés, jak'a ri utzil ri' y ri qitzij, xya'ox roma ri Jesús ri Cristo ri nibix chuqa' ch'abel chire.

Hechos 26:11

Kan k'iy k'a bey ri xinben poqon chike, richin keri' nikiyoq' ta kan ri ruch'abel ri Jesús. Keri' xinbanala' chike ri pa taq jay ri kan nitzijox-wi ri ruch'abel ri Dios. Kan janila k'a woyowal yakatajineq chiri'. Roma ri' kan xibe pa taq tinamit kichin ch'aqa' chik ruwach'ulew chikikanoxik ri kiniman ri Jesús, richin chi xenya' pa tijoj-poqonal.

Ex 23:1

Kan man jun bey k'a titz'uk-tzij. Man tito' jun wineq ri xa makuwineq y rix kan nibij chi man jun rumak.

Wuj Richin ri Jeremías 26:11

K'ari' ri e sacerdote y ri nikibananej chi e q'alajirisey ri ruch'abel ri Dios xech'on kik'in ri aj-raqen y kik'in ri winaqi' richin chijun ri tinamit y xkibij chike: Re achin re' k'atzinel richin nikamisex roma kan xch'on itzel chirij ri qatinamit y rix kan jebel xiwak'axaj, xecha'.

Wuj Richin ri Jeremías 37:13

Jak'a toq xibe chiri' pan okibel richin Benjamín, chiri' k'o k'a jun aj-raqen kichin ri aj-labal, rubini'an Irías, ruk'ajol ri Selemías, rumam ri Hananías. Rija' xiruchop y xubij chuwe: ¡Rat yabeq'ax kik'in ri aj-Babilonia!, xcha'.

Hechos 6:10

Roma ri Esteban kan ja ri Loq'olej Espíritu ri xya'on etamabel chire; roma ri', toq rija' xch'on, ri winaqi' ri' xa man xetikir ta rik'in.

Hechos 6:12

Xebeyakatej k'a pe chirij ri Esteban e kachibilan ri achi'a' ri k'o kiq'ij, ri etamanela' chirij ri pixa' y ri ch'aqa' chik winaqi'. Xbekichapa-pe, y xkik'uaj chikiwech ri achi'a' ri yeq'aton-tzij chikikojol ri judío.