Hechos 5:9 - Kaqchiquel Bible

⁹ Jak'a ri Pedro xubij chire: ¿Achike roma rix kan xiben chi achi'el xa ta man yixrutz'et ta pe ri Loq'olej Espíritu richin ri Dios? Roma ri' ri awachijil jari' xbemuq kan. Y ri e beneq muquy richin, jari' ye'ok yan pe, richin keri' yatokik'ama' chik el rat, richin yatbekimuqu' kan chuqa', xcha'.

နောက်ထပ်ဗားရှင်းများ

Kaqchikel Santo Domingo (Xenacoj)

⁹ Ri Pedro xubꞌij chare: ¿Achike roma xibꞌen ruwech chi xiwojoꞌ xichꞌakatij ri Espíritu Santo chin ri Ajaw? Tatzꞌetaꞌ chi ri xebꞌemuqu ri awachijil ekꞌo pe chi puerta chin ngatekimuquꞌ chuqaꞌ rat.

Kaqchikel Santa Maria de Jesus

⁹ Y ri Pedro xuꞌej cꞌa cha: ¿Karruma ixreꞌ xixcꞌujieꞌ de acuerdo chi xiꞌan chi man nquixrutzꞌat ta pa ri Ru-Espíritu ri Ajaf? Ya ncaꞌlka chuchiꞌ ri puerta ri xaꞌbꞌamukuꞌ richin ri avachajil y ncatquilasaj-el jeꞌ atreꞌ, xchaꞌ.

Kaqchikel Central Guatemala

⁹ Pero ri Pedro xubij c'a chire: ¿Achique c'a roma rix can xiben chi man yixrutz'et ta pe ri Lok'olej Espíritu richin ri Ajaf Dios? ¿Achique roma rix can xiya' chivech chi xiben queri'? Romari' ri avachijil jari' xbemuk can. Y ri e benek mukuy richin, jari' ye'oc yan pe, richin queri' yatoquic'ama' chic el rat, richin yatbequimuku' can chuka', xcha'.

Re C'ac'a Testamento pa Kach'abal

⁹ Pero re Pedro xubij cha: ¿Anchique roma yex can xibij che man yixrutz'at-ta-pa re Espíritu Santo chin re Ajaf Dios? ¿Anchique roma yex can xiya' chivach che xiban quire'? Mare' re avchijil xbemuk-yan can. Y re xe'ba chumukic xa chire-oc je'pitinak-va, chin quire' yatequic'ama' chic rat, chin yatequimuku' can chuka', xcha' cha re ixok.

Kaqchikel Western Solola

⁹ Yac'a ri Pedro xubij c'a chare: ¿Achique c'a ruma riyix can xiben chi ma yixrutz'et ta pe ri Lok'olaj Espíritu riche (rixin) ri Ajaf Dios? ¿Achique ruma riyix can xiya' chiwech chi xiben queri'? Rumari' ri awachijil yari' xbemuk ca. Y ri ye benak chumukic, ya xa ye'oc pe, riche (rixin) chi queri' yatoquic'ama' chic el riyit, riche (rixin) chi yatbequimuku' chic ca.

Hechos 5:9 ပူးပေါင်းရင်းမြစ်များ

Wuj Richin ri Rutikeribel 20:13

Y toq ri Dios xubij chuwe richin xinel-pe pa rachoch ri nata', jari' toq xinbij-pe chire ri Sara: Xabakuchi k'a xqojbe-wi, rat xtabij chi yin in axibal, in chayineq-pe chire, xcha' ri Abraham.

2 Rey 6:32

Rokik ri', ri Eliseo tz'uyul pa rachoch, y e rachibilan ri achi'a' ri k'o kiq'ij richin ri tinamit. Y ri rey xuteq jun achin nabey rik'in ri Eliseo y rija' xambey kan. Y man jani k'a tapon ri achin ri' rik'in, jari' toq ri Eliseo xubij chike ri achi'a' ri k'o kiq'ij ri ek'o rik'in: ¿Iwetaman chik chi ri rey, ri achin kamisanel, wakami rutaqon-pe rutzak'ixik ri nujolon? Tiwak'axaj na pe; jari' xpe ri achin ri taqon-pe. Wakami k'a titz'apej ri ruchi-jay chuwech, y man tiya' q'ij chire richin nok-pe. Roma chirij rija' peteneq ri rajaw, xcha'.

Wuj Richin Bix Chire ri Dios 50:18

Wi natz'et jun eleq'om, kan chi'anin nawachibilaj-el. Kan junan k'a awech naben-el kik'in ri nikiben ixoqinik.

Wuj Richin Bix Chire ri Dios 78:56

Jak'a rije' xa jantape' xkitejtobej y xkiyek royowal ri nimalej Dios, y man xkiben ta ri nubij ri rupixa' ri ruya'on chike.

Ex 17:2

Y roma ri' toq ri winaqi' xkich'ojij k'a kiya' chire ri Moisés, jak'a ri Moisés xubij chike: ¿Achike roma toq xa chuwe yin nich'ojij-wi ri iya'? ¿Y achike roma toq rix nich'ob chi ri Jehová man nitikir ta nuya' iya' richin niqum?, xcha' chike.

Ex 17:7

Y rije' xkibij Masá y Meribá*f7* chire ri abej ri'. Keri' xubini'aj ri chiri' roma ri koyowal ri israelita y roma xkitejtobej ri Jehová y xkibij: ¿Kan k'o k'a ri Jehová chiqakojol, o xa maneq?, xecha'.

Wuj Richin Etamabel-Tzij 11:21

Kan q'alaj wi k'a chi ri wineq itzel, kan man xtril ta rukolotajik, jak'a ri wineq ri kan choj ruk'aslen, kan jajun chuqa' ri e riy-rumam xkekolotej.

Wuj Richin Etamabel-Tzij 16:5

Konojel ri winaqi' ri nikinimirisaj-ki', kan itzel yerutz'et ri Jehová; y kan qitzij wi chi man xkek'oje' ta kan choj keri', xa kan xtikik'ul rutojbalil.

Wuj Richin ri Miqueas 7:3

Konojel ri winaqi' kan e nowineq k'a chubanik etzelal. Ri e tata'al man jun nikiben wi maneq naya' chike. Ri to'onela' xa nikik'ayij-ki'. Ri winaqi' ri k'o kuchuq'a' xa nikiben ri nikajo' rije'. Y konojel xa kiya'on chikiwech.

Wuj Richin ri Q'axanri'il 14:22

Jak'a konojel re winaqi' re' kitz'eton ri nuk'ojlen; kitz'eton ronojel ri nima'q taq banobel ri xinben pan Egipto; kitz'eton chuqa' ri xinben ri chiri' chupan ri tz'iran ruwach'ulew. Man rik'in ri' xa xinkitejtobej yan lajuj bey y man nikinimaj ta nutzij.

San Mateo 4:7

Jak'a ri Jesús xubij: Kan tz'ibatel kan chuqa',*f11* chi man ruk'amon ta chi niqatejtobej ri Jehová ri qa-Dios, xcha'.

San Lucas 16:2

Ri rajaw ri beyomel ri' xuteq k'a royoxik ri samajel ri'. Y toq xoqaqa ri samajel, ri rajaw xubij chire: ¿Achike nabij chuwe chirij ri nitzijox chawij? Wakami k'a ninwajo' nintz'et achike rubanon ronojel ri beyomel pan aq'a', roma wawe' xk'is-wi kan ri asamaj, xcha' ri rajaw ri samaj.

Hechos 15:10

Y rix, ¿achike k'a roma toq niwajo' nitejtobej ri Dios? ¿Achike k'a roma toq niwajo' niya' jun ejqa'n pa kiwi' ri qach'alal ri man e judío ta? Roma ri ruk'uaxik ri pixa' ri richin kan ri Moisés xa jun ejqa'n ri man xetikir ta xkik'uaj ri qati't-qamama', ni roj chuqa' man yojkowin ta chuk'uaxik.

Hechos 5:6

Y ek'o k'a ka'i-oxi' ri k'a e k'ajola' na ri xe'ok-apo richin xbekibana-pe rutzil ri kamineq, y k'ari' xkik'uaj-el richin xbekimuqu' kan.

Romanos 10:15

¿Y nitikir kami jun nibin chire wi man ta jun taqayon richin? Y chupan ri ruch'abel ri Dios nubij*f33* chi kan janila jebel ok natz'et jun ri nuk'en-pe utzilej rutzijol, keri' nubij ri tz'ibatel kan.

Romanos 3:19

Y qetaman k'a chi ronojel ri tz'ibatel kan, nich'on chiqij roj ri ojk'o chuxe' ri pixa'. Y ri pixa', k'o richin chi man jun tibin chi maneq rumak, y richin nuk'ut chiqawech chi qonojel k'o chi yojapon na chuwech ri ruq'atbel-tzij ri Dios.

1 Corintios 10:9

Ek'o chuqa' chike rije' ri xkitejtobej ri Dios. Y roma ri' xeken pa kiq'a' kumatzi'. Roma ri' rix man k'a titejtobej ri Dios.