Hechos 5:4 - Kaqchiquel Bible

⁴ ¿Man awichin ta kami rat ri ulew? Y toq xak'ayij, ¿man awichin ta kami rat chijun ri rajel ri awulew? ¿Achike k'a roma toq xpe ri jun itzel ch'obonik awik'in? Rat man chikiwech ta k'a winaqi' xatz'uk-wi-tzij; rat kan chuwech k'a ri Dios xatz'uk-tzij, xcha' ri Pedro.

နောက်ထပ်ဗားရှင်းများ

Kaqchikel Santo Domingo (Xenacoj)

⁴ Atoq kꞌajani takꞌayij ri awulew, awichin rat chin ndabꞌen ri ndawojoꞌ rikꞌin. Y atoq xakꞌayij, pa aqꞌaꞌ xkꞌojeꞌ ri rajel chin xabꞌen rikꞌin ri xawojoꞌ. Pero, ¿achike roma xayaꞌ pa awánima chi ngareqꞌon? Ma chare ta jun wineq xareqꞌon, xa kin chare ri Dios.

Kaqchikel Santa Maria de Jesus

⁴ Xa man ta xacꞌayij ri ulief, ¿man cꞌa avichin ta atreꞌ? Y antok xacꞌayij, ¿man avichin ta came atreꞌ ri rajal ri ulief? ¿Karruma xaꞌan pensar chi xaꞌan quireꞌ? Atreꞌ man chiquivach ta vinak xatzꞌak tzij, atreꞌ choch cꞌa ri Dios xatzꞌak tzij, xchaꞌ ri Pedro cha.

Kaqchikel Central Guatemala

⁴ Xa ta ri ulef xc'oje' ta queri' y man ta xac'ayij, ¿c'o cami jun nibin chi xa man avichin ta rat? Y tok xac'ayij, ¿c'o cami jun ri nibin ta chave chi man avichin ta rat ri rajel ri avulef? ¿Achique c'a roma tok xpe ri jun itzel ch'obonic aviq'uin? Rat man chiquivech ta c'a vinek xatz'uc-vi tzij, rat can chuvech c'a ri Dios xatz'uc tzij, xcha' ri Pedro.

Re C'ac'a Testamento pa Kach'abal

⁴ Roma xe-ta re ulef xc'ue-ta chire' y man-ta xac'ayij, man jun xbin-ta chava che man-ta avichin rat. Y tak xac'ayij, chuka' man jun xbin-ta chava che man avichin-ta rat re rajal. ¿Anchique roma tak xpa re jun itzel na'oj aviq'uin? Rat man chiquivach-ta vinak xatz'uc-va tzij, rat can chach re Dios xatz'uc-va tzij, xcha' re Pedro cha.

Kaqchikel Western Solola

⁴ Xa ta xc'oje' ca chi queri' ri awulef y man ta xac'ayij, ¿la c'o ta cami jun nibin chawe chi xa ma awuche (awixin) ta riyit? Y tek xac'ayij, ¿la c'o ta cami jun ri nibin ta chawe chi ma awuche (awixin) ta riyit ri rajel ri awulef? ¿Achique c'a ruma tek xpe ri jun itzel na'oj awuq'ui? Riyit ma chiquiwech ta c'a ri winek xatz'uc wi tzij, riyit can chuwech c'a ri Dios xatz'uc wi tzij.

Hechos 5:4 ပူးပေါင်းရင်းမြစ်များ

1 Crón 29:17

Yin wetaman jebel chi rat natzu' ri qach'obonik, y kan yeqa' chawech ri winaqi' toq nikiben pa ruchojmilal. Yin kan rik'in ronojel wánima xinsuj ronojel re' chawe. Y ri atinamit rik'in ronojel ránima xusuj chawe ri xkik'en-pe. Roma ri' janila yikikot.

1 Crón 29:3

Y pa ruwi' re', roma kan janila wajowabal pa ruwi' ri rachoch ri Jehová Dios, roma ri' ninya-apo ri kan wichin yin: Q'anapueq y saqipueq richin nibek'atzin chire ri jay richin ri Dios.

1 Crón 29:5

y chuqa' richin yeban ri samajibel. Wakami ja rix, ¿achike chiwe ri kan nalex-pe pan iwánima richin niya' jun sipanik chire ri Jehová?, xcha' ri David.

1 Crón 29:9

Ri winaqi' richin ri tinamit janila xekikot roma rik'in ronojel kánima xkiya-apo ronojel re' chire ri Jehová. Chuqa' ri rey David janila xkikot.

Wuj Richin ri Achin Job 15:35

Xkiben k'a ch'a'oj y re' xuk'en-pe etzelal chike. Kan pa kánima rije' xalex-wi-pe richin nikiben q'oloj chike ri winaqi'.

Wuj Richin Bix Chire ri Dios 139:4

Kan k'a man jani tel-pe ri ch'abel pa nuchi', rat Jehová kan awetaman chik k'a ronojel ri ninbij.

Wuj Richin Bix Chire ri Dios 7:14

Ri aj-mak kan xaxe k'a q'axo'n ri nutik, y pa ruk'isibel nibeq'alajin-pe ronojel ri q'oloj yeruben.

Ex 16:8

Re tiqaq'ij re' ri Jehová xtuya' ti'ij chiwe richin nitej, y ri nimaq'a' xtuya' ri aj-chikajil-wey chiwe richin xtinoj jebel ipan. Ri Jehová xrak'axaj ri ch'abel ri xe'ibila' chirij, roma xa kan chirij rija' xixxebexot-wi. Xa man chiqe ta roj ri xiben-wi keri', xa kan chire ri Jehová, xcha' chike.

Ex 35:29

Konojel k'a ri winaqi' ri xkina' rayibel richin xeto'on rik'in sipanik, kan xkiya' k'a pe richin chi xban ronojel ri xubij ri Jehová chire ri Moisés.

Wuj Richin ri Molojri'il 5:5

Más ruk'amon ri man jun nasuj, ke chuwech ri k'o nasuj y xa man yatikir ta naben ri xasuj.

Wuj Richin ri Isaías 59:4

Man jun chiwe rix ri man pa ruchojmilal ta nibesujun, ni man jun ri pa ruchojmilal nibe rik'in q'atbel-tzij. Kan más k'a nikuquba' ik'u'x rik'in tz'ukuj taq tzij, y ri ich'abel man e qitzij ta. Nitik etzelal, y niwachij itzel taq banobel.

Ez 38:10

Yin Jehová ri yibin ronojel re'. Chupan k'a ri q'ij ri', rat kan xke'ach'obola' k'a janila itzel taq banobel.

Wuj Richin ri Q'axanri'il 16:11

Rat y ri e tzeqelibeyon awichin, xa man chirij ta ri Aarón xixyakatej-wi, achi'el ri xich'ob-qa rix. ¿Achike ta k'a rumak rija' richin yixch'ojin chire rija'? Jak'a rix kan chire ri Jehová xixch'ojin-wi, xcha'.

San Lucas 10:16

Jak'a rix nutijoxela', achike k'a wineq ri xkixruk'ul jebel richin nrak'axaj ri ich'abel, kan ja chuqa' yin ri yiruk'ul. Y ri achike k'a chuqa' ri xkixetzelan kan, ja chuqa' yin ri yiretzelaj. Y ri netzelan wichin yin, kan ja chuqa' ri Dios ri taqayon-pe wichin ri nretzelaj, xcha' el ri Jesús.

Hechos 5:3

Jari' toq ri Pedro xubij chire: ¿Achike k'a roma toq xaya' q'ij chi ri Satanás xunojisaj ri awánima, richin chi xatz'uk-tzij chuwech ri Loq'olej Espíritu, y xak'en kan ch'aqa' chire ri rajel ri ulew ri xak'ayij?

Hechos 5:9

Jak'a ri Pedro xubij chire: ¿Achike roma rix kan xiben chi achi'el xa ta man yixrutz'et ta pe ri Loq'olej Espíritu richin ri Dios? Roma ri' ri awachijil jari' xbemuq kan. Y ri e beneq muquy richin, jari' ye'ok yan pe, richin keri' yatokik'ama' chik el rat, richin yatbekimuqu' kan chuqa', xcha'.

1 Corintios 8:8

Kan qitzij chi man ja ta ri niqatej ri nibanon chiqe chi yojqa' chuwech ri Dios. Wi niqatej ri ti'ij ri sujun chik chike ri wachibel, man nuben ta chiqe chi más ta yojqa' chuwech ri Dios, y wi man niqatej ta, man nuben ta chiqe chi man ta yojqa' chuwech rija'.

1 Tesalonicenses 4:8

Y wi k'o jun ri chi'ikojol ri xa man nrak'axaj ta ronojel ri xqabij yan qa chiwe, man ja ta roj o jun ta chik wineq ri nretzelaj ri ruch'abel. Xa kan nretzelaj ri ruch'abel ri Dios, ri xya'on-pe ri Loq'olej Espíritu qik'in.

Filemón 1:14

Jak'a man ninwajo' ta ninben nuyon yin wi rat man naya' ta q'ij. Chuqa' man ninwajo' ta yatinya' pa k'ayew; xa kan talex na k'a pe pan awánima rat ri k'atzinel chi naben.

Santiago 1:15

Y wi nuya' q'ij chire ri itzel taq rayibel, chiri' nipe-wi ri mak. Y pa ruk'isibel nuk'en-pe kamik.

1 Sam 8:7

Y ri Jehová xubij k'a chire: Tanimaj kitzij ri tinamit rik'in ronojel ri nikibij chawe, roma man ja ta rat ri yatkimalij kan, xa ja yin ri yinkimalij kan richin man ninq'et ta chik tzij pa kiwi'.