Hechos 5:20 - Kaqchiquel Bible

²⁰ Kixbiyin k'a. Toq xkixapon chik k'a pa rachoch ri Dios, titzijoj chike ri winaqi' ronojel ri ch'abel ri richin ri k'ak'a' k'aslen, xcha' ri ángel.

နောက်ထပ်ဗားရှင်းများ

Kaqchikel Santo Domingo (Xenacoj)

²⁰ Kixbꞌiyin y kixpeꞌeꞌ pa rachoch ri Dios, y titzijoj chake ri wineq nojel ri utzulej teq tzij ri ndichꞌaꞌa pa ruwiꞌ ri kꞌaslen ma ndikꞌis ta, xchajeꞌ ri ángel.

Kaqchikel Santa Maria de Jesus

²⁰ Quixꞌin. Y antok nquixbꞌaka pa templo, titzijuoj chica ri vinak nojiel ri chꞌabꞌal ri nichꞌoꞌ chirij ri cꞌacꞌacꞌ cꞌaslien ri nuyaꞌ ri Jesucristo, xchaꞌ ri ángel.

Kaqchikel Central Guatemala

²⁰ Quixbiyin c'a. Y tok xquixapon chic c'a pa rachoch ri Dios, titzijoj chique ri vinek ronojel ri ch'abel ri richin ri c'ac'a' c'aslen ri nuya' ri Jesucristo, xcha' ri ángel.

Re C'ac'a Testamento pa Kach'abal

²⁰ Quixbiyin. Y tak xquixapon chic pa rachoch re Dios, titzijoj chique re vinak ronojel re ch'abal chin re c'ac'a c'aslen re nuya' re Jesucristo, xcha' re ángel chique.

Kaqchikel Western Solola

²⁰ Jix c'a. Y tek xquixapon chic c'a pa rachoch ri Dios, titzijoj chique ri winek ronojel ri ch'abel riche (rixin) ri c'ac'ac' c'aslen ri nuya' ri Jesucristo, xcha' ri ángel.

Hechos 5:20 ပူးပေါင်းရင်းမြစ်များ

San Juan 6:63

Ri niya'on k'aslen richin ri ich'akul, ja ri ru-Espíritu ri Dios, y man ja ta ri iwuchuq'a' rix. Y ri Espíritu ri niya'on ri qitzij ik'aslen, ja ri ch'abel ri e nubin chik qa.

San Juan 6:68

Jak'a ri Simón Pedro xubij chire ri Jesús: Qajaw, man jun chik achi'el rat, richin niqatzeqelibej ta, roma ri ach'abel rat kan nuya' k'aslen ri man k'isel ta.

San Mateo 21:23

Toq ri Jesús k'o chik pa rachoch ri Dios y yerutijoj chik ri winaqi' chire ri ruch'abel ri Dios, jari' toq ri aj-raqen pa kiwi' ri sacerdote y ri achi'a' ri k'o janila kiq'ij, xe'apon-apo rik'in y xkik'utuj k'a chire: ¿Achike xya'on re q'atbel-tzij pan aq'a'? ¿Achike chuqa' yoyon q'ij chawe richin chi k'iy ri ye'abanala' chikikojol ri winaqi'?, xecha' chire.

Hechos 11:14

Y ja rija' k'a ri xtibin chawe achike rubanik xtaben, richin keri' yakolotej rat y ri e aj pan awachoch, xuche'ex kan roma ri ángel.

San Juan 18:20

Jak'a ri Jesús xubij: Yin kan pa saqil in ch'owineq-wi chike konojel winaqi'. In ch'owineq chikiwech ri pa rachoch ri Dios y ri pa taq jay ri nikimol-wi-ki' konojel ri qawinaq judío richin nikak'axaj ri ruch'abel ri Dios. Y man jun nubin ta pan ewel.

San Juan 17:3

Ri k'aslen ri man k'isel ta, ja ri niketamaj awech rat nata' Dios, y chuqa' niketamaj nuwech yin Jesús ri Cristo, ri xinateq-pe wawe' chuwech re ruwach'ulew.

San Juan 12:50

Y kan wetaman k'a chi ri rubin-pe ri nata' Dios chuwe, kan nuya-wi k'a k'aslen ri man k'isel ta. Roma ri' re ch'abel re nonbij chiwe, kan achi'el rubixik rubanon-pe ri nata' chuwe, xcha'.

Wuj Richin ri Jeremías 26:2

Kapa'e' k'a chiri' chuwa-jay chire ri wachoch y tabij ronojel ri xtinbij chawe chike ri awinaq ri yepe richin nokiya' nuq'ij chupan ri wachoch. Kan ronojel k'a ch'abel ri xtinbij yin chawe, xtabij y kan man jun achike ri xtawewaj.

Wuj Richin ri Jeremías 7:2

Kak'oje' chiri' chuchi' ri wachoch ri k'o chuwa-jay y taya' re jun rutzijol re' chike ri awinaq.

Wuj Richin ri Isaías 58:1

Ri Jehová xubij k'a chire ri Isaías: Kan kow k'a kach'on, y man kakos richin yatane-qa. Kan kow k'a kach'on achi'el toq niq'ajan jun trompeta, y tabij chire ri nutinamit Judá, chi kan janila itzel ri kibanobal. Y tabij chuqa' chike chi janila kimak ri yekiben ri awinaq.

San Juan 17:8

Roma kan ja ri ch'abel ri aya'on-pe chuwe yin richin ninq'alajirisaj, kan jari' k'a ri xinq'alajirisaj chikiwech re winaqi' re'. Y rije' kan xkik'ul na wi ri ach'abel pa taq kánima, y kan xketamaj-wi k'a chi qitzij chi awik'in rat nata' Dios in peteneq-wi. Kan xkinimaj k'a chi ja rat ri at taqayon-pe wichin.

Ex 24:3

Xeri' ri Moisés xqaqa k'a pe y xorucholo-qa ronojel ri pixa' y ronojel ri ch'abel ri xubij-pe ri Jehová chire. Y jari' toq ri winaqi' rik'in jun kich'abel xech'on y xkibij: Kan xtiqaben k'a ronojel ri rubin-pe ri Jehová, xecha'.

Ez 33:7

Jak'a rat ri xatincha' chikikojol ri winaqi' richin at okineq jun chajinel pa ruwi' ri nutinamit Israel, ja rat ri xkak'ulun ri ninbij y rat xkaya'on rutzijol chike ri awinaq ri ninwajo' ninbij chike.

San Mateo 10:27

Ronojel ri ninbij chiwe pan ewel xa achi'el pa q'equ'm k'o-wi; jak'a rix xa kan tiwelesaj rutzijol chuwa-saqil. Ri ninbij k'a chiwe pa taq ixikin man tiwewaj-qa, xa kixjote' ka pa ruk'isibel wiq chire ri iwachoch y chiri' tiya-wi ri rutzijol.

Hechos 13:26

Rix nuwinaq judío, ri kan oj rijatzul kan ri qatata' Abraham, y rix ri man ix judío ta, ri kan niya' ruq'ij ri Dios, ninbij k'a chiwe chi ri ruch'abel ri Dios, ri kan nich'on k'a chirij ri kolotajik, kan qichin k'a roj ya'on-pe.