Hechos 5:12 - Kaqchiquel Bible

¹² Ri e taqon roma ri Cristo janila k'a k'iy meyel taq banobel y retal ri yekibanala' chikiwech ri winaqi'. Y ri kan kikuquban kik'u'x rik'in ri Dios, junan k'a kiwech nikimol-ki' chiri' chuwa-jay richin ri rachoch ri Dios, ri rubini'an Ruwa-jay richin Salomón.

နောက်ထပ်ဗားရှင်းများ

Kaqchikel Santo Domingo (Xenacoj)

¹² Chikiqꞌaꞌ ri apóstoles ngebꞌanatej kꞌiy nimalej teq retal ruchuqꞌaꞌ ri Dios y nimalej teq achike ri nixta jumbꞌey etzꞌeton chikikajal ri wineq. Y konojel ri kitaqin ri Ajaw, jun kánima kibꞌanun ndikimal kiꞌ pa jun chijay chin ri rachoch ri Dios, chijay ri ndibꞌix chin Salomón chare.

Kaqchikel Santa Maria de Jesus

¹² Y ri apóstoles qꞌuiy señales y milagros ri ncaꞌquiꞌan chiquivach ri vinak. Y ri quiniman chic ri ruchꞌabꞌal ri Dios, junan niquimol-quiꞌ chuchiꞌ jun corredor richin ri templo. Ri corredor reꞌ, Richin ri Salomón ncaꞌchaꞌ cha.

Kaqchikel Central Guatemala

¹² Y ri apóstoles janíla c'a q'uiy nima'k tak milagros ri man jun bey e tz'eton ta, ri yequibanala' chiquivech ri vinek, richin queri' tik'alajin chi ri apóstoles can kitzij vi ri niquibij. Y ri can quiniman chic ri Dios, junan c'a quivech niquimol-qui' pa jun corredor richin ri rachoch ri Dios. Ri corredor ri' Richin ri Salomón yecha' c'a chire.

Re C'ac'a Testamento pa Kach'abal

¹² Y re apóstoles camas q'uiy milagros re ye'quibanala' chiquivach re vinak, re man jun bey je quitz'eton-ta, chin quire' nik'alajin che re apóstoles can katzij-va re niquibij. Y re can quiniman chic re Dios, junan quivach y niquimol-qui' pa jun corredor chin re rachoch re Dios. Re corredor re' ja re Salomón re banayon can.

Kaqchikel Western Solola

¹² Y ri apóstoles sibilaj q'uiy nima'k tak milagros ri majun bey ye tz'eton ta, ri yequibanala' chiquiwech ri winek, can retal chi can kitzij wi ri niquibij. Y ri can quiniman chic ri Dios, junan c'a quiwech niquimol qui' chuchi' ri raken jay riche (rixin) ri rachoch ri Dios ri nibix Riche (Rixin) ri Salomón chare.

Hechos 5:12 ပူးပေါင်းရင်းမြစ်များ

Hechos 19:11

Y ri Dios xrukusaj k'a ri Pablo richin xerubanala' nima'q meyel taq banobel.

2 Corintios 12:12

Rix kan iwetaman k'a chi xinkoch' ronojel, y xq'alajin chiwech chi kan in jun taqon roma ri Dios; re' roma kan k'iy k'a meyel taq banobel y retal ri xenbanala' chi'ikojol.

Hebreos 2:4

Ri Dios chuqa' kan xujikiba' ri kich'abel rije' rik'in nima'q taq banobel y rik'in jalajoj ruwech meyel taq banobel, y rik'in ri sipanik ri xya'ox chike roma ri Loq'olej Espíritu, achi'el ri xrajo' rija'.

Hechos 14:3

Man rik'in ri' ri Pablo y ri Bernabé k'a xek'oje' na k'iy q'ij ri chiri'. Kan man jun k'a xibinri'il kik'in richin nikitzijoj ri ruch'abel ri Dios chike ri winaqi'. Ri Dios kan nuq'alajirisaj k'a chikiwech ri winaqi', chi ri nikibij ri Pablo y ri Bernabé kan e qitzij wi. Y roma ri' yekibanala' k'a k'iy meyel taq banobel y retal.

Romanos 15:19

Y xekitz'et k'a chuqa' ri meyel taq banobel ri xenben roma ri Loq'olej Espíritu. Yin kan xintzijoj yan k'a ri utzilej ch'abel richin kolotajik; nitiker-el pa Jerusalem y xapon yan k'a pa tinamit Iliria.

Hechos 3:11

Ri achin ri' e ruchapapen k'a ri Pedro y ri Juan. Y janila chi winaqi' ri xebe chi'anin chikitz'etik ri chiri' chuwa-jay richin ri rachoch ri Dios, ri rubini'an Ruwa-jay richin Salomón. Y ri winaqi' ri' janila xkimey.

San Juan 10:23

Ri Jesús k'o k'a apo chupan ri rachoch ri Dios. Y pa jun corredor ri rubini'an Richin ri Salomón, chiri' k'a nibiyajilan-wi.

Hechos 4:30

Niqak'utuj k'a chuqa' chawe, chi pa rubi' ri Jesús ri loq'olej ak'ajol, xke'ak'achojirisaj ta ri yawa'i', y chi ye'aben ta meyel taq banobel y retal, xecha'.

Hechos 1:14

Y konojel rije' kan jantape' k'a yech'on rik'in ri Dios junan, kachibilan ri María ri rute' ri Jesús, y ri ch'aqa' chik ixoqi' y chuqa' ri e rach'alal ri Jesús.

Marcos 16:20

Y keri' ri tijoxela' xe'el k'a chi nej chi naqaj, richin xkitzijoj ri ruch'abel ri Dios. Y ri ajaw kan k'o-wi k'a kik'in richin yeruto', y chuqa' kan xuben chike chi k'iy nima'q taq banobel ri xekiben richin tiq'alajin chi kan ja ri qitzij ri nikitzijoj.] Kan keri' ta k'a.

Hechos 16:18

Kan k'iy k'a q'ij ri keri' xuben y k'o k'a jun q'ij ri Pablo man chik k'a xukoch' ta, roma ri' xupiskolij-ri', y xubij chire ri itzel espíritu ri k'o rik'in re xten: Pa rubi' ri Jesucristo ninbij chawe chi katel-el rik'in re xten, xcha' ri Pablo. Y re itzel espíritu re' kan ja wi ri' xuya' kan ri xten.

Hechos 9:40

Jari' toq ri Pedro xubij k'a chike konojel ri ek'o rik'in, chi ke'el-el juba'. Rija' xxuke-qa, y xch'on rik'in ri Dios. Xutzu-apo ri kamineq, y xubij: Tabitá, kayakatej, xcha'. Y ri ixoq ri' kan jari' xbetzu'un-pe, y toq xutz'et ri Pedro, xyakatej-q'anej.

Hechos 9:33

Chupan ri tinamit ri' xberila' jun achin rubini'an Eneas. Re achin re' sikirineq, y k'o yan k'a waqxaqi' juna' kotz'ol-pe.

Hechos 2:46

Ri pa rachoch ri Dios kan q'ij-q'ij k'a ek'o-apo. Toq nikimol k'a ki' richin nikitej kiway y nikinataj ri rukamik ri ajaw Jesús, kan nikiben k'a rik'in kikoten y ronojel kik'u'x.

Wuj Richin ri Jeremías 26:9

¿Achike roma yatikir nabij pa rubi' ri Jehová chi ri rachoch re k'o wawe' kan nuben chire achi'el ri rachoch ri k'o pa Siló ri ojer kan y chi ri qatinamit xtik'is y kan man jun chik xtik'oje' kan chupan?, xecha' chuwe. Y konojel k'a ri winaqi' richin ri tinamit xkimol-apo-ki' chuwij chiri' chupan ri rachoch ri Dios.

San Juan 4:48

K'ari' ri Jesús xubij: Man ta nitz'et ri meyel taq banobel ri yenben, xa man ta yininimaj, xcha'.

Hechos 28:9

Xa rik'in k'a ri', ri xuben ri Pablo xbe rutzijol. Xe'oqaqa k'a rik'in ri Pablo konojel ri yawa'i' ri ek'o chiri' pa Malta y xek'achoj-el.