Hechos 4:30 - Kaqchiquel Bible

³⁰ Niqak'utuj k'a chuqa' chawe, chi pa rubi' ri Jesús ri loq'olej ak'ajol, xke'ak'achojirisaj ta ri yawa'i', y chi ye'aben ta meyel taq banobel y retal, xecha'.

နောက်ထပ်ဗားရှင်းများ

Kaqchikel Santo Domingo (Xenacoj)

³⁰ mientras rat ngaꞌakꞌachojrisaj ri ngeyawej, y ndabꞌen milagros y nimalej teq achike ri ma jumbꞌey etzꞌeton, chin ndakꞌut ri nimalej ruchuqꞌaꞌ ri Loqꞌolej Asamajel Jesús, xechajeꞌ.

Kaqchikel Santa Maria de Jesus

³⁰ Y nakacꞌutuj jeꞌ chava, chi riqꞌuin ri a-poder ncaꞌan sanidad, señales, y milagros pa rubꞌeꞌ ri Jesús ri Santo Acꞌajuol, xaꞌchaꞌ.

Kaqchikel Central Guatemala

³⁰ Y nikac'utuj c'a chuka' chave, chi riq'uin ri avuchuk'a' xquec'achoj ta ri yava'i', y chi yeban ta milagros xaxe riq'uin ninatex ri rubi' ri Jesús ri lok'olej Ac'ajol. Y ronojel re' xtic'atzin ta richin nik'alajin chi can kitzij ri nikatzijoj chique ri vinek, xecha'.

Re C'ac'a Testamento pa Kach'abal

³⁰ Y nakac'utuj chuka' chava, che riq'uin re a-poder rat xque'c'achoj-ta re ye'yavaj, y che ye'ban-ta milagros xaxe riq'uin ninatax re rube' re Lok'olaj Ac'ajol Jesús. Y ronojel re' xtoc-ta chin nik'alajin che can katzij re nakatzijoj chique re vinak.

Kaqchikel Western Solola

³⁰ Y nikac'utuj c'a chuka' chawe chi riq'ui ri awuchuk'a' xquec'achoj ta ri yawa'i', y chi yeban ta milagros xaxu (xaxe wi) riq'ui ninatex rubi' ri Jesús ri lok'olaj Ac'ajol. Y ronojel re' xtic'atzin ta c'a riche (rixin) jun retal chi can kitzij ri nikatzijoj chique ri winek, xecha'.

Hechos 4:30 ပူးပေါင်းရင်းမြစ်များ

Hechos 4:27

Kan qitzij wi, chi achi'el ri tz'ibatel kan, keri' ri xbanatej. Roma ri rey Herodes Antipas y ri q'atoy-tzij Poncio Pilato, ri qawinaq y ri man e qawinaq ta; rije' xkimol-ki' wawe' pa Jerusalem richin xeyakatej chirij ri Jesús ri loq'olej ak'ajol ri acha'on-pe.

Hechos 3:6

Jari' toq ri Pedro xubij chire: Yin man jun q'anapueq y saqipueq ri k'o wik'in. Jak'a ri ya'on chuwe, jari' ri xtinya' chawe. Pa rubi' ri Jesucristo ri aj-Nazaret kayakatej, y kabiyin-el, xcha'.

Wuj Richin ri Jeremías 15:15

K'ari' yin xich'on chik rik'in ri Jehová y xinbij: Rat kan awetaman ronojel. ¡Tabana' utzil kinato'. Taya' k'a tijoj-poqonal pa kiwi' ri e etzelanel wichin! Man k'a taben kik'in rije' chi kan janila ye'akoch'; y man taya' q'ij chi yin yiken. Tatz'eta' chi kan awoma rat ninq'axaj janila q'axo'n.

Hechos 6:8

Ri Dios xuya' ruchuq'a' ri Esteban y chuqa' xuya' rutzil pa ruwi'. Roma ri' toq k'o meyel taq banobel y retal ri yerubanala' chikiwech ri winaqi'.

Hechos 5:12

Ri e taqon roma ri Cristo janila k'a k'iy meyel taq banobel y retal ri yekibanala' chikiwech ri winaqi'. Y ri kan kikuquban kik'u'x rik'in ri Dios, junan k'a kiwech nikimol-ki' chiri' chuwa-jay richin ri rachoch ri Dios, ri rubini'an Ruwa-jay richin Salomón.

Hechos 3:16

Rix iwetaman ruwech re jun achin re' ri rubanon kan jetz', y wakami nitz'et-pe chi rija' xk'achoj. Rija' kan xk'achoj-wi roma kan pa rubi' ri Jesús xqak'utuj-wi, y roma chuqa' rija' xukuquba' ruk'u'x rik'in ri Jesús.

Hechos 2:43

Kan konojel k'a winaqi' janila xkimey, roma ri meyel taq banobel y ri retal ri yebanalox koma ri e taqon roma ri Cristo.

Hechos 2:22

Nuwinaq israelita tiwak'axaj k'a jebel re xtinbij chiwe: Rix jebel iwetaman chi ri Jesús ri aj-Nazaret kan xuben k'iy meyel taq banobel. Re' kan ja ri Dios ri banayon-pe chire chi xerubanala' richin chi xq'alajin chiwech ri uchuq'a' ri ruya'on chire.

Deut 4:34

Kan man jun chik k'a dios ri nuben achi'el xuben ri qa-Dios roj, ri xojrucha' chikikojol ri ch'aqa' chik nimalej tzobaj winaqi' achi'el xuben qik'in roj richin xojrelesaj-pe pan Egipto, ri kan rik'in k'iy tejtobenik, rik'in nima'q taq retal, rik'in nima'q taq banobel, rik'in labal y rik'in nimalej uchuq'a'. Rik'in k'a ronojel banobel re' ri kan xe'itz'et rik'in ri runaq' taq iwech, xojrelesaj-wi-pe,

Ex 6:6

Wakami k'a kabiyin y tabebij chike ri awinaq: Ja yin Jehová, y ja yin xkinelesan-el iwichin chuxe' ri kowilej taq samaj y xkixtotej k'a el chuwech ri ilinri'il, y rik'in ri nimalej wuchuq'a', yin xtinq'et-tzij pa kiwi' rik'in nima'q taq ruk'ayewal.

Hechos 4:10

Tiwetamaj k'a rix ri ixk'o-pe wawe', y tiketamaj k'a chuqa' konojel ri qawinaq judío, chi re jun achin re k'o wawe' chiwech, xk'achoj roma ri ruchuq'a' ri Jesucristo ri aj-Nazaret toq xqanataj ri rubi'. Ja Jesucristo ri' ri xiteq rukamisaxik chuwa ri cruz, y ri Dios chuqa' xuben chi xbek'astej-pe chikikojol ri kaminaqi'.

San Juan 4:48

K'ari' ri Jesús xubij: Man ta nitz'et ri meyel taq banobel ri yenben, xa man ta yininimaj, xcha'.

Hechos 3:13

Ri qatata' Dios kan xuben k'a chire ri Jesús, ri ruk'ajol, chi k'o ruq'ij-ruk'ojlen. Y re Dios re' chuqa' ki-Dios ri qati't-qamama' Abraham, ri Isaac, y ri Jacob. Jak'a rix man xiwajo' ta xinimaj chi ri Jesús ja ri ruk'ajol ri Dios. Xa xiya' pa ruq'a' ri q'atoy-tzij Pilato. Toq rija' kan rubin chik chi nukol-el, rix man xiwajo' ta.