Hechos 4:29 - Kaqchiquel Bible

²⁹ Ajaw, wakami k'a tatzu' chi re winaqi' re' yexibin, roma yakatajineq koyowal chiqij roj asamajela'. Roma ri' roj niqak'utuj k'a chawe chi tabana' chiqe chi man ta jun xibinri'il qik'in richin niqatzijoj ri ach'abel.

နောက်ထပ်ဗားရှင်းများ

Kaqchikel Santo Domingo (Xenacoj)

²⁹ Wokami kꞌa Ajaw, tayaꞌ pa cuenta ri tzij ndikibꞌilaꞌ chaqe chi ndikajoꞌ ngojkibꞌen castigar roma ndiqayaꞌ rutzijol ri Jesús, y tayaꞌ uchuqꞌaꞌ pa qánima roj ri asamajelaꞌ chin ndiqatzijoj ri atzij y man ta ndiqaxibꞌij qiꞌ,

Kaqchikel Santa Maria de Jesus

²⁹ Y vacame Ajaf, tatzꞌataꞌ ri vinak reꞌ ri ncaꞌxiꞌin, ruma yacatajnak quiyoval chikij ojreꞌ ri asamajiel. Y rumareꞌ ojreꞌ nakacꞌutuj chava chi tayaꞌ ka-valor chi quireꞌ man nakaxiꞌij ta kiꞌ nakatzijuoj ri atzij.

Kaqchikel Central Guatemala

²⁹ Ajaf, vacami c'a tatzu' chi re vinek re' yexibin, roma yacatajinek coyoval chikij roj asamajela'. Y romari' roj nikac'utuj c'a chave chi tabana' chike chi man ta jun xibinri'il kiq'uin richin nikatzijoj ri ach'abel.

Re C'ac'a Testamento pa Kach'abal

²⁹ Ajaf, vocame tatz'eta' che re vinak re' ye'xibin, roma yacatajnak quiyoval chakij yoj re yoj asamajela'. Y mare' yoj nakac'utuj chava che tabana' chaka che man-ta nakaxibij-ki' chin nakatzijoj re ach'abal.

Kaqchikel Western Solola

²⁹ Y wacami, Ajaf, tatzu' c'a chi re winek re' yexibin, ruma yacatajnek coyowal chikij. Y rumari' riyoj nikac'utuj c'a chawe chi taya' kachuk'a' ri yoj asamajel riche (rixin) chi man ta jun xibinri'il kiq'ui riche (rixin) chi nikatzijoj ri ach'abel.

Hechos 4:29 ပူးပေါင်းရင်းမြစ်များ

Hechos 4:13

Toq ri ek'o chiri' xekitz'et ri Pedro y ri Juan, kan achike la xekitz'et. Roma stape' man k'iy ta etamabel k'o kik'in, kan man jun xibinri'il ri k'o ta kik'in. Kan janila k'a q'alaj chi rije' xek'oje' rik'in ri Jesús.

Hechos 14:3

Man rik'in ri' ri Pablo y ri Bernabé k'a xek'oje' na k'iy q'ij ri chiri'. Kan man jun k'a xibinri'il kik'in richin nikitzijoj ri ruch'abel ri Dios chike ri winaqi'. Ri Dios kan nuq'alajirisaj k'a chikiwech ri winaqi', chi ri nikibij ri Pablo y ri Bernabé kan e qitzij wi. Y roma ri' yekibanala' k'a k'iy meyel taq banobel y retal.

Filipenses 1:14

Y roma ri' jubama k'a konojel ri qach'alal xk'oje-el más kuchuq'a' richin chi nikitzijoj ri ruch'abel ri Dios chike ri winaqi', y man nikixibij ta ki'.

Hechos 4:31

Toq xetane' chire ri ch'owen rik'in ri Dios, ri akuchi kimolon-wi-ki' xsilon janila. Y jari' toq nojineq chik k'a ri kánima rik'in ri Loq'olej Espíritu. Roma ri' xkichop rutzijoxik ruch'abel ri Dios, jak'a man jun xibinri'il chikiwech.

2 Timoteo 4:17

Ri Dios xa kan xiruto-wi yin. Xuya' wuchuq'a' richin xintzijoj ri ruch'abel ri Dios chike ri winaqi' ri man e judío ta. Y keri' xikolotej-pe chuwech ri kamik.

Hechos 28:31

Rija' nutzijola' chike chirij toq ri winaqi' ye'ok pa rajawaren ri Dios, y yerutijola' k'a chuqa' ri winaqi' chirij ri samaj ri xorubana-qa ri ajaw Jesucristo. Rija' kan chike k'a konojel man xupoqonaj ta xubij. Y kan man jun k'a chuqa' xbin chire ri Pablo chi man chik tutzijoj ri ruch'abel ri Dios.

Hechos 19:8

Chirij ri' ri Pablo oxi' ik' ri kan xapowiyaj ri chiri' chupan ri jay ri kan richin nitzijox ri ruch'abel ri Dios. Kan man k'a nuxibij ta ri' nutzijoj ri ruch'abel ri Jesucristo chike ri ruwinaq. Nikich'ob rij ri ch'abel ri nich'on chirij toq ri winaqi' ye'ok pa rajawaren ri Dios.

Hechos 13:46

Ri Pablo y ri Bernabé man k'a xkixibij ta ki' chikiwech richin xech'on kik'in y xkibij: Kan nik'atzin k'a chi nabey na chiwech rix ri qawinaq noqabij-wi ri ruch'abel ri Dios, jak'a rix xa man niqa' ta chiwech. Rik'in ri' kan niq'alajin k'a chi man ruk'amon ta chiwe rix ri k'aslen ri man k'isel ta. Roma ri' kik'in ri winaqi' ri man e judío ta ri yojbe-wi.

Hechos 9:27

Jak'a ri Bernabé, xuk'uaj ri Saulo kik'in ri e taqon roma ri Cristo. Rija' xutzijoj k'a chike chi ri Saulo xch'on k'a ri ajaw rik'in, chi xuk'ut k'a ri' chuwech toq ruchapon-el bey pa Damasco, y chi ri Saulo chuqa' man xuxibij ta ri' xutzijoj ri ajaw Jesús chike ri winaqi' ri ek'o chiri'.

1 Tesalonicenses 2:2

Y chuqa' iwetaman chi toq man jani qojapon ri chila' iwik'in rix, roj xa kan xqatej yan k'a poqon y k'iy yan ri xban chiqe chiri' pa tinamit Filipos. Y stape' xa kan janila xojetzelex, ri Dios kan xuben k'a chiqe chi man xqaxibij ta qi' richin xqatzijoj chiwe ri utzilej ruch'abel ri nik'amon-pe kolotajik.

Hechos 4:21

Jari' k'a toq ri achi'a' ri yeq'aton-tzij k'iy k'a ri xkibij-el chike ri Pedro y ri Juan xaxe richin yekixibij. K'ari' xkiya-el q'ij chike richin xebe. Xa man jun xkil xkiben chike, roma ri winaqi' xa kan nikiya' k'a ruq'ij-ruk'ojlen ri Dios roma ri achin xk'achojirisex.

Dn 9:18

Kan tawak'axaj k'a ri nuch'abel, tatzu-pe ri ruk'uluwachin ri tinamit ri akuchi ninatex-wi ri abi'. Yin nink'utuj re utzil re' chawe man roma ta choj ri qak'aslen chawech, xa kan roma k'a ri ruk'iyal ri ajoyowanik rat.

Ez 2:6

Rat Ezequiel, man tak'en kikiy y man taxibij-awi' roma ri kich'abel. Stape' xtana' achi'el xa ta atk'o pa k'ix o atk'o chikikojol alacrán. Man timayamo-qa ri awánima, stape' rije' kan xkeyakatej chawij.

Hechos 26:26

Wawe' k'o-wi ri rey Agripa. Roma ri' man k'a ninxibij ta wi' yich'on-apo, roma yin ninch'ob chi kan ronojel ri e banatajineq retaman, roma xa kan pa saqil ri banatajineq-wi.

Wuj Richin ri Miqueas 3:8

Jak'a yin kan in nojineq rik'in uchuq'a' richin ri Espíritu richin ri Jehová; y yiruto' richin yich'on pa ruwi' ri ruchojmilal y ri man utz ta. Kan nuya' k'a wuchuq'a' richin ninq'alajirisaj ri kimak ri nuwinaq, richin niq'alajin ri man utz ta ri ye'ajin chubanik.

Wuj Richin ri K'uxla'anik 5:1

Nimalej Jehová, tabana' jun utzil chiqe. Katzu'un-pe y tatzu' re k'ixbilal re ojk'o-wi.

Wuj Richin ri K'uxla'anik 3:50

K'a ja toq ri Jehová, k'a chila' chikaj xirutz'et-pe, y jari' toq xiruto'.

Wuj Richin ri Isaías 63:15

Wakami k'a rat qa-Dios, katzu'un k'a pe ri k'a akuchi atk'o-wi; y tatz'eta' jebel k'a chupan ri loq'olej atz'uyubal ri akuchi nitz'etetej-wi ri aruwaq'ijaj. ¿Akuchi k'o-wi ri awajowabal y ri nimalej awuchuq'a'? ¿Akuchi k'o-wi ri ana'oj? Rik'in juba' xk'is yan ri joyowanik ri k'o awik'in pa qawi' roj.

Wuj Richin ri Isaías 58:1

Ri Jehová xubij k'a chire ri Isaías: Kan kow k'a kach'on, y man kakos richin yatane-qa. Kan kow k'a kach'on achi'el toq niq'ajan jun trompeta, y tabij chire ri nutinamit Judá, chi kan janila itzel ri kibanobal. Y tabij chuqa' chike chi janila kimak ri yekiben ri awinaq.

Hechos 9:28

K'ari' xkik'en ruwech, y roma ri' ri Saulo xk'oje-qa ri chiri' pa Jerusalem, y xabakuchi k'a yebe-wi, kachibilan-el ri Saulo.

2 Corintios 3:12

Roma ri k'ak'a' jikibel-tzij ri' ri man k'isel ta, k'o oyobenri'il qik'in, y roma ri' kan man niqapoqonaj ta niqatzijoj chike ri winaqi'.

1 Corintios 14:13

Roma wi jun qach'alal ya'on chire chi nich'on pa jun chik ch'abel, tuk'utuj k'a chire ri Dios chi nitikir ta nuq'alajirisaj ri xubij.