Hechos 4:27 - Kaqchiquel Bible

²⁷ Kan qitzij wi, chi achi'el ri tz'ibatel kan, keri' ri xbanatej. Roma ri rey Herodes Antipas y ri q'atoy-tzij Poncio Pilato, ri qawinaq y ri man e qawinaq ta; rije' xkimol-ki' wawe' pa Jerusalem richin xeyakatej chirij ri Jesús ri loq'olej ak'ajol ri acha'on-pe.

နောက်ထပ်ဗားရှင်းများ

Kaqchikel Santo Domingo (Xenacoj)

²⁷ Ajaw, keriꞌ atzij rutzꞌibꞌan kan ri David, y kin xbꞌanatej wi, porque chireꞌ pa tinamit Jerusalén xe jun ruwech kitzij xkibꞌen ri rey Herodes rikꞌin ri Poncio Pilato, kikꞌin chuqaꞌ ri israelitas y ri ma israelitas ta, y xeyakatej chirij ri Loqꞌolej Asamajel ri xateq pe chukolik ri atinamit.

Kaqchikel Santa Maria de Jesus

²⁷ Y can ketzij, chi incheꞌl ri tzꞌibꞌan can chupan ri ruchꞌabꞌal ri Dios, can quireꞌ xbꞌanataj. Ruma ri Herodes y ri gobernador Poncio Pilato, ri israelitas y ri man israelitas ta, xquimol-quiꞌ vaveꞌ pa tanamet Jerusalén chi xaꞌpalaj chirij ri Jesús ri Santo Acꞌajuol ri xatak-pa.

Kaqchikel Central Guatemala

²⁷ Y can kitzij vi, chi achi'el ri tz'ibatel can, queri' ri xbanatej. Roma ri rey Herodes y ri jun chic k'atoy-tzij rubini'an Poncio Pilato, ri israelitas y ri man e israelitas ta, xquimol-qui' vave' pa tinamit Jerusalem richin xeyacatej chirij ri Jesús ri lok'olej Ac'ajol ri xatek-pe.

Re C'ac'a Testamento pa Kach'abal

²⁷ Y can katzij-va, ancha'l re tz'iban can, quire' re xbanataj. Roma re Rey Herodes y re jun chic ache nibano gobernar rubini'an Poncio Pilato, re israelitas y re man je israelitas-ta, xquimol-qui' vova' pa tenemit Jerusalén chin xe'yacataj chij re Lok'olaj Ac'ajol Jesús re xatak-pa.

Kaqchikel Western Solola

²⁷ Y kitzij wi, chi achi'el ri tz'ibatal ca, queri' ri xbanatej. Ruma ri rey Herodes y ri jun chic aj k'atbel tzij ri Poncio Pilato rubi', ri israelitas y ri ma ye israelitas ta, xquimol qui' wawe' pa tinamit Jerusalem riche (rixin) chi xeyacatej chrij ri Jesús ri lok'olaj Ac'ajol ri xatek pe.

Hechos 4:27 ပူးပေါင်းရင်းမြစ်များ

Wuj Richin ri Achin Job 14:4

Roma kan man tikirel ta k'a chi k'o ta jun ri kan ch'ajch'oj, toq xa wineq y k'a k'o na chuwech re ruwach'ulew. Kan man jun.

Wuj Richin ri Achin Job 15:14

Jun wineq xa man jebel ta rubanik ri ruk'aslen, richin chi kan ch'ajch'oj ta. Jun wineq kan etaman k'a ri' chi jun ixoq ri xalan richin chuwech re ruwach'ulew.

Wuj Richin ri Achin Job 25:4

¿Kan nitikir kami nubij jun wineq chire ri Dios chi man aj-mak ta? Roma ri wineq xa aj-ruwach'ulew y kan wawe' chuqa' alaxineq-wi, xa roma ri' kan man ch'ajch'oj ta.

Wuj Richin Bix Chire ri Dios 2:2

Yeyakatej k'a ri q'atoy taq tzij kichin ri ruwach'ulew, y ri tata'al nikiya' chikiwech, richin yeyakatej chirij ri Jehová y ri rey ri rucha'on rija'.

Wuj Richin Bix Chire ri Dios 2:6

Y xtubij: Yin kan nucha'on chik ri rey pa ruwi' ri tinamit Sión, ri nujuyu' ri k'o janila rejqalen, xticha'.

Wuj Richin Bix Chire ri Dios 45:7

Kan niqa' k'a chawech ri ruchojmilal y ri etzelal kan nawetzelaj; Roma ri' kan xarucha' ri qa-Dios, kan xarunojisaj k'a rik'in kikoten, más ke chikiwech ri awachibil.

Wuj Richin ri Isaías 37:26

Jak'a rat kan man awetaman ta chi yin kan ojer yan ri' ri nuch'obon-pe re kere'. Kan k'o yan chik q'ij ri nuch'obon-pe re', y re wakami jare' xk'achoj; roma kan xe'ak'is konojel tinamit ri jebel tz'apen-kij rik'in tz'aq y kan xewuluwu' kan jumul.

Wuj Richin ri Isaías 49:7

Yin Jehová ja yin ri in ikolonel, y xaxe yin ri in i-Dios. Ri ch'aqa' chik tinamit kan janila ix ketzelan, y kan man yixqa' ta chikiwech. Y rix kan xixime' pa samaj kik'in ri ch'aqa' chik q'atoy taq tzij. Jak'a xtapon jun q'ij toq xkixkitz'et ri rey, y xkepa'e' chiwech richin nikiya' iq'ij, y ri e tata'al xtikilukuba-ki' chiwech, roma ja yin Jehová ri Loq'olej ri in k'o pan iwi' y ri xicha'on iwichin. Y kan xtinben ri ninbij.

Wuj Richin ri Isaías 53:3

Kan xetzelex k'a, y kan man jun rejqalen xkiben ri winaqi' chire. Rija' jun achin ri kan janila xq'axomer, y kan xuk'owisaj ruk'ayewal. Kan man jun xjoyowan ta ruwech, y kan man jun xpoqonan ta richin, y roj xqapiskolij ri qapalej richin man xqatzu' ta.

Wuj Richin ri Isaías 61:1

Ri uchuq'a' richin ri Jehová ri wajaw kan k'o pa nuwi' yin; ri Jehová k'iytisanel richin ronojel kan xirucha' k'a yin. Kan xiruteq k'a pe richin ninya' utzilej rutzijol chike ri e k'ayewatajineq, richin ninya' ch'uch'ujil pa taq kánima ri niq'axon kánima, achi'el naq'omex jun sokotajik, richin yetotej ri e ximil, y ri ek'o pa cárcel kan xketotej k'a el.

San Mateo 14:1

Chupan k'a ri q'ij ri', ri Herodes Antipas, rey richin Galilea, xrak'axaj k'a chi ri Jesús janila rutzijol chikikojol ri winaqi'.

San Mateo 14:3

Y k'o yan k'a k'iy q'ij q'axineq kan chi ri rey Herodes xubij chi tibechap-pe ri Juan. Kan xuxim-wi k'a pa cadena y xuya' pa cárcel. Keri' xuben chire roma ri Herodías ri k'o qa rik'in ri Herodes xa rixjayil ri Felipe ri rach'alal.

San Mateo 14:6

Jak'a chupan ri q'ij toq ri Herodes xutz'aqatisaj jun chik rujuna', xban k'a jun nimaq'ij, y chupan k'a ri nimaq'ij ri' ri xten ral ri Herodías xxajo' k'a chikiwech ri ek'o rik'in ri Herodes. Y ri Herodes kan janila xqa' chuwech ri xajoj ri xuben.

San Mateo 21:28

K'ari' ri Jesús xubij chik k'a chike ri achi'a' ri' chi achike nikich'ob pa ruwi' re jun k'ambel-tzij re': K'o jun achin ek'o ka'i' ruk'ajol, y re tata'aj re' xapon k'a rik'in ri nabey ruk'ajol y xubij chire: Wakami, kabiyin pa samaj, ri akuchi qatikon-wi uva, xcha' chire.

San Mateo 23:37

K'ari' ri Jesús xch'on pa ruwi' ri Jerusalem y xubij: Aj-Jerusalem, aj-Jerusalem, ¿achike k'a roma toq ye'ikamisala' ri e q'alajirisey ruch'abel ri Dios? ¿Achike k'a roma toq ye'ikamisala' chi abej ri yeruteq-pe ri Dios chi'ikojol? Yin, kan janila k'a bey ri xinwajo' chi xixinmol ta wik'in, achi'el nuben ri kite-ek' kik'in ri taq ral, yerumol chuxe' ri ruxik'. Jak'a rix xa man xiwajo' ta.

San Mateo 27:2

Ri Jesús kan ximon-wi-el toq xkik'uaj, y xbekijacha' pa ruq'a' ri Poncio Pilato, ri q'atoy-tzij aj-Roma.

Marcos 10:33

Rija' xubij chike: Rix iwetaman chi ja ri pa Jerusalem qachapon-wi-el bey, y ja ri chiri' ri xkijach-wi-el yin ri xiqaqa-pe achi'el wineq chi'ikojol. Xkijach-el pa kiq'a' ri aj-raqen kichin ri sacerdote y pa kiq'a' ri etamanela' chirij ri pixa'. Y rije' xkinkijech-el pa kiq'a' winaqi' ri xa man e judío ta.

Marcos 15:31

Keri' k'a chuqa' nikiben ri aj-raqen kichin ri sacerdote. Rije' y ri etamanela' chirij ri pixa' nikitze'ej k'a ri Jesús y nikibila' k'a chikiwech: Rija' kan e k'iy-wi k'a xerukol, jak'a rija' man nitikir ta nukol-ri'.

San Lucas 1:35

Ri ángel xubij chire: Ja ri Loq'olej Espíritu y ri ruchuq'a' ri nimalej Dios ri xtiqaqa pan awi'. Roma ri', ri loq'olej ak'ual ri xtalex awik'in, kan xtubini'aj Ruk'ajol ri Dios.

San Lucas 22:63

Ri achi'a' ri e chajiyon richin ri Jesús, yetze'en k'a chirij y nikich'ey.

San Lucas 23:1

K'ari', konojel ri ek'o chiri' xeyakatej-el y xkik'uaj-el ri Jesús richin nibekijacha' pa ruq'a' ri Pilato ri q'atoy-tzij.

San Lucas 4:18

Ri uchuq'a' richin ri Jehová ri wajaw kan k'o pa nuwi' yin; Kan xiruteq k'a pe richin ninya' utzilej rutzijol chike ri e k'ayewatajineq, richin yetotej ri ek'o pa ximonri'il. Richin nonbij chike chi k'o kolotajik chike rije'. Xitaq-pe richin ninben chike ri moyi' chi yetzu'un y richin yenkol ri winaqi' ri janila nikitej poqon.

San Lucas 9:22

Xubij chuqa' chike: Yin ri xiqaqa-pe achi'el wineq chi'ikojol, k'o chi nink'owisaj k'iy tijoj-poqonal. Xkinetzelex koma ri achi'a' ri k'o kiq'ij, ri aj-raqen kichin ri sacerdote y ri etamanela' chirij ri pixa'. Y xkikamisex. Jak'a pa rox q'ij xkik'astej-pe, xcha' ri Jesús chike.

San Juan 1:11

Kan chupan wi k'a ri ruruwach'ulew rija' xoqaqa-wi, jak'a ri ruwinaq xa man xkik'ul ta.

San Juan 10:36

Wi keri' xubij ri Dios, ¿achike k'a roma rix nibij chi yin xinyoq' rubi' ri Dios, roma xinbij chi ja yin ri in ruk'ajol? Roma yin kan xirucha' k'a ri Dios richin xiruteq-pe chuwech re ruwach'ulew.

San Juan 18:28

Nimaq'a' yan xkelesaj-el ri Jesús ri chiri' pa rachoch ri Caifás, richin chi nibejach pa ruq'a' ri Pilato ri k'o chiri' pa jay richin q'atbel-tzij. Jak'a ri e uk'uayon-apo richin ri Jesús man k'a xe'ok ta apo ri pa jay, roma chike rije' xa xajan y man xkajo' ta ye'ok man e ch'ajch'oj ta. Roma wi man e ch'ajch'oj ta man yetikir ta nikinimaq'ijuj ri Solbelri'il.

San Juan 18:29

Roma ri' ri Pilato xbe'el k'a pe y xuk'utuj chike ri e uk'uayon-apo ri Jesús: ¿Achike k'a chi sujunik ik'amon-pe chirij re jun achin re xo'ijacha' pa nuq'a'?, xcha'.

San Juan 19:34

Man rik'in ri' jun chike rije' xuju' ri rutza'n ri rukum pa ruk'alk'a'x ri Jesús, y kan jari' k'a toq xbe'el-pe kik' y ya'.

Hechos 10:38

Iwetaman chuqa' ri' chi ri Jesús ri aj-Nazaret, kan k'o-wi ri Loq'olej Espíritu rik'in, ri ya'on-pe chire roma ri Dios. Roma ri' kan k'o-wi uchuq'a' pa ruq'a'. Kan xaxe k'a ri utz ri xerubanala' chike ri winaqi'. Xeruk'achojirisala' chuqa' winaqi' ri e chapon roma ri itzel-wineq. Kere' ri xerubanala' ri Jesús, roma kan k'o-wi ri Dios rik'in.

Hechos 2:27

Rat kan man xtaya' ta k'a kan ri wánima chupan ri muqubel kamineq. Y man xtaya' ta k'a q'ij chi yin xkichuwir-qa chiri'.

Hechos 4:30

Niqak'utuj k'a chuqa' chawe, chi pa rubi' ri Jesús ri loq'olej ak'ajol, xke'ak'achojirisaj ta ri yawa'i', y chi ye'aben ta meyel taq banobel y retal, xecha'.

Hebreos 7:26

Y kan ruk'amon-wi chi ri Jesús xok qanimalej sacerdote, roma rija' kan loq'olej-wi. Man jun bey xuben ta jun mak. Man jun etzelal k'o pa ruk'aslen y man junan ta kik'in ri aj-maki', y kan ya'on-wi ruq'ij chila' chikaj.