Hechos 4:24 - Kaqchiquel Bible

²⁴ Toq ri kachibil xkak'axaj ri xkitzijoj, junan k'a xech'on rik'in ri Dios konojel y xkibij k'a:*f13* Roma rat, ajaw Dios, xabanon ri kaj y ri ruwach'ulew, ri palou y ronojel ri ek'o chupan.

နောက်ထပ်ဗားရှင်းများ

Kaqchikel Santo Domingo (Xenacoj)

²⁴ Y atoq ri hermanos xkakꞌaxaj ri xkibꞌij ri Pedro y ri Juan, xe jun kánima xkibꞌen orar y kereꞌ xkibꞌij: Nimalej Ajaw, ja rat bꞌanayon ri rochꞌulew y ri kꞌo chuwech, ri kaj y ri kꞌo chuwech, ri mar y nojel ri kꞌo chupan.

Kaqchikel Santa Maria de Jesus

²⁴ Y antok ijejeꞌ xcaꞌxaj ri xquitzijuoj ri Pedro y ri Juan, quinojiel junan xquiꞌan orar y cava xquiꞌej chupan ri qui-oración: Namalaj Dios, atreꞌ ri xaꞌan nojiel; xaꞌan ri rocaj y ri icꞌo choch, xaꞌan ri roch-ulief y ri icꞌo choch, xaꞌan ri mar y ri icꞌo chupan.

Kaqchikel Central Guatemala

²⁴ Y tok ri cachibil xcac'axaj ri xquitzijoj, junan c'a xquiben orar conojel y xquibij c'a chupan ri qui-oración: Nimalej Ajaf Dios, rat ri xabanon ronojel, rat ri xabanon ri caj y ri ec'o chupan, rat ri xabanon re ruvach'ulef y re ec'o chuvech, rat ri xabanon ri mar y ri ec'o chupan.

Re C'ac'a Testamento pa Kach'abal

²⁴ Y re je quichibil, tak xquic'axaj re xquitzijoj, junan c'a xquiban orar conojel y xquibij chupan re qui-oración: Namalaj Ajaf Dios, rat re xabano ronojel, rat re xabano re rocaj y re jec'o chach, rat re xabano re ruch'ulef y re jec'o chach, rat re xabano re mar y re jec'o chupan.

Kaqchikel Western Solola

²⁴ Y tek ri cachibil xquic'axaj ri xquitzijoj, junan c'a xquiben orar quinojel y xquibij c'a chupan ri qui'oración: Nimalaj Ajaf Dios, riyit ri xabano ronojel, riyit ri xabano ri caj y ri yec'o chuwech, riyit ri xabano re ruwach'ulef y re yec'o chuwech, riyit ri xabano ri mar y ri yec'o chupan,

Hechos 4:24 ပူးပေါင်းရင်းမြစ်များ

2 Rey 19:15

K'ari' xch'on rik'in ri Jehová y xubij: Jehová Dios richin Israel, ri atk'o chikikojol ri querubín; ja rat xabanon ri kaj y ri ruwach'ulew, y ja rat ri yaq'aton-tzij pa ruwi' chijun ruwach'ulew.

2 Rey 19:19

Wakami k'a, Jehová ri at qa-Dios, tabana' utzil qojakolo' pa kiq'a' rije', richin chi niketamaj konojel ri q'atbel taq tzij richin re ruwach'ulew chi xaxe rat Jehová, kan xaxe rat ri at Dios, xcha'.

Wuj Richin ri Nehemías 9:6

Xaxe rat Jehová ri atk'o pa qawi', y man jun chik achi'el rat. Ja rat ri xabanon ri kaj ri tz'etel y ri man tz'etel ta, y xe'aben ri ch'umila', ri ruwach'ulew y ronojel ri ek'o chuwech. Keri' chuqa' xe'aben ri palou y ronojel ri ek'o chupan. Ja rat ri yaya'on ri k'aslen chike konojel ri ek'o, y roma ri' konojel ri ek'o chikaj nikiya' aq'ij.

Ex 20:11

Roma yin Jehová, pa waqi' q'ij xinben ri kaj, ri ruwach'ulew, ri palou y ronojel ri ek'o chupan, jak'a chupan ri ruwuq q'ij, yin kan xinuxlan chire ri samaj ri'. Roma ri' ri ruwuq q'ij kan xinch'er richin uxlanen.

Wuj Richin ri Isaías 51:12

Ri Jehová nubij: Ja yin, ja yin ri' ri yikuquban ik'u'x. ¿Ix achike k'a rix richin chi nixibij-iwi' chuwech ri wineq ri xa q'axel, wineq ri xa kan chi'anin nik'is achi'el q'ayis?

Wuj Richin ri Jeremías 20:13

Ninbixaj abi' rat Jehová, ninya' aq'ij roma rat xinakol, yin ri in poqonatajineq pa kiq'a' ri e banoy taq etzelal.

Wuj Richin ri Jeremías 32:17

¡Wajaw Jehová!, rik'in ri nimalej awuchuq'a' xaben ri kaj y ri ruwach'ulew y kan man jun k'ayew chawech rat.

Hechos 14:15

¿Achike roma toq rix niben kere'? Roj oj winaqi' achi'el rix, y oj peteneq iwik'in richin noqabij chiwe chi timestaj kan re na'oj ke taq re', ri xa man jun utz nuk'en-pe chiwe, y tinimaj k'a ri k'aslik Dios ri banayon ri kaj y ri ek'o chupan, ri banayon re ruwach'ulew y ri ek'o chuwech, ri banayon ri palou y ri ek'o chupan.

Hechos 16:25

Y pa nik'aj-aq'a' la'eq ri' ri Pablo y ri Silas nikiya' ruq'ij ri Dios rik'in bix, y chuqa' yech'on rik'in ri Dios. Y ri ch'aqa' chik ri ek'o pa cárcel yekak'axaj k'a.

Hechos 4:23

Toq ri Pedro y ri Juan xe'isq'opex-el, choj xetzolin k'a kik'in ri kachibil, y xbekitzijoj k'a chike ronojel ri bin-el chike koma ri aj-raqen pa kiwi' ri sacerdote y ri achi'a' ri k'o kiq'ij.