Hechos 3:25 - Kaqchiquel Bible

²⁵ Qichin k'a roj judío ri xusuj kan ri Dios koma ri e q'alajirisey ri xbix chike roma rija'. Y kan qichin chuqa' roj ri xusuj toq xuben ri jun jikibel-tzij kik'in ri qati't-qamama'. Roma xubij chire ri Abraham chi ri winaqi' ri ek'o chuwech re ruwach'ulew xtikik'ul k'a utzil roma ri riy-rumam rija', ri xtibe'alex.*f12*

နောက်ထပ်ဗားရှင်းများ

Kaqchikel Santo Domingo (Xenacoj)

²⁵ Kin iwichin rix ri rusujun kan ri Dios chupan ri rutzij ri kitzꞌibꞌan kan ri profetas ojer, y chuqaꞌ iwichin rix ri pacto ri ruyoꞌon kan ri Dios chake ri ojer teq qatit-qamamaꞌ atoq kereꞌ xubꞌij chare ri Abraham: Roma jun awiy-amam ri ndekꞌojeꞌ más chawech apu, ndiqaqa ri favor niyaꞌ riyin pa kiwiꞌ konojel kiwech wineq chochꞌulew. Keriꞌ xubꞌij ri Dios.

Kaqchikel Santa Maria de Jesus

²⁵ Can ivichin ixreꞌ ri quiꞌeꞌn can ri profetas ri xaꞌcꞌujieꞌ ojier can tiempo. Y can ivichin ixreꞌ ri xuꞌej ri Dios antok xuꞌon ri jun pacto quiqꞌuin ri kateꞌt-kamamaꞌ can, antok xuꞌej cha ri Abraham chi ri vinak ri icꞌo choch-ulief ncaꞌan bendecir ruma ri jun rumáma ri xticꞌujieꞌ.

Kaqchikel Central Guatemala

²⁵ Y can ivichin c'a rix ri e rusujun can ri Dios chupan ri e tz'ibatel can coma ri achi'a' ri xek'alajirisan ri xbix chique roma ri Dios ri ojer can. Y can ivichin chuka' rix ri xusuj tok xuben ri jun trato quiq'uin ri ojer tak kati't-kamama', tok xubij chire ri Abraham chi ri vinek ri ec'o chuvech re ruvach'ulef xtiquic'ul c'a utzil roma ri riy-rumam rija', ri xte'alex.

Re C'ac'a Testamento pa Kach'abal

²⁵ Y can ivichin c'a yex re je'rusujun can re Dios chupan re je'tz'iban can coma re profetas. Y can ivichin chuka' yex re xusuj tak xuban re jun trato quiq'uin re kavinak xe'c'ue' ajuer can, tak xubij cha re Abraham che re vinak re jec'o chach re ruch'ulef xtiquic'ul re bendición roma re rey-rumam reja', re xtalax.

Kaqchikel Western Solola

²⁵ Y can iwuche (iwixin) c'a riyix ri ye rutzujun (rusujun) ca ri Dios chupan ri ye tz'ibatal ca cuma ri profetas ri xek'alajsan ri ruch'abel ri Dios ri ojer ca. Y can iwuche (iwixin) chuka' riyix ri xutzuj (xusuj) tek xuben ri jun trato quiq'ui ri ojer tak kati't kamama', tek xubij chare ri Abraham chi ruma jun riy rumam riya' ri xtibec'oje' na tek ri winek ri yec'o chuwech re ruwach'ulef xtiquic'ul c'a utzil.

Hechos 3:25 ပူးပေါင်းရင်းမြစ်များ

Wuj Richin ri Rutikeribel 22:18

Roma xanimaj nutzij, koma k'a ri awijatzul rat xtinya' k'a urtisanik pa kiwi' tzobaj taq winaqi' richin chijun ruwach'ulew, xcha' ri Dios chire.

Hechos 2:39

Roma jare' ri rusujun ri Dios, man xaxe ta chiwe rix, ni chike ri iwalk'ual, xa kan chike k'a konojel winaqi' ri ek'o nej-naqaj; roma konojel k'a re' e oyon roma ri qajaw Dios, xcha' ri Pedro.

Gálatas 3:8

Y chupan ri ruch'abel ri Dios, niq'alajin chi ri Dios kan xtuben-wi k'a chike ri winaqi' ri man e judío ta chi man jun kimak yek'ulun chuwech rija' wi nikikuquba' kik'u'x rik'in. Y chuqa' xbix k'a chire ri Abraham chi roma rija', konojel winaqi' richin chijun ruwach'ulew kan xtikik'ul-wi ri utzil.*f5*

1 Crón 16:17

re jikibel-tzij ri xuben chik rik'in ri Jacob, re jikibel-tzij richin q'asen ri xuben qik'in roj ri oj israelita.

Wuj Richin ri Rutikeribel 12:3

Y xkenwurtisaj ri xke'urtisan awichin rat. Y ri xtikoyoj itzel pan awi', chuqa' yin xtinya' itzel pa kiwi'. Y awoma k'a rat xkenwurtisaj konojel jay winaqi' richin chijun ruwach'ulew, xcha'.

Apocalipsis 7:9

Chirij ri' yin xintz'et k'a chi e janila winaqi' ri kan man e ajlatel ta, richin jalajoj ruwach'ulew, ijatzul, tinamit y ch'abel. Konojel re winaqi' re' e pa'el-apo chuwech ri tz'uyubel richin ri Dios y chuwech apo ri Karne'l. E kikusalon k'a seq ta tzieq y e kik'ualon ruq'a' palma richin nikik'ut ri kikoten.

Gálatas 3:16

Keri' chuqa' toq ri Dios k'o xusuj chire ri Abraham ri ojer kan, y chire jun chike ri e rijatzul. Y niq'alajin k'a chi ri Dios man xch'on ta chikij konojel ri e rijatzul ri Abraham ri xkek'oje'. Xaxe chirij jun xch'on-wi. Y ri' ja ri Cristo.*f10*

Romanos 4:13

Ri Dios xubij chire ri Abraham chi xtuya' ri ruwach'ulew pa ruq'a' rija' y chike ri e rijatzul richin nikichinaj. Ri Dios xubij kere' chire ri Abraham roma rija' rukuquban ruk'u'x y man jun rumak xk'ulun chuwech, jak'a man roma ta rubanon ri nubij ri pixa' richin ri Moisés.

Gálatas 3:29

Y roma ri' qonojel ri oj richin chik ri Cristo, xojok riy-rumam kan ri Abraham. Y niqichinaj k'a chuqa' ri utzil ri xusuj ri Dios chire rija' ri ojer kan.

Wuj Richin Bix Chire ri Dios 22:27

Konojel k'a ri winaqi' ri e richin chijun ruwach'ulew, xkepe y xtikiya' aq'ij. Chi achijlonela', ixjayilonela' y alk'ualaxela', xtikiya' aq'ij.

Wuj Richin ri Nehemías 9:8

Y xatz'et k'a, chi rija' kan xukuquba' ruk'u'x awik'in. Chuqa' kan xajikiba-atzij chire chi naya' chike ri rijatzul rija', ri ruwach'ulew kichin ri cananeo, ri hitita, ri amorreo, ri ferezeo, ri jebuseo y ri gergeseo. Y kan keri' k'a xaben roma rat kan naben ri nabij.

Wuj Richin ri Rutikeribel 28:14

Roma ri awijatzul ri xkebek'oje' achi'el ri poqolaj ri kan man ajlatel ta y xtikinojisaj ri ruwach'ulew, roma xkebek'oje' pa xaman, pa xokon, pa relebel-q'ij y pa qajbel-q'ij. Y awoma rat y koma ri awijatzul xtikik'ul urtisanik ri winaqi' ri pa taq tzobaj kik'uan-ki', chi kach'alal-ki', ri junan kich'abel y junan ri kiruwach'ulew.

Wuj Richin ri Rutikeribel 26:4

Y yin xtinben chi xtik'iyer ri awijatzul achi'el ruk'iyal ri ch'umila' ri ek'o chikaj, y chike k'a ri awijatzul xtinya-wi kan ronojel re ruwach'ulew re'. Chuqa' konojel ri tzobaj winaqi' richin ri ruwach'ulew xtinbenya' urtisanik pa kiwi' koma ri awijatzul rat.

Wuj Richin ri Rutikeribel 20:7

Wakami k'a tatzolij-el ri ixoq chire ri Abraham, ri rachijil y roma rija' jun q'alajirisey ri nuch'abel yin, kan xtuk'utuj chuwe yin pan awi' rat. Jak'a wi man xtatzolij ta xkaken rat y konojel ri winaqi' ri ek'o chupan ri aruwach'ulew, xcha'.

Wuj Richin ri Rutikeribel 17:19

Y ri Dios xubij chire ri Abraham: Kan qitzij na wi chi rik'in ri Sara ri awixjayil xtibek'oje' jun ak'ajol y xtiberubini'aj Isaac y rik'in rija' xtinjikiba' kan ri nutzij y xtibek'oje' kik'in ri rijatzul richin q'asen.

Apocalipsis 14:6

Chirij ri' xintz'et jun ángel ri nixik'an pa runik'ajal ri kaj, ri uk'uayon ri utzilej ch'abel richin kolotajik ri man k'isel ta richin nuya' chike ri winaqi' richin jalajoj ruwach'ulew, ijatzul, tinamit y ch'abel.

Apocalipsis 5:9

Y ri achi'a' ri' k'o jun k'ak'a' bix nikibixaj chire ri Karne'l. Y ri bix ri' nubij: Rat kan ruk'amon-wi richin xabek'ama-pe ri wuj, kan ruk'amon-wi chi ja rat yatelesan ri e tz'apeben-wi kan; roma rat kan xakamisex, kan rik'in ri akik'el xojakol qonojel richin xojok richin ri Dios. Xojakol stape' oj richin jalajoj ijatzul, ch'abel, tinamit y ri ruwach'ulew.

Romanos 15:8

Keri' ninbij chiwe, roma ri Cristo xpe richin xojruto' qonojel roj judío, richin xuk'ut chiqawech chi ri Dios kan nuben-wi achi'el ri xubij chike ri ojer taq qati't-qamama'.

Hechos 13:26

Rix nuwinaq judío, ri kan oj rijatzul kan ri qatata' Abraham, y rix ri man ix judío ta, ri kan niya' ruq'ij ri Dios, ninbij k'a chiwe chi ri ruch'abel ri Dios, ri kan nich'on k'a chirij ri kolotajik, kan qichin k'a roj ya'on-pe.

San Lucas 1:72

Xubij chi xtujoyowaj kiwech ri qati't-qamama' ri xek'oje' ojer kan, y kan nuben-wi ri xubij toq xuben ri loq'olej jikibel-tzij.

Wuj Richin Bix Chire ri Dios 96:7

Tiqak'ama-pe bix chire ri Jehová qonojel roj: Achijlonela', ixjayilonela' y alk'ualaxela' richin chijun ruwach'ulew. Kan tiqaya' k'a rejqalen ri ruk'ojlemal y ri ruchuq'a' ri Jehová.

Wuj Richin ri Rutikeribel 18:18

roma kan qitzij na wi chi ri Abraham xtibe'ok jun nimalej tata'aj richin jun nimalej tzobaj winaqi' y kan xtik'oje' k'a uchuq'a' pa kiq'a' chuwech re ruwach'ulew y roma rija' xtinya' urtisanik pa kiwi' konojel ruwach'ulew.

1 Crón 16:16

Re jikibel-tzij re' ri xuben rik'in ri Abraham, re yo'ontzij re' ri xuben rik'in ri Isaac,