Hechos 3:19 - Kaqchiquel Bible

¹⁹ Wakami titzolej k'a pe ik'u'x rik'in ri Dios, y tijalatej ri ik'aslen, richin keri' nikuyutej y nisachatej ri imak. Y xkepe k'a q'ij richin uxlanen toq ri ajaw kan k'o chik iwik'in.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁹ Romariꞌ, tiyaꞌ chiwij chi ma utz ta ri xibꞌen, titzolij pe iwánima rikꞌin ri Dios y titaqij ri Jesús, chin ndikuyutej ri imak.

Kaqchikel Santa Maria de Jesus

¹⁹ Vacame titzalaj-pa ivánima riqꞌuin ri Dios y tibꞌanaꞌ ri nrajoꞌ jajaꞌ y ticꞌaxaꞌ ri icꞌaslien, chi quireꞌ niꞌan perdonar ri i-pecados. Y xcaꞌpa tiempos richin uxlanien, antok ri Ajaf xticꞌujieꞌ chiꞌicajol.

Kaqchikel Central Guatemala

¹⁹ Vacami titzolej c'a pe ic'u'x riq'uin ri Ajaf Dios y tijalatej ri ic'aslen, richin queri' nicuyutej y nisachatej ri imac. Y xquepe c'a tiempos richin uxlanen tok ri Ajaf can c'o chic iviq'uin.

Re C'ac'a Testamento pa Kach'abal

¹⁹ Mare' vocame titzolaj-pa ivánma riq'uin re Ajaf Dios y tijalataj re ic'aslen chach, chin quire' nicuyutaj re imac. Y xque'pa tiempo chin uxlanen tak re Ajaf Dios can c'o chic iviq'uin.

Kaqchikel Western Solola

¹⁹ Wacami titzolin c'a pe ic'u'x riq'ui ri Ajaf Dios y tijalatej ri ic'aslen, riche (rixin) chi queri' nicuyutej y nisachatej ri imac. Y xquepe c'a tiempo riche (rixin) uxlanen tek ri Ajaf c'o chic iwuq'ui.

Hechos 3:19 ပူးပေါင်းရင်းမြစ်များ

Wuj Richin Bix Chire ri Dios 103:12

Ri qamak kan nej k'a xrelesaj-el chiqe roj. Kan achi'el k'a ri nej rukojol ri relebel-q'ij rik'in ri qajbel-q'ij.

Wuj Richin Bix Chire ri Dios 51:13

Keri' kan xtink'ut k'a chikiwech ri ch'aqa' chik aj-maki' ri abey rat. Y keri' ri winaqi' ri' kan xtitzolej k'a pe kik'u'x y kan xtikinimaj ri atzij.

Wuj Richin Bix Chire ri Dios 51:9

Kan man chik tatzu' ri numak. Kan tayojo' k'a ronojel ri man utz ta ri xinben.

Wuj Richin ri Isaías 43:25

Ja yin ri yiyojon ronojel ri imak roma xinjikiba' nutzij. Roma ri' kan man xtoqaqa ta chik chinuk'u'x ri imak.

Wuj Richin ri Isaías 44:22

Yin kan xinyoj yan k'a ronojel imak, kan xinben yan chire achi'el toq nik'is-el ri sutz' richin nimaq'a'. Roma ri' kan titzolin k'a pe ik'u'x wik'in, roma yin kan xixinkol yan.

Wuj Richin ri Isaías 51:11

Ri xe'akol-pe rat xketzolej-pe. Y kan xke'ok pa tinamit Sión rik'in bix. Kan niq'alajin kipalej chi janila yekikot richin jantape'. Kan ja ri kikoten ri xtik'oje' kik'in, y kan k'a janila nej xtik'oje-wi kan ri bis y ri oq'ej, yecha' ri winaqi'.

Wuj Richin ri Isaías 6:10

Y rat Isaías, kan tabana' chike re awinaq re' richin kan xtikikowirisaj ri kánima. Kan tabana' chike richin xketokonir. Chuqa' kan xkemoyir richin man xtikitz'et ta chik. Roma, man ninwajo' ta chi rije' xtikitz'et ri nubanobal, y chuqa' xtikak'axaj ri nuch'abel, y xkinkitzeqelibej ta chik. Y man ninwajo' ta chi xkenk'achojirisaj, xcha'.

Wuj Richin ri Isaías 61:3

Xiruteq-pe kik'in ri winaqi' aj-Sión ri ek'o pa bis, richin xtik'oje' kikoten kik'in, achi'el toq niya'ox jun corona pa ruk'exel ri chaj ri k'o pa kiwi'. Pa ruk'exel ri bis xtik'oje' jubulej taq aq'om, y pa ruk'exel nikikusaj tzieq richin bis, nikikusaj tzieq richin kikoten. Ri winaqi' ri' kan jantape' xtikiben pa ruchojmilal, roma rije' e achi'el jun paten-che' ri tikon roma ri Jehová, ri man niq'ochotej ta roma ri kaq'iq'. Y ri winaqi' ri' e banon richin nikiya' ruq'ij rija'.

Wuj Richin ri Isaías 61:9

Ri kijatzul kan xtinimirisex k'a kiq'ij chikikojol ri ch'aqa' chik tzobaj winaqi' richin ri ruwach'ulew. Konojel k'a ri xketz'eton kichin xtikinimaj k'a chi rije' kan kik'ulun urtisanik pa nuq'a' yin. Kere' nubij ri Dios, ncha'.

Wuj Richin ri Jeremías 36:3

Rik'in juba' xtikak'axaj ta ri awinaq ri itzel ri ninch'ob richin ninya-pe pa kiwi' y nitzolin ta pe kik'u'x chikijujunal rije' chupan ri itzel laj bey ri kik'uan kan. K'ari' yin xtinkuy ri itzel taq kibanobal y ri kimak, xcha' chuwe.

Wuj Richin ri Jeremías 50:20

Yin Jehová ri yibin. Y chupan ri q'ij ri', wi jun wineq nukanoj richin nubij ri imak, man xtril ta, roma yin xkenkuy ri juba' ri xekanej kan.

Wuj Richin ri K'uxla'anik 3:40

Tiqach'obo-qa rij ri bey ri qak'uan; y titzolej k'a pe qak'u'x rik'in ri Jehová.

Wuj Richin ri K'uxla'anik 5:21

Tajoyowaj chik k'a qawech Jehová, richin kan xtitzolej chik k'a qak'u'x awik'in. Tabana' chi xqojkikot achi'el ri ojer kan.

Ez 33:11

Jak'a yin Jehová ninbij chi man ninwajo' ta chi niken jun wineq, stape' rujachon-ri' chubanik etzelal. Ri ninwajo' yin chi nujel ta ri ruk'aslen y xtiyaloj xtik'ase'. Roma ri' tabij chike chi tikiya' kan ri itzel k'aslen richin man yeken ta.

Dn 9:13

Kan xpe k'a ri ruk'ayewal pa qawi' achi'el ri tz'ibatel kan chupan ri wuj richin ri pixa' ri ruya'on kan ri Moisés. Man rik'in ri' kan man at qakanon ta k'a y man qaya'on ta kan ri itzel banobel, richin ta chi yojbiyin pa ruchojmilal chawech rat.

Os 14:2

Titzolej-pe ak'u'x y kach'on rik'in, tak'utuj utzil chire y kere' k'a tabij: Tabana' utzil Jehová takuyu' ronojel ri qamak. Tak'ulu' k'a chi utzil ri bix ri niqasuj chawe.

Joel 2:13

Kan ja k'a ri iwánima ri janila tibison, y man ja ta ri niretz ri itziaq chiwij retal richin yixbison. Kan titzolej-pe ik'u'x rik'in ri Jehová ri qa-Dios, roma rija' janila nujoyowaj iwech y janila nikoch'on. Xa kan niyoke' na chire ri royowal, y kan janila nim ri rajowabal. Chuqa' rija' kan janila joyowanik k'o rik'in, y rija' jantape' nikuyun mak; y man nrajo' ta nuya-pe ri rutojbalil-mak.

San Mateo 13:15

Roma re winaqi' re' kan xkikowirisaj ri kánima. Kan tabana' chike richin xketokonir. Chuqa' kan xkemoyir richin man xtikitz'et ta chik. Roma, man ninwajo' ta chi rije' xtikitz'et ri nubanobal, y chuqa' xtikak'axaj ri nuch'abel, y xkinkitzeqelibej ta chik. Y man ninwajo' ta chi xkenk'achojirisaj, nicha' ri Isaías.

San Mateo 18:3

Y xubij chike: Kan qitzij k'a ninbij chiwe, chi wi rix man nijel ta ri ich'obonik, y man yixok ta achi'el re ti ak'ual re', man xkixok ta pan ajawaren.

San Lucas 1:16

Y xtuben k'a chike e k'iy awinaq judío richin nikinimaj ri ajaw Dios.

San Lucas 22:57

Jak'a ri Pedro xa xrewaj k'a chuwech ri xten, y xubij: Yin man wetaman ta ruwech ri Jesús, xcha'.

Hechos 1:6

Y ri kimolon k'a ki' xkik'utuj chire ri Jesús: Ajaw, ¿man ja ta kami q'ij re' toq natzolij chik ri q'atbel-tzij pa qaq'a' roj judío?, xecha' chire.*f1*

Hechos 11:18

Toq rije' xkak'axaj re', man jun chik xkibij-apo. Jak'a nikiya' ruq'ij-ruk'ojlen ri Dios, y nikibij k'a: Ri Dios kan xuya' k'a chuqa' q'ij chike ri man e qawinaq ta richin chi nitzolin-pe kik'u'x rik'in rija', richin chi nikil kik'aslen rik'in, xecha'.

Hechos 11:21

Ri ruchuq'a' ri Dios kan k'o-wi kik'in ri achi'a' ri'. Roma ri' toq e janila k'a e k'iy winaqi' ri xeniman y xkikuquba' kik'u'x rik'in ri ajaw Jesucristo.

Hechos 15:3

Xetaq k'a el koma ri molaj qach'alal ri ek'o pan Antioquía; y xebe k'a, y xeq'ax ri pa taq tinamit ri ek'o pa Fenicia y ri pa Samaria. Nikitzijola' k'a kan chike ri qach'alal chi e k'iy winaqi' ri man e judío ta ri xkinimaj ri Jesucristo y xjalatej kik'aslen. Y ri qach'alal k'a ri xe'ak'axan, janila k'a xkikot kan ri kánima.

Hechos 17:26

Chuqa' kan rubanon chiqe qonojel ri ojk'o chuwech re ruwach'ulew chi xa rik'in jun wineq oj peteneq-wi. Rija' ojer ri' rubin kan ri akuchi ojk'o-wi, y janipe' juna' yojk'ase'.

Hechos 2:38

Ri Pedro xubij chike: Titzolej-pe ik'u'x rik'in ri Dios, y pa rubi' ri ajaw Jesucristo tiya' q'ij chi niya'ox ya' pan iwi', richin keri' nikuyutej ri imak. Y ri Dios xtuya' ri Loq'olej Espíritu chiwe.

Hechos 28:27

Ri kánima kan janila xkikowirisaj. Kan tabana' chike richin xketokonir. chuqa' kan xkemoyir richin man xtikitz'et ta chik. Roma, man ninwajo' ta chi rije' xtikitz'et ri nubanobal, y chuqa' xtikak'axaj ri nuch'abel, y xkinkitzeqelibej ta chik. Y man ninwajo' ta chi xkenk'achojirisaj, nicha' ri Isaías.*f42*

Hechos 3:20

Wi xtitzolej-pe ik'u'x rik'in ri Dios, rija' xtuteq chik k'a pe ri Jesucristo, ri kan ya'on-pe rutzijol chiwe roma ri Dios.

Hechos 3:21

Jak'a re wakami, k'o chi nik'oje' na ri chila' chikaj, kan k'a toq xtapon na ri q'ij toq xtiban ruchojmil ronojel. Keri' nubij ri Dios chupan ri e kitz'iban kan ri e loq'olej q'alajirisey ruch'abel ri Dios ri ojer kan.

Romanos 11:25

Wach'alal, yin ninwajo' chi rix iwetaman ta re k'a juba' tuq'alajirisaj ri Dios, richin man xa tina-iwi' iyon rix chi janila iq'ij. Y ri nuwinaq judío ri kowirineq ri kánima y man nikajo' ta nikinimaj ri Dios, keri' xkek'oje', k'a toq xkekolotej na ri man e judío ta.

2 Tesalonicenses 1:10

Ronojel re' xtibanatej chupan ri q'ij toq xtipe ri ajaw, richin xtuk'ul ruq'ij-ruk'ojlen koma ri loq'olej e richin rija' y xtikimey janila. Rix chuqa' xtiben kere' roma kan xinimaj ri ruch'abel ri Dios ri xqabij chiwe.

2 Tesalonicenses 1:7

Y xtuya' uxlanen chiwe rix ri itijon-pe poqon, y chuqa' chiqe roj. Re' xtibanatej ri q'ij toq xtok'ulun chila' chikaj ri ajaw Jesús e rachibilan-pe ri ángel ri k'o janila uchuq'a' kik'in,

2 Timoteo 2:25

Y rik'in ch'uch'ujil tabij chike ri winaqi' ri man junan ta kich'obonik pa ruwi' ri ruch'abel ri Dios, chi tikijala' ri kich'obonik. Rik'in juba' rija' nuya' q'ij chike richin nikitzolij-ki' chikij y xtiketamaj ri qitzij.

Hebreos 4:1

Roma ri' tiqachajij-qi', man xa tiqaben achi'el xkiben ri winaqi' ri' y xa man yojok ta chupan ri uxlanen ri rubin ri Dios ri k'a nusuj na chiqe.

1 Pedro 2:25

Rix ri rubanon kan, xa italun-iwi' achi'el taq karne'l ri e sachineq kan. Jak'a re wakami tzolejineq chik pe ik'u'x rik'in ri Yuq'unel iwichin y ri nichajin ri iwánima.

2 Pedro 3:8

Jak'a rix wach'alal ri yalan yixinwajo', ninbij k'a chiwe chi man timestaj chi rik'in ri Dios, jun q'ij achi'el 1,000 juna', y 1,000 juna' achi'el ok jun q'ij.

Apocalipsis 21:4

Y ri Dios kan xtusu' k'a el ri ruya'al runaq'-kiwech, roma kan xtuben chi xtik'is-el ri q'axo'n y ri jiloj. Kan xtik'is-el chuqa' ri kamik y ri oq'ej. Kan xkek'is k'a ronojel ri xek'oje' pa nabey, xcha'.