Hechos 3:18 - Kaqchiquel Bible

¹⁸ Jak'a kan xbanatej-wi k'a achi'el xubij ri Dios chike ri e q'alajirisey ruch'abel. Rije' xkitz'ibaj k'a kan chi ri xtipe richin nuq'et-tzij*f10* k'o k'a chi nuk'owisaj na tijoj-poqonal.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁸ Pero rikꞌin ri xuqꞌasaj ri Jesús pa rukꞌaslen, ri Dios xubꞌen ri ruqꞌalajrisan kan pa kichiꞌ konojel ri profetas ojer, ri kibꞌiꞌin kan chi ri Jun nditaq pe chukolik ri rutinamit ri Dios kin xtuqꞌasaj wi kꞌayew.

Kaqchikel Santa Maria de Jesus

¹⁸ Pero ri Dios nuꞌon cumplir incheꞌl ri ruꞌeꞌn-pa. Jareꞌ xquiꞌej quinojiel ri profetas ri xaꞌcꞌujieꞌ ojier can tiempo, chi ri Cristo can nuꞌon-na-ve sufrir.

Kaqchikel Central Guatemala

¹⁸ Can xbanatej-vi c'a achi'el ruch'obon-pe ri Dios. Y queri' ri tz'iban c'a can coma conojel ri achi'a' ri xek'alajirisan ri xbix chique roma ri Dios ri ojer can. Rije' quitz'iban c'a can chi ri Cristo c'o c'a chi nuc'ovisaj na tijoj-pokonal.

Re C'ac'a Testamento pa Kach'abal

¹⁸ Can xbanataj-va ancha'l runojim-pa re Dios. Y quire' re tz'iban can coma conojel re rusamajela' re Dios re xe'c'ue' ajuer can, re xbex profetas chique. Reje' quitz'iban can che re Cristo tiene que nuk'asaj q'uiy tijoj-pokonal.

Kaqchikel Western Solola

¹⁸ Can xbanatej wi c'a achi'el ri ruch'obon pe ri Dios. Y queri' ri tz'iban ca cuma quinojel ri profetas ri xek'alajsan ruch'abel ri Dios ri xec'oje' ojer ca. Riye' quitz'iban c'a ca chi ri Cristo c'o c'a chi nuk'axaj na tijoj pokonal.

Hechos 3:18 ပူးပေါင်းရင်းမြစ်များ

Wuj Richin ri Rutikeribel 3:15

Xtinben chiwe chi ri ixoq y rat xtik'oje' k'ululanik chi'ikojol, y keri' kik'in ri awijatzul rat; y jun chike ri ral-riy rija' xtupach'ij ri ajolon rat, y rat xtajich'aj ri ruxtuxil rija', xcha'.

Wuj Richin ri Isaías 50:6

Kan xinya' k'a ri ruche'el-wij chikiwech ri yech'ayon wichin, y chuqa' kan xinya' ri nupalej chikiwech ri xe'elesan ri rusumal-nuchi'. Kan man xinwewaj ta nupalej chikiwech ri janila xinkiyoq' y ri xinkichubaj.

Dn 9:26

Toq xq'ax yan ri 483 juna', kan xtelesex k'a ruk'aslen ri tata'al ri', jak'a xa man roma ta rumak rija'. Chirij re' jun aj-raqen ri man etaman ta ruwech y ri ruwinaq xkepe pa Jerusalem achi'el jun raqen-ya' ri nel-el pa ruk'ulba't. Y kan xtikiwulaj k'a ri tinamit Jerusalem y ri rachoch ri Dios. Ri ruk'ayewal y ri labal kan xtik'oje' k'a jantape' k'a toq xtik'is na ri 490 juna', achi'el ri rubin ri Dios.

Wuj Richin ri Zacarías 12:10

Xtinben chike ri e aj pa rachoch kan ri David y ri aj-Jerusalem chi xtipe rayinik kik'in richin yech'on wik'in, y xtik'oje' utzil kik'in. Stape' xkiju' jun kum pa nuch'akul, jak'a kan xkinkitzu' chik jun bey. K'ari' xkebison k'a y xke'oq' k'a woma yin, achi'el xa ta niken jun juney ak'ual.

Wuj Richin ri Zacarías 13:7

Ri Jehová nubij: Kayakatej k'a rat, espada, kayakatej richin nakamisaj ri nuyuq'unel y wachibil. Richin keri' xketalutej ri karne'l. Y yin chuqa' xkiyakatej chikij ri taq karne'l ri'.

San Lucas 24:44

Y xubij k'a chike: Pa nabey mul, xinbij k'a chiwe chi jare' ri k'o chi nink'uluwachij, y chi kan nik'atzin na wi chi nibanatej ronojel ri e tz'ibatel kan chuwij yin chupan ri ruch'abel ri Dios, achi'el ri e tz'ibatel kan roma ri Moisés, ri xeq'alajirisan ruch'abel ri Dios ri ojer kan, y ri e tz'ibatel kan chupan ri wuj richin bix, xcha'.

Hechos 10:43

Kan ojer k'a ri bitajineq kan koma ri xeq'alajirisan ri ruch'abel ri Dios, chi qonojel k'a ri xqakuquba' qak'u'x rik'in ri Jesucristo, xtikuyutej qamak pa rubi' rija', xcha'.

Hechos 2:23

Jak'a ri Dios xuya' k'a q'ij chi xjach ri Jesús pan iq'a', roma kan keri' ri ruch'obon-pe. Rix xiya' pa kiq'a' aj-maki', y keri' ja rix xixkamisan chuwa ri cruz.

Hechos 28:23

Xkicha' k'a kan jun q'ij richin keri' nikimol-ki', y ri Pablo xtubij k'a ri achike nikajo' niketamaj. Y toq xapon k'a ri q'ij, janila k'a winaqi' ri xbekimolo-ki' rik'in ri Pablo, y rija' xuchop k'a nutzijoj y nuq'alajirisaj chirij toq ri winaqi' ye'ok pa rajawaren ri Dios. Xch'on kik'in toq xel-pe ri q'ij k'a toq xtzaq na qa, roma rija' xrajo' k'a chi xq'ax ta chikiwech chi ri Jesús jari' ri Cristo, ri tz'ibatel kan roma ri Moisés y koma ri q'alajirisey ruch'abel ri Dios.

2 Pedro 1:21

roma kan ja ri Loq'olej Espíritu ri xbin chike ri k'o chi xkibij ojer kan, y man kiyon ta xkitz'uk-el.

Apocalipsis 19:10

Y yin kan jari' k'a xixuke' chuwech ri ángel ri' richin ninya' ruq'ij, jak'a rija' xubij chuwe: Man kaxuke' chinuwech. Roma yin xa in jun rusamajel ri Dios achi'el rat, y achi'el ri ch'aqa' chik ri kan xkik'ul ri ruch'abel ri Jesús y nikitzijoj. Ja ri Dios taya' ruq'ij. Y ri rutzijoxik ri Jesús, ja ri' ri ruk'u'x ri nikitzijoj ri q'alajirisanela', xcha'.